21~June~2011(二)
今日天氣開始轉壞
明後兩天可能大風大雨
大家做好準備
買定少少材料返屋企
咪打成風要困係屋企無嘢食呀
***
卷蛋
我的第一卷
終於我都鼓起勇氣
做出平生第一條卷蛋
呢一卷
已經係個幾星期前嘅產品
有咗呢次經驗
下次知道將食譜份量減幾多
先啱我個焗盆
因我個焗爐細
放唔到正常size嘅焗盆
用孟老師嘅份量
應該要減1/3至啱
呢次焗出嚟份量多咗
個蛋糕體厚咗
啲cream打得麻麻地
放入雪柜時
原來都要注意
點放先唔會變形
今次個樣子好肉酸
變晒形
選咗自己喜歡嘅紅豆綠茶味
唔錯
我會再嘗試
***
【抹茶紅豆卷】
食譜參考:孟老師
[抹茶蛋糕材料]
全蛋150g(約2隻半),蛋黃15g,砂糖65g,無鹽牛油19g,鮮奶19g,抹茶粉1.5茶匙,低筋粉57g,玉米粉3/4茶匙
(下次要用呢個份量試下)
8"x8"正方形模
[夾心餡~抹茶蛋白奶油霜]
無鹽牛油120g,砂糖50g+水25g,蛋白50g,砂糖10g,抹茶粉1/2茶匙,紅豆適量
[夾心餡做法]
1.牛油室溫回軟,加砂糖打滑,加入抹茶粉拌勻。
2.蛋白打企,加入牛油糊中拌勻即可。
[抹茶蛋糕做法]
1.全蛋加入蛋黃,坐熱水至溫度提升至30-40度,打發至發白,加入砂糖打至蛋糊提起回落時能呈現紋理。
2.低筋粉、抹茶粉及玉米粉混合好。
3.加入蛋糊中拌勻至無粉粒,再加入牛奶拌勻。
4.最後加入熱牛油拌勻。
5.在焗盆上鋪好焗紙,
6.倒入粉糊掃平。
7.以160度預熱焗爐10分鐘,以170度焗15分鐘即可。
8.取出放在架上,撕開邊位之焗紙放涼,
9.待5分鐘,在蛋糕上鋪上一張焗爐,小心提起反轉,撕去原先之焗紙,繼續放涼。
10.大約待10分鐘,即可用另一張焗紙,協助下反轉至正面,在尾端斜切,在頭端界一刀方便卷起。
10.在蛋糕上均勻地塗上夾心餡粒,放上紅豆。
11.用焗紙幫助下慢慢卷好,放入雪柜冷藏。
應該要將底部放在下邊
現在放錯咗
令卷蛋變咗形
卷蛋真係好好味
遲啲再戰卷蛋.................
卷得好靚呀 !!
回覆刪除呢個好耐之前做,係嘗試搬一篇過嚟看看
刪除唔知點解好怕整卷蛋糕, 呢本書我都淘左, 平好多呢.
回覆刪除啲書淘真係平好多,我都係卷過一次咋
刪除我做過幾次都失敗. 每次都係唔夠厚度, 一卷就爤 :(
回覆刪除還有呢... 點樣整上面D連結傢? 我意思係yahoo blog, yahoo聯盟...
刪除我都開始遂編搬過嚟!有冇更好又容易搬遷嘅方法呢?!
回覆刪除我仲下載
刪除Hi, 妳好呀, 已搬到這裡,係點搬呀, 我未搬, 睇吓人地點搞,先郁呀!
回覆刪除我都未下載完個backup
刪除蛋白好似有對眼~~ 好可愛~~ :)
回覆刪除我次次打完提起個捧就係咁 ^^
刪除┏┯┓┏┯┓┏┯┓┏┯┓┏┯┓♥(\ /)
回覆刪除┠中┠┨秋┠┨節┠┠快┨┠樂┨ღ( . .)ღ
┗┷┛┗┷┛┗┷┛┗┷┛┗┷┛c(”)(”)
第一次卷已經卷得很好了。
回覆刪除