2008年11月22日星期六

【咸魚雞粒炒飯】

                       【咸魚雞粒炒飯]
[材料]
雞脾肉粒半碗,蛋1隻,飯1碗,椰菜半碗,咸魚1湯匙。

(1) 雞脾肉同椰菜切粒,用生抽、糖、雞粉略醃,咸魚蒸好弄散。

(2) 起鑊爆香雞粒至熟,加入椰菜粒略炒盛起備用。

(3) 再起鑊倒入蛋汁,至蛋汁略為凝固,倒入飯加少許鹽、糖兜勻。

(4) 加入雞粒椰菜兜炒至全熟,加入咸魚兜勻即成。

2008年11月18日星期二

食譜 ~【九層塔炒蜆】


食譜~【白筊筍炒牛柳絲】

  【白筊筍炒牛柳絲】

[材料]
白筊筍4條$6,牛柳$30。

[做法]

(1) 白筊筍去皮,切絲備用。(根部可切去1寸,無咁嫩的)

(2) 牛柳切絲,用生抽、雞粉、糖、麻油醃略。

(3) 起鑊先爆牛柳至九成熟,盛起備用。

(4) 再起鑊落入白筊筍絲炒,炒時要逐少加水,加鹽、糖、蠔油炒至熟。

(5) 最後加入牛柳絲兜勻,埋獻即成。


2008年11月15日星期六

食譜~【牛油蛋糕-Butter Pound Cake】

【牛油蛋糕-Butter Pound Cake】



[材料]

低筋粉 200g,泡打粉半茶匙,無鹽牛油 200g,糖 160g,蛋 4 隻,雲呢拿香油半茶匙。

(兩個15cm x 6cm x 5cm長形模)


[做法]

(1) 牛油室溫回軟,加入糖打至乳白色。(唔知係咪天氣凍,打極都唔夠滑)

(2) 蛋汁分兩至三次加入牛油糊中攪拌勻。

(唔知點解今次打極都唔夠滑,一粒粒咁,好驚唔成功!)

(3) 加入香油落牛油混合糊中拌勻。

(4) 低筋粉、泡打粉用篩慢慢篩入混合糊中拌勻。

(5) 將用焗爐焗過5分鐘之合桃,加入麵糊中拌勻。

(6) 蛋糕模噴上菜,再灑上杏仁粉,將多餘之杏仁粉倒出。

(7) 將麵糊倒入模中,用手攞起模輕輕向枱面敲幾下,讓空氣完全排出。

(7) 用膠刮刀在中間劃一道線。

(8) 放入已預熱焗爐中,以180度焗40-45分鐘。

**可用牙籤測試蛋糕熟未。以上分量已減甜。

2008年11月13日星期四

【泡菜炒飯】

                         【泡菜炒飯】
[材料]
泡菜(小)1盒,青豆半碗、洋葱粒半碗,黑椒火腿半碗,蛋1隻,白飯1碗。

呢隻泡菜有大包亦有呢隻小盒,一次食一盒,啱啱好!
[做法]
(1) 先將所有材料切粒備用。

(2) 起鑊先爆熟洋葱同青豆,盛起備用。

(3) 將蛋拂好,起鑊倒入蛋汁,轉細火,將冷飯倒在蛋面兜勻。

(4) 再加入所有材料兜勻,加鹽,至全部材料兜勻之後。

(5) 最後將泡菜剪細,倒入炒飯中兜勻即成。

2008年11月6日星期四

食譜~【蝦醬炒飯】


【蘇good-拍青瓜】

【蘇good~拍青瓜】
[青瓜一條(好長嘅有白色刺嘅),

1. 青瓜切頭尾磨一陣,大力用刀拍碎,切一段段,唔要中間啲籽。(我用咗個保鮮袋,咁拍就唔會拍到周圍都係)

2. 用鹽拌勻,青瓜會出水,(出咗水會爽啲),倒咗啲水再用廚紙抺乾。

3.  鎮江醋、糖拌勻試味,倒入青瓜中拌勻,再加入日本麻油!我用咗啲蒜茸同1隻辣椒切碎。


2008年11月4日星期二

【白筊筍炒魚片】

【白筊筍炒魚片】
[材料]

白筊筍4條
魚片半條
紅蘿蔔絲適量
[做法]
(1) 白筊筍去皮,切絲備用。(根部可切去1寸,無咁嫩的)

(2) 魚片切絲,起鑊先爆魚片至微微金黃色,盛起備用。
(3) 起鑊落入白筊筍絲同紅蘿蔔絲,要加少少水,不可以一次加太多水,加鹽、糖、蠔油兜勻。
(4) 最後加入魚片炒至白筊筍熟即成。

啲白筊筍都幾甜喎!

食譜~【杏仁酥餅】

[杏仁酥餅]


2008年10月29日星期三

【蒜心魚柳炒粒粒】

【蒜心魚柳炒粒粒】
[材料]
蒜心1束
魚柳1條
粟心仔1包
本菇1包
蟹柳4條
[做法]

(1) 將所有材料切粒,魚柳用酒、胡椒粉、生抽略醃。

(2) 將魚柳抺亁後,煎之前落少少生粉拌勻,用半碗油起鑊,用半煎炸方法煎熟魚柳。

(3) 起鑊爆香所有粒粒,加少許蠔油、糖、麻油、少許鹽兜勻。

(4) 加入魚柳煮一會,再加入蟹柳兜勻即成。



2008年10月4日星期六

食譜 ~【薑葱炒蟹】

食譜~【洋葱炒牛柳】


【露筍炒百合本菇】


【露筍炒百合本菇】

[露筍4條,百合1包,本菇1包]

1. 露筍去掉腳的1寸,斜切成片。

2. 百合逐塊撕開洗淨。

3. 本菇去根洗淨。

4. 起鑊先落本菇,加少許蠔油兜勻,煮2分鐘。

5. 再倒入露筍同百合,加鹽、糖、麻油、雞粉、少許生抽煮至熟即成。


2008年10月3日星期五

食譜~【千島雜錦pizza】


[千島雜錦pizza]


Pizza底:高筋粉60g 、低筋粉60g 、水約60g 、依士3g 、糖4g 、鹽1g 、橄欖油4g 。

1. 將所有材料混合搓至起筋(同麵包直接法做法一樣),蓋上保鮮紙進行第一次發酵約40mins至兩倍大。

2. 取出排氣,再鋪上保鮮紙讓其鬆弛靜置10mins。

3. 擀薄成9"圓形普通厚批底,用叉在麵皮上刺上小洞。

4. 在pizza底上塗上pizza或蕃醬,讓其進行第二次發酵約30分。

5. 在pizza底上放上所需材料,因為今次做千島味,所以加二湯匙千島醬將吞拿魚拌勻,再放上pizza底上。

6. 預熱焗爐,用180度焗15-18分鐘,取出灑上芝士再焗2分鐘即成。

**今次係吉之島買咗呢樽pizza,我覺得好香好好味,勁似pizza H嗰啲味道!

2008年9月17日星期三

【沙葛鯪魚片】

[沙葛鯪魚片]

[沙葛一個,鯪魚肉$15,葱粒1茶匙]


1. 沙葛去皮,切幼絲備用。

2. 鯪魚肉落葱粒、鹽、糖、生粉、生抽、胡椒粉攪勻,用手撻成膠狀。


3. 起鑊倒入鯪魚肉,用鑊鏟壓成塊狀,至金黃色,可用鑊鏟切條,盛起備用。

4. 起鑊先煮沙葛,加少許鹽、糖,煮至九成熟,倒入鯪魚條兜勻即成。



2008年9月5日星期五

【蒜茸芝士焗青口】

[蒜茸芝士焗青口]


[紐西蘭青口16隻,芝士3湯匙,洋葱粒3湯匙,蒜茸3湯匙]

1.先將紐西蘭青口解凍,瀝水,用酒,胡椒粉略醃。

2.焗盆鋪好鍚紙,排好青口。

3.將蒜茸同洋葱先鋪在青口上,再灑上芝士。

4.用180度焗15分鐘即成。

食譜~【黑椒焗雞翼】

~黑椒焗雞翼~