菠蘿包!!!

                  菠 蘿 包

講起菠蘿包

香港人無人不識

名稱由來
祇因外皮似菠蘿皮
細細個已經食菠蘿包

菠蘿包有幾多年歷史

真係唔知

我祇知道我懂性以來

已經知道有菠蘿包呢樣包包

之前十年八年

公司附近有間新鮮麵包店

每朝也是一包一茶

菠蘿包加熱奶茶

又或是墨西哥包

呢間麵包店的菠蘿包好好食

可惜

地產霸權出現

商場被收番

開咗大型百貨公司

買的貨品我都買唔起

全是名牌

跟住呢兩年

無真真正正食過一個好味的菠蘿包

試過去美X同聖X娜買個頂下癮

點知完全不是那一回事

無包香又硬又鬆

總之一句

好難食

我知道旺角一間出名的茶餐廳“金X”

之從有個不愉快的經歷

我發誓無得食都唔會去食佢個菠蘿包

一樣食物幾好食都好

服務水平咁低

食咗都係背脊骨落

買嘢幫襯要受氣

請我都唔食

今朝

去咗一間未幫襯過的茶餐廳

本來祇係想搵個地方食個早餐

坐低叫咗兩個早餐

在我視線範圍內

見到一盆菠蘿包

 

看落好新鮮

不是來貨的

應該係自己廚房出爐的

叫了一個菠蘿包

 

輕輕掂一下

暖暖的

心已經一亮

吃了一口

不得了

好好味好軟熟

有麵包香有質感

好好食

$3.5一個好抵

 

無諗過會食番兒時味道

以後想食菠蘿包

便可以來買個吃了