2010年2月24日星期三

風雨同路台灣之旅 ~ Day 2(Part 1)

風雨同路台灣之旅 ~ Day 2(Part 1)


天成~包裝廣場~君品商場~淡水~漁人碼頭~情人橋~淡水老街~士林夜巿~85度C~天成


17~Feb~2010(三)


大年初四


今日依然咁大雨好失望



噚日個個都好攰


一早無人起到身


八點幾醒咗,便起身梳洗


落地下街之捷運食物館


看有乜東東可以做早餐


呢度有吉野家、MOS BURGER......等等


仲有一間10蚊壽司店真係好抵(第一日無發現到)


買麵包俾各人做早餐


加埋自己帶嚟嘅即沖奶茶


咁就係美味早餐啦



呢間冬甩店係囡囡指定要試架


買咗幾個冬甩俾囡囡做早餐




我的外賣早餐




各人起身食過早餐後


就繼續今日嘅行程


先到台北車站後方


去搵Darling介紹嘅"包裝廣場"


搵咗一陣先去搵到


要由捷運台北車站K9出口


經過台北車站


過咗君品商場


再行兩條街口先到


好彩有姨娚女帶路




可惜休息到初六先開


咁咪最後(19號)一日?


都唔知到時有冇時間呢?





各位姐妹


以後嚟台北包裝廣場


記得佢四月會搬去"台北巿大同區太原路"啦


Darling收到未呀???


我下次一定要嚟搵到佢架



原來包裝廣場對面


就係"台北當代藝術館"


可惜都係未開門


仲有遊客係門口等開門



囡囡好怕羞,佢話要離遠啲影喎




呢一區啲鋪頭都休息到初八呢



跟住番轉頭經過"君品商場"(台北車站後方)



原來有通道可以接到去"台北地下街"及"站前地下街"架


真係四通八達


我地諗住食咗晏先去淡水


係呢個商場嘅B1地庫


有個好大嘅FOOT COURT


有好多選擇



係度午餐都唔錯


不過可能係新年假期人好多好多


等咗好耐位先等到


求其咁試咗幾個套餐


呢度都好先進


買咗票就會俾個牌你



你地估下呢個牌有乜嘢特別?


遲啲係"台灣奇趣篇"就會揭曉



跟住搭捷運(板南~南寧方向)到淡水(總站)


差不多要半個多鐘


趁機又可以瞓下


(點解我次次都影個站同出口,咪係怕自己下次唔記得囉......嘻嘻)






到咗淡水啦


先搭接駁車到漁人碼頭(記得係漁人巿場落車)


情人橋就係嗰度啦





"情人橋"


一個好浪漫嘅故事


可惜天公不造美


又大風又大雨


好彩我有先見之明


買定兩件雨褸咁先頂得住


(因為早一日已經淋到件羽絨都濕晒,作緊病呢)


大雨到無辦法攞到把遮,真係好狼狽


嚟到無理由唔行下架


唯有頂硬上匆匆咁行咗條橋


所以無一張相係無担遮架!




三位年青人梗係要影番張留念啦



幾咁狼狽先可以同大老爺影到呢張合照


要數一二三就放低把遮先影到


想話浪漫下都唔得



你地感唔感受到有幾大風呢?





呢度又有嘢買喎


我地都有收鑊架



大叔.....使唔使笑成咁呀,乜你柵牙好靚咩?



跟住就搭番車返去淡水老街行街街


 


 


Day 2(Part 2),Day 3,Day 4待續......


 


 


 


 

44 則留言:

  1. 若果天氣好,情人憍映日落好靚架! 落雨都好!風雨同路見真情嘛!
    [版主回覆02/23/2010 22:38:00]可惜嗰幾日都無太陽!

    回覆刪除
  2. 3
    [版主回覆02/23/2010 22:38:00](Empty)

    回覆刪除
  3. 真係好大風大雨啊 !
    [版主回覆02/23/2010 22:38:00]真係企都企唔到!

    回覆刪除
  4. 嘩... 真係好大風大雨呀....
    [版主回覆02/23/2010 22:38:00]係咪好勁呢!

    回覆刪除
  5. 收到啦,看地圖就好似唔係搬好遠咁,不過到時都要再搵過,仲有呀,傻人,台北車站R2出口(寫住藝術館)轉個彎就係包裝廣場啦,出啱就唔怕落雨行到濕身啦,你帶埋電腦去都唔溫書,你都識講我寫埋邊個出口係for你去時方便嘛,真係激死人!
    http://hk.myblog.yahoo.com/syc204/article?mid=30894
    原來情人橋個邊咁靚,我去親都無行過去,怕行咁遠嘛!
    [版主回覆02/23/2010 22:35:00]我唔係傻人呀,今次我無看書,完全係跟住姨娚女搵路,佢都係去過一次咋,邊有你去過咁多次啫!  我又唔記得你寫咗出口噃! 情人橋行過去唔係好遠咋,對面仲有好多嘢食呢!可惜我都無幫襯過!

    回覆刪除
  6. 呀,講漏,你去mos burger有無買佢地的甜品?d樽好靚呀!
    [版主回覆02/23/2010 22:35:00]次次幫襯都係食早餐,唔知佢有甜喎!

    回覆刪除
  7. 如果無落雨就更理想!
    [版主回覆02/24/2010 05:56:00]真情開心啦,佢落少一日半日已經好開心啦,可惜每分每秒都陪住我地!

    回覆刪除
  8. 去到台灣,點解唔食當地人的地道早餐既??
    體驗一下嘛~
    [版主回覆02/24/2010 06:06:00]
    咁當地嘅早餐係乜呀?我最怕晨早食粥同餃子架!

    回覆刪除
  9. 落雨真係有D掃興!
    [版主回覆02/24/2010 06:07:00]
    若果落少一日半日雨就好啦!

    回覆刪除
  10. 如果我去我諗我都係掃包裝廣場同掃街都夠喇
    [版主回覆02/24/2010 06:07:00]
    包裝廣場又唔知搬去邊呢?

    回覆刪除
  11. 原來包裝廣場咁近我第一次去台灣住嗰間酒店架 , 咁我下次識得去喇 
    [版主回覆02/24/2010 06:09:00]
    你住君品?好唔好住呢? 包裝廣場四月會搬啦!

    回覆刪除
  12. 我搶答先啦~~~呢舊東西係有位就會亮燈嗚叫通知你架! 對嗎?
    [版主回覆02/24/2010 06:11:00]
    原來你去過台灣?

    回覆刪除
  13. 落咁大雨,真係風雨同路呀.
    [版主回覆02/24/2010 06:12:00]
    你而家明白乜嘢叫風雨同路啦

    回覆刪除
  14. 台灣成日都落雨架~希望你地下次去會好天啦~
    [版主回覆02/24/2010 08:50:00]下次我會帶對花花膠BOOT去,就算落雨都無有怕~

    回覆刪除
  15. 要數一二三就放低把遮先影到  想話浪漫下都唔得
    咁嚟影相,就已經夠晒浪漫啦。
     
     
    [版主回覆02/24/2010 08:50:00]咁都浪漫....老友....乜嘢叫浪漫 ,睇怕你仲要學下噃

    回覆刪除
  16. 長輩.....就多數係吃....蛋餅,炒蘿蔔糕,蒸既高麗菜飽,
    饅頭,粢飯,豆漿之類的~
    後生一族......就多數吃....三明治....(總匯三明治最好食 ),
    蛋餅,佢哋賣早餐或三明治既店舖或檔口都好早便收的,
    下次去試吓,又平又好食 ~
    [版主回覆02/24/2010 08:51:00]一早食飯,咪攪,我最怕一早食到咁飽架!

    回覆刪除
  17. Morning Morning!
    [版主回覆02/24/2010 13:46:00]午安啦!

    回覆刪除
  18. hello,您對我陌生 ,但我經常望著您 ----的blog!台灣20多年前去過,台灣人這裡也有不少
    [版主回覆02/24/2010 13:46:00]你地個個隱形,我又點知呢! 係呀,我身邊都有幾位台灣朋友!

    回覆刪除
  19. 一早食飯,咪攪,我最怕一早食到咁飽架!--->> 您又唔係長輩,後生的當然係食三明治囉~
    [版主回覆02/24/2010 13:44:00]我朝朝要飲奶茶架!

    回覆刪除
  20. 又真係勁大風呀   早餐豆漿配蛋餅唔錯 幾好食架  
    [版主回覆02/24/2010 13:43:00]朝早食啲咁嘅嘢,唔慣架,我要飲奶茶!

    回覆刪除
  21. 呢d天氣真係乜心機都無晒. 個十蚊壽司幾好, 唔知貨色係點. 情人橋我同大小姐有去呀. 個美食廣場食物不錯.
    [版主回覆02/24/2010 13:43:00]上邊個BLOG友,話之後幾日都好天呀,激死!   十蚊即係港紙$2.5咋,梗係抵啦! 我都無幫襯架!

    回覆刪除
  22. 呢舊野咪通知你攞食物囉! 我呢邊重會震同著燈㗎....
    [版主回覆02/24/2010 13:40:00]乜你地嗰邊有架?

    回覆刪除
  23. 咁岩嘰, 我又係岩岩去完台北, 我19號-22號, 頭一日落雨+超凍, 之後幾日都無落雨同回暖了, 我係跟團架, 我下次想自己自由行, 請問機票同天成飯店咩價錢啊, 同天成飯店可唔可以在網上先訂房呢??
    [版主回覆02/24/2010 13:40:00]咁咪激死我  咁你跟團去咗邊度玩呀? 天成...我地個PACKAGE係新年價,應該係貴啲,要$3,400一個人!我地幫AGENT定架!

    回覆刪除
  24. 旅行最掃興係落雨 !!!
    [版主回覆02/24/2010 13:38:00]下邊個BLOG友,話之後幾日都好天呀,激死!

    回覆刪除
  25. 我去大陸果幾日都係又濕又涷,好難頂呀!
    [版主回覆02/24/2010 13:38:00]
    下邊個BLOG友,話之後幾日都好天呀,激死!

    回覆刪除
  26. 部机上面已经写明,着灯去柜台拿食物。。。 
    我之前有见过,但我就未食过有呢个设施既food court。。。
    落住雨,真系好讨厌!!!  =.=
    情人桥。。。  有咩特别之处? 我唔知既,系唔系有段故架??
    台湾既街边小食,同槟城差唔系好多,好似花生仁汤,
    槟城都有。。。  ^.^
    [版主回覆02/25/2010 06:41:00]乜你睇到咩,我都看唔到喎! 下邊個BLOG友,話之後幾日都好天呀,激死!

    回覆刪除
  27. 我估~~ o個舊野係咪會震呢? 我去到淡水, 以為可以行去情人橋 (旅遊書寫得唔清楚), 一路行呀行, 越行越覺唔對路, 好在見到有巴士上左車, 先知原來貢遠呀!!
    [版主回覆02/25/2010 06:40:00]遲啲會開估! 去漁人碼頭嘅情人橋,唔可以係漁人碼頭落車架,要早一個站漁人巿場落車就係,好彩今次有我姨娚女帶路,好多嘢都唔使搵路呢!

    回覆刪除
  28. 唔落雨仲可以搭船去對面岸,您地有冇去?
    [版主回覆02/25/2010 06:39:00]落雨都無心機,去過就算!

    回覆刪除
  29. 如月,我係你的新粉絲,我好同情你在台灣的天氣,真是無奈,但是一家人可以風雨同路的盡情去玩樂,我好替開心,真的,我暑假可能會去台灣,我想知台灣食素的地方難找嗎
    [版主回覆02/25/2010 06:37:00]多謝你,無法子,祇要一家去玩已經好開心!咁我又唔多清楚噃!

    回覆刪除
  30. 講狼狽不及我上次, 我等左好耐都唔停雨, 等到九點幾, 好肚餓, 冒大雨出去搵食, 出去唔夠5分鐘已由頭到腳都濕哂, 有傘都冇用, 仲要是是但但搵間未關門嘅餐廳咋, 果晚真係饑寒交逼...
    [版主回覆02/25/2010 06:37:00]咁你住嗰度無地下街咩?我地落雨落地下街都唔使担遮喎!

    回覆刪除
  31. 真係好大風呀
    [版主回覆02/25/2010 06:36:00]下邊個BLOG友,話之後幾日都好天呀,激死!

    回覆刪除
  32. 我朝朝要飲奶茶架!--->> me too,所以咪介紹您
    去食三明治囉,因為也有奶茶飲的~
    [版主回覆02/25/2010 06:35:00]三明治我無見過呢間鋪噃!

    回覆刪除
  33. 忘了告訴您,在台灣錯過了沒要緊,家陣荃灣都有一間
    吃到"台式早餐"架,我都打算呢兩日帶老公去試試外賣~
    http://www.openrice.com/restaurant/sr2.htm?shopid=38540
    [版主回覆02/25/2010 06:35:00]你好掛念台灣嘅早餐喎!

    回覆刪除
  34. 落晒雨咁真係好掃興喎~
    [版主回覆02/25/2010 06:34:00]下邊個BLOG友,話之後幾日都好天呀,激死!

    回覆刪除
  35. 噢!地利 Oh!tria2010年2月26日 上午5:17

    呢種牌我o係加國用過,o個次等枱用架.
    [版主回覆02/25/2010 21:34:00]估唔到香港最落後!

    回覆刪除
  36. 有呀, 果幾分路程就係行去地下街....
    [版主回覆03/02/2010 21:10:00]咁都濕晒?我地酒店去地下街唔使担遮架!

    回覆刪除
  37. 我從未去過台灣,係美國三蕃市見過
    [版主回覆03/02/2010 21:10:00]原來外國都有,祇係香港無咋!

    回覆刪除
  38. 呢一日我地去左動物園~天南地北啊~~
    [版主回覆03/02/2010 21:10:00]但我地都好有緣咁同一班機呢! 我係台灣試咗胡椒餅之後,返香港已經試整咗一次,好好食呢!

    回覆刪除
  39. 咁快手!! 我第一次食胡椒餅係O係華西街夜市, 今次咁O岩撞返O個檔又買左個, 真係好食過福州世祖!!仲平D
    [版主回覆03/02/2010 21:22:00]你寫清楚啲吖,等我下次識得去搵嘛! 之前未食過唔知係乜味!所以無整!我地係饒河街嗰檔買,返到酒店食雖然淋咗少少但都好味! 華西街夜巿係邊架? 我可能記錯坐個位置,但一定係機翼位,你見到我影啲相都見到機翼架!

    回覆刪除
  40. 我依家仲食緊台灣手信XD 個心仲未返黎><
    [版主回覆03/02/2010 21:22:00]你梗係啦,去影相  不過台灣影啲相真係好靚!

    回覆刪除
  41. 我係O係機翼前面架, D相可以影唔倒機翼, 所以我唸你位置應該差唔多架喇 華西街夜市O係龍山寺站行出去好易搵, 不過胡椒餅我就唔知點形容佢既位國喇, 隔壁有一檔好多人買既黑輪 華西街仲有一樣好野~就係杏仁脆豬肉片!!!十個好味呀~可惜好少好方有得賣, 依家士林都有, 不過硬係差DD, 係即製入袋當零食食架, 我上次3個人買左8包~今次買左2大包~後悔買得太少呀~~
    [版主回覆03/03/2010 17:02:00]應該差幾行咋! 龍山寺站出....一出就見到,係咪好行過饒河街架? 咁我下次試下搵!

    回覆刪除
  42. jasmine我睇到啦
    感應器震動與紅燈亮起請至柜枱取回您的餐點
    [版主回覆03/03/2010 17:00:00]你而家講完我又睇到喎!  我又要出門口啦!

    回覆刪除
  43. 唔記得饒河街喇, 第一次去台灣去過之後都冇去喇, 太遠... 華西街好街又唔係特別好行, 冇咩特色野, 師大好似多野行d, 臨江又有d得意野不過短
    [版主回覆03/10/2010 09:46:00]師大?臨江?好好行架?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^