2008年11月4日星期二

食譜~【杏仁酥餅】

[杏仁酥餅]


材料
(1)
低筋粉 300g,牛油  200g,鹽4g,
砂糖50g,冰水 100g
(2)
杏仁片 100g,牛奶適量

做法:

(1) 低筋粉過篩,加入牛油(不需要解凍),切細粒,混合麵粉成粉油粒狀。

(2) 將鹽、砂糖、冰水落入攪拌勻。

(3) 以手按壓方法將以上材料搓成麵糰,靜置鬆弛30分鐘。

(4) 將麵糰桿平(可鋪上牛油紙),平均分割成條狀,餅面掃上牛奶。

(5) 貼上杏仁片,排入焗盆上。

(6) 放入預熱之焗爐中,以210度焗約10分鐘即成。

9 則留言:

  1. 呢個好正噃~~
    [版主回覆11/03/2008 20:47:00]我用咗金罐牛油,做出嚟太濕,你試下用普通牛油做!話我知個效果係點????

    回覆刪除
  2. 哈哈~大za媽講佢上次用金筒牛油,唔知點解做唔到我果個唧花曲奇架
    [版主回覆11/03/2008 22:06:00]唔會架,佢好軟喎,係咪佢地落多咗粉呀?如果亁就係粉多喎! 而家啲金罐牛油成$48一罐喎!

    回覆刪除
  3. 哈哈~就係軟個頭唧唔到,佢有做過架,而家係用呢個牛油再做過咋 係邊樹買架?
    [版主回覆11/03/2008 22:15:00]九龍城囉!亞姐話而家來貨炒到貴晒! 軟過頭咪加少少粉囉!

    回覆刪除
  4. 這幾天開始好番d胃口, 上面很易. 會弄. 不過一到咁上吓秋天會想弄曲奇, 不知何解??? 
    [版主回覆11/04/2008 16:44:00]想食就食囉!

    回覆刪除
  5. 好好味咁wor!!!! 等我又整嚟試下先..hehe....九龍城買金罐要$48咁貴? 真係炒高晒wor, 我喺荃灣買就$43, 如果vip就$40.9
    [版主回覆11/05/2008 16:50:00]但係唔好用金罐牛油,太軟,呢個食譜好似餅乾多啲,唔似酥餅喎! 你幾耐之前買架,邊間?

    回覆刪除
  6. 如果驚冇貨, 可以打去問有冇貨先上去就包穩陣嘞, 但我次次去都見佢有貨嘅!
    咁要睇下你方唔方便去, 再唔係一次買定幾罐就抵d..
    [版主回覆11/09/2008 09:05:00]但要特登去到荃灣好似遠咗啲!

    回覆刪除
  7. 我都入左好多金罐呀, 乜而家炒到咁貴呀成$48一罐 , ORANGE買D野我覺得貴過出面, 我都係喺荃灣買架D金罐, 不過我買$34一罐咋!
    [版主回覆11/09/2008 09:05:00]係呀,九龍城嗰間就係咁話,唔知出面係咪喎~

    回覆刪除
  8. 咁特登去又真係遠d嘅~~ 聽朋友講可以去賣印尼/泰國土產舖頭買會平好多ga, 佢話三角都係$30罐咋!
    [版主回覆11/10/2008 20:15:00]三角??????????乜嚟架? 等我用完手頭上嗰啲先啦! Thanks!!
     

    回覆刪除
  9.  呢罐就係"三角", 同金罐係同一公司
    [版主回覆11/11/2008 11:47:00]早晨呀,但我都未見過,呢隻牛油會唔會好肥架?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^