食譜~【自家製鮮竹卷】

  【自家製鮮竹卷】

[扁腐竹2塊(煲糖水嗰種)，豬肉$10，鮮蝦半斤，紅蘿蔔絲2湯匙]

1. 腐竹用水洗一洗，浸水1分鐘撈起，放在篩上，瀝水。(你會見到有啲地方會變白有啲地方仲係原來咁色)，腐竹切一段段約3寸半濶。

2. 鮮蝦去殼起腸，洗淨；紅蘿蔔切絲備用。

3. 豬肉挅碎加入蝦仁繼續挅，均勻後加入鹽，糖、胡椒粉、麻油、生粉、雞粉拌勻，用手撻至起膠，再加入紅蘿蔔絲拌勻。

4. 將餡料放在一邊，然後卷起，放在碟上備用，直至全部包好。

5. 起油鑊，輕輕放入鮮竹卷，記得埋口的一邊向下，用鑊鏟同筷子將兩邊輕輕壓下，使兩邊埋口。(油一炸，腐竹自然會黏在一起)

6. 炸至兩面金黃色，撈起瀝油。

7. 將鮮竹卷回鑊(不用落油)，加入蠔油1湯匙，黃糖1湯，生抽2茶匙，老抽1茶匙，麻油少許，水半碗拌勻，煮至汁收埋芡即成。