【冰皮月餅餡料】
綠豆,南瓜,紫心蕃薯,栗子
【綠豆餡】
[材料]
開邊綠豆500g,糖200g,生油30g,椰漿150g,椰子粉20g,澄麵30g(用少許椰漿開勻)
[做法]
(1) 綠豆洗淨浸透,倒去多餘水份,留番少許水剛好浸過綠豆。
(2) 隔水蒸稔,趁熱壓成豆蓉。
(3) 放下生油,豆蓉,椰漿和糖炒透,再放入澄麵水炒勻,待涼,放入雪柜雪凍才可以用。
***綠豆蓉可以加入唔同生果做成唔同口味冰皮味道***
【南瓜餡】
[材料]
南瓜一個,糖5湯匙,生油1湯匙,澄麵50g(用少許水開勻)
(因南瓜味淡,可加多少少糖)
[做法]
(1) 南瓜刮皮去籽,切大件,隔水蒸稔(約20分鐘~半小時)。
(2) 用义趁熱壓成茸。
(3) 放下生油,南瓜茸和糖炒透,再放入澄面水炒勻,待涼,放入雪柜雪凍才可以用。
【紫心蕃薯餡】
[材料]
紫心蕃薯5個(普通size),糖2湯匙,生油2湯匙,澄麵2湯匙(加1湯匙水攪勻)
[做法]
(1) 蕃薯連皮用水煮至熟,去皮趁熱用义壓成茸。
(2) 蕃薯茸加入糖攪勻。
(3) 下橄欖油,倒入蕃薯茸,再倒入澄麵水炒透,用盒盛起待涼,放入雪柜雪凍才可以用。
心得:紫心蕃薯比較乾,若發現太乾可加多少少鮮奶或椰漿。
【栗子餡】
[材料]
栗子1斤(已去衣的),糖3湯匙,橄欖油2湯匙,澄麵2湯匙(用少許水開勻),椰漿半杯。
[做法]
(1) 栗子煲稔,倒去水份。
(2) 加入椰漿用攪拌器打成茸。
(3) 放下生油,栗子茸加糖炒透,再放入澄麵水炒勻,待涼,放入雪柜雪凍才可以用。
心得:栗子比較硬,好難用义壓成茸。
注意:所有譜譜仲未係最完美,祇可作參考,要看材料,太乾可加多點澄麵水或椰漿或鮮奶!
111
回覆刪除[版主回覆09/18/2009 06:13:00](Empty)
仲唔輪到我攞第一
回覆刪除[版主回覆09/18/2009 06:13:00]得咗啦你!
(Empty)
回覆刪除[版主回覆09/18/2009 06:13:00](Empty)
3333
回覆刪除[版主回覆09/18/2009 06:13:00](Empty)
好食得滯, 有啲圖比yahoo食咗...嘻嘻
回覆刪除[版主回覆09/18/2009 06:14:00]又食咗,我已經檢查咗幾次,我睇到你邊一幅睇唔到呢?
我喺香港買咗現成的罐头栗子茸...得唔得架?咁仲駛唔駛加嘢呢?快啲救吓我呀如月~~
回覆刪除[版主回覆09/18/2009 06:16:00]個啲栗子茸會軟啲,我未試過,應該得嘅,如果唔得就要加澄麵令佢黏啲先得喎! 你攞出嚟看看可不可以搓圓成球,可以的話應該無問題架!
如月 我有幾個問題請你指教呀!! 1南瓜是不是用日本南瓜呀??細細果d??? 2冰皮你話用廚紙蓋住,係唔係唔接直蓋住係d月餅的上面,個底洗唔洗蓋架?? 3保鮮盒係唔係普通的食物盒呀?? 4放在月餅盒之後放係雪櫃上格定下格呀?? 5點樣令個冰皮冇粒粒同滑d呀????? 唔該曬你呀!!!睇你個blog學到好多野呀!!!
回覆刪除[版主回覆09/18/2009 06:12:00]你成日嚟睇咩,未同我傾過計喎! 南瓜我用橙色皮扁圓嗰種,其實用日本南瓜係會香甜啲架! 廚紙係輕輕咁蓋住月餅,因為月餅會有水氣出架! 可以的話真接放入月餅盒中,因個種盒有隔間,啲月餅唔會黏埋,用保鮮盒要小心月餅會黏埋! 雪柜下格 你攪好粉過篩就得啦!
早晨早晨! 係咪一定要放澄麵架??
回覆刪除[版主回覆09/18/2009 06:17:00]啲餡料夠秥夠硬便可以唔加,澄麵係想佢黏啲好搓啲!
多謝如月好介紹..
回覆刪除[版主回覆09/18/2009 10:16:00]哈哈。
真係錫哂你, 你唔寫出嚟我又忘記咗係點做喇。你果日講完個餡點做,我跟住就唔記得,以為剩係整爛舊番薯加埋糖炒就得添。
回覆刪除我沉晚幾乎想買冰皮料就算,不過一睇啲成分有啲化學嘢就唔想買,都係好似你咁講,自己整花多小小功夫健康啲。
[版主回覆09/18/2009 10:18:00]哈哈。個冰皮自己做可以控制個甜度,但油唔可以減,因為唔夠滑,祇可以用橄欖油健康啲!好鬼易架!
唔記得問,乜有開 邊綠豆買o架?個樣係咪平時煲綠豆沙果啲綠豆呢?
回覆刪除[版主回覆09/18/2009 10:19:00]有,係大嘅雜貨鋪有得買,係黃色架,唔好買普通綠豆呀,點去皮呀
激C我. 打完兩次都無咗.
回覆刪除我今日整咗紅皮蕃薯, 唔夠滑, 而且好多纖維(根), 都唔知點搞. 唔知會唔會食到一口根. 下次比相您比分吖.
[版主回覆09/18/2009 23:42:00]你買唔到紫蕃薯咩?你試下用义挑起啲根先?又或者用有洞嘅篩過一過!
您咁夜仲唔瞓? 無呀, 因為太夜出去. 我都係試吓過篩先. 唔該晒.
回覆刪除[版主回覆09/18/2009 23:54:00]我同人講緊電話!
如月, 你好呀!
回覆刪除又到中秋啦! 你好勁呀!寫左咁多款, 但我想問下如整芝麻餡, 咖啡餡以及芒果餡, 可以教我嗎? 非常感激
[版主回覆09/06/2010 14:31:00]SORRY,上一年我都係初次試做餡,未係最正宗,不過居我所知,所有餡料都係由綠豆茸加其他材料變化而成!希望你成功!
我想知道你呢幾款既餡料總共有幾多克架?(如果我以30g計可以整到幾多個餡呢?)
回覆刪除[版主回覆09/08/2010 06:28:00]我無計過喎,應該可以做到15-20個架!
想請問妳的綠豆餡食譜如做25g餡料大約可做多小個 ?
回覆刪除[版主回覆09/14/2010 20:30:00]我無計過喎,應該可以做到20-25個架!
南瓜係幾大個的,我用中國長長地的個種半個可以嗎?我好耐之前都ADD左你做BLOG 友的,但現在都要打碼WOW,可唔可再ADD我呢 ?
回覆刪除[版主回覆09/15/2010 06:27:00]add咗啦! 最幾用日本南瓜,中國南瓜比較削架!
THANKS...
回覆刪除你好,我個南瓜餡太希,可能落得鄧面多,請問有什麼方法整返實呀?
回覆刪除[版主回覆08/18/2012 23:22:47]日本的係綠色的,如水份多可加多啲澄麵炒至ok為止,你個方法也可以
[梁娘回覆08/18/2012 22:17:12]謝謝你,我做圓形個款南瓜,唔知係咪日本,我係街巿買
隔了水既南瓜?係咪蒸完做個魚袋入住,渣曬d水出黎呀?
[版主回覆08/18/2012 17:06:50]南瓜你用邊隻,日本南瓜水份少啲會好啲,中國南瓜水份好高,所以你會咁希,可以加多點隔了水的南瓜,落鄧面多祇會杰唔會希