29~June~2009(一)
天陰有雨
以為自己會無事
返到公司咪當乜事都無囉
點知
原來我放不低
今日返到去個人好緊張
連慣常嘅動作~簽到~都唔記得
要同事提我簽番
個心成日都卜卜跳
個人原來仲係好唔開心
有時覺得好心淡
做嘢幾盡責都無用
唔做咪唔錯囉
做得多咪錯得多囉
啲人要針對你
無論你做咗幾多次對都無用
一次錯誤俾佢捉著就咬住你唔放
咁做咁好做乜啫
擦鞋咪得囉，仲有得升添
使乜做到嘢啫
以後我返工當自己啞咗咪得囉
費事開口得罪人，俾人插死都唔知乜事!!!
【椒鹽排骨】~(食譜按此)
淨係得啲排骨好似寡咗啲
用蒜茸炒少少翠肉瓜墊會好啲!
【牛蒡炒三絲】~(食譜按此)
今次買呢個牛蒡係大陸貨，麻麻地
仲因為佢質地太硬，刨絲嘅時候插親隻手指
上次係日本超巿買嘅牛蒡好味好多!
【蒜茸炒莧菜苗】
突然好想飲一個新年嘅湯水
係印象中，呢隻湯都係冬天飲咁
【髮菜蓮藕蠔豉眉豆花生雞腳湯】~(食譜按此)
ZZZZZZZZ
28~June~2009(日)
成日都落雨
仲要一陣大一陣又無雨
變幻無常
噚日朝早焗完油
晏晝俾仔仔囡囡飛咗
得兩個老野去飲茶
兩個人無咗仔仔囡囡係度
不知傾得幾開心
原來
我唔鬧人嗰日真係會開心啲架
可惜大老爺仲係話我"日日都鬧人架啦"
平時食咗飯都返房打blog
邊有日日同佢傾到計呀?
咁又點會日日鬧人呀!
佢好似當咗口頭嬋咁!話得就話!
無解嘅!
唔知係咪心情好呢
平時大老爺咁講嘢我會即刻發火
噚日我竟然仲同佢講笑
原來咁嘅感覺好好
佢講乜我咪駁乜囉
唔使勞氣佢又舒服我又舒服!!!
但係我啲EQ唔高
無幾多次可以做得到架!
見番到屋企仲有時間
又有個水仙芒係度
咪開工囉
整咗諗住攞過去探我奶奶
點知奶奶又返咗去佢屋企
無法啦，又要迫仔仔囡囡食啦!
【芒果糯米糍】~(食譜按此)
今次唔係好得，係個皮唔夠甜又唔夠色
個餡又好難包，麻麻地
不過，我做咗個試驗
將三個放咗入雪柜
原來係唔雪得架
雪咗個皮硬咗好多，都食得但唔軟熟
個芒果就正好多!
26~June~2009(五)
28C~32C
有雨天氣好熱
之前見Sugar提到
用呢兩種東西減肥
覺得呢兩樣都幾好
~青瓜~硬豆腐~
噚日跟Sugar咁加麻油同醬油
但覺得麻油始終係油份
唔敢落咁多
~將硬豆腐用水灼一灼，撈埋青瓜加入麻油同生抽或醬油即可~
噚日跳完舞食咗，都幾飽!
今日專登去吉吉買醋
本來想買黑醋
但好貴要成70-80蚊一支日本黑醋
又怕自己一時一樣
無恆心食落去好浪費
所以買咗呢支柚子醋祇係$26.9試下
個味道唔錯噃
好香柚子味呢!
呢盒係我今日嘅午餐啦!
我改咗個方法整!
~先將硬豆腐成件蒸熟，待涼切件
(因為灼啲豆腐會容易散)
淋上芝麻醬(我諗豆腐唔適會落醋)
今次個青瓜用咗拍青瓜嘅方法
加入芝麻醬同柚子醋
好味道
加多幾片火腿，咁就一餐啦!
點解唔係夜晚食?
因為夜晚自己煮啲咁好味嘅餸
點忍得唔食?
無得食好慘架!
假期最後一日(24/6)咁鬼得閒
諗下有乜攪作
上一個星期買咗3蚊班蘭葉
用咗一半做九層糕
淨番一半做乜好呢?
我識整嘅嘢唔多
想諗一樣甜品
終於用番上次做糯米糍嘅譜譜
改咗用班蘭水
咁個餡我用咗蕃薯(係我自己諗架)
我諗咁諗會幾夾
但出嚟嘅效果係個餡實咗少少
下次用橙色蕃薯或香芋試下至得
個皮好軟熟，第二日食都咁正!
【班蘭蕃薯糯米糍】~(食譜按此)
[24~6~2009]
