2011年7月2日星期六

2011~CAKE 19【伯爵紅茶芝士蛋糕】~附食譜


2011~CAKE 19

【伯爵紅茶芝士蛋糕】 

 Earl Grey Tea Cheese Cake



[伯爵茶芝士]

忌廉芝士200g,糖60g,鮮奶120g,伯爵茶包4個,淡忌廉200g,魚膠片8g

[餅底]

Oreo餅碎70g,牛油25g

[檸檬茶啫喱]

伯爵茶包2包,滾水100g,維他檸檬茶1包(250ml),魚膠片8g

[做法]

1.[餅底]:餅碎加入溶牛油拌勻,放入蛋糕底部壓平,先放入雪柜冷藏。

2.[伯爵紅茶芝士糊]:魚膠片剪碎加入冰水浸軟,搾乾水份備用。

3.用小煲用用小煲加入牛奶及伯爵茶包(4個),煮滾後熄火,泡浸約15分鐘,取出茶包,隨即加入已泡軟之魚膠片拌至完全溶解,過篩。


4.忌廉芝士室溫回軟,加入砂糖打滑。

5.倒入伯爵茶魚膠水拌勻。

6.淡忌廉打企,分三次加入芝士糊中拌勻。

7.倒入蛋糕模中放進雪櫃冷藏至凝固。

8[餅面啫喱]:滾水加入伯爵茶包焗10分鐘,浸至出味,取出茶包,搾出100g伯爵紅茶液;檸檬茶用小火加熱至80度,加入己浸軟之魚膠片拌至完全溶解,待涼至20度淋上芝士糊,再放入雪櫃冷藏至凝固。


9.取出脫模,裝潢餅面即成。






【溫馨提示】

魚膠粉可替代魚膠片

份量一樣

用三份凍開水開勻至無粒粒

再座熱水至完全溶解





37 則留言:

  1. 1
    [版主回覆07/02/2011 17:39:00](Empty)

    回覆刪除
  2. 係唔係又做蛋糕送比人?
    [版主回覆07/02/2011 17:39:00]乜你無睇上一篇咩?

    回覆刪除
  3. 又有蛋糕食﹐正呀 ﹗
    [版主回覆07/02/2011 17:39:00]有可以整蛋糕,yeah!

    回覆刪除
  4. ☆Karen 愛之晏○☆○2011年7月2日 上午6:30

    Very Very Very Nice!  
    [版主回覆07/02/2011 17:39:00]多多多謝!

    回覆刪除
  5. 整得好令喎!
    [版主回覆07/02/2011 17:38:00]多謝娘娘,明天call你!

    回覆刪除
  6. 整得咁鬼靚,唔知邊個有福呢
    [版主回覆07/02/2011 17:38:00]乜你無睇上一篇?

    回覆刪除
  7. 我真係好欣賞你!每朝六時不到起床,返工、放工買餸、煮飯、每晚寫blog,出 blog、答回應、留言、上 facebook、同先生拍拖 ...... 重有時間出書,同整蛋糕送俾朋友仔生日!!!  http://www.ricebowltales.blogspot.com/李珍
    [版主回覆07/02/2011 17:38:00]其實我真係攪到自己好忙,鬼咩,鍾意寫blog唔鍾意唔覆人,又鍾意整蛋糕,總之一日48小時都唔夠用!

    回覆刪除
  8. 我會送多D伯爵茶比你整蛋糕! 今日見到你幾個蛋糕, 個個都好靚。
    [版主回覆07/02/2011 17:38:00]係咪真架,梗係覺得花得滯!

    回覆刪除
  9. 做得非常靚呀!
    [版主回覆07/02/2011 17:38:00]多謝你呀!

    回覆刪除
  10. 伯爵紅茶用嚟做包包或蛋糕都咁正
    [版主回覆07/02/2011 17:38:00]伯爵茶真係好香,做糕餅最正!

    回覆刪除
  11. 伯爵茶整蛋糕真係幾好味!你個蛋糕好靚!
    [版主回覆07/02/2011 17:38:00]伯爵茶真係好香架!個蛋糕真係好靚?

    回覆刪除
  12. 蛋糕好靚, 連我呢度都聞到香味啦
    一件呀..唔該
    [版主回覆07/02/2011 17:41:00]哈哈...你真識講笑!

    回覆刪除
  13. 呢款蛋糕未試過 唔知係咩味道添  
    [版主回覆07/02/2011 17:41:00]伯爵茶香囉!

    回覆刪除
  14. 你個蛋糕好靚!
    [版主回覆07/02/2011 17:41:00]係咪真架

    回覆刪除
  15. 好巧手的製作啊! 謝謝分享!
    [版主回覆07/02/2011 17:41:00]多謝你!

    回覆刪除
  16. 檸檬茶伯爵啫喱幾特別喎, 好味道!
    [版主回覆07/02/2011 17:41:00]想有少少檸檬味,咪諗咗個懶嘅方法lu!

    回覆刪除
  17. 伯爵茶啊~我都好鍾意佢嘅香氣!真係好特別咖!
    [版主回覆07/02/2011 17:41:00]伯爵茶真係好香呢!

    回覆刪除
  18. 個蛋糕整得好靚呀
    [版主回覆07/02/2011 17:41:00]係咪真架 ,多謝!

    回覆刪除
  19. 絕代《方華》2011年7月2日 下午10:39

    (Empty)
    [版主回覆07/02/2011 17:41:00](Empty)

    回覆刪除
  20. 裝飾得好靚靚
    [版主回覆07/02/2011 17:41:00]真嘅?咪氹人噃!

    回覆刪除

  21. [版主回覆07/02/2011 23:17:00]
    我都好鍾意伯爵茶呢!

    回覆刪除
  22. 我想問無魚膠片,用魚膠粉得唔得? 落幾多?
    [版主回覆07/02/2011 23:17:00]
    可以,份量一樣的,先用凍水開勻魚膠粉,才下牛奶中!

    回覆刪除
  23. 魚膠粉原來用凍水就咁開都可以架 我試過整啫喱糖,就咁放魚賿粉煮成一舊舊,之後加埋d糖一齊放就無事啦 而家諗可能係用熱水出事
    [版主回覆07/03/2011 13:25:00]
    魚膠粉如果加埋砂糖攪拌,再加熱水就無咁大問題,但要有一定份量比例嘅水(亞sir教架),唔係好容易變一舊舊,但價錢平好多,所以好多人用,我唔like用佢鍾意用魚膠片,做出嚟啲慕斯都會滑啲!

    回覆刪除
  24. 一定份量比例嘅水 係係1比99 個魚膠粉之後試過溝埋個糖落去煮就得,個比例係照個啫喱盒個分量做咋 不過都想問 "凍水"開勻魚膠粉 咋 呢個我真係無試過用凍水架,因為驚佢唔溶麻
    [版主回覆07/03/2011 17:15:00]
    之前上堂亞sir有教要用幾多比例開魚膠粉,等我摷番notes先知 ,因我一向都係用魚膠片唔like用魚膠粉,經驗 好少,可能教錯架  或者你可以問下其他鍾意用魚膠粉嘅高手! 開咗啲魚膠水仲要座熱水座溶架 ! 好似我呢個譜係放入啲伯爵牛奶度,咁又點會唔溶呢?

    回覆刪除
  25. 路過...... 開魚膠粉 比例係1比6 即係1g 魚膠粉對6g凍水 用凍水浸 再隔水煮溶
    [版主回覆07/03/2011 22:12:00]乜.......係6分水?

    回覆刪除
  26. 如月 我無你甘細心將'魚膠片剪碎' 我只係浸軟炸乾水.就用
    [版主回覆07/03/2011 22:12:00]唔剪成四五片咁長點浸呀?

    回覆刪除
  27. 整得好靚!
    [版主回覆07/04/2011 06:18:00]
    多謝你!

    回覆刪除
  28. 見妳答得咁輕鬆以為妳有用過天,原來都係無 用 我淨係整啫喱糖用魚膠粉咋,d細路一開大食會就要整架啦 唔好意思借個位用一用 mon姨唔該晒 係係即係1g魚膠分就唔可以少於6g水 "用凍水浸,再隔水煮溶 "咁點解唔直接煮溶佢 我浸魚膠片都唔會剪,驚一剪就會碎係水入面就拿唔起,魚膠份量就會有唔同,到時整咗個蛋糕出黎唔得就xx富貴啦 之前無上堂不過有個亞嬸教
    [版主回覆07/04/2011 06:17:00]
    我有用過但係唔鍾意用! 咁你不如過去問清楚MON姨仲好! 太少水係唔可以直接煮! 魚膠片並不是剪到碎呀,你見到我點答MON姨嗎?係前成四五段,咁請問你咁長你點浸呀? 剪開四五片先可以放入碗中浸的! 浸嘅時候要留意,見軟就好攞起,唔可以浸咁耐,真係會溶晒,我係寫浸軟,唔係浸溶! 仲有咁多人教你做乜仲問我?我教你又唔信我又要問?

    回覆刪除
  29. 我鍾意用魚膠片多啲,太少份量魚膠粉量得唔準,有時做出嚟比較硬
    [版主回覆07/04/2011 06:18:00]
    係呀,好用啲!

    回覆刪除
  30. 開魚膠粉 比例係1比6....1比5都ok 魚膠片剪一下都可以接受. 但剪碎佢咪溶哂響水裏. 我都鍾意用魚膠片 .方便但係貴D. 整者哩糖就一定用魚膠粉 平D
    [版主回覆07/04/2011 06:22:00]
    我講剪碎嘅意思係剪成四五片,唔係剪到碎,唔好意思無講得清楚!

    回覆刪除
  31. 係驚" 一剪就會碎 "而唔係話剪碎晒呀 見亞嬸一浸就 十幾廿十 片魚膠片,用個湯碗就得唔水剪架啦,不過佢話我果陣係無妳咁 勞氣 囉 我黠會唔信妳,見妳答咗人魚膠粉,我就信妳以為妳係整過麻,鬼知妳話好少用jet
    [版主回覆07/04/2011 08:36:00]如果真係用過魚膠片嘅人,一定會知道魚膠片唔係威化,唔會一剪就碎!   我勞氣?....你看看自己點答我先喇  有時你答人都好唔客氣! 魚膠粉我以前都係用佢,但用開魚膠片就唔會鍾意用魚膠粉,魚膠片一遇熱就好快溶得好均勻! 上堂亞sir一定用魚膠粉,因為真係平好多!

    回覆刪除
  32. 唔客氣??邊一句??仲未搵到....俾d時間我 我整蛋糕從來都未用過魚膠粉先會問妳啫,點知妳一問就黎料啫 點都好啦...唔該晒妳,我無時間討論魚膠粉啦
    [版主回覆07/04/2011 09:31:00]    
    唉,你成日話我嚟料,好似我好有問題咁! 老實講,我都係將我所知或我試過嘅講出嚟,對不對我唔知....亦都無心誤導人! 但你總會再問點點點..... 又話邊個咁講咁講,言下之意好似信人地唔信我? 如果你信我,我話魚膠片係可以剪,我次次都係咁做,仲有相post過出嚟(以前啲食譜),但你又話人地教你唔好剪,咁你即係信我定唔信? 上堂亞sir係用魚膠粉,同我上邊做法咁做蛋糕的,唔會用魚膠片!我教你又話我無試過!
    你好多時講嘅嘢真係好唔客氣(唔係一定要鬧人先唔客氣呀)!

    回覆刪除
  33. 路過
    我想問你呢個蛋糕係用幾吋蛋糕模架?
    [版主回覆07/05/2011 08:36:00]
    係6"呀!

    回覆刪除
  34. moommoom 唔好勞力啦...小事一宗. 用開魚膠片就唔會鍾意用魚膠粉 呢個我好認同呢.因為量唔駛量.方便好多. 如月 我無你甘細心將'魚膠片剪碎' 剪........我講過無你甘細心架.!

    回覆刪除
  35. 見親你整蛋糕都令到我好想買工具返屋企整^0^
    你整既蛋糕一睇就知又靚又好味....希望有機會試啦^^
    最衰大少話企太細再買咁多架生冇位放~"~
    唔係我實個個星期買野整~哈
    [版主回覆07/05/2011 08:37:00]
    都唔係次次成功,有時真係失敗到想C! 你都係唔好踏落呢個綱度喇,無回頭架,祇會越買越多!

    回覆刪除
  36. hi 奶茶 or coffee下午茶必飲牙,,你 d cake cake 我想吃一件做早歺牙,可以嗎
    [版主回覆07/08/2011 10:30:00]隨便喇

    回覆刪除
  37. Molly 公路之星2012年9月7日 上午2:17

    我好鍾意EARL GREY CAKE GA!!等我下次試下跟你依個食譜做先~THANKS!!!
    [版主回覆09/07/2012 06:13:59]哈哈..............我都係整但唔食呢!
    [Molly 公路之星回覆09/07/2012 05:37:14]嘻嘻~~昨晚啱啱先俾老公看你的食譜, 我話:不如下次整依款好冇?
    佢立即低頭看一看自己的肚腩
    屋企仲有大半個黑森林未食完~~看你的blog真係好大temptation hehe~
    [版主回覆09/06/2012 23:30:56]試下吖,我都好鍾意伯爵茶味道

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^