2009年3月31日星期二

名副其實!!!

30~March~2009(一)


朝早有雨


之後都天晴


有陽光


18C~22C


今日天氣好咗好多啦


 
 


差不多夏天


天氣熱就想食啲凍嘢


之前買咗啲啫喱粉


又買咗幾個芒果


咁就整個名副其實嘅


~芒果啫喱~




咁先係架


芒果啫喱淨係得個味


邊可以叫芒果啫喱啫!


加咗芒果肉又唔同啦


真係正好多!


 
 
 
 


今日會做煮婦呀


煲番個靚湯


~五指毛桃淮山蓮子蜜棗紅蘿蔔螺片豬骨湯~


五指毛桃~功效補氣健脾,素有[南茋]之稱。



     ~BBQ豬扒~(食譜按此)


點解叫呢個名?


因為用呢樽BBQ醃粉醃囉



都買咗好耐


噚日買到啲豬扒就諗起呢樽粉啦


打開都好香架


我諗用嚟醃嘢去BBQ一定好正!



~土豆炒三絲~(食譜按此)


土豆絲之前都教過,今次又玩下"鮑魚"先


呢隻仿鮑片又真係幾好味


係我家打邊爐必備



 


 


咁又一餐美味晚餐啦!


【BBQ豬扒】~附食譜

【土豆炒三絲】~附食譜

2009年3月30日星期一

最後之懷念!!!


29~March~2009(日)


朝早好大雨


但中午又無乜雨啦


涼咗少少


 
 


講番噚晚


返奶奶度一定經過呢度



今次好唔同


見呢檔嘢好多人排隊


都買番兩串嚟試下


好好味


好味過旺角"肥媽"







呢檔真好味

今日仲要排隊呀


佢出埋網站啦


www.chunhomei.com


 
 
 
 
 


呢啲檔口好有特式


都應該無乜幾多地方可以見到


一盆盆餸菜任君選擇


平靚正


係街坊嘅最佳飯堂




 
 


行到呢度又見有條人龍


唔知排乜呢



原來係排隊買雞蛋仔


呢個哥哥我都幫襯過無數次


以前佢得一個雞蛋模咋


今日見佢要開三個模都買唔切呀!




 
 
 


再經過金利來


嘩,唔使嘛,排廿幾三十人


好彩之前同班朋友嚟試咗啫!



 
 


有冇人知牛頭角幾時拆呀?


噚晚見好多人都攞住

好專業嘅相機


係度影呀影,我祇係攞住部DC仔咋!



 


早前囡囡話想食藍莓芝士餅


加上都要清咗雪柜的快過期嘅忌廉芝士


今日一於開工做


【鮮藍莓芝士凍餅】~(食譜按此)


呢個都未試整


而家都掌握到打忌廉嘅技巧


加冰墊底用中速好快就打好



整呢個凍餅真係搵自己笨


整完要洗好多嘢架


今次都整得幾成功


但個面就做得唔係咁靚


應該留番多啲位俾啫喱


啲餅面啫喱蓋唔晒啲藍莓


希望繼續改善!!




(切面會明日補上)