12~Mar~2011(六)
上海之旅2011~Day 3~南京步行街
離開豫園
行到好攰
返到酒店坐咗一陣
又出發去南京步行街
係酒店沿外灘應該行十多分鐘就到
呢個係外灘以前嘅天文台
而家做咗餐廳
呢度就係南京東路
見到東方明珠塔架
沿途都好多人
唔怕會迷路
跟住啲人行
好快到咗南京路步行街
行咗大半條南京路
都無乜嘢睇
而且仲未肚餓
無去搵食
太攰唔再行都係做伸手黨
搭的士返酒店
因為日抖食得太飽
所以宵夜祇係食呢個就夠........
今日買咗好得意嘅公仔
呢個佛公仔好可愛
個肚腩好似大老爺
所以好有親切感
希望我可以好似佢咁日日都笑口常開
13~Mar~2011(日)
上海之旅2011~Day 4~~東方明珠塔~回港
玩嘅時間真係過得好快
今日要走喇...仲有好多地方無去到架
酒店staff話我地好好彩
上星期幾乎日日都落雨
我地玩呢幾日1天氣都好好
祇係今日好大霧
但都無落過兩
玩咗幾日 真係攰到唔想郁 自由行.......真係一日行到黑 今日無乜胃口 我無叫set 祇係攞咗少少嘢食 個牛角包唔錯係廚師即焗架 大老爺依然叫番呢個早餐 不過我叫佢要炒蛋因為我想食囉 人地問佢要熟啲定嫩啲 見佢無反應咪幫佢答 哈哈......事後佢話唔係唔識聽 係我答得快喎........無言 食咗返房抖咗一陣 順便執好行李 大老爺提議搭渡輪過對岸睇下 由酒店行去渡輪碼頭都係十分鐘 見佢15分鐘一班 就認住呢個碼頭咩名 怕回程去錯地方 兩蚊人仔一位空調位 就係呢架船 其實裏面得幾個位咋 兩三分鐘就到對岸 仲快過天星 似唔似台灣嘅國金呀? 見咁子多人行去同一個方向 一定有嘢睇 有時間咪又跟住行 原來好快可以行到去東方明珠塔 大約15-20分鐘 大老爺你摶上咗鏡呀))))) 睇咗一陣先醒起要返酒店check out 嗱嗱聲趕返碼頭 好彩搭到啫 唔係又要等多15分鐘 返到酒店 執好行李去check out 呢度啲員工真係好nice 可能少客 個ball boy問我地係係去機場 仲幫我地搵埋的士 搬埋行李 35分鐘就去到機場 時間尚早 攞咗登機証 就去醫肚 如果酒店附近有嘢食 梗係唔係度食啦 貪佢貴咩! 二樓就係食店 得三間 一間食上海嘢一間西餐 一間係味千 我諗最平就係味千 而且最多人 我揀咗食西餐 我叫嘅三文魚意粉 都食唔晒 漢堡包係大老爺嘅 成$89一個架 入咗禁區 好似香港嘅機場 上海嘅空中交通都幾混亂 無啦啦班機延遲咗兩個鐘 原本4:30嘅機延遲到6:30 仲係唔confirm架喎 好彩5:30都見到班機到埗 咁先安心少少 唔係都唔知等到幾時? 結果返到屋企成11:00喇!!!!
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
3
回覆刪除[版主回覆03/22/2011 21:47:00](Empty)
4
回覆刪除[版主回覆03/22/2011 21:47:00]
睇到悶未呀，終於寫完喇!
上海好多建築物都好靚，好特別，有機會真係要返去行吓至得
回覆刪除[版主回覆03/22/2011 21:49:00]
而家上海已經變咗好多，尚有好多好靚嘅建築物保留，唔知幾時會無晒呢! 返去上海行下都唔錯架!
好叻啵 之前真係做足功課 邊到都識去
回覆刪除[版主回覆03/23/2011 13:49:00]
都唔係，好多想去嘅都無去到!
上海我都未去過 希望有機會返去玩吓啦
回覆刪除[版主回覆03/23/2011 13:49:00]
有機會去下喇，真係幾好架!
自由行........真係日日行架！其實都幾累！
回覆刪除[版主回覆03/23/2011 13:48:00]
真係行到想C!
希望妳快 d 再享受旅行樂趣
回覆刪除[版主回覆03/23/2011 13:48:00]
我都好想 要等老細話事架!
開心 o既時間特別過得快! 再 Plan 去第二度嘛 ?
回覆刪除[版主回覆03/23/2011 13:48:00]
咁快又plan，回下氣($$$)先啦!
上海好多高樓大廈
回覆刪除[版主回覆03/23/2011 13:47:00]
上海真係一個大城巿，到處都係過樓大廈呢!
你呢個旅行去咗好多地方喎.
回覆刪除[版主回覆03/23/2011 13:47:00]
其實真係去得好少，好多地方仲未去過!
嘩!delay咗咁耐.
回覆刪除[版主回覆03/23/2011 13:46:00]
瞓醒幾覺都仲未上得機!
如有機會真係要返去玩吓
回覆刪除[版主回覆03/23/2011 13:46:00]
諗得過架，下次假期諗下啦!
咿! 點解唔入去和平飯店行吓呀?
回覆刪除[版主回覆03/23/2011 13:46:00]
和平飯店?嗰日已經攰到想C，個腦祇係諗住到此一遊算，行完嗱嗱聲返酒店!
我也喜歡上海那種中西交雜，古今交錯的地方呢！
回覆刪除[版主回覆03/23/2011 13:45:00]
上海尚保留咗好多好靚嘅建築物!
快樂嘅時間好快過啊！
回覆刪除[版主回覆03/23/2011 13:44:00]
放假過得特別快架!
兩年前去上海住在南京路, 行來行去都冇去你哋到過嘅一半，大老爺今次好開心
回覆刪除[版主回覆03/23/2011 13:44:00]
點解行得咁慢架? 今次我好開心就真!
上海去極都唔厭
回覆刪除[版主回覆03/23/2011 13:44:00]
但係大老爺無興趣再去喎!
廿年前去同衣家個機場真係無得比!
回覆刪除[版主回覆03/23/2011 13:43:00]
十年人事幾番身!
上海d建築物好古色古香! 加埋夜晚d燈光, 好靚, 好懷舊呀~~!!
回覆刪除[版主回覆03/23/2011 13:43:00]
夜晚嘅外灘燈光真係好靚!
死人，用助行架走路都要再去上海。
回覆刪除妳沒有游明珠塔，可惜。
[版主回覆03/23/2011 13:42:00]
無上去明珠塔，因為趕住走喇!
1994年, 浦東得條天橋, 乜都冇, 至今發展真驚人, 人話上海嘅國際地位將會超越香港, 都咪話冇機會。
回覆刪除[版主回覆03/23/2011 13:42:00]
1994 咪成8年前? 上海真係發展得好快，遲多幾年去又唔同lu!
個肚腩好似大老爺 所以好有親切感--->>
回覆刪除我看到個公仔都好有親切感,因為...
完全係我個肚腩既翻版似的,哈哈哈~
[版主回覆03/23/2011 13:41:00]
咪玩喇，你個肚腩有幾大我唔知咩
你個肚腩有幾大我唔知咩 ---->>>喂,唔好講得
回覆刪除咁曖昧至得架~
[版主回覆03/23/2011 16:24:00]
哈哈...你知我知喇
有冇試永和豆漿同雪菜肉絲麵，我老公差不多晚晚都當消夜食呀！
回覆刪除[版主回覆03/23/2011 16:24:00]
我間酒店係山kala咁遠，乜都無試到!有時晏咗食嘢連晚餐都無食!
我個女只掛著買買買o羅
回覆刪除[版主回覆03/23/2011 22:15:00]
你囡囡超鍾意買嘢噃!
嘩!原來上海太完美呀! 希望`可以去到啦!
回覆刪除[版主回覆03/23/2011 22:15:00]
有機會去玩下吖!
自由行真係唗好多腳骨力
回覆刪除[版主回覆03/25/2011 06:32:00]
係呀，上海地方大真係行到腳軟!
咁似許文強被槍殺個個門口
回覆刪除[版主回覆03/25/2011 06:32:00]
但係我見唔到許文強噃