合益泰小食~深水埗桂林街

金益泰小食

如無必要事

星期六日怎少踏足深水埗

怕人多怕人流複雜。

上星期日

有需要到深水埗鴨寮街走訪一下

同大老爺食完lunch

搭小巴到深水埗

下車行過港鐵隧道，一出港鐵出口，便是鴨寮街

今次到相機器材鋪

尋找攝影閃燈

找完沒有收穫

見時間正下午茶

想起“合益泰”點會放過呢

去到人不算多

等了一會兒便可以坐下

合益泰地方不大

枱也祇是5張左右

有大圓枱也有兩張長枱

坐下

叫了我最愛的豬皮蘿蔔魚旦三寶(唔記得走旦)

呢度樣樣都不錯

係魚旦唔得

唔夠彈牙又腥唔好食

叫豬皮蘿蔔記得要辣

其實個汁不太辣

但無咗個汁就太清吧

 

同大老爺一人叫了一碟腸粉(小)

呢度腸粉有三種size(大、中、小)

腸粉$6~4條，送上來時祇加了豉油及麻醬

甜醬及芝麻自己加

大大樽芝麻任落

我要多啲多啲芝麻，正到吖

腸粉爽滑，絕對不會黏埋一舊舊

條條分明，滑不留口

豉油不太咸，味道剛好

有點後悔，太小了不夠喉

 

見很多人食牛肉球

可惜我不吃牛，看落樣子不錯

(相片copy自網上)

 

想添食炒麵，可惜姐姐未炒好

無得食，試過一次炒麵唔錯

好好食，食落又唔油噃

要提一提豆漿幾蚊一杯

好豆味甜度又適中

燒賣及粉果，今次未有位置試食

留待下次吧

合益泰門外

整天也那麼多人

幾位亞姐服務非常貼身

落咗單，會親自取來所叫食物

唔會漏單

啲亞姐又好笑容

我buy

食時聽見外邊下起大雨

原來落起傾盆大雨

後來知道是黃雨呢

好彩行完街才下雨