2013年9月17日星期二

2013~【脆皮奶皇月餅】


 


【脆皮奶皇月餅】

食譜改自:葉潤發師傅的脆皮奶黃月餅


【奶皇材料】(可做1663g)

低筋麵粉27g,吉士粉27g,奶粉27g,椰子粉5g,砂糖30g,煉奶35g,蛋45g(蛋黃1隻,蛋汁30g),椰漿135g,花奶10g,無鹽牛油68g,鹹蛋黃3

[蛋漿材料] 蛋黃1隻,蛋汁10g

[糖水材料] 熱水10g,砂糖20g

【奶皇做法】

1.  低筋粉、吉士粉、奶粉混合好,加入砂糖拌勻。

2.  順次序加入煉奶、蛋黃、蛋汁及一半椰漿拌勻。

3.  最後加入其餘椰漿和花奶拌勻,最後加牛油。

4.  燒一鍋滾水,放入餡料,大火蒸 15 20分鐘。

5.  其間取出拌勻一至兩次。

6.  蒸好取出,用膠刮拌勻,攤涼後包上保鮮紙,放入雪櫃雪一晚。

7.  第二日取出要搓滑才成奶皇餡料。

【酥皮材料】

砂糖90g(己減糖),牛油195g,蛋汁33g,花奶38g,低筋粉378g,吉士粉25g

[餅皮做法]

1.  把砂糖及牛油放入大盆中拌勻。

2.  加入蛋汁及花奶拌勻。

3.  最後篩入低筋粉及吉士粉略為搓勻,包上保鮮紙,放入雪櫃冷藏半小時。

4.  咸蛋黃去掉蛋白,灑上少許玫瑰露酒,蒸8分鐘至熟,切粒粒。

5.  從雪櫃取出奶皇餡搓滑,加入咸蛋碎搓勻,再略搓長條形。

6.  平均分成30g一份,搓圓。

7.  取出餅皮,分成42g一粒,搓圓。

8.  利用膠袋或保鮮紙,將餅皮搟平成圓形,邊稍薄,包入一粒餡料拌圓。

9.  月餅撲上小量低粉,搓成橢圓形,放入餅模,用手壓平,倒轉餅模,按下約2秒,退出月餅。(掃走多餘粉)

10.     250度預熱焗爐10分鐘。在月餅上噴上清水,以250度焗5分鐘。

11.     取出掃上一層蛋漿,吹乾約10分鐘後。

12.     再掃一層蛋漿,再以250度焗4分鐘。

13.     取出掃一層糖漿,焗多一分鐘即成。

 

[葉師傅小貼士]

l  月餅皮不能太薄,太薄就不酥了。

l  室溫存放3日,放雪柜可存放3星期。

l  食前最出用焗爐以160度焗6分鐘為最佳食用方法。

l  若要用微波爐可叮十秒,不過會令餅皮會軟腍了無咁鬆化。

l  新買的木製餅模,第一次使用前,應倒入味淡的菜油浸一晚,然後用暖水清洗。

l  月餅皮和餡分量要準確,剛好填滿一兩半裝餅模。

l  用餅模造型時,要雙手壓實,餅模紋理才清楚壓在月餅上。

l  千萬不要未焗先掃蛋漿,否則餅皮花紋會塌。


14歲入行,於高陞、武昌等舊式茶樓當點心學徒,肯學肯捱, 20歲便出任酒樓點心大廚。 83年於清水灣鄉村俱樂部當點心總廚,其後受到香港上海大酒店集團賞識,於 86年為集團旗下的九龍酒店、半島酒店、淺水灣酒店籌備中菜館,主理中式點心。因為喜歡往外闖,師傅於 89年前往廣州工作, 91 96年加入澳門佳景集團,主理回力軒、四五六等。其後退休多年,直至 2011年被邀到中環潮州商會工作。

已退休的葉潤發師傅近年出山教班,去年謝安琪、 Wyman都跟佢上堂。葉師傅 86年加入上海大酒店集團,為旗下酒店籌備中菜館,九龍酒店環龍閣、半島酒店嘉麟樓、淺水灣起鳳臺,他都有份開荒。「當年老闆的目標是開設『亭臺樓閣』,我負責籌劃點心部,不過打算開在山頂的引鹿亭最終告吹。」當年的新派點心炸奶黃包大受歡迎,將近中秋,酒店高層建議製作月餅,「由炸奶黃包演變成月餅,反覆試十次就成功。」現今全港熱賣的奶黃月餅,誕生過程原來咁順利!

葉師傅每年略為修改月餅分量,務求不斷改良,去年成立自家品牌「望月」,宣傳不多下也賣過萬盒,今年網上訂單已過三萬盒。餅皮厚薄適中,緊緊包裹着餡料,入口鬆化但不易散。奶黃餡夠香,軟滑無粒又不糊口。如此好吃,竟然不難做,「只要跟足步驟就得,有程序就有層次!餡料的粉類和液體,細心撈勻就不起粒。餅皮搓好雪三十分鐘,牛油冇咁易溶。」師傅三兩下手勢包好一個月餅,竅門呢?「餅皮不能太薄,有點厚度才做到鬆脆效果。包奶黃餡時不要貪方便,用麵粉搓雙手,雖然唔黐手,但會皮餡分離。包餅時用手掌虎口位,順着輕力轉。」吃不完,室溫放三天後要放入雪櫃,最多三星期內,記得用焗爐焗熱吃。「以 160度焗六分鐘,唔好用微波爐,會叮到腍晒,冇咁好食。」自己親手做,新鮮出爐比街買的名牌出品更好吃!

90 則留言:

  1. Thank you, MOONmoon! 即刻䦕工!

    回覆刪除
    回覆
    1. 都係多得葉師傅分享,先有機會做

      刪除
  2. 月:我超愛妳個花花模!^^

    回覆刪除
  3. 蒸奶皇餡時要要攪下佢再蒸呀?

    回覆刪除
  4. 多謝你咁詳細的分享, 我未整過月餅,見到你呢個食譜都好想試下整。今年太遲了,抄低下年整。

    回覆刪除
  5. 正呀!...攪到我有D手痕添!

    回覆刪除
  6. 整得好靚, 你好有心機做獨立包裝, 讚啦

    回覆刪除
  7. 自家製....好..正,明年一定要學整.

    回覆刪除
  8. heeee。。。 留返聖誕整比d鬼同事做禮物!正!

    回覆刪除
  9. 你整得好靚, 你post 在FB的相, 我的親朋好友勁讚呀。

    回覆刪除
    回覆
    1. 是嗎,最衰我無留個俾自己試味,不過囡囡話個餡散啲,可能我加咗咸蛋碎,下次祇加一粒試下

      刪除
  10. 收埋先.揾日試左交功課比您。

    回覆刪除
  11. 靚呀!! 我都用依個食譜呢~ ^^
    不過唔容易上色呢, 同埋..好似冇買番黎既"望月"好味!! 哈))))

    回覆刪除
    回覆
    1. 我都覺上色問題,明天再試。
      半島的我食過,滑就滑,但淨得咸蛋味,食唔到奶皇香

      刪除
  12. MOONmoon你好快手呀,我昨天又收到望月的奶黃月餅呀,真係好吃過半島好多,好快手馬上動工又做,掂呀?無得彈

    回覆刪除
    回覆
    1. 我呢個有少少失敗,啲咸蛋太碎,個餡少少鬆。但味道都好

      刪除
  13. 請問點解我焗出來的月餅好似象腿咁, 唔似得你個D會直上的??

    回覆刪除
    回覆
    1. 應該係入爐爐溫唔夠高,入爐爐溫要高,個餅定咗形,才不會有象腿

      刪除
  14. 我地焗的月餅會成個卜起, 底面都係
    係咪要學你咁, 噴水先焗, 同埋分兩次掃蛋漿? 作用係乜?

    回覆刪除
    回覆
    1. 包嘅時候要均勻,按壓一兩秒才退出餅模,確保造形包得好!
      噴水我一盆唔記噴都差不多,又唔係好覺關噴水事。
      兩次係想上色一點

      刪除
  15. 終於揾番你個blog喇! 真開心!

    回覆刪除
    回覆
    1. 唉,真係慘,個個好似失散晒咁,你記得訂閱我呀

      刪除
  16. Moonmoon,唔食月餅嘅我,都心思思呀!不過,聽日已經係中秋節,唯有等出年啦!

    回覆刪除
  17. Moonmoon,唔食月餅嘅我,都心思思呀!不過,聽日已經係中秋節,唯有等出年啦!

    回覆刪除
  18. 晚上好 如月~~睇見就想食喇...哈哈...中秋節快樂芽 ^__^

    回覆刪除
  19. 用埋自家品牌包裝完美晒!
    祝中秋節快樂!

    回覆刪除
  20. hello
    60g mooon cake mould is it big size?

    回覆刪除
    回覆
    1. I want to use50g
      How many gram of custard I should put?
      And how many gram for the dough each,please?
      Thankyou so much

      刪除
    2. 建議你用25G奶皇餡25G皮

      刪除
  21. 回覆
    1. 我喜歡高身一點,新手比較難包,你可以或少餡料用25克餡40克皮

      刪除
  22. Moonmoon:你好!請問我的焗爐最高220度,那焗的時間應調節為多少?我昨天第一次焗,就為有焗耐些,但出來的效果,覺得餅皮比較乾,不知原因?勞煩解答一下,謝謝你!

    回覆刪除
    回覆
    1. 那你照用最高溫試下,小焗爐爐溫都比較高,如太乾,可將份量的中的糖份加多些吧,我這個是少甜版

      刪除
    2. 我的焗爐也是最高220。焗出黎之後餅面花紋唔見左, 請問關唔關溫度事?

      刪除
    3. ,餅面無花有多個原因,一,可能你壓花不夠力,可將餅模用輕力壓10秒,二,你掃蛋汁過多,填滿了,焗出來便不見花,掃蛋汁祇可掃花紋,用最幼的毛筆去掃吧

      刪除
  23. 你好,想問問点解餅皮焗完後有裂痕呢?沒有用手搓皮,只用膠捧拌好,放雪櫃,取出後用木捧壓平,再包餡。

    回覆刪除
  24. 你好,想問問点解餅皮焗完後有裂痕呢?沒有用手搓皮,只用膠捧拌好,放雪櫃,取出後用木捧壓平,再包餡。

    回覆刪除
    回覆
    1. 餅面有裂痕有多個原因,底火太厚,餅未定形餡料已溶谷出餅面而裂,也可能餅搓至起筋所以餅皮有裂痕

      刪除
  25. 你好, 我想問包奶黃餡嘅時候, 餅皮裂開同有少少乾, 係咩嘢原因?如有呢個情況, 有冇得補救? 請指教

    回覆刪除
    回覆
    1. 如按照食譜是不會乾的,可能你磅份量時有錯,我做了兩年都沒這問題,現在你已焗了嗎?焗之前要噴水的哦

      刪除
    2. 蛋汁係咪蛋白呀?唔該

      刪除
  26. 入焗爐是否中間那層,開上下火?

    回覆刪除
  27. 你好,我整好了餅皮粉團,但因太忙放在雪櫃雪了幾天,現在變得很硬,有得救嗎?

    回覆刪除
    回覆
    1. 曲奇皮可放雪柜很久,沒關係,先取出分成幾份,利用手的熱力,慢慢搓揉,好快會回復正常可以用得

      刪除
  28. 那咸蛋是加入餅皮??

    回覆刪除
  29. 奶皇饀中嘅牛油分離,有無解決辦法?係因為攪拌唔夠?

    回覆刪除
  30. 我想問下蛋汁是唔是蛋白嗎?

    回覆刪除
  31. 你好,有問題想請教一下
    奶皇材料中有椰子粉5G,請問在什麼時候加入??
    蛋汁是什麼意思?蛋黃+蛋白打勻的是蛋汁???

    回覆刪除
    回覆
    1. 在第一個步驟的時候,蛋汁是全蛋意思

      刪除
    2. 唔好意思,想問全蛋是指只要蛋黃打勻,叫全蛋蛋汁??
      還是全隻蛋(蛋白+蛋黃)打勻的溶液叫全蛋蛋汁??

      刪除
  32. 你好
    首先多謝你嘅食譜,我已經整左2次,大家都話好好味
    但2次都係餡得14-15個
    皮就夠晒16個
    想問點解會咁?
    另外,蛋汁即係蛋白加蛋黃?
    咁蛋黃再加蛋汁又係點?

    回覆刪除
    回覆
    1. 多謝你先,我都係跟葉師傅網上公開的食譜再加上自己的經驗來分享。
      你個問題我也不知道,按上圖我都係照數,其實你可將做好的餡料平均分成16分,少幾克不成問題的。
      蛋汁亦即是全蛋打成的蛋汁。
      掃面祇用全蛋汁不會太出,所以要再加蛋黃。

      刪除
  33. 十多謝分享食譜和心得,本人跟這食譜做了兩次,都出現全部象腳,但個爐最高230這個是問題,很心急改善呢個問題,麻煩解題。謝謝

    回覆刪除
    回覆
    1. 你可將包好的月餅,先放雪柜普通格半個小時,能令焗製時,個餡無咁快溶

      刪除
  34. 请问椰子粉是coconut flour吗?

    回覆刪除
  35. 你好 請問奶皇步驟…蛋汁是什麼意思?全蛋意思是蛋黃加蛋白?謝謝!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^