2009年9月28日星期一

食譜~【五仁果子月餅】

【五仁果子月餅】


[餅皮材料]

低筋粉150g、金獅糖漿100g、生油1/4杯、梘水1/4茶匙、濃普洱茶1湯匙

(此份量約做34g~8隻)

[做法]

(1) 在大盆中放入低筋粉,中間開穴。

(2) 加入糖漿、梘水、濃普洱茶、油攪拌混和、拌勻成粉糰後,在室溫靜置3小時以上。

[五仁餡料]

(a) 合挑60g、南瓜仁60g、松仔仁40g、杏仁80g, 紅梅乾20g(我無紅梅乾用咗藍梅乾)、白芝麻40g、糖冬瓜50g、桔餅1個(無桔餅用咗橙皮10g~烘焙買的)

(b) 糖霜90g、凍滾水68ml、橄欖油38ml、糕粉57g、鹽1/2茶匙、拔蘭地/汾酒 1 1/2湯匙(我無拔蘭地改用咗Rum酒)、老抽1/2茶匙

(餡料份量約做40g~16隻)
[做法]

(1) 將(a)材料切細粒(唔好用機打),用焗爐焗香。

(2) 所有材料拌勻,除糕粉外,加入(b)材料攪拌勻,最後加入糕粉拌勻,立即分成38g一小份,用力揸成果仁團(千萬不要待水份乾先分,會好難揸成團的)

[餅面汁]
蛋黃 2個、濃普洱茶1湯匙
餅模:63g

(1) 將餅皮料分成34g,擀薄包入一份餡料,搓圓,入模壓成月餅。

(2) 排好月餅,在餅面噴少許水。

(3) 焗爐先用160C預熱30分鐘,先以200C焗5分鐘,在餅面搽上"餅面汁"。

(4) 以180C焗8分鐘,再取出搽多次"餅面汁",以180焗再焗多8分鐘,其間要留意餅底,太濃要先熄下火(若爐有上下火調較可調底下火溫度)。

今次焗得樣衰

下次個蛋汁都係唔落老抽,太黑啦!


{心得}

~如果63克模 大約份量為皮25克, 餡30克

~如果83克模 大約份量為皮40克, 餡45克

~五仁餡不可搓得太實,會令個餅太硬!

~五仁月亦不適會做四方形,因餡太實做唔出靚嘅四方形!















24 則留言:

  1. (Empty)
    [版主回覆09/27/2009 21:52:00](Empty)

    回覆刪除
  2. 妳好好心機呀 果仁都用手切 桔餅街市雜貨鋪無得賣呀 
    [版主回覆09/27/2009 21:53:00]桔同橙都係差不多,所以我諗起去買橙皮(處理過架)!

    回覆刪除
  3. 如月~為咗老人家開心 ,真係妳至得    
    [版主回覆09/27/2009 21:51:00]下次一定整得好啲嘅!

    回覆刪除
  4. 個月餅餡好健康喎!等我有時間的話,又試下整先,謝謝妳的分享 ,但係點解會焗到咁o既樣架!?
    [版主回覆09/27/2009 22:23:00]我都想知點先可以焗得靚啲,點解我成日都焗到裂晒嘅

    回覆刪除
  5. 連五仁都做埋, 你唔好引我啦, 我己跌落呢個無底深譚啦, 再係咁落去會好窮架啦
    呀 梘水係邊度買架
    [版主回覆09/28/2009 08:23:00]五仁係我一路都想做嘅月餅,因為每年都好難搵到五仁俾媽子,而自己做嘅無糖漿無咁甜,健康啲! 梘水係二記有得買$5一小樽!

    回覆刪除
  6. 我想問生油是否花生油和梘水在那處買?
    [版主回覆09/28/2009 11:04:00]可以用花生油粟米油都得! 梘水係烘焙店有小樽買$5!

    回覆刪除
  7. 都好靚呀, 真係好好食架
    [版主回覆09/28/2009 11:03:00]我都唔明,第一次用你嘅份量倍半搓出嚟個粉糰好乾! 第二次用兩倍又太濕,真係唔明解!

    回覆刪除
  8. 係咪要用果啲大爐焗先得呢?
    [版主回覆09/28/2009 11:40:00]唔知呢?

    回覆刪除
  9. 真係好好心機啊!  ....你講得啱, 個皮係黑左啲, 下次真係可以唔落老抽
    [版主回覆09/28/2009 12:03:00]若果聽日有時間我又研究過  我唔信仲攪佢唔掂!

    回覆刪除
  10. 我都唔明呀, 所以都係摸索中.........關於裂的問題, 雖然我未知點解, 但係我開始留意, 如果焗過左火 & 餡不夠杰(D餡太熱開始溶)個餅就會裂, 我諗後果2次10分鐘焗的時候, 把月餅拿出來搽蛋汁時便要把溫度調低, 等佢有多點時間降溫, 可能會好D
    [版主回覆09/28/2009 12:03:00]由我開始試整月餅都有呢個問題,裂....係咪真係個餡同皮個比例呢?定係要慢火焗呢?

    回覆刪除
  11. 我估都係開個爐溫事, 因為每一次裂, 個月餅都會開始變得肥肥跟住就裂喇, 有D餡仲會流出來添. 因為次前MISS都講過, 焗係焗熟個餅皮, D餡一早已經熟喇, 可能當連D餡都熱, 咪谷裂個皮LAW.
    [版主回覆09/28/2009 12:24:00]咁即係爐溫高咗,我咁我調較下,時闁較番短d! 我啲餡無流出嚟喎!

    回覆刪除
  12. 好似好難整喎 !
     
    [版主回覆09/28/2009 12:25:00]唔係好難,但好難掌握得好!

    回覆刪除
  13. 你真係傻架~~~~五仁都整埋~~~叫人點跟喎~~
    [版主回覆09/28/2009 16:12:00]你而家至我儍咩!

    回覆刪除
  14. 我知你係傻既~~~但估唔到你真係傻得咁匀循姐~~~
    [版主回覆09/28/2009 21:45:00]哈哈哈...........聽日又要做傻大姐啦

    回覆刪除
  15. 你真係勁, 給你一百個服字!
    [版主回覆09/28/2009 21:44:00]我好鍾意試新嘢,又鍾意人地收到嘅月餅,人地開心我就開心!

    回覆刪除
  16. 喂~聼軒媽講你度有五仁月餅食,我用最快的速度來到咖 !整得好靚波~ 係面頭焗黑佐d啫~ 冇需要落醬油,只用雞蛋就可以了。
    爆裂係爐火過猛,導致月餅爆裂,我有過經驗~
    下次再整的話,我都試嚇尼隻食譜~
    [版主回覆09/28/2009 20:14:00]即係邊隻譜呀?無嘅?我聽日再接再厲整過呀,係咪有譜譜呀

    回覆刪除
  17. E~~~咁岩呀~~~我聽日後日都係喎~~~~
    [版主回覆09/28/2009 22:40:00]聽日又做廣式,後日做大量冰皮!

    回覆刪除
  18. 我都想學整廣式呀~~~但好似好麻煩咁~~~ 我聽日做冰皮同糯米滋~~後日整狗餅~~哈哈
    [版主回覆09/29/2009 06:21:00]點都無做冰皮咁易!

    回覆刪除
  19. 好多功夫~~~
    [版主回覆09/30/2009 06:05:00]我噚日又整多次啦!

    回覆刪除
  20. 月姐:又冰皮又廣式,你個廚房幾乎冇時停.勁勁勁!!!
    [版主回覆09/30/2009 07:55:00]所以呢排都好攰,不過仲要忙埋聽日嘅冰工廠大行動!

    回覆刪除
  21. 嘩!您連五仁都出埋, 真係中晒毒喇!
    [版主回覆10/01/2009 16:52:00]五仁我一定要學架,因為媽子同奶奶都鍾意食呀!

    回覆刪除
  22. (Empty)
    [版主回覆10/02/2009 09:35:00](Empty)

    回覆刪除
  23. 预祝中秋节快乐~
    [版主回覆10/02/2009 09:37:00]中 秋 節 快 樂 ! ! !

    回覆刪除
  24. 我未整過月餅呀,買左個模啦,諗住揾日去旺角買齊D乜仁物仁就開工.
    我見你食譜個皮既糖槳份量好多(我平時整蛋糕整餅 糖既份量只佔麵粉既一半, 因我好怕甜耶耶)
    我諗住减糖漿, 但又驚會有梘水味, 可唔可以唔落梘水呀?
    仲有,倒模前使唔使係個模度搽油, 還是審D麵粉係舊餅度, 先易脫模唔會chi?
    [版主回覆03/27/2010 23:32:00]糖漿係令啲果仁黏實架,其實我整嘅已經減咗糖! 梘水係令個餅有色,倒模唔係搽油架,祇要灑啲粉入去咁就好易脫模架啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^