2013年2月28日星期四

食譜 ~【西洋菜南北杏陳腎湯】

~西洋菜~

冬天的蔬菜

天氣轉涼,便是當造的時候

西洋菜可算是最常用來煲老火湯

秋冬打邊爐或煲靚湯

唔少得西洋菜

現在開始回暖

快快煲多兩次飲下先


2013年2月26日星期二

食譜 ~【玉兔湯圓】


昨日是正月十五

元宵節

亦即中國情人節

偶爾也會發現街上

有些男生著花束

想必是送給女友


2013年2月22日星期五

2013年2月20日星期三

光波爐食譜 ~【鹽燒鯖魚】

大家新春期間
食得很豐富是吧?
係時候食得清淡一點
以前媽媽常說
食得魚多,人都聰明點
大家信嗎?
其實也有科學根據的
魚類包含豐富的DHA
由其是鯖魚及鮪魚
DHA含量極高
DHA對小朋友腦部發展有幫助
咁小朋友要食多點噢
香港人愛吃日本食物
日本餐廳到處都是
我也時常幫襯
魚生是必食的
近年有一種魚生我怎愛吃的
食落酸酸肉質又實在
日本餐廳所製作的醋鯖魚
便是我最愛吃的魚生
每次必叫
今日介紹一個餸式
既方便
又可存備些存貨在冰箱
隨時都有得食
食鯖魚記得加鮮檸檬汁
好吃很多的呢
又可除去腥味!

2013年2月18日星期一

食譜 ~【Oreo香草意大利芝士杯】

作為書蟲的我

鍾意買書多過睇

行書局有咩新書而想片又靚的

都忍不住買下來

我買的大都是甜品或包點製作書籍

2013年2月13日星期三

食譜 ~【自。家。盆。菜】

蛇年大年初三

今日係新年中最清閒的一天

不過呢幾朝搵食好難

我朝朝要飲杯奶茶先安樂

屋企最近一間餐廳又唔開

去到大家樂又超多人
無法子都要等

噚晚年初二
回娘家食開年飯

做個盆菜以為唔太大

結果我地9個人都食唔晒
食咗2/3咋

媽子好開心
同盆菜
影番張靚相先

係九龍城買咗呢罐鮑魚
超唔掂

根本唔似鮑魚

大家認住唔好買呀
都唔知佢用咩整成鮑魚咁樣

【自。家。盆。菜】

食盆菜貪佢方便

一盆有晒咁多樣餸菜

又係一種傳統

試過訂過好多次盆菜

又貴之餘食落都係麻麻

食過幾次大約都知道材料

點解唔自己整?

公司之前訂的盆菜

我留起個盆
決心今年年初二

做個盆菜回娘家開年

諗住媽子拜神有雞有燒肉

我祇係預備要炆煮的盆菜底

上網search過盆菜資料

菜式大約都係咁上下

早於年廿八已經買好晒材料

怕年廿九多人又無時間買

年初二朝早開工煮

盆菜材料預備有
蘿蔔、炸芋頭、豬皮、支竹、蓮藕炆腩肉、髮菜蠔豉炆冬菇、雞、燒肉等等

其實現今菜式方面已經好隨意
平價又可貴價材料都得
總之放乜都可以

無乜特別規定盆菜主要將索味的材料放在底部

炆好的菜式放在上面

最後放上一些雞呀鮑魚呀大蠔豉或燒鵝........

我的自家盆菜

梗係用番自己想做的想食的

~第一層~

雞湯蘿蔔

用雞湯煮好蘿蔔

蘿蔔不要切得太細

要大大件
太細件好易淋晒



~第二層~

炸芋頭

將芋頭切大件

炸好便可不用炆
盆菜番熱便會入晒味



~第三層~

麵豉炆豬皮

可加入魚旦

不過我做咗鮻魚球

所以無加魚旦

l  豬皮先用水浸發(2小時)

l  用薑片出水

l  浸凍水搾乾水份

l  用蒜茸葱茸起鑊

l  加入甜麵醬及蠔油炆好豬皮

~第四層~

鮻魚球

l鮻魚肉加入2條臘腸及三棵芫茜

l再加兩茶匙生粉拌勻

l用手唧出圓球

l炸成鮻魚球

~第五層~

蓮藕墨膠釀豆卜

因家人好愛食豆卜

諗咗呢個新菜式

一樣咁入味

買來有機豆卜

樣子好得意

釀入墨膠似一個金元寶

l  墨膠加入蓮藕碎釀入豆卜中拌勻(可改用馬碲)

l  煎好便可

~第五層~

南乳蓮藕炆腩肉

一味好惹味的菜式

l  腩肉用五香粉、薑粉及酒醃過夜

l  蓮藕切件拍碎(拍的蓮藕入味好多)

l  用南乳爆香腩肉,加水炆至半熟

l  再力入蓮藕炆至收汁即成

~炆支竹~

支竹炸好,用南乳炆好支竹便可

點忘記炆支竹

好彩最後醒起炆好放番入去

我個part祇做到呢度

因為媽子要拜神

有燒肉及雞

叫媽子炆多碟冬菇

返到媽子家再砌好

包好錫紙

用筷子刺上多個小孔

讓加熱時疏氣

亦可幫助全部材料加入均勻

好味盆菜完成

下年會繼續

好味又唔貴

仲一定無味精添
仲有美味鮮魚
年年有餘

2013年2月10日星期日

食譜 ~【大吉大利麻茸湯丸】

年廿八
忙足一天
所有嘢都要呢一日做晒
夜晚仲要同媽咪團年
我梗係有早點返去幫手喇
不過百忙中
我的毛病又發作
諗起想做就要做
用咗兩個鐘玩咗呢個
先返去幫媽咪煮飯
今日年廿九依然咁忙
因為早上要返工呀

2013年2月3日星期日

食譜 ~【鮮魷炒瓜粒】

自從出咗hello kitty年糕
好多人鍾意
有個朋友仲同我訂咗一打
今朝晨早開工
做咗成日
其實仲想有多啲時間

仲有好多糕點我想做
蘿蔔糕.....
芋頭糕.....
馬碲糕等等.....
真係唔知邊度有咁多時間俾我整嘢
大老爺又投訴我掛住整嘢
頭痛呀!!!!!!!!!!
家常小炒
 普通菜式
自己做點都好過在外邊食
MOONmoon~
【鮮魷炒瓜粒】