20160214~情人節數碼港瀑布灣遊

2017的情人節

對於我來說

已不能希望有人送花

大老爺是實際型

無法子

一連兩天請了假

昨日去了長洲

今日簡單點

大老爺帶我來數碼港

數碼港聽得多

都係第一次嚟

我地選擇搭巴士

一來不趕時間

二來搭巴士有個好處

可以欣賞沿途風景

差不多成個鐘先到數碼港

這個咁出名的數碼港

原來祇有幾座大廈組成

一個商場

一間老麥一間超巿

個商場水靜河飛

有一間戲院

如果買飛可能得我地睇

商場隔離有個大草坪

有人稱之為貝沙灣狗公園

很多人放狗

數碼港隔離便是貝沙灣

座落在港島南最好風景的地段

一流

行了一會

大老爺建議行去瀑布灣

由貝沙灣出口沿馬路行

到了華富邨

跟指示再行落海邊

便可見到瀑布灣公園

我仲以為咁就係瀑布灣添

原來由公園行

落了樓梯

跨過閘門

下邊便是真正的瀑布灣

有模特兒在影相

也有一對情侶在拍照

影過相

便要好努力咁行番上華富邨商場搵食

實在太肚餓

華富邨風景無得頂

但這條邨座落在山中

斜度頗高

上上落落都好辛苦