2010年7月11日星期日

每天的精神支柱!!!


10~July~2010(六)



奶茶

香港之寶

相信無人不識

連國內同胞成日都嚟偷師

祇為了做出

美味香滑的絲襪奶茶

呢一間係我飲過最好飲嘅一間奶茶

佢唔係乜乜蓮推介餐

祇係一間很少的麵包店

每天為我地呢班上班一族

送上熱辣辣的麵包同奶茶

若是返工的日子

每天我都係一杯奶茶

同一個墨西哥包


這樣就可以支持我一天的工作

嗰朝無飲奶茶就會




麵包都係新鮮出爐

好過食其他集團的隔夜麵包

你地而家知我為乜咁懶

無整包咁耐呢!



成日同自己講

唔好食菠蘿包

唔好食墨西哥

又成日忍唔住買嚟食

實在太好食啦

所以攪到咁嘅身世!





38 則留言:

  1. 你愛吃這兩種面包都用好多油!
    [版主回覆07/15/2010 16:02:00]我都知,有時忍唔到!

    回覆刪除
  2. 個包點解有個窿既
    [版主回覆07/15/2010 16:01:00]咁啱俾人偷食啫!

    回覆刪除
  3. 早兩日CY先問我 墨西哥包係咩樣架  
    [版主回覆07/15/2010 16:01:00]咁你整俾佢食囉!

    回覆刪除
  4. 我本來都係朝朝一杯奶茶,而家就轉咗咖啡
    [版主回覆07/15/2010 16:00:00]你變咗心啦

    回覆刪除
  5.  墨西哥包我又愛又恨,愛佢實在太好味,恨佢實在太肥膩
    [版主回覆07/15/2010 16:00:00]你咁.........怕乜食呀!

    回覆刪除
  6. 奶茶我不太喜歡喝呢! 反而墨西哥包就好喜歡 我既身世仲慘過你.
    [版主回覆07/15/2010 15:59:00]我兩樣都咁鍾意!

    回覆刪除
  7. 噢!地利 Oh!tria2010年7月11日 上午7:21

    你挑起我條筋想整菠蘿包添
    [版主回覆07/15/2010 15:59:00]整啦整啦!最好沖埋奶茶!

    回覆刪除
  8. 一日既好開始 早餐好緊要呀 !!! k
    [版主回覆07/15/2010 15:59:00]無錯!

    回覆刪除
  9. 我以前返工果陣都係奶茶鬼黎架, 每日都一定要飲, 有時仲會一日三餐飲足三杯添 ....... 終於飲到連我個胃都頂唔緊, 扯晒白旗, 每次一飲就即嘔 !!  依家轉飲咖啡 !!!
    [版主回覆07/15/2010 15:59:00]嘩,你好誇張噃! 咖啡咪一樣咁!

    回覆刪除
  10. 我以前要返工時都是幫襯公司附近的細細間的麵包舖,這些不出名麵包舖不停咁新鮮出爐,SIZE大些價錢又平些,好食過那些大集團的麵包多多聲。
    [版主回覆07/15/2010 15:58:00]係呀,細間啲麵包店仲新鮮!美針啲送俾我都唔食!

    回覆刪除
  11. 咪係囉,你都知呢d包好勁多油多糖啦,成日話自己飲奶茶唔落糖,食一個包d糖都有突你杯奶茶落個dd啦,傻豬!成日話整野食要少甜都無用啦!
    [版主回覆07/15/2010 15:58:00]我忍唔到,諗住墨西哥無菠蘿咁肥,有時我都會食豬仔包咋!

    回覆刪除
  12. 我朝朝都食個早餐先返學,唔食唔安樂呀!
    [版主回覆07/15/2010 15:57:00]我返公司先食早餐架!

    回覆刪除
  13. 我都係好鍾意飲奶茶咖啡..但係隻胃唔爭氣..唔可以日日飲.
    [版主回覆07/15/2010 15:57:00]咁你應該好fit啦!

    回覆刪除
  14. 我都係奶茶癡,飯可以唔食,奶茶唔可以唔飲。哈哈!我巳經中毒太深了!
    [版主回覆07/15/2010 15:56:00]我都係架!give me five!

    回覆刪除
  15. 其實我冇乜所謂 ... 有時飲奶茶, 咖啡, 檸茶....唔飲又得... 但係就會眼訓D囉..... 算唔算唔飲唔得呢??
    [版主回覆07/15/2010 15:55:00]唔得架,每朝咁早起身,唔飲奶茶會眼瞓架!

    回覆刪除
  16. 我係咖啡痴, 每日都要飲一杯先得~~
    [版主回覆07/15/2010 15:55:00]咖啡我少飲!

    回覆刪除
  17. 我老公都係每日一杯奶茶,唔飲會頭痛,
    我樓下都係賣隔夜麵包,食到老公口都歪埋,不過冇辦法
    [版主回覆07/15/2010 15:55:00]最怕麵包硬,美針我都唔鍾意架!

    回覆刪除
  18. 我都好LIKE飲奶茶, 唔飲唔精神架!
    呢間V-8我以前返工都成日幫襯架, 不過佢分店少而家好難揾到啫!
    [版主回覆07/15/2010 15:54:00]係架,你返工幫襯?中環?金鐘?

    回覆刪除
  19. 我都係要每日一咖啡,先有精神架
    [版主回覆07/15/2010 15:54:00]咖啡我少飲!

    回覆刪除
  20. 見到你個包包~ 令我諗番起N年前買咗本菠蘿包食譜書,而家學識咗搓包,等我又玩吓自家製菠蘿包/墨西哥包包先~
    [版主回覆07/15/2010 15:54:00]你而家整包好叻啦,我好耐無整lu!

    回覆刪除
  21.   我飲唔倒奶茶 & 咖啡 , 飲完會 
    [版主回覆07/15/2010 15:53:00]所以你咁fit!

    回覆刪除
  22. 依2樣包包都俾我地屋企BAN左呢
    因為媽咪同我怕肥..哈哈~~
    不過如果係我整咖呢..
    我就一定逼佢地食
    [版主回覆07/15/2010 15:53:00]我都肥成咁囉,無乜所謂啦

    回覆刪除
  23. 我都好愛奶茶GA!
    [版主回覆07/15/2010 15:52:00]我都係!

    回覆刪除
  24. 好懷念香港嘅奶茶!
    [版主回覆07/15/2010 15:52:00]有冇諗過自已沖?

    回覆刪除
  25. 菠蘿包/墨西哥好似, 請問有咩分別呢? 同埋點解人地話菠蘿包好肥, 是否因為面頭果層皮好肥呢? V8呢間d包包好新鮮, 好好味~ 唔通我地住埋同一個屋苑?
    [版主回覆07/15/2010 15:52:00]呢間v8唔係屋苑架!

    回覆刪除
  26. V8既菠蘿包最出色, 最好食! 有時仲會食佢個菠蘿紅豆包添, hehe~
    [版主回覆07/15/2010 15:46:00]yeah!

    回覆刪除
  27. 奶茶是我每日的精神食糧, 沒有奶茶我會頭痛架, 當然可以用咖啡取代, 但我都係愛奶茶多一點....
    [版主回覆07/15/2010 15:46:00]有時唔飲我都會頭痛架!

    回覆刪除
  28. 我都勁鐘意飲奶茶 !! 因為杯奶茶, 我不知幾慶幸自己係香港, 因為香港既奶茶實在太好飲, 唔係台灣既奶茶可以比美 ~~ 香港茶餐廳文化萬歲 ~~
    [版主回覆07/15/2010 15:46:00]係呀,香港人好幸福!

    回覆刪除
  29. 我有我的新空間2010年7月12日 下午10:34

    佢地不是間間分店的水準都咁好, 海怡半島那間就越來越差了.
    [版主回覆07/15/2010 15:46:00]乜佢有好多分店咩?

    回覆刪除
  30. 奶茶我都好鐘意飲,奈何每次飲完個胃就怪怪,無哂胃口。你唔好話…咁咪好囉,成機減肥嘛。唔係呢隻呀,係想嘔個隻呀 。
    [版主回覆07/15/2010 15:45:00]好多人都會咁!

    回覆刪除
  31. 我以前每日最少要飲1杯奶茶的, 不過前年睇過中醫, 佢話我如果要飲這類飲料, 飲咖啡好啲, 所以現在每日改為飲咖啡, 間中才飲奶茶, 不過講真, 奶茶味係好味啲!
    [版主回覆07/15/2010 15:45:00]我知奶茶係垃圾食物,可惜香港人中毒已深!

    回覆刪除
  32. 奶茶、墨西哥包同菠蘿包都係我嘅至愛,吊左癮好耐啦
    [版主回覆07/15/2010 15:45:00]菠蘿包唔敢食咁多,諗住墨西哥包上面塊細啲會無咁肥!

    回覆刪除
  33. 自己冲嗰D唔同架, 我都係落糖同花奶, 應該係D茶唔同, 沖唔到嗰隻味!
    [版主回覆07/15/2010 22:06:00]港式奶茶班我都上過,遲啲我組織過再同你地分享下好嗎?

    回覆刪除
  34. 亞 Yan, 等我呢個前奶茶鬼教你啦, 你可以將 3個 (起碼 !!) 紅茶包 + 1個潽洱茶包, 加2/3杯水, 放入微波爐叮到滾, 攞番出黎等多1分鐘, 掉走個 d 茶包, 果陣時剩番低既茶大約 1/2杯, 而且仲黑過廿四味, 之後再加 1:1 淡奶 ........ 真係好味到升天架 !!! 以前我响公司吊奶茶 "引" 果陣就會咁沖黎飲架喇 !!! 你地都試吓啦 !! 
    [版主回覆07/15/2010 22:06:00]茶精,我以前未上奶茶班時,就用馬莎嘅英式紅茶茶包2個,加一個伯爵紅茶茶包,用小煲滾一滾,在杯中加入1/3花奶,撞入紅茶就好正架啦,有7成似架! 但未試過用普洱茶包,等我做下實驗先!

    回覆刪除
  35. 小月月, 咖啡同奶茶唔同架, 奶茶 = 紅茶 (鹼性) + 淡奶 (鹼性), 所以變咗純鹼, 一定要用好多胃酸黎消化佢, 如果個胃本身弱弱地既, 一飲奶茶就會好似消化不良咁, 頂著頂著, 而我呢, 因為長年勁飲既關係, 已經去到一飲就會嘔既階段 lu !!!
    我而家飲咖啡, 都只係一日一杯, 重要搵 d 好飲既先黎飲, 無謂浪費 quota !!
    [版主回覆07/15/2010 22:06:00]我無咁深入研究,祇係聽過奶茶對個胃唔好咋!

    回覆刪除
  36. 好呀好呀! 會好期待!  多謝Caroline ! 等我即刻試下, 不過好似冇潽洱茶包喺到喎!
    [版主回覆07/16/2010 22:07:00]咁你要密切留言噃

    回覆刪除
  37. 你幫襯?中環?金鐘?---- 我幫襯炮台山o個間架(唔知而家仲有冇?)妳呢?
    [版主回覆07/16/2010 22:07:00]我係金鐘返工架,我淨係知佢係灣仔有分店!

    回覆刪除
  38. 我以前都係金鐘QGO返過工,  V-8係唔係在金鐘廊頂層 ?
    [版主回覆12/15/2010 22:27:00]我咪係返QGO囉!  係金鐘廊呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^