2010年2月22日星期一

風雨同路台灣之旅 ~ Day 1(Part 2)

風雨同路之台灣之旅 ~ Day 1(Part 2)



食完晏先返酒店攞房


今次都安排得幾好


三間都相連架


房間就唔算大


但都幾整潔架





3:30出發去101大樓


先行下"站前地下街"


呢度係天成地下


一落捷運站就見到


呢度好多店鋪


好似旺角架


啲嘢都係平嘢又多嘢睇





為食的大老爺


買咗個低脂低糖嘅雪糕


都好長架



去101大樓先係"巿政府站"下車


途經嘅有"誠品旗艦店"同"新光三越A4館"




順路入誠品行咗一陣


呢一陣我都買到兩本書




再行去三越A4館看看


不過無乜嘢好睇



呢間咁靚嘅唔知係乜呢?



其實行到呢度個人都好攰好凍


成對鞋好似水鞋咁


好唔舒服



跟住行到101大樓


見到好多人好多旅行團


上到5樓去買票


有位票務員


向我們表示買咗票都要排一小時先可以上到去觀景台


無奈都係旅棄咗


因為天氣又唔好


上到去都未必見到好多嘢






樓下看的101大樓




係三越前面有啲小食檔


可惜太大雨


都無乜心機去試




大老爺同仔仔係度買緊燒魷魚




去唔到101就直接去"饒河街夜巿"掃街


今次搭共車去松山車站


但等咗好耐都無我地搭的共車


好彩有架寫住去松山車站的車


唔理咁多上咗問下得喎




去到饒河街夜巿


前面有間好大好靚嘅廟




仲係好大兩


根本個個都淋到濕晒


所以決定見到喜歡的就買


返晒先返酒店開餐



呢檔大雞扒好難食





呢個胡椒餅就一定要買啦


一路都咁多人排隊架




今日個個都行到好攰


朝早又咁早起身


真係又攰又凍


快快趣趣咁搵車搭返台北車站(203)



返到酒店換好衫


就開餐啦


唔知點解台灣啲小食多數都係魷魚


呢幾日見到魷魚都怕怕




呢度六杯飲品都唔使200台幣



個胡椒餅真係唔錯


雖然凍咗個皮淋咗啲


但個餡真係好正


我一定搵日試下整!



 


Day 2,Day 3,Day 4待續.................


 

40 則留言:

  1. 1
    [版主回覆02/22/2010 08:24:00]你終於回歸啦!

    回覆刪除
  2. 雞同魷魚我都鍾意呀
    [版主回覆02/22/2010 08:24:00]日日都見到魷魚,食到怕怕!

    回覆刪除
  3. 愛人有咩正野俾我姐 我幾時都有胸架
    [版主回覆02/22/2010 08:24:00]我有"胸"俾你呀!

    回覆刪除
  4.  101上唔倒都冇損失 , 因為佢哋嘅夜景都唔靚 冇嘢睇架 
    [版主回覆02/22/2010 08:21:00]我同意,小人就即管上下去,上唔上都無所謂,講到夜景點及香港呢!

    回覆刪除
  5. 落雨真係幾無癮!
    [版主回覆02/22/2010 08:22:00]去咁多日落足咁多日!担遮担到手都軟! 最慘連鞋都浸爛幾對,下次一定要買定對花花膠BOOT去玩!

    回覆刪除
  6. 係啦,講漏,我都同意閒閒講,要排隊又要比錢先有得上去睇,有邊度的夜景靚得過香港,何況你地咁多人唔化算啦,下次可以試下先係香港訂定上面的餐廳,邊食邊睇景仲好啦。
    [版主回覆02/22/2010 08:21:00]我都同意架,小人就即管上下去,上唔上都無所謂,講到夜景點及香港呢!

    回覆刪除
  7. 成日咁落雨,都幾麻煩! 不過一家人一齊,風雨同路又幾好呀!
    [版主回覆02/22/2010 08:20:00]係呀,呢個題目係咪好貼切呢! 去咁多日落足咁多日!担遮担到手都軟!

    回覆刪除
  8. d小食真係平靚正喎!!!
    [版主回覆02/22/2010 08:19:00]台灣樣樣都平架!

    回覆刪除
  9. 我都覺得饒河街檔雞扒 唔好食, 相比士林果檔 好食好多...
    [版主回覆02/22/2010 08:19:00]真係勁難食呢!

    回覆刪除
  10. 落雨真係幾掃興...
    [版主回覆02/22/2010 08:19:00]台灣真係好多時都落雨架!

    回覆刪除
  11. 我上次去台湾都冇上101觀景台,太多人哪
    [版主回覆02/22/2010 08:19:00]101上唔上都無所謂,講到夜景點及香港呢!

    回覆刪除
  12. (Empty)
    [版主回覆02/22/2010 08:17:00]仲有好多地方未去過呢!

    回覆刪除
  13. 台灣,我還未有機會去呢~~~` ~~~跟住你走一轉先
    [版主回覆02/22/2010 08:17:00]咁你記得一連7天準時收看啦! 我帶你去台灣一遊!

    回覆刪除
  14. 早晨如月~
    我又跌回地獄式生活了~
    [版主回覆02/22/2010 16:32:00]大家咁話啦!

    回覆刪除
  15. 饒河街夜市同間廟我都去過 記得係有好多嘢食 好熱鬧嘅 但都好多年之前啦 嗰陣仲未有101  
    [版主回覆02/22/2010 16:32:00]饒河街間廟真係好靚,呢條街真係好多嘢食架!

    回覆刪除
  16. 诚品+台北101,呢2个地方我一定要去。。。
    鱿鱼我唔食架!!!  =.="   但唔怕,台湾甘多美食,期待你余下既旅程报告!!!  ^.^)v
    [版主回覆02/22/2010 16:31:00]乜你鍾意去101咩?不過我無去排隊呀,反而誠品就去咗兩次! 你記得晚晚收看啦!

    回覆刪除
  17. 節目認真豐富,有無行到腳軟呀!台灣真係好多美食。果個101 我見到都無諗過上去,因為除咗高之外,唔覺得有乜好睇。
    [版主回覆02/22/2010 16:31:00]唔算豐富啦,落雨好多行程都去唔到! 101真係唔值得去架!

    回覆刪除
  18. 胡椒餅去台灣必食~
    [版主回覆02/22/2010 16:30:00]一定要試架!

    回覆刪除
  19.  玩得好開心啊!  祝妳身體健康, 仔仔女女聽教聽話 。
    [版主回覆02/22/2010 16:30:00]玩得開心呀!

    回覆刪除
  20. 我實忍唔住一路行一路食 . 天氣唔好真係好掃興, 下次再去過
    [版主回覆02/22/2010 16:30:00]我地濕到無晒心機搵食呢!

    回覆刪除
  21. 你地真係貴人囉,招風雨哈哈!
    [版主回覆02/22/2010 16:29:00]我呢幾日都當咗自己係月貴人架 !

    回覆刪除
  22. 嘩..真係好大雨喎... 重有...你做乜响cy度收埋我個名呀... 同你絕交呀!
    [版主回覆02/22/2010 16:29:00]嗱...你話架,咁我地絕交 1分鐘 啦!  

    回覆刪除
  23. 落雨真係幾麻煩呀 ............
    糖媽做乜咁躁啫... 我同小月月都好愛你咖 ~~~~~
    胡椒餅好好味呀 ... 好掛住天 ...
    [版主回覆02/22/2010 16:28:00]真係好麻煩,日日都要担住把遮,手都軟埋! 胡椒餅真係幾好食!不過一個都飽晒! 糖媽梗係躁啦.......因為無胡椒餅食嘛!

    回覆刪除
  24. 上次去台灣竟然錯過咗個胡椒餅, 反面o係澳門食過!
    [版主回覆02/22/2010 16:26:00]咁你下次去一定要試啦!

    回覆刪除
  25. 台灣小吃我就嘛嘛哋,好多都係內臟。
    [版主回覆02/22/2010 16:26:00]真係麻麻,不過有啲都幾好食!

    回覆刪除
  26. 去台灣, 掃街係必定節目
    [版主回覆02/23/2010 10:02:00]一定係架,去台灣咁多小食!

    回覆刪除
  27. 果面凍唔凍呀, 係hk凍c人喇, 有冇順便去入貨呀.
    [版主回覆02/23/2010 10:17:00]又唔係好凍噃,11度左右!

    回覆刪除
  28. 胸我都有LA 之不過妳俾我又唔區既 但係俾少少好喇,太多我怕負擔唔起AR
    [版主回覆02/23/2010 10:18:00]胸....又點會厭大呢! 多多你都負担到啦 

    回覆刪除
  29. 我都想再去,不過老公無興趣.
    [版主回覆02/23/2010 10:19:00]咁搵朋友去玩下囉!

    回覆刪除
  30. 兩日都落雨真係又幾掃興嘅...好在可以食返夠本啫~!見大老爺啲相就知啦~!
    [版主回覆02/23/2010 14:02:00]唔係兩日係四日呀  四日都落雨好無癮!

    回覆刪除
  31. hi你好,我都係同你同一日去台彎4日3夜旅行,不過我唔係同你一班機,你坐早機我坐中午機出發的 我4日都落雨呀
     
    [版主回覆02/23/2010 14:53:00]咁你去咗邊度行呀?係咪四日都係台北?我都見到好多香港人揸住本書周圍搵食!

    回覆刪除
  32. 我住中山站附近呀!! 我有上到去101, 夜晚上, 睇完之後覺得可能日頭上會多d野睇, 你下次再去呀~~ 排上去又唔算排好耐, 但落黎就好長龍!! 饒河街夜市我冇去呀, 食左兩晚夜市覺得都係o個d野食, 就放棄左唔去饒河街la!!
    [版主回覆02/24/2010 12:57:00]
    你幾時去架?中山站即係離台北車站幾多個站呀? 夜巿真係差唔多,去一兩個就得! 101夜景相信無香港咁靚囉!

    回覆刪除
  33. 咁樣落雨真係好掃興
    [版主回覆02/24/2010 21:09:00]唔落雨應該玩得好開心架

    回覆刪除
  34. 我十二月尾去架! 遲d應該會出番blog, 到時你過黎睇呀~ 台北車站坐一站就到中山站, (往淡水方向). 所以都ok方便la~ 我好遲先訂酒店, o個段期間又爆得好緊要, 所以都訂唔到d好d... 下次再有機會都希望去下台南台中o個d, 應該未必咁快再去台北...
    [版主回覆02/26/2010 15:30:00]好呀,等睇你台灣之旅! 中山站...咁係咪好方便,啲酒店係咪新啲架? 我囡囡都好想去台南呀,但我怕無咁方便!

    回覆刪除
  35. 唉,我去親台灣都落雨... 希望我去o既時候好天啦﹗
    我諗我仲為食過大老爺呀﹗
    [版主回覆02/28/2010 17:43:00]你去過架啦?係呀,台灣唔知點解咁多雨架!

    回覆刪除
  36. 我地O個日都有行站前地下街^^ 去左台灣故事館~ 夜晚去左士林~^^
    [版主回覆03/02/2010 21:03:00]後來我先知台灣故事館係酒店對面,若果復活節去得成,一定過去睇下架! 你住嗰間我唔知係邊喎? 我地酒店落地下街好方便! 士林....怕怕啦!

    回覆刪除
  37. 我第一次都係住天成~ 我住O個間唔近捷運架, 係HIP HOTEL 士林我地一定要去架^^" 每次都要去搵一檔大叔既台灣腸^^ BF話唔食過就冇去過台灣XD
    [版主回覆03/02/2010 21:26:00]HIP HOTEL即係乜嘢意思呀 士林好多人呀,多到行唔到呢!你有冇睇我影呀? 係九份嘅台灣腸都令我好難忘呢! 天成真係好方便,走又係行過少少搭國光去機場!

    回覆刪除
  38. 我地搭高鐵架, BF怕塞車, 不過台北點都係方便, 下次又試下其他酒店XD我次次去都試唔同酒店^^" 天成係幾方便,所以第一次多數揀呢間囉~ 天成係傳統老飯店, 新尚係新型既, 細細間, 裝修都好唔同 http://www.hotel73.com/ 九份我只係食過粉圓, 阿柑姨真係好食好多~:P不過唔會再去喇, 去完第一次好想再去, 去左2次夠喇
    [版主回覆03/02/2010 22:37:00]都無塞車喎! 我好怕試新嘢安全感! 新尚你話唔近捷運我怕唔識搵,其實台北車站,有邊間又方便又住得過架? 係呀,去多一次都夠架啦!

    回覆刪除
  39. 如果你鍾意天成呢種我唸凱撒呢D會比較適合你 類似新尚既就有同集團既新驛, 另外有福泰桔子, 不過呢2間細同冇浴缸
    [版主回覆03/03/2010 06:28:00]鍾意天成係方便啫! 乜凱撒好啲咩? 咁新驛同格子係邊度架,又係台北車站?

    回覆刪除
  40. 凱撒再高級d 新驛同桔子都o係台北車站附近 你可以上官網睇下
    [版主回覆03/03/2010 15:57:00]thanks...我會search下!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^