2014年9月7日星期日

【2014~酥皮奶皇月餅】



中秋快到了
巿面上處處見到
各式各樣的月餅
一盒月餅現在價錢在二百至三百之間
23年流行吃酥皮月餅
大家可能覺得奶皇餡比較健康
實際上
做奶皇也要用上很多牛油及糖
酥皮更不用說
全是牛油的成果
不過吃落感覺無咁罪惡
而網絡上也見不少人
做出各式各樣的月餅
原來無打算做齊咁多樣月餅
祇想在最後一刻
做酥皮月餅送禮
不過
個個做得咁高興
引很我在極有限的時間內
做了花花冰皮月餅
也做了低糖的廣式月餅
今日
跟我的時間表
要做酥皮月餅了
除咗做奶皇酥皮月餅
還做了幾隻紫薯酥皮月餅
給有糖尿病的奶奶食
紫薯乜都無加
雖然口感無咁滑
但食得健康嘛
今年還用自已名字的餅片做
印出來好靚
還有英文中文2種



【酥皮奶皇月餅】
~改自葉潤發師傅食譜~
【奶皇材料】
(可做2863g)
低筋麵粉54克,吉士粉54克,奶粉54克,椰子粉10克,砂糖60克,煉奶70克,蛋90(蛋黃2隻,蛋汁60) ,椰漿270克,花奶20克,無鹽牛油136克,鹹蛋黃6
[蛋漿材料]
蛋黃1
[糖水材料]
熱水10克,黃糖50
【奶皇做法】
1.低筋粉、吉士粉、奶粉混合好,加入砂糖拌勻。
2.順次序加入煉奶、蛋黃、蛋汁及一半椰漿(70)拌勻。
3.再加入其餘椰漿和花奶拌勻。
4.最後加牛油搓勻。
5.燒一鍋滾水,將餡料放入淺盆,大火蒸 20分鐘。
6.其間要取出,用膠刮拌勻一至兩次。
7.蒸好取出,用膠刮拌勻,攤涼後包上保鮮紙,放入雪櫃雪一晚。
8.第二日取出,再次搓滑成奶皇餡料。
【酥皮材料】
砂糖130克,牛油310克,蛋汁50克,花奶60克,低筋粉600克,吉士粉40
[餅皮做法]
1.把砂糖及牛油放入大盆中拌勻。
2.加入蛋汁及花奶拌勻。

3.篩入低筋粉及吉士粉略為搓勻,包上保鮮紙,放入雪櫃冷藏半小時。

4.咸蛋黃去掉蛋白,灑上數滴玫瑰露酒,蒸8分鐘至熟,切粒粒。
5.將咸蛋黃碎加入奶皇餡中搓勻。
6.搓成長條形,平均分成30克一份,搓圓。
7.取出餅皮,分成40克一粒,搓圓。
8.利用膠袋或保鮮紙,將餅皮搟平成圓形,邊稍薄,包入一粒餡料包好,埋口。





9.月餅均勻地沾上小量低粉(餅模不用),搓成橢圓形,放入餅模,用手壓平,倒轉餅模,按下約2秒,退出月餅,掃走多餘餅粉。





10.250度預熱焗爐10分鐘,月餅入爐前,噴上清水,以250度焗5分鐘。

11.取出掃上一次蛋漿,吹乾約10分鐘。
12.再掃多一次蛋漿,以250度焗4分鐘。
13.取出掃一層糖漿,焗多1分鐘20秒即成。



31 則留言:

  1. 祝中秋節快樂啊! 你整既酥皮奶黃月餅好靚啊, 花紋好清楚啊! :)

    回覆刪除
    回覆
    1. 無錯, 經驗多了,個模的花又出

      刪除
  2. 我今年用同一食譜做咗,家人朋友都喜歡,中秋快樂

    回覆刪除
  3. 中秋節快樂, 祝你一家開開心心過中秋 ^^

    回覆刪除
  4. 我今年的奶皇月餅失敗了... 試了很多遍, 發現因為室內溫度太熱 (因家中冷氣壞了!) 所以令製作中的酥皮經常溶化...

    回覆刪除
    回覆
    1. 如天氣太熱,包好餡料可先放入雪柜冷藏半小時才取出焗

      刪除
  5. 中秋節快樂!
    你真係話咁易就整咗咁多月餅出嚟。

    回覆刪除
    回覆
    1. 想玩就要付出汗水,其實好辛苦架

      刪除
  6. 中秋節快樂! 啲月餅整得好靚呀!

    回覆刪除
  7. 中秋節快樂 :)
    自家製都係放心D ;)

    回覆刪除
    回覆
    1. 中秋節快樂^^無錯,而家外邊咁多地溝油,巧驚

      刪除
  8. 請問你的紫薯餡點做呀, 我家人喜歡紫薯, 能夠提供食譜嗎?

    回覆刪除
    回覆
    1. 紫薯餡正式做法要加油加糖及澄麵,但我乜都無加,祇係紫薯煮熟义成茸

      刪除
  9. 中秋節快樂! 個名焗完都好清楚喎.

    回覆刪除
    回覆
    1. 中秋節快樂^^個模真係唔錯呀

      刪除
  10. 昨天跟着你的食普同做法,焗完全走样。又爆又无花纹,奶黄又好似干。求指教。

    回覆刪除
    回覆
    1. 初次做很多時會無晒花紋,原因有很多,餅皮如太薄,壓紋的力度,掃得太多蛋汁,都會令花紋走晒,裂紋即你爐溫高了,這裏爐溫是以我個人爐溫而定,下次你調低10度看看會否好一點,至於奶皇餡,如你喜歡軟滑一點,可加多一點椰漿。

      刪除
  11. 請問焗嗰陣係開上下發熱管,定係開上或下其中一個?
    Thanks

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^