2010年1月18日星期一

完啦!!!

17~Jan~2010(日)


天氣晴朗


仲有16度好暖


21234542-2-1C30311-1.gif Sandy image by moonmoonsandy


終於都完..............OT啦


前前後後開咗十二日OT


成個人散晒


日日返工放工


無晒自己時間


而家終於可以鬆一口氣!


21234542-2-164U471.gif Sandy image by moonmoonsandy


噚日仲要做到7點先走(本來係7點半架)


因為約咗奶奶食飯


所以要早啲走人


係香港搭巴士入觀塘(都成個鐘)


點知去到酒樓


啲人一個都未到(都預咗啦)


咪攞位先啦!(以為得我地同奶奶咋)


21234542-2-13061961.gif Sandy image by moonmoonsandy


點知call大老爺


佢居然仲係屋企未出門口(嗰時已經8點10分啦)


又話約咗8點嘅(玩我咩)


又話呢個又嚟嗰個又到


(除咗叔仔老婆,成日都話唔得閒架)


成十個人!


有時真係好嬲


明知我開完OT都攰架


使唔使咁玩我呀


你(大老爺)唔鍾意等人


咁我又鍾意咩


老奉架????


21234542-2-115I291.gif Sandy image by moonmoonsandy


次次都係咁


你又遲佢又遲


咪得個等字囉


個個都唔守時


連奶奶都要坐咗成個鐘


都唔知有冇攪錯嘅


乜佢啲仔個個都係咁架咩?


終於等咗個幾鐘(9點10分)先齊人


食完飯都11點啦!


21234542-2-1491L21.gif Sandy image by moonmoonsandy



早前買咗本教整cup cake嘅書


試咗呢個


不過做得唔係咁好啫


而且個topping好鬼甜架


真係開party整嚟玩下


【朱古力cup cake】~(食譜按此)



 


 

27 則留言:

  1. D男人有時真係激死人,咁漏氣!
    加完班你唔使休息吓,重猛啦整餅,真好精力 ,佩服!
    [版主回覆01/17/2010 21:52:00]
    咪係,唔祇我要等,佢媽媽都要等嘛,又唔係返工,祇係係屋企,明知約人8點,點解要8點幾仲係屋企吖? 放心,呢啲食譜我儲埋架,有需要就post出嚟!

    回覆刪除
  2. 其實我個人比較準時, 所以我唔係好鍾意人地遲到... 仲遲咁多...
    咁... 我下次會約早佢地一個鐘囉....
    [版主回覆01/17/2010 21:54:00]我個人仲衰,明知呢條友一定遲,都係慣咗早到(我約人通常都會早到架),我真係做唔出遲到架! 無用架,你約早佢,佢去到唔見你又走咗去架

    回覆刪除
  3. 真係好怕左等右等 仲要老人家等咁耐 唉   妳有時間就多D抖吓啦 
    [版主回覆01/17/2010 22:09:00]呢方面佢真係乞人憎呢! 放心啦,呢個係聖誕party整咗未出嘅譜呀!

    回覆刪除
  4. 333我都好憎等的~
    [版主回覆01/17/2010 22:09:00]呢方面佢真係乞人憎呢!嬲極都係咁,call佢仲話嚟緊,係我聽到咁靜佢先認係屋企咋!

    回覆刪除
  5. 4才對
    [版主回覆01/17/2010 22:09:00](Empty)

    回覆刪除
  6. 6 。。。等一粒多鈡真是过份點!
    [版主回覆01/18/2010 06:27:00]佢成日都係咁架!

    回覆刪除
  7. 遲少少就唔過份, 不過, 遲成個鍾就有d誇, 真係連奶奶都要等就仲離譜.
    Cup cake幾靚仔喎, 我哋幾時會開party呀?
    [版主回覆01/18/2010 06:27:00]佢就係咁啦,因為佢知道佢細佬會遲嘛! 幾時開party....真係有排等啦! 係呀,我想call你呢!

    回覆刪除
  8.  我個 "zero" 都係咁架 , 次次我哋約咗人佢都係慢吞吞至出門口 , 冇一次會準時唔遲到嘅 , 搞到唔鐘意遲到嘅我都要部佢一齊遲到
    [版主回覆01/18/2010 06:25:00]我好怕同佢出門口架,一出門口佢先攞個掃把出嚟掃呀掃,又執呢樣又執嗰樣,我唔開住度門出咗去佢都唔捨得出嚟! 若果佢自己出門口,一定預半個鐘咋,去邊都係早半個鐘出門口,話之你係去香港九龍新界呢!

    回覆刪除
  9. 等人同等位都係一件苦事.
    [版主回覆01/18/2010 06:22:00]真係無佢辦法呢!

    回覆刪除
  10. 早晨早晨! 真係好怕左等右等 仲要老人家等咁耐,真係過份呀!我都好憎等人等咁耐架.   
     
    [版主回覆01/18/2010 06:22:00]我都最憎等人,可惜遇個咁鍾意遲到嘅老公!

    回覆刪除
  11. call佢仲話嚟緊,係我聽到咁靜佢先認係屋企咋!------->>> 咁都得,如果是我家老爺,我一定會叫佢,您唔駛出來了,便掛佢線,叫佢食自己~
      如果要開工或突然要加班,我都仲可以體諒,不過,閒在家,
    遲出門,而要我餓住個肚等成粒鐘,真係老公都冇情講~
    [版主回覆01/18/2010 06:41:00]佢呢世人都係咁噃,想做就去做,6點幾出去跑步,擺明會遲到啦,跑到7點幾返去沖涼加埋呢樣嗰樣咪8點幾仲未出門口囉! 如果得我一個梗係會咁啦,我自己唔識食嘢咩? 祇係奶奶都一齊係度嘛! 我都係咁話開工乜都無所謂,好似佢咁自己唔鍾意等人就遲啲到要其他等就唔啱!

    回覆刪除
  12. 月姐,
    嘩!我一回來就碰上妳唔開心....
    算吧!!!展笑臉步出新一天!!!!
    [版主回覆01/18/2010 07:52:00]你返咗去安頓好啦,真係好可惜,當日未能見你一面,聽講....你好靚女喎! 我無唔開心,呢啲情況一年都會發生好多好多次,邊嬲得咁多啫,講下出嚟發洩下啫!

    回覆刪除
  13. 我屋企都有個咁嘅人,去親边到系例牌遲到半粒鐘,咁我地去親边就同佢約早半小時,例如12点就話11﹕30,咁到佢真系黎到就時間啱啱好啦了
    [版主回覆01/18/2010 07:54:00]唔知係咪家旅遺傳架,我家由爸爸至我細妹,約親人都一定早到,好少好少遲到! 而夫家個個都係咁架(除咗其中一個姑仔),次次都遲架呢! 我又做唔出架,約早半小時,心又諗佢今次早咗咪我遲大到,真係做唔出呢,最多最多遲10分鐘先到囉!

    回覆刪除
  14. 早晨~開完OT 囡囡一定好開心 !!!
    大老爺真攪鬼 ,六點幾仲去跑步
    [版主回覆01/18/2010 22:06:00]係呀,囡囡好想我整千層肉醬意粉俾佢食呀! 大老爺係咁架,唔會理乜嘢時候,想做就做,唔理夠唔夠時間!

    回覆刪除
  15. 早晨
    [版主回覆01/18/2010 22:04:00]
    晚安啦!

    回覆刪除
  16. 我諗...您要開始調節一下自己的好習慣來遷就他了~
    下次再有夫家的家庭聚會時,不妨叫奶奶遲半粒鐘才出門口,
    或者,您同奶奶去逛一陣商場,把原定約好的時間,
    再推遲半粒鐘才去食肆吧,這是...佢唔改,您又唔駛嬲到發火的
    最佳辦法,假設他們好彩的準時到達,您便像他們一樣
    若無其事的,以其人之道還以其人之身~
      不過,平日的您約了我都一定早到的,而我都係,
    所以,您不要用此方式約我噃~
    [版主回覆01/18/2010 21:59:00]我已習慣咗廿年啦,大老爺除咗初初拍拖時,同我打賭十次唔遲到之後,就好少會準時(十次八次都會有一次嘅)! 試過陀住八個月個肚都要係街等佢呀,佢最習慣遲到十分鐘至半個鐘架! 嬲都唔嬲得咁多,不過呢次好離譜啫! 哈哈...你唔了解大老爺啦,若果佢去到唔見人,佢又會行咗去,等你地搵咗位先會嚟架,佢一定唔會等人架!

    回覆刪除
  17. 我現時的工作時間較特殊 , 所以近三年都少參加夫家的家庭飯局, 好多次佢哋約嘅時間都係我未放工, 試過叫我半小時內由筲箕灣去旺角食飯, 嘩 點趕? 況且我要夠鍾打咭後才可換製服離開, 初時如果我不能出席,老公都會帶阿女照樣赴會, 但幾次後佢兩父女覺得不是味兒 ,現在如果時間上就唔到我的話佢兩個索性唔去, 不過我又變咗"磨心"
    [版主回覆01/18/2010 21:59:00]咁你老公唔啱啦,你出席唔到,佢自己亞媽做乜要怕啫,咪帶個女去囉,唔知點解啲男人都係咁嘅?

    回覆刪除
  18. 我都最鬼憎等人架.....哂哂 D 時間 明明未到又扮轉個彎到果 D 最鬼衰~
    [版主回覆01/18/2010 21:59:00]我都係,偏偏嫁個遲到王,真係無法子!

    回覆刪除
  19. 辛苦你啦﹗
    [版主回覆01/18/2010 21:59:00]無法啦!

    回覆刪除
  20. 真係天光等到天黑,肚飽等到肚餓
    [版主回覆01/18/2010 21:59:00]講得啱,好離譜!

    回覆刪除
  21. 唔好嬲啦~! 妳整的cupcake好靚呢~!
    不過我都怕無時間觀念的人,可能我又係鍾意預早出門的人嚟呢~!
    [版主回覆01/18/2010 21:59:00]無嬲,我整得唔靚呀! 我都係架,情願早咗自己周圍行下!

    回覆刪除
  22. 我見cafe d cup cake 五顏六色,又藍又綠,唔多敢擺落口。
    [版主回覆01/18/2010 21:50:00]靚就靚啦,原來真係好甜架!

    回覆刪除
  23. 我最唔鐘意等人, 都唔明d人, 明明約咗人都可以遲咁多, 遲少少就算啦, 仲要老人家等. 係我食完就同奶奶走人, 等佢哋自己再攞位啦
    [版主回覆01/18/2010 21:50:00]係呀,明明約咗人8點,都可以8點幾仲係屋企架,好離譜,唔係奶奶係度我走咗啦!食乜都補唔番啦!

    回覆刪除
  24. 妳都好好脾氣喎, 俾我就.......
    [版主回覆01/18/2010 21:50:00]無法啦,奶奶都係度,若果祇有我實走咗!

    回覆刪除
  25. 您星期六會唔會出席肥blog blog囡囡既生日會呀? 唔去我都可以約您交收吖.
    [版主回覆01/18/2010 21:47:00]星期六唔出啦,我約咗人! 你平時幾多點開始唔得閒架?我放工又夜,今個星期六又唔得閒,星期日下午先得閒,你可以嗎?

    回覆刪除
  26. 我真係唔會等囉,我平時六點就食飯架喇,十點去瞓lu.
    [版主回覆01/19/2010 06:21:00]我奶奶都係度喎

    回覆刪除
  27. 乜我原來沉日段留言出唔到!
    [版主回覆01/19/2010 18:36:00]咁今日留過囉!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^