2010年2月9日星期二

囡呀!!!

7~Feb~2010(日)


lyl20811.gif weather image by moonmoonsandy


今日落足一日兩無停過


朝早仲要同亞囡回校見老師


通常一年中第一次考完試


都會安排見下家長


好等家長了解下個囡囡嘅成績


希望係嚟緊嘅一次考試


可以大家配合


令囡囡可以有進步!



十點幾就出門口


好大雨


想影下相都唔得


因為嚟番新校舍


我都係第一次嚟咋


因為錯過咗開放日


無機會去參觀過


呢個係好靚嘅校務處




 


等咗無幾耐就輪到囡囡


見到兩位正副班主任


了解咗囡囡嘅情況


佢真係要努力啲至得


啲成績咁落去


可能升唔到班架


唉....點解我兩個仔囡都係無書緣呢????


52.gif other image by moonmoonsandy


囡囡雖然把口應承會改


但我知佢嘅定力唔夠


無恆心架


通常會乖一兩日


就會故態復萌


真係唔得咁架


今年係第一年三三四


如果今年追唔到


積到出年中五


係無辦法追到啲課程的


bofu2081.gif other image by moonmoonsandy

之後囡囡帶我參觀咗佢學校嘅圖書館

好正


真係好正


有咁舒適嘅圖書館


真係無得頂





好登囡囡開心


一間咁正嘅校舍


希望佢努力咁學習


以前媽媽間中學真係好差


無操場無食堂無禮堂


祇係一間三層高嘅私校


所以希望囡囡好好咁珍惜


有咁好嘅學習環境


應該覺得好幸福至啱!



臨走時仲見到呢棵樹


係咪好似近日被拆嘅"鬼樹"呢


原來囡囡學校都有一棵咁高架!


 


 

34 則留言:

  1. (Empty)
    [版主回覆02/08/2010 22:23:00](Empty)

    回覆刪除
  2. 真係好鬼靚呀~
    [版主回覆02/08/2010 22:23:00]間學校真係好正,希望佢珍惜啦!

    回覆刪除
  3. 我鍾意圖書館D梳化橙色好令令呀
    [版主回覆02/08/2010 22:23:00]我今日蒸年糕,但出現咗個問題呀  仲未諗到點樣解決到呢!

    回覆刪除
  4. 間學校好正呀!
    [版主回覆02/08/2010 22:41:00]囡囡都等咗三年先起好架!

    回覆刪除
  5. 我囡囡都係讀緊呢間學校~(F.7) 聽佢講話個圖書館真係好正~好好feel~ 但佢都係鍾意以前未重建嘅校舍多d~ 呢間睇落無咁大同無咁親親大自然feel~

    回覆刪除
  6. 有個設施那麼好的學校,有個咁錫佢的媽媽,
    叫囡囡比d心機,加油啊~

    回覆刪除
  7. the blog for me to speak out load2010年2月9日 上午8:10

    我以前都係讀呢間學校架!!
    可惜我入唔到中六用唔到新校舍...
    你個女有得用真係好幸福,好好珍惜呢 ^^
    同埋升到中五都仲有得追既,
    (當然佢要盡呬自己所有力呢!!)
    唔勢咁擔心,中四中五夠大個識諗呢.
    題外話,呢間學校係中中,所以英文科出到黎成績可能會打折扣,
    要叫你女女特別留心呢!
     
    唔記得介紹自己XD
    我係睇咗好耐blog但第一次留言既Annie!! :)
    多多指教 *v*  
    [版主回覆02/09/2010 06:31:00]我個囡入嚟已經開始拆,咁你咪佢師姐?我係計過佢中三可以有新校舍先選擇呢間架! 要中五先追仲辛苦,佢唔係聰明嘅人,咁都唔知點算

    回覆刪除
  8. 早晨早晨! 你囡囡讀緊嗰間中學,靚到好似大學咁真係好好正呀! 讀書的嘢真係迫唔到架, 要你囡囡盡力啦!我個大囡昨日都見家長,但佢的成績不太好, 但見佢真係好用心去讀,但出來的成績比佢預其差.所以她好唔開心啊!
    [版主回覆02/09/2010 06:29:00]我同亞囡都係咁講,如果佢盡咗力我無話可說,可惜佢日日掛住上網呢,都未盡全力 

    回覆刪除
  9. 學校環境真係好好啊 囡囡要俾心機 努力呀 
    [版主回覆02/09/2010 06:28:00]佢地無咁諗呢,再係咁都唔知點算

    回覆刪除
  10. 睇落好似哩度啲大學呀...女女要俾啲心機呀...加油.
    [版主回覆02/09/2010 06:26:00]間學校真係好正架,附近環境又靜,佢再係咁都唔知點算

    回覆刪除
  11. 間學校環境又真係幾正呢~!
    如月妳都唔好咁擔心喇~!唯有希望妳囡囡下學期會比心機爭取好成績呢~!
    [版主回覆02/09/2010 15:29:00]唔担心就假,日日見佢係度hea,真係激c!

    回覆刪除
  12. 可憐天下父母心,為誰辛苦為誰忙!
    唔好太緊張啦,讀書成績唔理想,發掘下佢有乜長處啦!學你整野食咁叻都唔錯架!
    [版主回覆02/09/2010 15:25:00]我都同佢講,你讀到幾多係佢自己架,亞爸亞媽唔使靠佢,但佢將來食好住好係靠而家!但佢真係好懶囉!佢就係唔鍾意整嘢食!

    回覆刪除
  13. 月姐,現在做家長,教師和學生都十分難.今天plane A,明天planeB,教改!!!!
    [版主回覆02/09/2010 15:24:00]唉,囡囡係三三四白老鼠,啲課程唔同晒,老師學生都要重新適應,咁佢唔努加邊個幫到佢吖!

    回覆刪除
  14. 唔好咁擔心啦 ! 我都會考左 2 次
    唔驚 - 唔驚 ~ 有我大仔 "gin" 底
    [版主回覆02/09/2010 15:23:00]我會考咗四次,就係唔想佢學我地咁,讀咁少書!

    回覆刪除
  15. 嘩,間學校好 豪華呀!咁正o既校舍,好難得,要好好珍惜!只係細路有自己諗法,唔到我地話事。
    [版主回覆02/09/2010 15:23:00]係幾好架,但佢地都唔珍惜!

    回覆刪除
  16. 嘩,間校舍真係超靚呀!
    [版主回覆02/09/2010 15:20:00]新起好架!

    回覆刪除
  17. 間圖書館真係好鬼正呀..
    [版主回覆02/09/2010 15:20:00]有鬼用咩,佢話佢好少去喎 !

    回覆刪除
  18. lee 間中學都設計得鬼火禁靚. 邊間有名學校呀 ?
    [版主回覆02/09/2010 22:17:00]係呀,真係希望佢會好好咁珍惜呢三年嘅日子!

    回覆刪除
  19. the blog for me to speak out load2010年2月9日 下午11:46

    哈哈我係啊
    不過我鐘意以前同大自然融為一體既校舍多點,
    讀書都特別精神啊嘻嘻!!
    不過你放心呢,呢間學校既老師係超級無敵好 ^^
    其實我覺得佢真係無興趣讀書,
    倒不如早點去IVE讀自己想做既野.
    仲可以繼續進修呢
    (我而家對著高考都好後悔自己唔讀IVE啊哈哈 =3=)
    [版主回覆02/09/2010 22:16:00]呢間校舍校長落咗好多心機架,雖然比以前無咗份寧靜,但多了份活潑,啲老師真係好好!

    回覆刪除
  20. 間學校咁靚既..... 我個仔果間好舊咖 ... 圖書館又咁靚 .... 好羨慕呀....
    讀書呢家野..真係要靠佢自己 ... 你幫佢唔到 .. 希望佢快d識諗勤力d啦...
    [版主回覆02/09/2010 22:16:00]係呀,真係希望佢會好好咁珍惜呢三年嘅日子!

    回覆刪除
  21. 我一早知有咁既問題先同大仔搵讀 ib 既學校 ~
    慢慢黎啦 !
    [版主回覆02/09/2010 22:15:00]呢啲學校好貴架,邊有錢呢!

    回覆刪除
  22.   ah Carrie ! Dont regret later when it is too late !!! YOU CAN DO IT!
    [版主回覆02/09/2010 22:15:00]唉,佢唔係唔知,但就係懶!

    回覆刪除
  23. 同你囡囡加加油 !!
    囡囡校舍好靚呀 ~ ~
    [版主回覆02/09/2010 22:15:00]係呀,真係希望佢會好好咁珍惜呢三年嘅日子!

    回覆刪除
  24. 養兒一百年, 長休99. 我亞媽以前成日都講呢句, 我做人亞媽之後更加體會到. 而家亞女都大, 都係只可以不時提吓, 仲要見好就收. 真係做人亞媽甚艱難. 您要努力呀!
    我係屋企附近都搵到有2個唔同大細既長方型錫紙盆賣, 最衰之前都買咗2 pack圓型盆. 激死.
    [版主回覆02/10/2010 06:41:00]做亞媽真係好難,做我地呢啲又要返工又要煮飯嘅亞媽更加難!

    回覆刪除
  25. 唔知你囡囡讀邊間呢?
    [版主回覆02/10/2010 06:39:00]唔好講啦!

    回覆刪除
  26. 阿囡間學校好靚, 我個女讀嗰間比公屋圍住空氣好差, 佢今年3月中高考了, 上星期考完mock, 佢都好勤力去讀, 但係成績麻麻, 日前還要見家長, 起初我都驚老師是不滿她的成績而見我 (因在中六時曾見過一次, 說阿女的成績如此下去會上不到大學), 但是當日老師竟然是勸阿女放鬆點, 因為他們都看到阿女真的很努力去做, 每次見她唔係喺課室就係喺圖書館溫書做數, 甚至整個聖誕假期都回校溫習, 老師們都不忍見她這樣勸她要調較一下溫習和休息時間, 一味死讀唔得嘅, 小心捱出病來, 那刻我差點流出眼淚, 兩位老師又忙著安慰我不要太擔心...........唉! 如月, 我們做父母就是這樣了, 孩子有什麼事都牽腸掛肚.........我又想喊了

    回覆刪除
  27. 阿囡間學校好靚, 我個女讀嗰間比公屋圍住空氣好差, 佢今年3月中高考了, 上星期考完mock, 佢都好勤力去讀, 但係成績麻麻, 日前還要見家長, 起初我都驚老師是不滿她的成績而見我 (因在中六時曾見過一次, 說阿女的成績如此下去會上不到大學), 但是當日老師竟然是勸阿女放鬆點, 因為他們都看到阿女真的很努力去做, 每次見她唔係喺課室就係喺圖書館溫書做數, 甚至整個聖誕假期都回校溫習, 老師們都不忍見她這樣勸她要調較一下溫習和休息時間, 一味死讀唔得嘅, 小心捱出病來, 那刻我差點流出眼淚, 兩位老師又忙著安慰我不要太擔心...........唉! 如月, 我們做父母就是這樣了, 孩子有什麼事都牽腸掛肚.........我又想喊了
    [版主回覆02/10/2010 06:23:00]咪係囉,如果我見囡囡盡咗力係唔會怪佢架,試問又有幾多高考生可以上到大學吖,香港呢個制度真係.......... 有時太緊張做父母仲緊張,好怕佢地承受唔到打擊,你都係時候要不時提醒下你囡囡,真係要搵時間放鬆下,咁先入腦架! 你仲要睇實囡囡,俾啲正面嘅訊息佢,一旦考得唔好都唔會出事!

    回覆刪除
  28. Sorry 呀 !!! 個驗證碼唔知攪咩, 重 post 幾次.......
    [版主回覆02/10/2010 06:20:00](Empty)

    回覆刪除
  29. 我無錢架 , 佢有獎學金咋
    [版主回覆02/10/2010 06:20:00]攞到奬學金咁叻仔!

    回覆刪除
  30. 如月,我諗每個做父母都用盡法寳去栽培佢哋嘅寳貝,但係這世代的小朋友又未必明白,妳揾多些時間陪吓佢哋喇,雖然佢哋都大個,但係都要媽咪陪,陪埋温習都唔錯喎!

    回覆刪除
  31. 叻咩呀 , 全部都係錢堆出黎架咋 ....... 而家我 2 個細都攪到我好煩 ..............真係好煩 ................

    回覆刪除
  32. 我也是你囡囡的校友呢。新校舍很漂亮先進, 不過我個人當然還是喜歡以前的簡樸。
    總有一天, 你囡囡會找到她的路, 相信你和學校都會能助她一臂之力。

    回覆刪除
  33. 雖然我讀書唔叻, 但係我相信你個囡囡會明白架, 就算佢依家盡咗力都唔勁得去邊, 但佢會知道其他人唔知既野....例如...通識咁......好多事唔可以响書本度學到...但我相信你個囡囡識多好多其他同學唔識既事同物....唔好因為成績而令到你擔心呀.....因為有好多野係要你同囡囡一齊感受至會一生受用......(好明顯我媽媽唔係用一個傳統既方法去教我.....但係我都唔係一個會令媽媽失望既女女.....) 你同你囡囡都要加油呀.....親情最可貴架........

    回覆刪除
  34. 你的女兒的校舍真的很漂亮啊~其實那間中學叫..? 我學校校舍也有40 年歷史的了..很多東西都比較舊 其實我跟你女兒一樣, 也是三三四的白老鼠... 我覺得整個三三四學制都很亂..很多東西都不清楚 不像會考那樣實行多年, 很清楚所有情況, 出路等等.. 對於考試, 其實我們也不大清楚是怎樣考 .. 感覺上很多東西都還未準備好.. 只知道我們這屆很難升上大學吧~ 唉

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^