2009年9月23日星期三

黑夠未呀???

22~Sep~2009(二)


27C~31C


今日天氣好好


清涼咗少少



今日請咗假


陪細妹去醫院做檢查


十點幾做完


本來想同佢食埋早餐


佢腳痛唔想行咁遠


所以各自返屋企


送咗細妹上車


我就利用飯前時間


出咗旺角上海街


買兩個月餅模俾人


係信和落咗車


諗諗下


呢個時間樂天應該有開門喎


雖然好遠都想行一轉


因為次次放工佢都收咗鋪


又聽人講嗰度啲嘢係批發去酒樓



去到個門口


點解間鋪都唔似有嘢買嘅?


好似個倉咁


唯有硬著頭皮


入去問下兩住亞哥


有冇白蓮蓉買


好彩兩位亞哥都好nice


傾咗一陣就買咗兩種餡料試下


白蓮蓉$28一斤


芋茸$22一斤




跟住行落去二記


點知話開12點喎


再行落去萬記買月餅模


俾我發現一張紙


仲話係冰皮月餅食譜呀


又教點樣處理啲新餅模


原來同我做冰皮個抱抱一樣架!





點解今個星期咁黑仔架)))))))))))))))


今晚攞部相機出嚟影餸


點知跌咗出嚟


拍一聲跌咗落地


初初仲以為無乜事


點知


你地睇下仲有冇得救???



幾時先黑完呀)))))))))))))))))))))))))))))))))


煮飯又唔記得襟制


到開飯先知無飯食


個奶皇月餅又失敗


個皮濕個餡散


不知所謂!!!!!!!!!!!!!!!




22~9~2009


晚餐


【粟米魚塊】



【玉豆煮豬肉條】



【節瓜煮魚條】




明天會更好!!!!!


 


 


 


 



ivr

 


46 則留言:

  1. 1
    [版主回覆09/22/2009 21:41:00]係你

    回覆刪除
  2. (Empty)
    [版主回覆09/22/2009 21:41:00](Empty)

    回覆刪除
  3. 333 
    [版主回覆09/22/2009 21:41:00]遲咗少少喎!

    回覆刪除
  4. 你又真係幾黑wor.不過唔緊要....衰嘢走晒架啦...好嘢就一件接一件咁黎...明天會更好...笑多啲...好運自然來啦.
    [版主回覆09/22/2009 21:43:00]唉,都唔知仲要整爛幾多嘢!

    回覆刪除
  5.   我今日出咗去等睇醫生嗰陣都行咗去上海街打咗個 run , 都係12點幾呢個時候 , 點解咁都撞唔倒妳嘅
    [版主回覆09/22/2009 21:45:00]剛好12點返到黃大仙啦,我個行程係由樂天-二記-萬記-陳枝記.........行到腳仔都軟埋,仲要攞住樂天個6斤餡料呀

    回覆刪除
  6. OH 點解會咁呀 有無得換MON呀  保養會唔會包架 妳實心痛C囉 
    [版主回覆09/22/2009 21:45:00]大老爺話爛咗個LCD呀,換可能仲貴過買部二手喎!

    回覆刪除
  7. Nana第一...... 上天話你D野太舊喇!要你用新野喎!咁你就用新㗎啦.... 萬事都要從好嘅角度去睇...所以你唔係黑仔!邊有咁多黑仔㗎! 應該要開心呀.....用新野喎!
    [版主回覆09/22/2009 22:56:00]係呀佢好叻! 要換要好多錢架,呢兩樣嘢都好貴!

    回覆刪除
  8. 如月,唔好唔開心啦,明天會更好架
    [版主回覆09/22/2009 22:55:00]唉!

    回覆刪除
  9. 個鏡嗰part同CMOS有冇爛???影唔影到??? 如果仍然影到同D相冇事,咪用吓先囉!!!!反正擺落電腦睇唔出嘅!!!!!!
    [版主回覆09/22/2009 22:54:00]影唔到呀,個MON壞咗,乜都睇唔到!

    回覆刪除
  10. 你黑得過我先算啦.....訓醒覺咪又一日囉....開心D啦...
    [版主回覆09/22/2009 22:21:00]你又點黑呀!

    回覆刪除
  11. 哈哈~!我今日唔使做,本來都想去二記,
    後來改變主意去了九龍城。
    相機跌爆芒....最難搞.....
    [版主回覆09/22/2009 22:39:00]係無得攪呀! 九龍城比較貴架!

    回覆刪除
  12. 明天會更好,大家咁話~
    [版主回覆09/23/2009 06:20:00]多謝你!

    回覆刪除
  13. 啲衰氣走晒架喇, 冇事嘅~~開心番啦.  星期六我都大頭蝦唔記得煮飯, 到食先知...仲要係有客人係到.
     ilovecake隔鋪係萬記個仔, 有冇去八吓呀?
    [版主回覆09/23/2009 06:20:00]多謝你!有,但啲嘢好貴,好少買到嘢,我幾乎個個星期都入去八一八!

    回覆刪除
  14. 係啦!黑完架喇!明天會更好!
    [版主回覆09/23/2009 06:19:00]多謝你!

    回覆刪除
  15. DAoDaN KiTcHeN 搗蛋廚房2009年9月23日 上午8:39

    ...部機要報銷硬...我上次整個mon...要成千銀....破財擋災....好事來...
    [版主回覆09/23/2009 06:19:00]咁即係同大老爺講一樣,無得整!

    回覆刪除
  16. 有冇聽過「否極泰來」呀? 定喎! 其實都唔係好黑啫, 係, 部相機跌爛咗個mon用唔到, 但係你可能將會有部新機呢~~~ 至於你d月餅, 都係一次半次失手啫, 失敗乃成功之母丫嗎, 最多我最你食晒你d失敗之作喇! 放心喎, 無限量支持你架喎! 需要正能量的話將會隨傳隨到架啦!
    [版主回覆09/23/2009 06:18:00]咁否完未先得架? 新機咪送咗俾我囉,平時我鍾意攞呢部細機出街架!

    回覆刪除
  17. 我也很黑...............................
    [版主回覆09/23/2009 06:17:00]你又點黑呀!

    回覆刪除
  18. 好掛住你你!
    [版主回覆09/23/2009 06:17:00]多謝你!我都係呀!

    回覆刪除
  19. 明天會更好, 努力呀!
    [版主回覆09/23/2009 06:16:00]多謝你!今日去寄俾你,應該十日會到!

    回覆刪除
  20. 早晨早晨! 如月,唔好唔開心啦,明天會更好架 人開心,好運自然來.
    [版主回覆09/23/2009 06:16:00]多謝你!

    回覆刪除
  21. 如月~~ 放心吓.....明天一定會比今天好!
    [版主回覆09/23/2009 16:19:00]多謝你!

    回覆刪除
  22. 早晨, 如月
    嘩, 個相機真係跌得好傷喎, 依家無相機係身好唔方便 !
    [版主回覆09/23/2009 16:19:00]應該無得救啦!有部大機!

    回覆刪除
  23. 如月,個D紫色花花好靚喎! 千祈唔好話自己黑,小小挫折等於激勵,兵來將擋,水來土掩.. 祝好運!
    [版主回覆09/23/2009 16:20:00]多謝你!背景個小花係大老爺嘅作品!

    回覆刪除
  24. 早晨! cheer up and have a nice day!
    [版主回覆09/23/2009 16:20:00]多謝你!

    回覆刪除
  25. 我上次部機都係跌散咗,整過好鬼貴,都係買過部重化算呀!
    我諗佢哋係抄你個譜呀!小心,有人偷你嘢呀!(不過即係話你正囉)
    一次過黑哂佢就唔會再黑o架喇!笑返啦!
    [版主回覆09/23/2009 16:21:00]哈哈.....乜唔係我偷人個譜咩!

    回覆刪除
  26. 錫哂您~
    [版主回覆09/23/2009 16:22:00]今日唔舒服返咗屋企瞓咗4個鐘,聽日先同你寄!

    回覆刪除
  27. 一朝早上唔到網, 下午出街想打電話俾個朋友, 一攞個電話出黎就俾隻"失魂賓"撞跌0係地下, 成個跌散左, 好在暫時仲用到, 不過個殼就裂左(趺咁多次都未裂過, 衝力可想而知), 部機內臟未知有幾傷, 我估都要儲定錢買部新0既啦.......工作樣樣kick下kick下, 唔多暢順........夜晚返兼職0個陣發現原來帶左2盒烏冬湯, 變相有得睇, 冇得食咁囉
    [版主回覆09/23/2009 16:22:00]大家啲黑氣過晒啦!

    回覆刪除
  28. 我今日都要出樂天買野呀 因為今個星期要整月餅
    [版主回覆09/23/2009 16:26:00]係,有乜嘢買架?樣樣都要買好多噃!

    回覆刪除
  29. oh, 乜貢慘呀 ... 好痛呀部相機 ... 我諗整都好貴下喎 ... 睇怕你要要破財買過部新勒 ... 黑埋 22號唔黑+啦 .... 希望在明天丫嗎 ~~
    [版主回覆09/23/2009 16:26:00]多謝你!無咗部細機好唔方便架!

    回覆刪除
  30. 瞓醒覺就冇事架喇! 放心~~ 個背景小花好靚呀!!
    [版主回覆09/23/2009 16:27:00]多謝你!背景個小花係大老爺嘅作品! 希望啦!

    回覆刪除
  31. 跌爛個mon﹐拎去C記維修都好貴哦!  妳唔係有另外2部新既C記咩?  我諗妳呢部都係要報銷囉!  
    [版主回覆09/23/2009 16:27:00]無啦,應該整唔到啦!

    回覆刪除
  32. 我舊果部都係咁爛 , 仲用得架 !
    [版主回覆09/23/2009 16:28:00]去樂天我都唔知有乜好買?粉又唔買得咁多,有乜好介紹呀? 我呢部乜都睇唔到喎!點用呀!

    回覆刪除
  33. 哎呀! 咁慘呀! 我都有d心痛. 都係要換部新機.
    唔好唔開心, 整多幾次餅就開心d.
    [版主回覆09/23/2009 16:29:00]無唔開心,肉赤啫!

    回覆刪除
  34. 咁多野壞,今年你生日老公同仔女都唔駛頭痛買禮物囉!
    [版主回覆09/23/2009 16:29:00]生日都送唔到咁多嘢架!

    回覆刪除
  35. 一次過黑曬之後就會永遠都咁好嫁嗱....
    [版主回覆09/23/2009 16:30:00]希望啦!

    回覆刪除
  36. 無左 MON JE ! 眼位仲睇到架 MA ! 
    [版主回覆09/23/2009 17:06:00]咁我試下先!

    回覆刪除
  37. 重筋湯餃皮.鮮椰汁. 芝麻么么皮.重筋白玉皮.雪白京薄餅.蛋黃皮.鮮班皮.一級澄麵.糯米粉.正蓮子蓉. 紅荳沙.月餅白蓮蓉.合時糕卷. 玉子豆腐.威化紙.鮮荷葉.陳村鹼水.溫拿奶皇.張鮮竹.大糯漿.占米漿.冬瓜茸.吉士忌廉.純正麻茸.忌廉奶油.素食齋料.越南薄餅.貴刁水晶粉........... 真係咩都有 !
    [版主回覆09/23/2009 17:05:00]但係樣樣都要買好多嘛,我問佢啲咸蛋都要買50隻呀,咁澄麵要買幾多斤呀? 可以解釋下...溫拿奶皇?芝麻么么皮?乜嘢叫重筋?京薄餅做乜架?糕卷即食架?大糯漿占米漿又做乜?冬瓜茸要買幾多呀?放得幾耐?鮮班皮? 你啲資料係邊攞架,我問個李生佢都答唔到我,話總之係乜都有,你會唔會電話定咗先去攞架?

    回覆刪除
  38. 呢部相機好似係大老爺送比妳既生日禮物喎....
    [版主回覆09/23/2009 17:10:00]呢部唔係呀,用咗好耐啦!

    回覆刪除
  39. 買豆沙law, 為左個中秋大project, 買左5斤豆沙呀
    [版主回覆09/23/2009 17:10:00]大project?

    回覆刪除
  40. 唔好怪自己...可能妳太攰咋...今晚早啲瞓...聽日唔會手軟...
    [版主回覆09/23/2009 22:12:00]唔係手軟呀,自己唔小心!

    回覆刪除
  41. 人生總有起伏, 今日黑仔, 明日又是光明的
    [版主回覆09/23/2009 22:11:00]係嘅,聽日我中六合彩!

    回覆刪除
  42. 係呀~~~~差唔多啦~~以我既記性~~哈哈~~~ 今日行左上海街~~~好恐怖呀~~~陣左一間舖就行出大街~~因為再行無流血不止~~
    [版主回覆09/24/2009 07:44:00]我地真係見到靚就會買架,所以真係會.........

    回覆刪除
  43. 我次次都係去到睇吓人地買咩 , 我又買攞 , 費事人地又要去開 packing , 買餡我都係一斤斤買 , 荷葉就一大堆唔記得買左幾多 , 燒賣皮都可以買一斤 , 佢有冰皮粉 , , 有 2 隻 , 1 隻 唔使蒸 , 1 隻要蒸 ........ 仲有 ...佢真係好多野賣 , 唔記得咁多 ~
     
    [版主回覆09/24/2009 16:25:00]你講咗咁耐我都係唔知有乜可以買

    回覆刪除
  44. 有好多餡 : 蜜瓜味 , 菠蘿味 ........  起碼有十幾樣架 !
     
    [版主回覆09/24/2009 16:37:00]之但係有啲餡怪怪咁,佢有隻人參蓮蓉我都無買!乜嘢綠茶餡都無買,除非佢有張LIST啦,唔係我都唔識買啦,不如下次你買過啲乜整張LIST過我睇下咪得囉!

    回覆刪除
  45. ∞∞∞∞∞∞∞∞∞ Ðädä ∞∞∞∞∞∞∞∞2009年9月25日 上午6:45

    拎返去 canon 問下點啦
    [版主回覆09/25/2009 06:03:00]得閒會去問下啦!不過應該會好貴!

    回覆刪除
  46. (Empty)
    [版主回覆09/25/2009 06:02:00](Empty)

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^