2009年10月28日星期三

哈佬畏!!!


27~Oct~2009(二)


天氣清爽


秋天朝早嘅感覺好正


******


星期日


囡囡約咗幾個同學仔


去海洋公園~哈佬畏


其實我都好担心


因為之前佢地出旺角


都俾人扒咗個電話


今次去海洋公園


勁多人


又咁夜


做亞媽點會唔担心呀?


******


出發前


囡囡好痴身


攬攬錫錫先出門口


去到海洋公園入口


就打俾我話未入已經好驚喎


囡囡真係好乖


差不多走就會call我話我知


差不多返到又會通知我


免卻我担心


******


一返到屋企就入房錫我一啖


其實當時我已經瞓咗啦


睇下囡囡買咗啲乜返嚟




好得意呀


因為太多人


佢地都係玩咗兩間鬼屋


未玩之前都好驚


但玩完佢話唔驚喎!


******


唉.........


都話好怕仔仔學壞啦


返咗學之後


成日都出街食飯


之前話佢佢又話淨係星期六日出之嘛


而家連平時都會失驚無神


話"今晚唔返嚟食"


死啦


都唔知拍拖


定係識埋啲吃喝玩樂嘅朋友


成日都要出嚟威


而家佢仲知道打個電話通知我


再遲啲可能連電話都無呀


担心死我啦!


******


仔仔唔返嚟食


得三個人


真係無心機整好嘢


本來諗定整啲正正雞扒


而家又要諗過


好啦就整


【香蒜肉絲意】



【金菇露筍炒牛柳】~(食譜稍後補上)



【清炒皇帝菜】


主席我好鍾意食呢個菜架





41 則留言:

  1. 1
    [版主回覆10/27/2009 21:42:00]錫晒你 

    回覆刪除
  2. (Empty)
    [版主回覆10/27/2009 21:42:00](Empty)

    回覆刪除
  3. 快D呵返愛人先 呵呵呵
    [版主回覆10/27/2009 21:43:00]因乜事呵我啫,我都無嬲,仔仔仲未返呀! 我剛剛又做咗個幾滿意嘅蛋糕呀

    回覆刪除
  4. 琳琳 妳好嘛  
    [版主回覆10/27/2009 21:43:00](Empty)

    回覆刪除
  5.  妳囡囡咁錫妳 , 冧哂啦
    [版主回覆10/27/2009 21:44:00]囡囡真係好乖架,食嘢佢會俾我揀先架!

    回覆刪除
  6. 囡囡真窩心 返來都錫吓妳 好SWEET呢  
    [版主回覆10/27/2009 21:44:00]係呀,佢好痴我架,成日都要錫錫,朝一次晚一次架

    回覆刪除
  7. 妳而家只係驚阿仔拍拖姐,我就驚緊失驚無神做阿"麻"
    [版主回覆10/27/2009 21:45:00]嫲嫲...你食咗驚風未呀

    回覆刪除
  8. Jo姐妳好
    [版主回覆10/27/2009 21:45:00](Empty)

    回覆刪除
  9. 仔大仔世界囉! 唔到你擔心得咁多, 希望囝囝唔好搞出D咩事出嚟就算啦!
    [版主回覆10/27/2009 21:46:00]係架啦,祇係從旁勸下咁咋!

    回覆刪除
  10. 做呀媽..真係每日每樣事都為兒為女擔心! 我明嘅....
    [版主回覆10/27/2009 21:46:00]你啲囡囡仲細,仲可以係你掌握之中,但漸漸大個就唔係咁架啦!

    回覆刪除
  11. C啦...我三個仔呀...以後有排我擔心啦...
    [版主回覆10/27/2009 21:50:00]係呀,到時每個帶一個唔同膚色嘅老婆俾你嘆!

    回覆刪除
  12. 因為妳無3花囉 食左保嬰丹
    [版主回覆10/27/2009 21:51:00]3花???愛人點解我唔明架!

    回覆刪除
  13. 做人亞媽係咁啦 ..... 我個大仔都拍緊拖, 但係就好少出街 ( 唔知佢女朋友點頂既呢 ) .... 不過你個囡囡好乖喎 .... 我都話女好d 咖 ...可惜我冇女呢 ~~

    回覆刪除
  14. 遊過你d網誌 , 發現如月是一位名乎其實的好媽媽 , 所以有位乖囡囡...
    放心啦...男女有別...仔仔大個咗 , 係無咁痴身喇!...繼績關心照顧他就是了...你咁錫佢哋...佢會知! 男仔錫媽媽又是另一種形式來表達.....
    [版主回覆10/27/2009 22:21:00]唔知點解個個blog友都會咁講! 係呢個blog,我係有感而發架,都係記錄我同佢地嘅生活同感受!應該每位媽咪都係咁架!

    回覆刪除
  15. 羊媽D糖花呀 喂喂)))))幾時再整桂花酥俾阿大姐?? 仲有佢話妳D牛肉粒好正呀,快D整3、5、7LBS過我LA
    [版主回覆10/27/2009 22:04:00]你仲正啦,嗰啲桂花酥有幾多分呀,今次無乜信心,因為太夜太急入盒,成日覺得腍咗咁! 牛肉粒....佢又點知正啫,佢都無食到 

    回覆刪除
  16. UM....佢話好令又好味,不過幾多分就 ................................妳再整多次俾佢試真D先俾到分喎 佢睇我地卜見到麻
    [版主回覆10/27/2009 22:14:00]我而搵緊綠豆薑茸做法呀,想整皮蛋酥俾你食呀,不過唔知幾時喎 我啲牛肉粒買得真係抵............淨係睇都知好食

    回覆刪除
  17. 你仲嚇我...
    [版主回覆10/27/2009 22:20:00]咪幾好,咁聯合國嘛

    回覆刪除
  18. Carrie 真是乖,抵你錫到佢
    [版主回覆10/27/2009 22:20:00]佢食嘢都會俾我揀先架!

    回覆刪除
  19. 囡囡係唔同D, 又攬又錫真係冧哂
    [版主回覆10/27/2009 22:52:00]所以你好幸福!

    回覆刪除
  20. 哈!我早幾日都係食香蒜肉絲意粉
    [版主回覆10/27/2009 22:44:00]就係俾你引到我又整!

    回覆刪除
  21. 仔大仔世界、最好是先跟仔仔的朋友熟畧些、然後同埋叫他們回家玩、那麼也可知仔仔識什麼朋友仔囉?又唔驚他們出去攪攪震!
    [版主回覆10/27/2009 22:53:00]你就好啦,有三個咁靚咁叻嘅囡囡

    回覆刪除
  22. 如月,你囡囡買頂帽好靚呀!
     
    [版主回覆10/28/2009 06:09:00]所以影低佢囉!

    回覆刪除
  23. I hope when my daughter grows up, we will be as close as you and your girl. : )
    [版主回覆10/28/2009 06:12:00]唔係架,我囡囡由細到大都咁痴我架!

    回覆刪除
  24. 你呢個100分嘅媽咪真係有排驚囉, 一定要睇到實呀.
    [版主回覆10/28/2009 06:13:00]唉,都唔知驚到幾時!係無得睇架!

    回覆刪除
  25. 早晨早晨! 仔大仔世界! 唔到你擔心得咁多! 做呀媽的,係每日每樣事都為兒為女擔心!你囡囡真係好乖啊!
     
    [版主回覆10/28/2009 14:08:00]真係理唔到,祇有日哦夜哦!

    回覆刪除
  26. 你搵日同囝囝靜心傾吓計,睇佢搞邊科,同時哦吓佢!佢可能唔應你,但點都好過佢以為無王管。
    [版主回覆10/28/2009 14:05:00]有傾架,問佢係咪拍拖,佢又唔認,有時係舊同學有時係朋友有時係新同學,咁咪多咗約會,我都有問下佢同乜嘢人去做乜去咁多知唔知要溫書呀,但都無用架,佢話佢知自己要點做喎!

    回覆刪除
  27. 讀書時候, 去下街都無所謂, 但係經常唔返唻食晚飯, 就真係唔係咁好. 同佢講叫佢俾心機考埋會考先啦...
    我都好鍾意食黃帝菜架
    [版主回覆10/28/2009 14:05:00]咪係囉有時係舊同學有時係朋友有時係新同學,咁咪多咗約會,我都有問下佢同乜嘢人去做乜去咁多知唔知要溫書呀,但都無用架,佢話佢知自己要點做喎!

    回覆刪除
  28. 囡囡好乖呀....好SWEET呀.....
    [版主回覆10/28/2009 14:11:00]咁你個係咪仔仔嚟呀?

    回覆刪除
  29. 二姐之前都去左, 玩到無西鐵返, 坐通消巴士, 返到黎成 3 點幾
    大姐依家都多左出去食飯 (係呢兩個月開始), 但我知佢係約左同學仔, 有時係舊同學, 因為佢地依家好多都唔同校, 可能你囝囝都係, 有機會問下佢 lor !
    [版主回覆10/28/2009 14:04:00]咪係囉有時係舊同學有時係朋友有時係新同學,咁咪多咗約會,我都有問下佢同乜嘢人去做乜去咁多知唔知要溫書呀,但都無用架,佢話佢知自己要點做喎!

    回覆刪除
  30. 真係養兒一百歲,長憂九十九!
    [版主回覆10/28/2009 14:01:00]大家都咁話啦

    回覆刪除
  31. 本質係乖就係乖 ,我諗你囝囝應會係乖果種 ,只要佢仲肯同你傾 ,到佢唔同你傾就驚啦 ,小朋友到左呢個時期又唔可以抓得太實 ,如果唔係佢會好反感 .
    [版主回覆10/28/2009 17:08:00]呢個青春期嘅仔仔,成日以為自己好大個,乜都識諗會學壞喎!

    回覆刪除
  32. 喺仔仔泥嘅....佢咁大食....如果佢喺囡囡......唉....咁我地倆公婆就要打兩份工....儲定嫁妝睇吓有冇人要佢咖啦.......
    [版主回覆10/28/2009 17:07:00]仔仔都好呀,活潑啲嘛! 唔通你想仔仔入藉非洲咩,你煮幾多佢食幾多你最開心啦!

    回覆刪除
  33. 我大仔依家都多o左出街,我心情同你一樣唔知佢係咪拍拖,唔知同乜朋友,唉,做人父母真係多野擔心!
    [版主回覆10/28/2009 21:25:00]咪係,出街都唔使出咁多架?

    回覆刪除
  34. 始終都係女仔乖 d 嗲 d 呀!!
    [版主回覆10/28/2009 21:26:00]好耐無見啦,你都知女好啦!

    回覆刪除
  35. 香蒜肉絲意有沒有食譜ar? 皇帝菜個樣好熟口面,佢有無第二個名嫁?

    回覆刪除
  36. haha~ 囡囡窩心 仔仔反而家要擔心呢 
    [版主回覆10/28/2009 21:29:00]唉,仔女大咗都要煩架啦!

    回覆刪除
  37. 如月, 您真係好鍾意食皇帝菜喎. 果隻骷髏骨頭蝴蝶好得意.
    囡囡真係好SWEET呀!
    [版主回覆10/28/2009 21:30:00]都幾鍾意架,打邊爐最好!你追番個囡啦!

    回覆刪除
  38. 我個大仔間唔鍾都有出去同朋友仔食晚飯, 唔知喺唔喺所有媽咪都唔喺好願仔女讀緊書就唔返屋企食晚飯呢, 我會問長問短嫁,因我都唔多鍾意佢去咁夜丫嘛! 
    [版主回覆10/28/2009 21:31:00]唔鍾意都唔可以鬧架,祇可以勸,或者有機會傾下勸下,一味話佢地唔鍾意架!

    回覆刪除
  39. 追返個囡........一把年紀, 唔好玩喇.
    [版主回覆10/28/2009 22:29:00]哈哈,得架得架!

    回覆刪除
  40. 正所謂「養兒一百歲,常懷千歲憂」做父母每個階段都有不同的擔憂,可能的話,跟他傾多些,了解佢身边的朋友,良友故然good喇,不然的話,就小心些輔導吓,真誠表達妳對佢的関懷,佢本質唔差,應該問題唔大。
    囡囡又真係好乖,錫佢多d,佢重會乖d添!
    [版主回覆10/29/2009 20:04:00]同佢傾要好講技巧架,要旁敲側擊咁,傾下問下,我最担心係佢啲朋友嘅質素! 囡囡好錫我架,又窩心!

    回覆刪除
  41. 我都好鐘意食黃帝菜架, 我見街市而家有得賣喇, 係時候買黎食先, 除左炒, 用黎打邊爐都好正 ....
    [版主回覆10/30/2009 21:45:00]係架,打邊爐最正!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^