26~Dec~2009(五)
Boxing Day
今日要去姑奶度開party
每年仔仔囡囡
都會和一起長大的表哥表姐們
係聖誕節攪番個party
年年我地都無份架!
今年有幸被邀請
梗係應承啦
為咗呢個party
我又大顯身手(唔知羞)
整咗幾樣甜品
因為佢地都預備咗好多嘢食
首先係應大老爺要求嘅
滑滑椰汁糕~(食譜按此)
呢款椰汁糕係MAmiPOHpoh教我的
大老爺十分喜愛
第二樣係Nana出名嘅(食譜自COKI)
豆漿芝士凍餅
我應大老爺嘅要求
將佢改咗少少
做咗個椰汁豆漿芝士凍餅
遲啲出番個譜譜(請留意)
第三樣係新嘗試
朱古力小蛋糕
(食譜遲少少出)
第四樣係桂花紅豆糕
pack好晒出發啦
去到姑奶屋企
好大盆壽司呀)))))))))))))
仲有三支酒(好少酒精架)
仲有炸物
姑奶整嘅雞翼
肉醬意粉~呢個我食咗好多
大老爺買番嚟嘅家鄉雞
食完嘢
小朋友開始玩遊戲
唔知姑奶係邊度搵番個咁得意嘅玩具
今晚預備去嘅豆漿芝士凍餅
最獲好評
我會再整嘅
真係好好味呢!!!
25~Dec~2009(五)
聖誕節
好耐無出尖沙咀睇燈飾
自從仔仔囡囡大個咗之後
都無出過去
一來啲燈飾已經吸引唔到我
二來人又多好怕
********
今年
仔仔話陪大老爺出去睇燈飾
都唔明白大老爺咁鍾意睇呢?
但呢位老爺成日都三心兩意
一時又話出一時又話唔出
真係俾佢攪到亂晒!
*******
一家食完飯就搭巴士出尖沙咀
因為今日無封路
可以去到尖沙咀碼頭
半個鐘出到去都係9點啫
未落車已經見到人頭湧湧
成條天橋都係人頭
幾經辛苦先可以行近海運少少
都無法迫得到去門口
每年呢度都會佈置得好靚
不過
今年有啲失色
但仍然係咁多人
突然間個個舉起相機影呀影
原來啲花花走出毎人仔呢!
跟住行過去呢間新開嘅商場
1881
原來大老爺都唔知呢度改成咁
佢真係好耐無出老尖啦!
呢度都係勁多人
係度影番啲相先
我好鍾意囡囡呢張相
呢度啲建築物好有特色!
個個都打扮得好有聖誕氣氛
半島酒店
係比較靚嘅燈飾
跟住行過去尖東
好多人要行咗好耐先到
啲燈飾真係十年不變
都唔吸引
唔明白大老爺成日都話出去
有乜好睇啫?
叫仔仔同囡囡影張合照先!
行到尖東嘅大廣場
就回程去搭車啦
全程用咗兩個半鐘
行到我隻腳又好痛
不過唔想掃興
一家人咁樣就過咗呢一晚啦!
