2012年11月15日星期四

視而不見!!!





MOONmoon~

香港人自認文明

到現在先發現

公共交通工具

開始設立讓位座

不過都無用

香港人~視若無睹

有等於無

老人家一樣要企

 

★★★★★★★★★★★★

每朝我要坐港鐵及巴士上班

每天我都見到香港人嘅真正面孔

坐巴士

學生唔識讓位俾伯伯婆婆

就自個伯伯攞住拐杖

企係佢面前

都視若無睹

由其是後生女同學生哥最唔會讓位

返而一些貌似粗人的大男人

同我呢位師奶

見到老人家都會讓位

其他人真係廢物一樣............坐少一陣都唔得

★★★★★★★★★★★★

有一次坐巴士

車長後面有兩個座位

坐咗一對母女

囡囡係小學生

一位公公上車

見佢手震腳震咁行入嚟

車廂入面已企滿人

無得再入

公公就企係呢位媽咪面前

佢無扮瞓覺呀......

眼瞪瞪咁無反應

你話佢點教後代

佢教出嚟嘅仔仔女女唔會好得去邊

連最基本嘅禮貌都唔識

結果呢位公公係企到落車

真係唔知咩世界

★★★★★★★★★★★★

又有一次在港鐵

我上到車梗係無位喇

如果我有位

見到老人家我一定讓位

坐少一陣唔使死嘅

反而啲小朋友我唔會讓噃

我最憎啲家長

霸埋俾啲小朋友坐

因為現今家長太痛錫啲小朋友

小朋友無位坐唔會有問題

要磨練先得架

下下就晒佢地就變晒港童喇

反而老人家

跌一跌唔係講笑

★★★★★★★★★★★★

那一次

我見一位白髮婆婆入咗車廂

面對婆婆係兩公婆

斯斯文文

男的著西裝女的穿高跟鞋

似受過高等教育

一睇就知係中環上班一族

可能高尚學府無呢科

公民教育

居然視若無睹

可惜我無位讓俾婆婆

眼見呢卡車廂大大話話十幾人

居然無人有意識讓位俾婆婆

到佐敦我見對面有個位

就叫婆婆過去坐

婆婆好多謝我

我就好大聲咁講

婆婆:如果我有位,一早讓咗俾你啦

真係不吐不快

點解而家啲香港人

變得咁冷血咁無情

以上祇係冰山一角

真係講都講唔完

★★★★★★★★★★★★

我家大小姐

上到巴士或港鐵都好

就算讓坐位無人坐

佢一定唔會坐

情願企一陣

佢覺得呢啲位應該留俾老人家坐

佢地細細個我已經教佢地

要讓位俾老人家

佢見到老人家一定讓位

唔知香港人幾時先會文明一點

成日攪咁多示威

攪下公民教育仲好

巴士港鐵唔準食嘢係人都知

但依然見唔少後生仔女甚至學生哥

食嘢飲嘢

唔通後生女真係趕時間啲咩!!!☆☆☆☆☆☆☆☆☆☆☆☆☆☆☆☆☆☆

各位睇完呢一篇
喜歡的話
請在題目下方的"f讚"度讚一讚


讓你們的fb朋友也能看到你的好介紹
********************
我製作的ebook已經出版
Apple產品或Android嘅朋友

有興趣可以download

《《品甜apps》》








31 則留言:

  1. 自私係人既本性 ,唔係個個人都識得禮讓同守規矩 ,做到既人真係稀有品種黎喇 !
    [版主回覆11/14/2012 22:21:22]無法子,香港人越來越無人情味

    回覆刪除
  2. 香港公民教育教得唔好囉, 我去台灣旅行, 不論係捷運 or 巴士, 見佢地真係唔會坐"博愛座"架
    [版主回覆11/15/2012 06:05:10]係呀,我去台灣旅行,佢地啲公民教育真係好掂,無人會坐啲博愛座架,而香港是最近先有呢種座位咋

    回覆刪除
  3. 我大肚時, 試過有個學生哥讓位比我, 點知比企在我旁邊既男人一個唔該"得"落去, 仲要即時扮訓覺! 我當時唔知比咩反應, 不過個學生哥即時出聲, 叫果個男人起身比番個位我.....又試過一次我搭地鐵, 我當時有位坐, 有個老婆婆入黎, 震震下咁, 我見全部人竟然無反應, 唯有等我呢個大住肚既黎讓個位比亞婆坐.....<<<< 我當時肚都成8個月大啦.....
    其實同人爭位坐真係好肉酸架!
    [版主回覆11/15/2012 06:06:35]個學生做得好!
    呢啲香港人真係好好笑,佢地真係無感覺架︳成日都睇到我眼火爆

    回覆刪除
  4. 上一代的人比較有規矩,而呢一代的人真係好自私 ^^
    [版主回覆11/15/2012 06:06:50]呢一代真係不要得

    回覆刪除
  5. 我有朝見到個小朋友咸住發工人"啤四", 冇位坐!! , 真係!!!!!! 冇得救!!!
    認同, 依家年青一代, 冇咩禮貌, 冇點理人感受!
    [版主回覆11/15/2012 07:56:46]見到呢啲小朋友,我可能會鬧佢架,真係港童一名!

    回覆刪除
  6. 我覺得台灣呢樣嘢做得好好囉,捷運迫到C,啲博愛坐都無人坐嘅;有次同老父1起坐巴士,啲學生哥會話:公公,您坐!
    最近HK嘅巴士加咗博愛坐,我響總站上車,發覺嗰啲行得走得打得嘅,會最早霸住個位坐。
    [版主回覆11/15/2012 07:53:56]台灣嘅博愛坐已經好多年喇,香港真係落後
    [版主回覆11/15/2012 07:53:28]咪係囉,真係睇到眼火爆呀,都唔知啲父母點教仔女

    回覆刪除
  7. 緊張大師-小女人2012年11月15日 下午3:41

    但係我好好彩,無論巴士同地鐵都有好心人比位我坐同有人扶我下車,我好感動呀,一個唔識既人都可以咁好,但都有些不懂此禮貌,我成日講你唔係欠我既,你無必要一定要讓,這只是看每個人的做法同公民教育而決定
    [版主回覆11/15/2012 07:55:01]如果我遇見我都會咁做,唔係全部香港人都係咁嘅!

    回覆刪除
  8. 喺呀!呢一代D喺好無規矩,無禮貌,尤其是D上班族(香港區、油尖區),我住新界區比較好D,搭輕鐵有好多人讓位,可能多老人家!(呢區)
    [子藍回覆11/15/2012 09:27:32]咖啡?! My God !
    [版主回覆11/15/2012 07:56:09]新界可能仲保留咗傳統文化,敬老,你講得啱呀,越受過教育越唔識禮讓,今朝又見到位靚女係地鐵飲咖啡

    回覆刪除
  9. [版主回覆11/18/2012 14:38:28]身教最重要,父母唔教唔通要學校教咩?自己做好榜樣小朋友自然跟住做

    回覆刪除
  10. 唉 家下啲新世代, 真係唔識得何謂敬老扶幼, 唔同妳爭位坐已經好好喇
    [版主回覆11/18/2012 14:35:40]咪係囉,點攪呀,啲後生淨係學埋大聲惡就得

    回覆刪除
  11. 在港鐵看別人開餐常有發生 , 除不讓座外 , 還有大聲說粗語穢語 , 沒用耳筒打機看劇 多的事 ......
    但看得見還好 , 有些暗地裡偷拍的才更要小心 , 有一次坐在對面有一厚厚眼鏡長髮披肩但蓬鬆穿白恤衫撓腳而坐 , 他雙手放在腿上 , 但其手中的智能手機正對旁邊短裙少女大腿 , 我看着他咳了兩聲 , 他的手機即時改了擺位 , 因他未有太大可疑動作所以不能舉報.......
    [亞飛回覆11/18/2012 16:15:16]香港地講法律的 , 有証有據一早就把他捉了 , 雖然香港人情薄過紙 , 但捉色狼也有很多會幫手 , 最重要是証據.
    [版主回覆11/18/2012 14:35:08]化妝都唔少喇,都唔明白,個樣要見人唔係一早攪掂,係地鐵由眼化到咀,真係失禮!
    偷拍嘅真係唔要得,你出句聲都好吖,捉唔到佢佢都雞咁腳走呀

    回覆刪除
  12. 我有我的新空間2012年11月15日 下午7:26

    香港目前最需要的是"公民教育" 並非 "國民教育" !
    [版主回覆11/18/2012 14:33:40]認同呀

    回覆刪除
  13. 博愛位其實應該係唔好座...留番比真係有需要嘅人ga....如果政府肯喺 peak hour 電視時段多D宣傳會好D囉...起碼D人冇籍口扮唔知嘛.....
    [版主回覆11/18/2012 14:33:23]我而家已經習慣唔座架,播幾多都無用喇,呢啲教育要從小教,啲亞爸亞媽都係咁,點叫啲小朋友學啫︳小朋友無位座,啲亞媽就鬼咁緊張呀

    回覆刪除
  14. 無錯呀 香港真的很落伍 .. 現在才有關愛座
    唉 十萬個認同你這篇 !!
    [版主回覆11/18/2012 14:32:15]以為台灣落後,人地不知幾有公民教肓呀,香港人真係要學下

    回覆刪除
  15. 大人以身作則係非常重要的
    [版主回覆11/18/2012 14:31:42]啲大人自己都唔讓位

    回覆刪除
  16. 呢家D年青人, 第一時間入到交通工具, 就係搵個位, 跟住就埋頭玩手機... 有個小學生上到車, 無位坐, 就大叫大嚷, 最閉個阿媽仲要話呢家D人無教養, 唔會讓坐, 我心想, 嘅然咁矜貴, 唔好搭公共交通工具, 搭的士... 現代小朋友大多數真係被寵壞
    [版主回覆11/16/2012 06:15:06]我最憎呢啲亞媽,慌死個小朋友攰咁,我一定唔讓

    回覆刪除
  17. Vancouver 所有公車都有呢種讓位座,就算有人坐上,見有需要的人仕會馬上自動起身讓位,如果係巴士上,司機會透過廣播通知乘客讓座! Vancouver 一般男仕都會讓座給女仕及小孩,傷殘及長者的!大人細路都會自覺讓座的!
    [版主回覆11/16/2012 06:13:41]外國係咁架,幾老嘅男人都好禮讓,係香港啲男人咁架咋,同你一齊霸位

    回覆刪除
  18. 安`安 Moon Moon~~好認同你所講嘅嘢,所以香港人唔好以為自己好文明,連最基本嘅事都做唔到呢...一代不如一代...唉~~
    [版主回覆11/16/2012 06:12:44]香港人自認文明社會,其實咁少嘅禮貌都唔識

    回覆刪除
  19. 依家 D 人真係好識視若無睹架!告示、老人家、大肚J婆睇唔到!
    [版主回覆11/16/2012 06:11:28]睇到都當睇唔到嘛

    回覆刪除
  20. 讓坐位 !! 如果可以做到台灣咁就好啦
    就算冇位都唔會坐,只讓俾有需要的人
    [Iamcherry_____________回覆11/16/2012 18:41:35]我試過有次去韓國我同朋友睇唔到「優先座」
    坐左落去
    結果俾個伯伯鬧... haaaa 印象深刻
    [版主回覆11/16/2012 06:10:53]台灣人真係好好,迫到爆都唔會坐架,初初去台灣旅行唔明白坐咗落去添

    回覆刪除
  21. 我話”讓坐位”要霸咗先. 見有需要人士就讓位. 好過其他人坐咗唔讓嘛.
    [版主回覆11/16/2012 06:10:10]咁肉酸我唔做呀

    回覆刪除
  22. 我都見過唔讓坐的情況,所以,現在香港人好自私呀!
    [版主回覆11/18/2012 14:27:49]香港人要公民教育呀

    回覆刪除
  23. 家長以身作則好重要囉, 如果父母都唔會敬老讓位的, 細路當然有樣學樣啦. 所以我就算同囝囝哋一齊搭車, 我見到有需要既人我都會讓位的, 囝囝哋夠大個, 企得穩企下無所謂.
    [版主回覆11/18/2012 14:27:39]就係啲怪獸家長好家教,啲小朋友無位坐就覺得好慘,見老人家都唔識讓位架

    回覆刪除
  24. 萬分之認同,我都係坐港鐵返工,D人好奇怪就算有其他坐位,佢地都硬要坐優先座,就算有優先座有位我都唔會坐啦,反觀台灣捷運就算車箱超多人都無人坐關愛座,會留返比有需要人座.
    [版主回覆11/18/2012 14:27:17]個優先座有等於無,座優先座嘅人唔係讓位俾啲婆仔架

    回覆刪除
  25. Iamcherry_____________2012年11月17日 上午2:40

    我岩岩呢個星期都係,搭西鐵時我見到一個唔太老既老人家但帶住口罩
    我就企起身讓個位俾佢。
    佢不停咁唔該哂我,到有個站佢隔離個人走左即刻叫我坐番
    之後同我傾傾計原來佢岩岩睇完醫生都攰而家去探個孫
    佢都有講而家有d人剩係識「篤篤篤」一係合埋眼訓覺
    我都覺得而家有d人真係完全唔識咩叫禮貌
    [版主回覆11/18/2012 14:25:36]講得啱呀,但有時見啲婆仔又唔係幾啱嘅,明知架巴士已經滿座︳又唔明白佢又唔係趕返工或趕時間,係要上去無位嘅車度,等多一陣都唔得?

    回覆刪除
  26. 以上的全部認同你, 這句話下下就晒佢地就變晒港童喇, 反而老人家跌一跌唔係講笑, 真係要讓下老人家嘛!
    [版主回覆11/18/2012 14:24:30]啲港童成日扭計話點解無住坐架,啲亞媽反而氹佢

    回覆刪除
  27. 我見到老弱孕婦一定讓坐.有聽過大男人同大肚婆爭位坐呢!失禮死人!很幸運爸媽坐車通常都有人讓坐的。
    現在年輕人需要公民教育多過國民教育囉!
    [版主回覆11/18/2012 14:23:52]我都係,不過好多人唔識讓架

    回覆刪除
  28. 我都係盡量唔會坐呢d”優先座”.
    不過好多後生仔女都坐,有老人家企係佢地前面都唔會讓, 定係佢地唔知呢d位嘅作用呢 ??
    我都見過一個男人搶左一個拎拐杖嘅婆婆個位, 全部人都望住佢,佢個頭就dup都去心口,咁醜都要坐, 真係咁坐少一陣都唔得 ??
    [版主回覆11/22/2012 14:48:43]我而家都唔會坐,好肉酸咁,留番俾老人家坐!

    回覆刪除
  29. 我每次回港都睇唔過眼呢d事呢!
    [版主回覆11/22/2012 14:48:56]香港呢啲事日日都發生

    回覆刪除
  30. 同意.... 我都唔會坐「優先坐」..... 人地都寫到明係俾d有需要的人,點解一班無需要的人會得個 pat pat 落去坐呢 !?
    [版主回覆11/22/2012 14:49:16]我而家都習慣唔去坐架,好肉酸啫

    回覆刪除
  31. 我有左BB,由見肚到而家就黎生得,總共被讓座 5 次, 其中一次仲要係我撞到我朋友!扮訓覺,“低頭族” 我見得太多,有一次為左一個稍好的企位都要開聲唔該個女仔同我調位企,我真係唔敢想像我地下一代會變成點?個人認為在國民教育前更加應該做好公民教育!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^