2008年9月14日星期日

【酥皮奶皇月】~附食譜


~酥皮奶皇月~




材料:(20個份量,每個24g(應該再細啲20g))

[麵粉210g,奶粉35g,吉士粉24g,牛油180g,蛋35g,糖粉10g,雲尼拿油2g]

**唔知出咗乜嘢問題,個皮裂開晒,噴咗水都係咁!點解呢??????????

1. 麵粉、奶粉、吉士粉用盆混合好備用。

2. 牛油室軟化,加入糖粉拌勻,再加入雲尼拿油拌勻。

3. 逐少加入蛋汁拌勻。


4. 再加入篩過嘅混合粉,拌勻,用手搓滑。







5. 分割為24g一份,共20份,用保鮮紙蓋好備用。

6. 用保鮮紙放入一份麵糰,用手壓成餅皮。




7. 將一粒奶皇餡(可按-食譜)包入餅皮中,搓圓,碌上高粉。

8. 在餅模中加入高粉。

9. 放入月餅模中,用手指慢慢壓實。



10. 做形後,用毛筆掃上蛋黃汁,要注意整個都要掃有蛋汁,待5分鐘。

11. 用200度預熱焗爐10分鐘,放入月餅。

12. 先焗5分鐘,噴上少許水,再焗5分鐘,掃多一次蛋汁,改用上火200度焗多5分鐘。

13. 取出放架上放涼,倒轉,入盒。







有啲餅無印得咁靚,我發覺要不時用牙籤清理黏係模上嘅麵糰。


以下係blog友提供嘅寶貴意見:
卿姐:做好D個餅皮要雪20分鐘.在包餅會靚D.包好餅之後都要雪20分鐘.用200度焗(中層)15分鐘左右.你要睇火. 個餅有D脹之後.單用面火焗.不要走開好快就上色.見到有色就要出爐.

bon bon:朋友教起初用高温焗一陣至表面收乾,掃蛋液,之後用細火(大約130-150。c)慢慢烤熟,又真係無裂得咁勁,不過都係要小心睇住個火。


 -橋媽媽:  依我自己個爐脾氣,220預熱,210入爐,焗到有d乾身拎出黎搽蛋汁,18010分鐘...再轉160焗到熟...
以我失敗經驗所得,麵糰不能太乾會爆裂,也不能搓過度,搓實左都會爆裂亦唔鬆化~! 同埋我冇用麵棍搟平麵糰,全程係用手輕力壓平麵糰包餡的。
奶黃餡有蛋,受熱時會膨脹,所以唔可以好似中式月餅咁1:3,包太大舊都會爆裂,
餅入爐前,預熱爐溫要高 ,唔係個餅會溶,當個餅焗到有d乾身拎出來搽蛋汁,之後降低爐溫慢慢焗熟。





3 則留言:

  1. 你每吸完一個,要用一枝牙刷,刷吓、清理模內,先再吸咁就可以靚仔D
     
     
    [版主回覆09/15/2008 10:17:00]多謝你意見,我吸到第二盤已經發現要清理個模!

    回覆刪除
  2. 月姐:我對每位自家製月餅的blog友都羨慕,我冇勇氣去整,淨試食都唔掂!但知道係好好玩啫!
    [版主回覆09/16/2008 08:15:00]我整之前都好緊張,都算係成功,可能焗過火所以裂咗! 出年我會整冰皮呀!

    回覆刪除
  3. 蛋35g=淨蛋黃?定係連白蛋?
    [版主回覆08/24/2012 22:36:16]係全蛋

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^