2010年9月9日星期四

我的第一月~慘不忍睹!!!


8~Sep~2010(三)

我今年的第一月

~慘不忍睹~



今年係第二年挑戰

~廣式月餅~

上一年掌握唔到

個個出爐都笑晒口呢!



今次參考'小三'食譜

[月餅皮料]~6個~83g模~每份皮25g

    低筋麵粉 90g,金獅糖漿 60g,生油 19g,梘水 1茶匙,麵粉適量(作手粉用)

  


[餡料]

白蓮蓉,咸蛋黃

全部買現盛,想掌握到先自己做餡



[做法]

1.將麵粉、糖漿、生油、梘水混合拌勻,輕輕拌成粉團即可(切記過度搓揉),靜置最少2-3小時成皮料(讓粉糰的麵粉、糖、油能完全溶合)。



(剛混好之模樣)



(放了三小時之模樣)

唔知點解搓唔到,祇可以匙"不"起一份份

但包起上嚟又好容易喎


2.將皮料分成每份25g(太黏請放在膠袋上)。

3.餡料的白蓮蓉分成90g一份,加入一隻咸蛋,搓圓成餡料。





4.將一份皮料輕輕壓扁,放上一份餡料,慢慢從底部向上推至收口,搓圓,撲上少許手粉(不要太多)

5.將餅模撲上手粉,放入月餅糰,按實至模與月餅之間沒有空位,將餅模放在焗盆上(已放上不黏紙或焗紙),按下餅模,使月餅扣出。

6. 用乾淨毛掃將月餅上多餘的手粉掃去。



7.以180度預熱的焗爐,用180度焗至餅面上色(三四分鐘左右),即取出掃上蛋漿(蛋拂勻加少許水拌勻,切記掃太多),調低至170度焗至全熟(全程約20至25分鐘,視乎月餅大小而定)即可。

注:焗溫個個不同,要視乎情況關底火,以免底部過燶;出爐之月餅請勿移動,稍為放涼定咗型,先可轉盆;廣式月餅出爐後要等最少3天等月餅『回油』才可進食更滋味。

今次係試驗性質

所以祇做半份

仲分咗兩次焗去試爐溫

右手邊嘅第一盆

爐溫過高

有少許燶,外型ok喎

無裂無咁瀉

左手邊嘅第二盆

調低咗10度爐溫

以為ok啦

點知剛才熄咗下火唔記得開番

見到瀉晒著晒裙

先醒起開番下火

不過隻隻都變咗啤梨身形啦

總括來講

今年好過舊年

多謝硬琳教我

出爐啦

左手邊係第二盆

因為第一盆熄咗下火

唔記得開番所以著晒裙

右手邊係第一盆

ok喎









三天後

月餅回油






 



53 則留言:

  1. 都唔係吖 回咗油咪幾好 唔緊要 再嚟過 妳一定得嘅  
    [版主回覆09/08/2010 22:57:00]因為今年個皮好黏,脫模脫得好差!下次一定靚你好多架啦!

    回覆刪除
  2. 都好靚呀其實:)
    [版主回覆09/08/2010 22:57:00]因為今年個皮好黏,脫模脫得好差!

    回覆刪除
  3. 個花好靚!
    [版主回覆09/08/2010 22:57:00]因為今年個皮好黏,脫模脫得好差!

    回覆刪除
  4. 雖則外型爭少少,但係色水好靚喎!切開睇已經想食添………
    [版主回覆09/08/2010 22:57:00]因為今年個皮好黏,脫模脫得好差!

    回覆刪除
  5. 巳經唔錯喇!回油後色水會好些呢!
    [版主回覆09/08/2010 22:57:00]因為今年個皮好黏,脫模脫得好差!

    回覆刪除
  6. 我覺得呢隻咸蛋黃唔夠油,而家買左D水浸蛋整呀
    [版主回覆09/08/2010 22:55:00]係呀,我都覺唔會再買,都係買番傳統咸蛋,今日買咗料做五仁,希望會好過舊年啦!

    回覆刪除
  7. 好食咪得囉...買相都唔緊要...妳介意就等我要啦...
    [版主回覆09/09/2010 06:44:00]下次一定好啲架!

    回覆刪除
  8. 五仁唔好預我
    [版主回覆09/09/2010 06:26:00]我都好怕架,不過媽咪鍾意食!

    回覆刪除
  9. 你已經進左一大步喇
    [版主回覆09/09/2010 06:26:00]下次仲好啲!

    回覆刪除
  10. 小三今日都係同Bees做這個廣式月餅
    [版主回覆09/09/2010 06:26:00]但係,點解我跟小三個份量,佢個粉糰仲可以搓架喎,點解我個咁黏根本搓唔到呢?是否我做得份量太少呢?

    回覆刪除
  11. 皮薄餡靚~係個蛋黃唔夠油,但大致上都好似樣
    [版主回覆09/09/2010 22:05:00]係呀,我唔會再買呢隻咸蛋啦!買普通嗰啲自己焗!

    回覆刪除
  12. 外型唔緊要, 最緊要好食, 今年我等你請我食
    [版主回覆09/09/2010 22:05:00]外表唔靚你都唔想食啦,你等我就慘啦,我忙到C呀又無假!

    回覆刪除
  13. 見到個個都話做月餅......攪到我都心思思想試吓添
    [版主回覆09/09/2010 06:42:00]自己整平好多架!

    回覆刪除
  14. MOONmoon可唔可以俾內涵我呀 我啲餡搞唔掂唔見得人 我睇小三 blog,佢個粉糰冇咁濕,仲可以搓,點解呢?呢隻糖漿係咪 work 架,不過我已經喺 Amazon  order 左,唔使自己整咁麻煩,係買唔到蓮蓉 頭痛!
    [版主回覆09/09/2010 06:43:00]都唔係好明白點解!我跟佢個譜祇係用1/4份量! work架,中秋個個都買佢架!蓮蓉...若果你買神仙捧咁就易整!

    回覆刪除
  15. good 啦 !  
    [版主回覆09/09/2010 06:43:00](Empty)

    回覆刪除
  16. (Empty)
    [版主回覆09/09/2010 06:43:00](Empty)

    回覆刪除
  17. 整多次,你一定會得!對你有信心,何況呢次都靚!係有D烏龍
    我等你整冰皮,先後「W」
    [版主回覆09/09/2010 06:43:00]我都有信心!冰皮要下星期先開工啦!

    回覆刪除
  18. 甚麼是神仙棒呀 請指點迷津
    [版主回覆09/09/2010 07:51:00]你睇呢度啦,我見人地用呢個攪拌器好易做得好滑呢!
    http://www.bamix-usa.com/

    回覆刪除
  19. 月月.整月餅...好靚o奧.回油後
    [版主回覆09/09/2010 08:00:00]啲咸蛋唔靚,個外形又唔靚!下次一定得嘅!

    回覆刪除
  20. 叻叻  (你轉左隻鴨鴨蛋糕做標記,差d認唔到你 )
    [版主回覆09/09/2010 14:13:00]咁你以後記住呢隻鴨仔啦!

    回覆刪除
  21. 有裙邊咪邊左中式馬卡龍囉
    [版主回覆09/09/2010 14:13:00]我識整馬卡龍就好啦!

    回覆刪除
  22. 打錯左添,係"變"唔係"邊"呀...
    [版主回覆09/09/2010 14:12:00](Empty)

    回覆刪除
  23. 你真係有實驗精神,我等你做到自己百分百滿意再教我啦!
    不過今次已經好好,食咗未呀?
    [版主回覆09/09/2010 14:12:00]係呀,我個新朶係"餅痴"呀  

    回覆刪除
  24. 唔緊要啦~~慢慢黎一定得既~~
    [版主回覆09/09/2010 14:12:00]下次一定得!~

    回覆刪除
  25. 咁快D做第二...第三....第四月啦....會愈整愈好gei.....
    [版主回覆09/09/2010 14:11:00]嘩,邊有咁多時間吖,我要度住啲時間嚟做餅呢!

    回覆刪除
  26. 妳真係好勁呀, 如月...又要返工, 又要做家務. 仲可以抽到咁多時間整野食.
    我最鍾意傳統既雙黃蓮蓉月, 味道ok就得架喇., 我唔介意賣相架. 聽到麻?
    [版主回覆09/09/2010 14:10:00]其實.....我係餅痴呢!  真係可惜無乜時間做俾你地呢!

    回覆刪除
  27. Norwich CT. Winnie2010年9月9日 下午7:04

    今次不滿意,不次再整,你一定得的,加油!!!!!
    我第一次整冰皮月餅,用你的譜譜,我自己覺得O.K.,但比起你做的梗係差很多,我已Post在我的blog,你click去看看,給D意見,謝謝!!!!
    [版主回覆09/09/2010 14:10:00]睇咗啦,比心機呀!

    回覆刪除
  28. 如月雖然個月餅多咗個邊 ,但係整得好靚呀 !
    [版主回覆09/09/2010 14:10:00]係一時唔記得開番下火呢!

    回覆刪除
  29. 哎喲......我喜歡食五仁,唔通我才是老餅.....唔制啊!
    [版主回覆09/09/2010 14:09:00]嘩,我好怕五仁架,不過媽子鍾意嘛!

    回覆刪除
  30. 你係唔係用膠模呀?? 試下按個下唔好咁大力丫, 我第一次整時都有裙邊呀, 之後問過師傅, 佢話用膠模既話按得存度唔平均就會咁~~ 至於好難脫模, 可以落多少少手粉, 出模後慢慢用掃掃走d 粉就得ga la~~ 希望幫到你la~
    [版主回覆09/09/2010 14:09:00]多謝你,我係預少咗餡料唔夠滿呀!

    回覆刪除
  31. 你對自己都要求好高wor 咁都話惨不忍睹
    如果你請我食.....我直情噴飯應呀!
    不過我要走旦黄嘅......唔該
    [版主回覆09/09/2010 14:08:00]因為吸模吸得好差!都唔係四方形嘛! 走蛋黃.........嘩,人地個個要蛋你走蛋?

    回覆刪除
  32. 如月姑娘!!!!! 我忘了click私人回应!!!
    [版主回覆09/09/2010 14:07:00]唔使喊得咁慘涼! 好多謝你俾嘅意見呢,有一部份好啱用呢!我會再做餅架,呢次一定成功!

    回覆刪除
  33. 我都未的起心肝去整呀... 我煮左個奶皇餡仲係雪櫃呀... 我又想買個木模天...
    [版主回覆09/09/2010 21:45:00]攪掂個月餅先啦,買木模我都想架!

    回覆刪除
  34. 我有我的新空間2010年9月10日 上午12:43

    皮好薄, 餡好多. 是單黃嗎?
     
    [版主回覆09/09/2010 21:45:00]吸模吸得唔靚呀!係呀,下次做雙黃!

    回覆刪除
  35. 工多先要藝熟呀, 你整多一兩次之後, 肯定可以整得靚到出去賣都得啦~~
    [版主回覆09/09/2010 21:45:00]下次一定好啲架,我有信心!

    回覆刪除
  36. 你係咪好鍾意食月餅呀?
    [版主回覆09/09/2010 21:45:00]唔係,係鍾意整....月餅!

    回覆刪除
  37. 唔係呀, 個月都幾靚呀~~
    [版主回覆09/09/2010 21:45:00]吸模吸得唔靚呀!預料少咗!

    回覆刪除
  38. 都可以啵~ 你用咁多心機去整 加油呀~
    [版主回覆09/09/2010 21:42:00]下次一定好啲架!

    回覆刪除
  39. 都唔錯啦,繼續努力!
    [版主回覆09/10/2010 06:24:00]下次一定好啲架!

    回覆刪除
  40. 我今日都用依個份量做,係好搓……係咪個隻糖漿出事呢 ?
    [版主回覆09/10/2010 06:24:00]我都唔明喎!

    回覆刪除
  41. 我未整過!今年想跟你學!
    <回油>放入雪柜 or 室温都可以?
    如果印模時,手粉多咗,有沒有大影响嗎?
    易 D 甩模丫 ma! 請多多指教!
    [版主回覆09/10/2010 08:22:00]室溫回油可以啦! 有架,要用乾嘅掃掃走多餘嘅手粉!

    回覆刪除
  42. 我都係用 - 小三 個譜ga....
    [版主回覆09/11/2010 22:52:00]我今日再接再厲........終於成功啦!

    回覆刪除
  43. 唔緊要 仲有時間 我今年都第一次整月餅 整左個脆皮 都ok成功 !!!
    [版主回覆09/11/2010 22:52:00]我今日再接再厲........終於成功啦!

    回覆刪除
  44. 做得多就會做得好啦!!加油.
    [版主回覆09/11/2010 22:53:00]我今日再接再厲........終於成功啦!

    回覆刪除
  45. 好樣衰咩? 唔係呀. 食味點呀? 如果又咪一樣, 就冇所謂啦.
    [版主回覆09/11/2010 22:53:00]其實真係唔見得人架,我今日再接再厲........終於成功啦!

    回覆刪除
  46. 外型好好啊! 最緊要有內涵
    [版主回覆09/11/2010 22:53:00]其實真係唔見得人架,我今日再接再厲........終於成功啦!

    回覆刪除
  47. 睇相都唔覺咁差啫,味道點呢?
    [版主回覆09/11/2010 22:53:00]其實真係唔見得人架,我今日再接再厲........終於成功啦!

    回覆刪除
  48. 我今年都想整廣式月餅, 我等自家製醎蛋浸好先做, 不過, 我諗都係兇多吉少.
    [版主回覆09/11/2010 22:53:00]我今日成功做咗廣式月餅,遲兩日出,你可以參考下!

    回覆刪除
  49. 爐溫真係好重要架! 加油!
    [版主回覆09/11/2010 22:53:00]我今日又整咗啦,企咗係度幾個鐘,終於知道我個焗嘅脾氣啦!成功啦!

    回覆刪除
  50. 失敗都咁好.成功咪 可以去賣??你幾時出月餅券呀?
    [版主回覆09/13/2010 08:08:00]星期六做咗批好成功架啦! 好....我開個月餅會,你嚟供下

    回覆刪除
  51. 見你們做月餅那麼熱鬧﹐我心思思又想整﹐但要買那麼多材料﹐怕失敗會浪費金錢啊!

    回覆刪除
  52. 你真係有實驗精神,I believe you can make it!
    [版主回覆09/14/2010 11:40:00]我得咗啦,今晚post出嚟!

    回覆刪除
  53. 你好!!請問是否放在雪櫃回油呢?用一般糖漿可以嗎?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^