2010年9月29日星期三

【港式關東煮】~附食譜


28~Sep~2010()


今日先星期二咋

點算呀???

仲有兩日...............


上星期五開始

我就都要一頂三(一個人做三份job)

點解

一個同事放大假

另一個同事整親腳

連放兩個禮拜病假

原本三個人的岡位

得番我一個人去做

上星期五

剛好係假期後

鬼C咁多人上嚟

又鬼C咁多嘢做..............

真係頂到C



雖然預咗今個星期同事都返唔到

但真係好難頂架

一朝行出行入十幾次

枱面啲file都無法清得到

噚日個人wingwing地

拍咗兩粒丸先可以頂到放工

放工對手都好似唔係自己咁

做咕喱做足一日

(因為成日要將啲file搬來搬去)

無人可憐我架.........

老細又無叫我唔好煮飯

唯有斬大舊义燒加碟菜就一餐

返屋煮好碟菜

趁大老爺未返

嗱嗱聲走入房瞓番個鐘先食飯


今日仲攪笑

我遞紙放十月嘅假期

老細走嚟問

"唔知亞邊個6號返得未呢?"


我放散假啫

都係一日半日

呢個星期我一個人頂足一個星期

又唔見你問下我得唔得?

乜我有超能力呀?

担心成個月後嘅事?

又唔關心下而家燒到眼眉嘅事???

我頂一個星期就得呀??

我放一日就無人頂咩??

真係唔頂你都唔得

俾我問到口啞啞走

真係嬲.......好嬲


【港式關東煮】

關東煮是一種源自日本關東地區的料理

通常材料包括煮豆腐、蘿蔔、蒟蒻、獅子狗魚蛋、名門卷等等,

這些材料都放在昆布或者鰹魚湯裏煮,可以用來佐飯,也可以當作小吃。

關東煮最適合冬天嘅餸菜

基本上無乜烹調技巧

我將啲材料用香港有嘅材料

用簡單嘅味噌


[材料]

白蘿蔔一條,名門卷半條,豆腐一磚(我唔記得買),墨魚丸8粒,魚旦粒,薑片2片,葱段半碗

[調味]

味噌2湯匙,雞湯3碗,醬油1湯匙,鹽1茶匙,糖2茶匙,麻油及胡椒粉少許

[做法]

1. 白蘿蔔刨皮切大件,其餘材料切片‧

2. 用砂鍋加入少許油,略爆薑片,加入調味及白蘿蔔,冚蓋煮15分鐘。

3. 加入其餘材料,要細心排好在鍋內,煮至材料熟透,放上葱段即成。

連鍋上枱,趁熱食用。


37 則留言:

  1. 我聽晚都整一大鍋大兜亂!
    [版主回覆09/28/2010 22:47:00]今日都無煮飯,打邊爐算! 成日要將啲file(有啲有成尺厚架)搬來搬去,對手真係好攰!
     

    回覆刪除
  2. 如月,真係辛苦晒你 加油啊!
    [版主回覆09/28/2010 22:47:00]真係好辛苦,仲有兩日,我倒數緊架!

    回覆刪除
  3. 咪嬲啦....加油呀))))))))
    [版主回覆09/28/2010 22:47:00]你話有冇咁嘅老細架?21/10都仲要問我唔知亞邊個返唔返到呢?1日假期你咁担心,咁呢幾日佢又唔關心下我?又唔諗啲辦法去減輕我啲工作?

    回覆刪除
  4. 乜你個老闆咁冇人情味架, 唔識體諒員工嘅
    [版主回覆09/29/2010 08:36:00]佢都痴架,呢個星期又唔理,啲電話響到爆又唔見佢聽? 唔關心我死活,祇係關心我放咗假無人做

    回覆刪除
  5. 仲有兩日就放假喇, 頂住呀)))))))
    [版主回覆09/29/2010 08:36:00]多謝,我會啦,倒數緊!大老細都好,安排咗我唔使見咁多客,可以靜心清下啲file!

    回覆刪除
  6. 妳老細又真係有D過份  
    [版主回覆09/29/2010 08:36:00]佢都痴架,呢個星期又唔理,啲電話響到爆又唔見佢聽? 唔關心我死活,祇係關心我放咗假無人做

    回覆刪除
  7. 加油呀MoonMoon, 因為妳係超人,所以上司咁放心
    [版主回覆09/29/2010 08:37:00]咁我係做得嘢架,不過佢太過份啦!

    回覆刪除
  8. Wah look like very yummy wor Moon Moon : I go to 橋媽 the 郁手 la he he he he he
    [版主回覆09/29/2010 08:37:00]係呢,你偷咗幾多件呀,我偷咗十件八件呢........he he he.......

    回覆刪除
  9. 正呀 樣樣餸都啱口味
    [版主回覆09/29/2010 08:37:00]呢個好就好在放乜都得!

    回覆刪除
  10. 本來天晚想整妳呢個佢試架,不過佢走去遊卜變左心要整第樣喇 要要我出黎呵返妳呀
    [版主回覆09/29/2010 08:39:00]你就爽啦,日抖我唔得啫,夜晚出嚟威都唔帶我去....無得睇鋼管舞...  仲話呵番我喎....我嬲! 乜"佢"變心變得咁快架!好今晚整過樣正嚟引佢!

    回覆刪除
  11. 你老細當你係超人呀 ,咁冇人情味架  
    [版主回覆09/29/2010 08:39:00]佢都痴架,呢個星期又唔理,啲電話響到爆又唔見佢聽? 唔關心我死活,祇係關心我放咗假無人做

    回覆刪除
  12. 噢!地利 Oh!tria2010年9月29日 上午9:18

    唔好嬲! 正面d! 你老闆睇得起你啫.
    [版主回覆09/29/2010 08:39:00]佢都痴架,呢個星期又唔理,啲電話響到爆又唔見佢聽? 唔關心我死活,祇係關心我放咗假無人做

    回覆刪除
  13. MOONmoon 好可憐啊 個鐘先食飯
    見到呢碗港式關東煮就好懷念車仔麵
    [版主回覆09/29/2010 08:41:00]你同我真係好鬼夾架啫,我好鍾意食車仔麵架,由細細個係街邊食嗰啲撈蠔油,食到而家啲都成日去買嚟做晏架!

    回覆刪除
  14. 你呢個餸好易送飯喎,
    一鍋過攪掂!
    [版主回覆09/29/2010 08:41:00]呢個係懶人餸嚟架,冰箱有乜可以放乜!

    回覆刪除
  15. 辛苦妳喇!! 惟有繼續加油啦~
     
    [版主回覆09/29/2010 21:18:00]今日做到隻手腕好痛,唔知係咪不停咁襟mouse呢?

    回覆刪除
  16. 我家都有麵豉喔, 都可以煮吓
    [版主回覆09/29/2010 21:17:00]試咗未?

    回覆刪除
  17. 加油呀!!!!天下烏鴉一樣黑啦, 我老細8月就預告定出年1月唔會有人工加, 工作就不停加, 分明睇死我走唔郁.............
    [版主回覆09/29/2010 21:18:00]無法啦,啲老細最緊要無鑊孭啫!

    回覆刪除
  18. 你太重要喇,人地放幾個月都得,但你放一日半日就搞唔掂,能者多勞係咁架喇!
    [版主回覆09/29/2010 21:18:00]佢都痴嘅,呢個星期無晒人又唔理,佢係我對面架,我有幾多嘢堆係度佢知架,又唔見佢問候下我 今日做到隻手腕好痛,唔知係咪不停咁襟mouse呢?

    回覆刪除
  19. 唔好嬲,老細覺得你一個可以頂三個,其他人唔得!
    你個關東煮真係幾好,可以清雪櫃,又慳水慳力!
    [版主回覆10/04/2010 08:06:00]捱完啦,不過就病咗! 係呢,可以順手清倉呢!

    回覆刪除
  20. 乜你都識發火架咩!!!!如月發火非同少可。
    [版主回覆09/29/2010 21:18:00]哈哈...我不嬲都唔係溫柔嗰隻,發火我當飯食架!

    回覆刪除
  21. 一個頂三個真係忙死喎
    [版主回覆09/29/2010 21:18:00]今日做到隻手腕好痛,唔知係咪不停咁襟mouse呢?

    回覆刪除
  22. 哎............
    一個人做三份工,人工又無多,好易死得
    [版主回覆09/29/2010 21:18:00]今日做到隻手腕好痛,唔知係咪不停咁襟mouse呢?

    回覆刪除
  23. 撐埋今日,聽日便是放假了,加油~
    [版主回覆09/29/2010 15:09:00]你一定係玩到傻咗啦,後日先係假期呢,今日已經做到手腕好痛呢,要報工傷啦!

    回覆刪除
  24. 啖湯肯定好清甜!
    [版主回覆09/29/2010 21:12:00]係架,可以飲埋湯添!

    回覆刪除
  25.  d 老細係咁架啦~~唔好理佢啦~~~ 辛苦哂啦~~
    [版主回覆09/29/2010 21:12:00]捱埋聽日就掂啦!

    回覆刪除
  26. 如月
    聽完妳講...真係好慘呀...我覺得人太過好心會俾老闆蝦架...所以我讚成妳罵番佢...一於發洩完至算... ...唔好以為我哋好蝦呀...
    [版主回覆09/29/2010 21:12:00]無法啦,都唔明白佢諗緊乜架,呢個星期無晒人又唔理,理埋一啲成個月後嘅事!有道理我唔怕架!

    回覆刪除
  27. 我只是少打了一個逗號咋,
    撐埋今日,聽日,
    便是放假了,加油~
    [版主回覆09/29/2010 21:13:00]中文好易令人誤會架  係呀,捱埋聽日咋,真係要賀一賀佢!

    回覆刪除
  28. 做得幾多得幾多...煮唔到飯咪出街食囉,再唔係就叫外賣,我已經捱咗好耐啦
    [版主回覆09/29/2010 21:20:00]
    本來三個人搬嘅file,而家一個人去搬,做到對手最攰,淨係分完啲file都已經好攰,今日做到隻手腕好痛,唔知係咪不停咁襟mouse呢?頂咗兩日今日出聲佢先買外賣返嚟咋,要佢主動問候下我好難啦!

    回覆刪除
  29. 如月
    講得好啱...我支持妳呀...唔駛驚佢喎...有道理既話...驚佢咩喎...無理由有道理都要俾佢蝦架...
    [版主回覆09/30/2010 13:23:00]仲有半日咋,我己經叫咗下午茶賀一賀佢啦!

    回覆刪除
  30. 唔好一次過搬,逐少逐少搬,亦唔好一次過做晒,因為長命工夫長命做,如果妳真係做埋佢兩個d野,果兩個同事份工會會凍過水??? 俾妳老爺個電話我 等我同佢講 妳老婆已經好辛苦架啦,唔好要佢煮飯,返黎咀啖佢啦
    [版主回覆09/30/2010 13:25:00]根本無可能一次過做得晒,而家份工好難做架! 兩個膊頭鬼C咁攰呢! 我俾佢電話你真係同用打俾佢先得喎,佢份人踢佢一腳先會郁一下咋,點會咁體諒我吖,會嘅我唔會成日係度呻啦!

    回覆刪除
  31. 做唔晒咪由得佢囉!一個人做到三個人嘅野,你老細咪好抵..,最緊要自己小心身體
    [版主回覆09/30/2010 13:26:00]仲有半日咋,我己經叫咗下午茶賀一賀佢啦!

    回覆刪除
  32. 佢就係見妳一個人都頂到三份工作...擺明蝦妳啦...
    [版主回覆09/30/2010 13:26:00]佢見我做三份唔幫不特止,反而担心我放咗得拍擋一個會點喎,死未!

    回覆刪除
  33. d 老細係咁架啦~~唔好嬲!
     
    Add Oil! I will support you!
    [版主回覆09/30/2010 13:26:00]仲有半日咋,我己經叫咗下午茶賀一賀佢啦!

    回覆刪除
  34. 一頂三??做C人咩!!!聽日星期五啦,好快可以休息,頂住呀!!
    [版主回覆09/30/2010 13:26:00]仲有半日咋,我己經叫咗下午茶賀一賀佢啦!

    回覆刪除
  35. 辛苦埋半日就可以休息下喇..加油呀~
    港式關東煮..幾特別喎
    [版主回覆10/03/2010 07:46:00]休咗兩日啦,聽日又要返工!

    回覆刪除
  36. 真係要好好心機舖排下.
    [版主回覆10/03/2010 07:46:00]哈哈....用對筷子咪得囉

    回覆刪除
  37. 我成日都煮 , 但係無妳咁講 "9"  ,  我亂咁煮埋一齊 , 糊口架咋    邊有妳整得咁靚架 !
    [版主回覆10/03/2010 07:46:00]亂咁落又點會叫講究啫!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^