天酵
一向都知挑戰很大
對於我呢個既要上班
還要買餸煮飯
邊有咁多時間照顧呢個BB
無諗過要玩
不過食過朋友的天酵包
便決心去養
第一次好似幾成功
做咗幾次包之後
養養下又唔多掂
決心再接再厲
買過提子再養
點知一直都麻麻地
唔係唔得
但唔活躍
發酵力好弱
試做了幾次包包都唔係好得
第二次發成4-5個鐘都發唔起
浪費時間材料
諮詢過受友意見
問仲有冇得救
決定重新再養
昨日
買啲大大粒黑提
重新出發
誓要做到美味天酵包為止
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
加油！我幫妳打氣！;)
回覆刪除多謝你打氣 :x
刪除對你這個天酵很有興趣，是酵素來嗎？你怎樣知道不活躍和不成功呢？
回覆刪除這個不同酵素，用嚟做包種，要多啲泡同大泡，你見我少少泡，做包時發咗四個鐘都無起色咪知囉
刪除原來係咁。。。。有成果未呀？
刪除之前有啲包已經係用天酵做
刪除再接再厲
回覆刪除已經第三轉了，就嚟變了專家
刪除努力呀，加油呀！
回覆刪除知道，我會喇
刪除拿出決心來，一定會成功。
回覆刪除我有決心呀，唔係都唔會一次又一次咁去挑戰 \m/
刪除覺得提子乾會容易D!
回覆刪除如月, 我覺雙酵活躍D, 成功機會好D咖~ ^0^
朋友話新鮮提子最易攪。我係浸到呀，不過養啲b么咁靜。
刪除我浸過雙酵，無乜泡仲以為無咁好，其實係易啲架? :-/
做包包真係唔易,加油加油!!
回覆刪除一向知做包唔易，不過養天酵更加難
刪除MOONmoon, 加油呀, 欣賞你嘅毅力~~~~
回覆刪除知道，所以重新整過 :D
刪除天酵?!唔識:(不過祝你成功!加油!!
回覆刪除哈哈...........唔係咁多人識啫
刪除加油 :-bd 我覺得提子同提子乾真係最好, 最易成功 :)
回覆刪除朋友都係咁講，浸的時候好好地，做咗種又唔多掂，都唔明白!
刪除真係好難養, 祝你成功!! 加油呀月月!\m/
回覆刪除我會繼續努力
刪除加油呀 好快成功呢
回覆刪除多謝，我會努力
刪除加油! 我就冇咁好心機去養了，太唔得閒啦。
回覆刪除真係好唔得閒架，日日要照顧佢
刪除我就係怕會好似你咁樣，所以返咗嚟英國咁耐都心機去養天酵！ :-O
回覆刪除你日日係屋企好過我，我日日要返工根本無時間做包
刪除我第一次玩雙酵都是新鮮紅提子, 佢初頭反應都唔大架, 所以我打定輸數, 點之到做包時佢又好好烕力喎. 另外, 草莓同藍莓既酵力都好驚人架, 養果陣時, 離遠都聽到個樽吱吱聲, 有時d泡仲嘔埋出黎要換樽添, 你可以試下.
回覆刪除我啲真係有少少泡咋，邊有嘔泡咁勁呀!
刪除我做過雙酵，但好似加咗乳酪無乜泡咁嘅?????
加左乳酪係無第一階段時咁多泡架. 我上星期因為家裡買了提子, 所以又身痕浸多樽提子雙酵. 做到加乳酪時, 都覺得泡泡無之前幾次咁多, 吱吱聲又少. 我懷疑係天氣關係. 天酵反應最強烈係7月時整草莓同黑布冧.
刪除那加咗乳酵是放室溫嗎?要浸到那個程度先叫得?因為提子可以看到它升晒上去便知，乳酪真係唔知點先得
刪除舉個例說: 今晚你巳發覺第一階段的水果+糖+水的發酵巳差不多完成, 到了明天(星期一)早上便把水果酵液濾出和原味乳酪及糖混合. 我既比例通常係90克水果酵液+90克原味乳酪+15克黃糖及白糖. 點解係90克? 因為我鍾意去二記買牛奶公司出果隻, 細細杯, 一杯大約87-90克重的原味乳酪. 有剩既水果酵液就用巳消毒玻璃瓶載好, 放入雪櫃儲存. 乳酪+酵液+糖混合好之後放室溫, 到左夜晚(一般相隔12小時)就搖樽, 然後開蓋, 俾佢抖下氣, 我通常打開蓋之後1, 2分鐘就會蓋回蓋子. 跟住後天(星期二)早上重複搖樽及抖氣步驟. 到左夜晚又做搖樽及抖氣步驟. 跟住放入雪櫃. 大後天(星期三)從雪櫃取出乳酪酵液, 取20克和高筋粉放入另一巳消毒玻璃瓶內混合. 放在室溫發約5小時至2倍大便放回雪櫃(通常第一天餵養放到6, 7小時都唔夠2倍大, 唔緊要, 照放入雪櫃. 大大後天(星期四), 雪櫃取出昨天巳餵養的種, 加入20克乳酪酵液及20克高筋粉, 攪勻, 室溫放至2倍大, 由於昨天巳發過一次, 所以你會見到今日會好快發到2倍大, 有時3個鐘頭就完成. 完成後又放入雪櫃. 跟住大大大後日(星期五)早上又從雪櫃取出巳餵養酵種, 加入20克乳酪及20克高筋粉攪勻, 室溫發至2倍大便可以馬上用來做包啦. 用剩既種, 好多人都話續餵養要餵返等量既乳酪酵液同高筋粉發至2倍大放入雪櫃儲存留待下次做包用. 其實唔駛架. 用剩既酵種就咁隊返入雪櫃, 到下次做包時就加適量乳酪酵液同高筋粉發至2倍大就馬上做包, 因為啱啱發好既種係最活躍.
回覆刪除好鬼鍾意你架啫 :-* blog唔打，打咁大段嘢教我，我已經餵咗乳酪，但無你咁要打開抖一抖，係咪因為咁?而且我係用水加粉餵無用乳酪液餵，又係咪咁所以唔活躍?
刪除你有時間便可以餵咗再做包，好似我咁要返工，餵了要等3小時，做包又4、5個鐘，根本做唔到，我也明白一餵完是最活躍。
多謝你咁詳細，你快啲寫番你個blog喇，好想睇你寫嘢呀!
我由一開始玩天酵巳經是跟Reko的方法玩雙酵, 所以唔夠胆講係咪剩用水加粉無咁活躍. 雙酵因為加入乳酪, 而乳酪中的乳酸菌的確有助天酵"發育良好", 由A cup變D cup, 哈哈! 我其實一個星期先至整一次包. 通常星期六上午餵養, 下午搓包, 之後入雪櫃冷藏發酵約18小時. 隔天, 即是星期日就焗包囉.
刪除我都係星期六日才有時間搓包咋，reko做包好得，等我又學下你啲時間先
刪除對唔住, 打錯字. 第三行"克水果酵液+90克原味乳酪+15克黃糖及白糖", 實為15克黃糖或白糖"
回覆刪除呢個我明白。
刪除上個月我在YB都post過一篇"紅提子天然酵母製作方法", 有少少亂, 希望你睇得明. http://www.moonmoonkitchen.com/2013/10/bb.html?showComment=1381671105473#c4608401026182686959
回覆刪除我而家做第一階段唔會用咁大份量既水果, 次次都係80克水果+160克水+15克黃糖或白糖. 次次都好成功喎! 所以玩天酵玩法其實好隨意架, 你會撞手神都試到一種方法啱自己既.
玩天酵唔太難，成功做到包先難。
刪除你講得無錯, 天酵玩玩下你就會掌握到. 但就算你今次用左呢個比例呀, 份量呀, 好like好滿意咁啦, 點之下次同等份量, 比例, 發酵時間以及烘烤時間做出黎既包都有分別架, 有時係難食左添, 真係抓晒頭架.
刪除呢個我都明白，天氣濕度都有影響
刪除對唔住MOONmoon, 我attach錯link!
回覆刪除http://blog.yahoo.com/hkstyle/articles/1191602/category/%E5%A4%A9%E7%84%B6%E9%85%B5%E6%AF%8D%E8%A3%BD%E4%BD%9C%E7%89%B9%E8%BC%AF
你覺得天酵做的包有咩唔同?有店鋪老細覺得天酵包同手搓包差不多味道!
刪除我一向都是用手搓包, 不論以前用instant dry yeast或而家用天酵. 我地係家庭式小量製作, 係會食得出個分別. 我so far意會到既分別係(一)天酵包在發酵時同出爐後係無咁大陣酸縮依士味. (二)如果用雙酵的話, 焗起的包, 細心聞會有一陣奶除或乳酪除, 做白吐司尤甚, 呢陣味唔係人人鍾意. (三) 唔知點解, 我覺得天酵包好難上色!
刪除我都覺得天酵啲包無咁大陣味。
刪除