2013年9月10日星期二

運動

 
由6月開始
已經開始做運動
我好難先度到
朝早上班前去做運動
仲要比平時早15分鐘
起床梳洗
6點落屋企樓下
因為得半小時
無諗住去得遠
行半小時
每日影張相去鼓勵自已
一方便可以警剔自己
唔好偷懶

不過
咁耐好似都無乜進展
我真係唔想節食
祇係想盡量食清啲
不過都係嗰句
年紀大
好難減呢!!!!


61 則留言:

  1. 加油呀~~郁動下點都好過成日坐呀~

    回覆刪除
  2. 其實唔節食,只係運動,會減得比較慢,同埋運動係唔可以停,要永遠永遠架...
    節食呢,我覺得唔洗話要捱餓既,但每次七分飽就最好,一日可以5餐,但餐餐都唔好飽,咁又唔捱餓,又有得食,又可以減呢..加油呀~~

    回覆刪除
    回覆
    1. 減得慢都唔緊要,但咁多個月一點進步都無。
      7分飽即係唔飽 T_T

      刪除
    2. 可能運動量太少, 30分鐘吾足夠燃燒脂肪,你可以試試晚飯吾食澱粉質, 晚飯後一小時再做適量運動, 效果應該會好d

      刪除
    3. 若果晚飯後可以有一個鐘,我就唔使咁早落街做運動@@

      刪除
  3. 無再肥已經係有成績架喇! 加油!

    回覆刪除
    回覆
    1. hehe......唔知你係邊個添!
      好彩無肥到

      刪除
  4. 我表妹都唔係後生女,但佢都減得好犀利!聽佢講,朝早同晏晝就食得豐富啲,五、六點後就唔再食澱粉質食品,只係食少量菜、蔬果同飲湯,佢自己又有跑步、打詠春,佢話最好飯後落街散步喎!

    佢仲有個 "自瘧" 方法,係個詠春師傅教佢,就係去運運服裝店買件膠衫或褲嚟著住做運運,肯定勁出汗排水,仲話著住跳 "鄭多燕" (我之前未聽過,唔知個字係咪咁寫) 就一定掂!

    回覆刪除
    回覆
    1. 我做唔到,放成6點要煮飯8點幾先食飯。

      刪除
  5. 你行得快唔快?急步行,令心跳加快,但又不至於上氣唔接下氣,會有效D,而且可以增強心肺功能。其他時候都可以盡量多D 活動,例如行樓梯唔搭,早一個站落車行多兩步.... 加加埋埋令全日活動量增加都係一個辦法。

    回覆刪除
    回覆
    1. 得到出汗架但心跳唔太快。
      行仲辛苦過跑呀

      刪除
  6. 加油呀 moon !!! 做運動身體好呢

    回覆刪除
    回覆
    1. 多謝,我都係咁諗,起碼身體會好啲

      刪除
  7. 安安 如月~~要加油芽,我都吃左飯就落街行半個鐘,呢個真系要堅持芽,我都巧鬼肥,年紀都大芽,有時我都有藉口話唔去,不過阿仔就"的"我去囉...哈哈~~有人陪會好D架 ^__^

    回覆刪除
    回覆
    1. 莎莉好高興見番你!
      晚上食咗飯已經好晏,又要打blog無時間行了!

      刪除
  8. 快步行, 都好好丫, 無做開運動, 唔好一開始就跑, 對膝蓋唔好丫

    回覆刪除
    回覆
    1. 行辛苦過慢跑。我鍾意跑一陣,心跳快咗便行快步

      刪除
  9. MOONmoon運動要持之以恆,慢慢行,你咁有恒心有一天你會發現真係唔同架,俾信心啦。

    回覆刪除
  10. 減肥真係好難, 連舒淇這些美女都要6點過後乜都唔放入口來維持身材. 加油! V夢字

    回覆刪除
    回覆
    1. 你嚟喇,好掛住你,幾時攪埋過嚟呀,我做唔到6點後唔食嘢,放5點半,返到屋企煮完都8點,唔通真係唔使食咩

      刪除
  11. 我都係呀,但係冇減到, sob sob

    回覆刪除
    回覆
    1. 年紀大了做乜都減唔到

      刪除
    2. 年紀大都有小小影響, 不過只要keep住做運動, 一定減到, 減肥好講恆心, 同要做一做reseach, 做咩運動同做幾耐先有用, 如果亂做一通, 都係無用.

      刪除
  12. 減肥真係唔容易, 我要教練督住死做難做,咁就一定出到一身汗。

    回覆刪除
  13. 有某d人係咁,初頭個幾月磅數無變,但肉就結實咗,跟住磅數先慢慢回落~~ 我就係咁啦^^ 我都係無節食,7月尾開始跳鄭多燕,而家先發現輕咗4磅~~

    回覆刪除
    回覆
    1. 我明白,我咁一開始係無咁易的。
      最衰屋企無位俾我跳

      刪除
  14. moonmoon,我哋一齊加油啦!

    回覆刪除
  15. 努力加油,時間可以証明一切,我都係懶之過,都要開始做,又經常出外吃.唉!我還未整到個網頁.你在yahoo內的所有文章及食物会搬回此處嗎?擔心睇不到啊!

    回覆刪除
    回覆
    1. 我都係成日出去食飯,又夜食飯!
      一定會搬回這裏的,放心

      刪除
  16. 加油, 我都一早放棄了. 肥瘦由佢自由發展囉

    回覆刪除
  17. 我都肥啦好多,人上啦年紀會發福,我都放棄咗啦

    回覆刪除
    回覆
    1. 如果我唔增長我真係唔想郁,但係年年增長就好幣

      刪除
  18. 不要放棄,加油呀!

    ~人哋麻媽

    (我一直有睇你個blog㗎,不過無留過言。)

    回覆刪除
    回覆
    1. 哈哈........現在沒登記也可留言,真好!
      多謝你追隨我嚟呢度

      刪除
  19. 慢慢啦~ 要健康地減呀!!! 我個人好反對節食同食藥減!! 加油呀))))))))) 其實有成績呀啦, 不過唔係太明顯住姐~~~ 比D時間自己!!!

    回覆刪除
    回覆
    1. 食藥以前試得多,無效的,我唔想太強迫自己節食,盡量食清淡啲便算。

      刪除
  20. 加油呀! 有運動好過無運動, 唔急得架! 習慣之後慢慢加速, 持之以恆,對身體一定有好處的!

    回覆刪除
  21. 搵到你啦! 我來打招呼!

    回覆刪除
    回覆
    1. 哎呀,見到你好高興呀,我地大家都搵得好辛苦呀.........嗚嗚,等我追蹤先,咁就唔會失散

      刪除
  22. 嘩!你已經好有恆心喇! 繼續努力,加油!

    回覆刪除
  23. 加油 一定得≦≧

    回覆刪除
  24. 呢個朝朝影張相的方法,真係好有鼓勵作用,值得一試.

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^