23~July~2011(六)
【2011~韶關丹霞山高鐵之旅】~ DAY 2
(Part II)
食完晏再入番丹霞山景區
今次先挑戰"陰原石"
去呢度之前
導遊問有邊個去挑戰長老峯
幾乎祇得我三母女唔去
(應該仲有一兩位唔去)
點知行完"陰原石"呢
得番半數人話去咋.....hahaha
去陰原石要乘翔龍湖嘅街渡過去的
比起陽原石
呢度比較難行架
因為好多樓級
仲有幾級成75度斜
好彩唔係好多級
行到身水身汗
終於到達"陰原石"
途中
望過去的就係長老峯
一陣團友會挑戰呢個險峯
沿途見好多呢個景象
原來係途人用嚟向山祈福用
俾我影到幾隻鴨仔
長鏡真係唔同啲
長老峯有一處有90度嘅樓級
我聽到已經怕怕
老實講我有畏高症
嚟到無理由唔上去睇下丹霞山
我選擇坐吊車
雖然坐吊車
我都要合埋眼先唔驚咋.....haha
2-3分鐘就上到去
向寶珠峯出發
寶珠峯同長老峯係可以對望的
所以我地約好係度同團友打招呼
吊車站行去觀景台祇需10分鐘路程
很美的景色
不過好曬呀
丹霞山地貌
今日天氣好好
所以望得好清楚
老實講睇自然景色
真係要看老天爺面色架
多雲大雨就睇唔到呢!
細機影嘅都好sharp下喎
我鍾意呢張相呀
係我教妹妹幫我影的呢!
對面就係一半團友挑戰嘅長老峯
hi........聽到嗎?
是日晚餐
一般十餸一湯
今晚住宿嘅酒店
大堂好靚
呢間比起昨晚間好少少
不過佢地保養得真係好差
唔知係咪大陸人嘅習慣
做乜都求求其其
仲有電腦用提供
可惜上唔到fb同yahoo
無乜用
祇可以用嚟打下機
今日個個都行到好攰
搵咗全巿唯一一間按摩店
打電話去book又話要準時
點知去到等咗半個鐘
都話無師傅激死
我個師傅手勢唔錯
做完好舒服
鬆晒
呢一日都好金
行到好攰好攰
仲要係大暑
好彩明日無咩行程,可以抖抖!!!
用Apple產品或Android嘅朋友 大家有興趣可以download我本ebook 請多多支持 Apple itone apps MOONmoon Fan page 喜歡嘅就click入去"讚"我啦!
3
回覆刪除2
1
[版主回覆07/31/2011 10:32:00](Empty)
如月
回覆刪除去旅行我最驚坐吊車...妳就好啦...有畏高合埋眼就夠膽坐吊車...我就唔得啦...我會由頭驚到尾架...仲驚到喊添... 次次都好失禮...
[版主回覆07/31/2011 10:32:00]咁我地計劃同你去嘅旅行咪要揀無高山無吊車架囉?
個風景都幾靚呀
回覆刪除[版主回覆07/31/2011 10:33:00]風景真係很美,天氣又好先影得咁清呢
丹霞山原來唔只一座山﹐係山群﹐令人心礦神怡。我好驚坐國內既吊車﹐以前係北京見過D同胞一收工﹐吊車有人照停晒走人﹐搞到嚮吊車既人大叫求救﹐好嚇人。
回覆刪除[版主回覆07/31/2011 10:31:00]係呀,係一大群山,風景好美! 大陸搭吊車真係幾驚架,但去到無理由唔上山頂睇下!
而家週圍都有吊車!我地以前去,一定要自己行!
回覆刪除[版主回覆07/31/2011 10:31:00]而家發展得唔錯!
好小酒店會提供埋電腦架!!
回覆刪除[版主回覆07/31/2011 10:31:00]我都係第一次見!
風景真係好靚 要坐船 好有遊桂林漓江嘅感覺啊 丹霞山老爺N年前春天去過 有好多雲霧 雖然睇唔清楚 但都好靚喎 我十多年前6月去北京長城 都頂唔順又曬又熱 又係坐纜車上去 行咗一小段咋
回覆刪除[版主回覆07/31/2011 10:31:00]應該係桂林靚啲! 天氣又好先影得咁清咁靚 天氣真係太熱喇,行得好辛苦!
如月~我都想去,早排tvb有做,好靚,但我見到好高怕冇能力行,而且我都怕高,吊車我還可以,但如行崖边真的會腳軟 我試過吊橋都唔得
回覆刪除跟美食之旅都ok,我都跟過
[版主回覆07/31/2011 10:31:00]風景真係很美,天氣又好先影得咁清呢 我都唔行得架,呢間旅行社唔錯!
陰原石, 無見過喎! 你地行程好D喎! 坐吊車好化學咁, 好驚!
回覆刪除返大陸睇風景通常都行鑊金. 仲有返大陸無奇不有. 有朋友返大陸玩BOOK間向泳池的房間(貴D), 點知泳池修理, 火都嚟!
[版主回覆07/31/2011 10:31:00]大陸就係咁,不過去呢啲團會平啲,志在一家人聚埋一齊去玩幾日!
你揹住2部機好辛苦,但景色好靚
回覆刪除[版主回覆07/31/2011 10:31:00]個膊頭鬼死咁攰呀!天氣好風景先咁靚!
丹霞山風景真係好靚 啊
回覆刪除[版主回覆07/31/2011 10:31:00]風景真係很美,天氣又好先影得咁清呢
如月
回覆刪除妳咁樣講咪即係唔駛去囉...我發現去接近大自然既地方...差唔多一定會有吊車出現架...所以我都無辦法避免到...點樣都好過去太過城市化既團喎...
[版主回覆08/01/2011 10:52:00]
一定有啲唔使坐吊車嘅,放心!
丹霞山好去處, 吊車我都坐過好多次
回覆刪除[版主回覆08/01/2011 10:52:00]
坐吊車我怕怕架!
"陰原石"同"陽原石"聽就聽得多,始終未去過一睹佢哋嘅風貌呀!
回覆刪除[版主回覆08/01/2011 10:52:00]
我好耐無去探你喇,呢排公私都忙 ! 唔知點解大陸好多呢類石架!
謝謝分享! 丹霞山貌的確與眾不同啊!
回覆刪除[版主回覆08/01/2011 10:52:00]
丹霞山真係得美!
天氣好,影啲相都sharp啲,不過個人就慘啲,熱c囉~~
回覆刪除[版主回覆08/01/2011 10:52:00]
天氣真係好好,所以影相都靚啲!
上午和下午行咗幾耐山呀?
回覆刪除[版主回覆08/01/2011 10:52:00]
行足成日架!