清倉
係時候清一清雪柜啲臘味
臘腸潤腸......
天氣回暖
春天快到了
冬天買埋啲臘味
要快快食咗佢
荷豆同臘味好夾
用佢嚟炒臘味好鬼正
冬天荷豆又正
我喜歡用扁扁的荷豆
多過用肥肥的甜豆
荷豆有種獨特味道
青青的菜味
好清新
炒呢味餸好快
又唔使醃味
又唔使調味
臘味本身的味道已經足夠
【臘味炒荷豆】
[材料]
荷豆半斤,臘腸2條,潤腸1條,蒜片2粒
[調味]
生抽1茶匙,糖1茶匙,水2湯匙
[做法]
1.荷豆洗淨,撕去兩邊根。
2.臘腸及潤腸切片。
3.起鑊爆香蒜片,下臘味爆香。
4.再下荷豆爆炒,下調味蓋上蓋,炒至熟即成。
荷豆的味道很清香!
回覆刪除我就係喜歡呢種清新味道
刪除荷豆的味道很清香!
回覆刪除我鍾意潤腸。
回覆刪除我都係,唔知大咗點解會鍾意潤腸
刪除係呀, 我都唔鍾意食蜜糖豆, 荷蘭豆就好
回覆刪除荷豆味道好清新,甜豆就無呢種味道
刪除我就鍾意蜜糖豆多D,可能以前阿媽成日買荷蘭豆卦~~哈哈
回覆刪除各有各喜歡吧,我比較喜歡荷豆的清新味道
刪除自細就唔喜歡食荷蘭豆,睇睇無妨! :D
回覆刪除哈哈.....咁你用芥蘭炒一樣好味
刪除我都要清倉,雪櫃仲有臘腸,潤腸各一。睇嚟要炒埋去囉!
回覆刪除加左臘腸真係好想食呀))))) 勁正呀~~
回覆刪除