2010年9月8日星期三

食譜~【流心芒果乳酪慕絲蛋糕】

【流心芒果乳酪慕絲蛋糕】

[材料]

芒果肉200g,芒果乳酪150g,糖30g,淡忌廉240g,檸檬汁1茶匙,魚膠片10g(因夾心太重要加大份量)

[芒果流心夾心]

芒果1個,糖20-30g(視乎芒果嘅甜度),檸檬汁2茶匙

~芒果肉加入檸檬汁及砂糖打成茸,倒入容器放進冰箱雪至結冰備用~

[海綿蛋糕]

雞蛋2隻半,低筋粉50g,砂糖50g,油20g



[做法]

1.淡忌廉打至七成企身放回雪柜備用。

2.魚膠片浸冰水浸軟,座熱水至完全溶解,蓋上保鮮紙備用。

3.芒果粒加入砂糖及檸檬汁,放入攪拌機攪成茸。

4.芒果茸倒入大盆中,加入芒果乳酪拌勻,快手加入魚膠水拌勻。

5.淡忌廉分3次加入芒果糊中拌勻。

6.先放一片海綿蛋糕,倒入一半芒果糊,先放入冰箱15分鐘定形。

7.取出放入芒果夾心,將餘下之芒果慕絲倒入,先放進冰箱15分鐘(以便定型),再放進雪柜下格冷藏3小時。

8.取出脫模,甜忌廉打起,用唧咀唧上花紋即成。

[後記]

~呢個蛋糕都係失敗咗,去到人家手上時,啲芒果流心穿咗,明明朝早都無事架!
~下次會留意下點先可以避免呢個情況出現





41 則留言:

  1. (Empty)
    [版主回覆09/08/2010 06:40:00](Empty)

    回覆刪除
  2. 如月 ~ 個海綿蛋糕好靚呀 !
    [版主回覆09/08/2010 06:40:00]海綿蛋糕越來越做得得心應手啦!

    回覆刪除
  3. 芒果流心.... ..有冇榴槤流心旦糕呀??
    [版主回覆09/08/2010 06:40:00]有,下星期好嗎?

    回覆刪除
  4. 咦...妳換咗畫喎...好美味的鴨仔呀...
    [版主回覆09/08/2010 06:40:00]換咗畫靚唔靚呀?

    回覆刪除
  5. 你真係好鐘意整蛋糕呀 仲好伕好鐘意食芒果添@@
    [版主回覆09/08/2010 06:40:00]唔係我鍾意食芒果,係朋友order架!

    回覆刪除
  6. 啱啱想問...流心個心咁大
    [版主回覆09/08/2010 06:40:00]整完已經覺得太大會出事啦!

    回覆刪除
  7. 芒果流心蛋糕 一定好好味呢  
    [版主回覆09/08/2010 06:40:00]我都無份食,不過穿咗呀!

    回覆刪除
  8. 幾乎唔認得你!個鴨仔蛋糕真係幾得意
    [版主回覆09/08/2010 06:40:00]咁呢張相靚嗎?

    回覆刪除
  9. 好靚呀 !
    自從一年多前,家人食蛋糕食到怕後,我都冇做蛋糕啦,以前真係可以一日做兩三個送給人㗎,所以了解妳對蛋糕嘅熱誠,好好啊
    [版主回覆09/08/2010 06:40:00]我啲蛋糕自己都好少食,家人都無乜點食架,除咗生日會整俾家人啫! 多數係朋友生日送俾佢地嘛!

    回覆刪除
  10. 一直有睇你個blog,完全感覺到你對烹飪既熱情.... 呢個流心蛋糕我都學過整,事後同一齊學既朋友仔分享,佢地都有滲"芒果心"既問題,之後,我地問返呀Sir,就有以下結論: 1. 個流心太大,又或者放得太邊緣 2. 個moss攪得太耐,攪到d cream裡面既空氣無晒,太流質,令到個心走位 3. 個蛋糕放得太耐...(我朋友仔雪左成2日先切,結果無晒流心) 希望呢d意思幫到你啦!
    [版主回覆09/08/2010 06:11:00]多謝你嘅意見! 我個流心太大啦,未切我已經諗到會有問題,不過無諗過佢會穿! 個moss我已經做挺身啲,我諗下次我會諗到方法解決佢架!

    回覆刪除
  11. 穿左....會唔會係熱得滯呢?
    [版主回覆09/08/2010 06:40:00]我都唔明呀,朝早攞出嚟都無事!

    回覆刪除
  12. 我没吃过这样的蛋糕耶~ 不过一定很好吃
    [版主回覆09/08/2010 06:41:00]我都無份食呢

    回覆刪除
  13. 啲 cream 唧得好靚呀!   
    [版主回覆09/08/2010 06:41:00]我都係第一次唧咋!

    回覆刪除
  14. 以前我都鐘意久不久整蛋糕,那份熱情總之係熱熱的;現在孩子大了,少了這份情意了
    [版主回覆09/08/2010 06:41:00]我整蛋糕嘅熱情唔會減架,因為朋友越來越多,我多數係送俾朋友嘛!

    回覆刪除
  15. 芒果流心好正呀
    [版主回覆09/08/2010 17:29:00]係失敗之作呢!  

    回覆刪除
  16. 你整旦糕都好有天份wor
    我一見到整旦糕啲步驟我就頭都大埋
    [版主回覆09/08/2010 17:29:00]係失敗之作呢!  

    回覆刪除
  17. 賣樣一流呀, 你未add我呀~
    [版主回覆09/08/2010 17:29:00]係失敗之作呢!  
    add咗啦!

    回覆刪除
  18. 說說笑而已,九月份您已經夠忙的了,
    不用整比我,多謝您的心意 ~
    [版主回覆09/08/2010 08:33:00]唔係淨係你呀,Ruby一早已經想要個榴槤蛋糕啦,我度到時間先敢約你啫,要唔要?

    回覆刪除
  19. add 埋我呀  
    [版主回覆09/08/2010 17:29:00]add咗啦!

    回覆刪除
  20. 好靚啊。
    [版主回覆09/08/2010 17:29:00]係失敗之作呢!  

    回覆刪除
  21. 芒果流心.我鍾意呀..
    [版主回覆09/08/2010 17:29:00]係失敗之作呢!  個流心太大,下次會整一粒粒(Darling教嘅)

    回覆刪除
  22. 你整蛋糕真係好有 heart,整親個個都唔同款嘅!
    [版主回覆09/08/2010 17:29:00]哈哈...同餡我都會唔同餅面裝飾架

    回覆刪除
  23. 唧得好靚呀!
    有乜問題呀?流哂出嚟?我好想試食呢,he he !
    [版主回覆09/08/2010 17:29:00]係失敗之作呢!  個流心太大,下次會整一粒粒(Darling教嘅)

    回覆刪除
  24. 梗係靚啦...依家開始對黃色有好感嘛...唔知係咪見得琳琳校服多呢...
    [版主回覆09/08/2010 17:29:00]係失敗之作呢!

    回覆刪除
  25. 想問你用邊邊甜 忌廉架??
    [版主回覆09/08/2010 17:29:00]藍色愛X牌!

    回覆刪除
  26. 芒果係我至愛
    [版主回覆09/08/2010 17:29:00]係失敗之作呢!

    回覆刪除
  27. 我有我的新空間2010年9月9日 上午12:10

    個餅面裝飾簡單而有新意, 我喜歡.
    會否是芒果流心的水份過重, 溶解後將餅弄穿呢?
    [版主回覆09/08/2010 17:29:00]係失敗之作呢!  祇係個唧花幾鍾意咋! 流心太大呀!

    回覆刪除
  28. 好靚呀 :)
     
    [版主回覆09/08/2010 17:29:00]係失敗之作呢!

    回覆刪除
  29. 芒果流心整蛋糕.very special wor! I love it!
    [版主回覆09/08/2010 17:29:00]係失敗之作呢!

    回覆刪除
  30. 只要有heart,唔怕再接再厲啦!
    [版主回覆09/09/2010 22:11:00]我有heart架,仲會跳架!

    回覆刪除
  31. 你的家人好幸福啊!好有口福呢!
    [版主回覆09/09/2010 22:10:00]多謝你!

    回覆刪除
  32. 呀月..對你可能係失敗..但你份心意對收蛋糕既朋友真係 窩心
    蛋糕真係好靚
    [版主回覆09/09/2010 22:10:00]我會繼續努力!

    回覆刪除
  33. 個蛋糕簡單得黎好靚呀!
    [版主回覆09/08/2010 22:54:00]但係失敗之作呢!

    回覆刪除
  34. 好靚! 個心是否像心太軟般切開會流芒果汁!不用介意收禮那位肯定感動到爆!
    [版主回覆09/09/2010 08:20:00]流心無做錯,錯係個流心太大啦!

    回覆刪除
  35. 好大嚿流心餡喎  .
    [版主回覆09/09/2010 17:07:00]所以咪衰咗囉!

    回覆刪除
  36. Fatgarfield 肥加菲2010年9月10日 下午7:26

    I made this cake once and had the same problem as you, I made the mango center too big and the mousse couldn't hold it in! 
    [版主回覆09/11/2010 18:46:00]我而家知道邊度出咗問題,下次會成功啦!

    回覆刪除
  37. 如月
    其實我諗...妳可唔可以用幾個小夾心嚟組合埋一個蛋糕呀?...其實我唔識得整嘢食架...不過係我咁樣諗咋...起碼切蛋糕既時候都方便好多...仲可以組合卡通公仔添...米奇老鼠...
    [版主回覆09/13/2010 08:09:00]我已經諗到點整,下次應該無問題架啦!

    回覆刪除
  38. 流心..好特別喎.
    [版主回覆09/13/2010 08:09:00]唔特別....美針有得買架!

    回覆刪除
  39. 好大個芒果流心餡呀, 呢排好少有又大又靚又平又香又甜的芒果
    [版主回覆09/14/2010 08:08:00]芒果真係好難買,時有時冇,唔搵嗰時就到到都有,要買時又無

    回覆刪除
  40. 以上份量係for 6 吋 定7吋模 ?
    [版主回覆02/25/2011 10:36:00]係6"不過呢個唔算成功,中間夾心太大,你嘗試下將個夾心切開一粒粒咁!

    回覆刪除
  41. 應該係芒果流心太大, 一溶就容易穿呢!
    [版主回覆06/20/2011 11:47:00]
    無錯,最衰送咗俾人先知衰乜!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^