【芋頭臘味煲】
[材料]
芋頭半個，柱侯醬1湯匙，臘鴨脾2隻，臘腸2條(可隨意用任何臘味)
[做法]
(1) 芋頭切件備用。(刨芋頭皮記得用膠袋套住手刨)
(2) 臘鴨脾切件，臘腸切粒。
(3) 用薑片起鑊倒入芋頭，加入柱侯醬，糖、少許鹽兜勻。
(4) 加入臘鴨脾、臘腸兜勻，加水1杯冚蓋，煮至汁收即成。
注：可隨個人喜好用椰汁代替柱侯醬，若用椰汁，應在汁收亁八成時加入。
Sandymama的飲食天地
訂閱：
發佈留言 (Atom)
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
哈哈~又係我
回覆刪除[版主回覆12/10/2008 21:03:00]知啦，今日下晝去咗邊呀?
哈哈~今日勁啦,士瓜灣,上環,香港仔,銅鑼灣和興行入貨
回覆刪除[版主回覆12/10/2008 21:11:00]都話去和興預埋我囉!咁其他地方做乜呀?
哈哈..2
回覆刪除[版主回覆12/10/2008 21:25:00]恭喜恭喜!
哈哈~點預妳呀?我地1:00已經到啦,不過見排長龍就去食飯先,原來果樹搵食都好難架,好以唔洗錢咁 食完再去都又係要排隊,所以都排咗有半個鐘架,個地方又鬼咁曬,仲有要準備一架車仔先好去架
回覆刪除[版主回覆12/10/2008 21:27:00]1:00寫字樓放飯，梗係唔使錢咁啦! 好多人買嘢咩? 咁你去土瓜灣、上環、香港仔做乜呀?
哈哈~試吓香港d巴士有幾焗嘛
回覆刪除[版主回覆12/10/2008 21:43:00]無冷氣嗰啲?
有架佢可能無開冷得d風,樓上會比較焗架,到我落車先知原來樓下好d架
回覆刪除[版主回覆12/10/2008 22:49:00]我都試過，我會落去同司機講叫佢開番喎!
呢味我好鍾意食嫁, 不過真係唔知原來要加柱候醬呀, 下次我都要試吓先得!
回覆刪除[版主回覆12/11/2008 06:22:00]早晨呀!我係唔想咁肥，唔用椰汁，咪加少少柱侯醬囉!我都唔知係咪架，總之覺得咁好味啲!
哈哈~落咗去上番黎咪無位坐囉 我今日坐111過海喎
回覆刪除[版主回覆12/11/2008 06:22:00]早晨呀!晨早啲人返工呀!
早晨呀~如月....幾日冇見啦!! 呢個餸正喎, 好啱而家天氣食...haha~
回覆刪除想問...用煲仔煮餸, 係咪要用細火煮架? 大火直接燒個瓦煲會唔會裂? 因為我之前試過自己整煲仔飯, 用左中大火, d飯未滾, 個煲已經燒到裂左, 搞到呢咁hea! 定係有咩方法處理左個煲先呢(新買返嚟時)?
[版主回覆12/11/2008 11:46:00]早晨呀!用煲仔煮無咁好味，我試過，都係用鑊煮好放入煲仔度保溫!如果用煲係要用中細火! 你撻火時唔好放個煲係爐度，咁好易裂架! 裂咗?我無試過喎，煲仔飯啲米要浸水喎! 新買番嚟亞媽教我用生油搽勻佢，等佢吸收啲油咪無咁易裂囉，記住呢啲煲要撻咗火先好放落去!
哦~~原來要撻左火先放煲架, 咁上次裂嘅原因可能係咁喎! 好彩得你提點啫, thx!!
回覆刪除用生油搽可以架? 之前有人教我用米水浸呀, 咁樣得唔得呢?
整煲仔飯d米我都有浸下, 因為見街邊檔係咁做..咪照辦煮碗囉! hehe~ 你真係教曉左我好多野, 我真係乜都唔識架..
[版主回覆12/11/2008 13:19:00]唔好咁講，我都係亞媽敎啫!