2009年9月2日星期三

545!!!


1~Sep~2009


天晴間中有雨


28C



無錯係…545


545係乜


咪係我新學年


每朝要起身嘅時間囉


今年仲要俾上學年早起


因為屋企細

得一個廁所


所以係朝早'繁忙時間'我要作出適當安排


為了將就大少同

大小姐起身嘅時間



咁唯有自己瞓少啲!!!



佢地返學


我又會好頭痛


因為好怕仔仔

又遲到


佢今次間學校又遠咗


搭車嘅時間難預咗


希望佢知道自己點做啦


噚晚佢雖然出咗去玩


但係都好有分寸咁11點就返咗屋企啦


唔知點解


而家我覺得大老爺

仲吟沈過我


不停咁叫仔仔呢樣嗰樣咁


佢又話我太照顧仔仔


點解啲咁細微嘅嘢佢又要咁担心啫


我都未緊張!



俾你地睇下囡囡嘅新look啦


佢間學校初中著校裙高中著旗袍




今晚乜餸


【咖喱薯仔炆雞】



【沙爹節瓜粉絲煮蝦】~(食譜按此)



【鰻魚汁煎鯖魚】



 



ivr

ivr



 


 





43 則留言:

  1. 你咁早起床都係為兒為女著想...實在係一個好媽媽!
    [版主回覆09/01/2009 21:37:00]無法喎,佢地個個都要6點幾出門口,我咪要咁早囉!

    回覆刪除
  2. 吓...乜我係第一個呀!
    [版主回覆09/01/2009 21:37:00]係呀,叻女,佢地個個都開學,無人玩啦

    回覆刪除
  3. 吓...冇人玩,但係我睇倒有成大幾個人在線呀!奇怪!
    [版主回覆09/01/2009 22:01:00]情況都係咁架!  今日啲家長都好忙架!

    回覆刪除
  4. 5點幾起身 ,有時5點幾先係我上床的時間!
    [版主回覆09/01/2009 22:00:00]5點幾先上床   我11點都頂唔到要瞓架啦

    回覆刪除
  5. 咦 ... 妳囡囡個間係女校 ???
    [版主回覆09/01/2009 22:04:00]你點知架?

    回覆刪除
  6. 4
    [版主回覆09/01/2009 22:36:00](Empty)

    回覆刪除
  7. 旗袍...我真係由小至大都未著過呢~
    [版主回覆09/01/2009 22:36:00]我都好似未著過,連嫁個時都無著過噃

    回覆刪除
  8. 旗袍,过是白色的,好考人着。。。
    [版主回覆09/01/2009 22:35:00]係架,藍色都好呀,都唔明點解一定要係白色!

    回覆刪除
  9. 媽咪真係偉大呀..
    [版主回覆09/01/2009 22:56:00]無法子咋

    回覆刪除
  10. 我現在都要645, 好眼訓呀, 平時一訓訓到830架.
    [版主回覆09/01/2009 22:56:00]而家我放假都瞓唔到8點架!

    回覆刪除
  11.   吓 , 五點幾就要起身   五點幾嘅我可能啱啱瞓着冇耐 ,   媽媽真偉大
    [版主回覆09/01/2009 22:55:00]我知呀,你地個個等我瞓咗先出動嘅,由其是愛人仲夜瞓,可能我起身佢先瞓呀

    回覆刪除
  12. 真係一個好媽媽
    [版主回覆09/01/2009 22:54:00]係無法子呀

    回覆刪除
  13. 囡囡新LOOK好靚喎 旗袍都著得好好睇呀  
    但白色就真係.....
    我結婚時都有著旗袍呂啊
    [版主回覆09/01/2009 23:00:00]囡囡大個女啦

    回覆刪除
  14. 545, 我諗起就想死. 真係難為了亞媽. 亞囡件新校服好得, 我以前都係著旗袍嫁, 中國女仔著旗袍係最靚.
    [版主回覆09/02/2009 06:28:00]早晨呀‧個個媽媽都會咁架! 白色真係唔係咁好呢!

    回覆刪除
  15. 好嘢... 咁忙都可以煮咁多正餸!
    [版主回覆09/02/2009 06:27:00]早晨呀‧煮完真係想C,係個火爐度個幾鐘!

    回覆刪除
  16. 同我一樣咁早起,但我0300至瞓..............
    [版主回覆09/02/2009 06:27:00]早晨呀‧咁你點夠瞓呀

    回覆刪除
  17. 做媽媽真係好偉大哩!!
    我六點幾起床都好辛苦呀!!!
    但因為一定要起身做YOGA,如果放棄一次第二日又會放棄的
    所以一定叫自己起床, 但都係為自己呀
    [版主回覆09/02/2009 06:26:00]早晨呀‧個個媽媽都會咁架! 日日做瑜伽  我一個星期做一次都想c呀!

    回覆刪除
  18. 著旗袍好, 係碼有風都唔怕...走光...哈哈.
    [版主回覆09/02/2009 06:25:00]早晨呀‧白色就唔係咁好呢!

    回覆刪除
  19. 著白色會唔會好易整污穢,而且成日覺著旗袍好難行 .您真係好偉大既媽媽,為咗佢地咁早起身
    [版主回覆09/02/2009 06:25:00]早晨呀‧個個媽媽都會咁架! 白色真係唔係咁好呢!

    回覆刪除
  20. 早晨早晨! 做媽媽的真偉大呀! 你囡囡的校服著白色會唔會好易整污穢,而且夏天著旗袍真係好熱架 , 為咗仔女咁早起身, 你真係好偉大既媽媽,
    [版主回覆09/02/2009 06:25:00]早晨呀‧個個媽媽都會咁架! 白色真係唔係咁好呢!

    回覆刪除
  21. 我經常問自己,對個女照顧周到,係好事定壞事。
    [版主回覆09/02/2009 09:02:00]早晨,但係大老爺識話我,自己咪又係咁

    回覆刪除
  22. 你囡囡套新校服好靚呀,我以前在HK讀書好羨慕果D著藍色長衫架!
    [版主回覆09/02/2009 11:03:00]可惜我個囡係白色旗袍呢!  藍色就好(名校)啦 

    回覆刪除
  23. 545 真係好早, 我都係645.
    我都覺得大爺講得有道理架, 妳真係太照顧囝囝喇, 都咁大個, 仲日日要擔心佢遲到, 會唔會就係因為咁而造成佢太倚賴妳呢?
    [版主回覆09/02/2009 11:01:00]做亞媽亞爸係咁架,不過大老爺有口話人冇口話自己啫!

    回覆刪除
  24. 囡囡套校服我依世都無膽著呀!
    係就係怕照顧得太好,不過又忍唔住o架,大老爺都係自然反應,點忍得住啫。
    [版主回覆09/02/2009 11:01:00]你無胆???你咁鬼fit,咪扮嘢喎 做亞媽亞爸係咁架,不過大老爺有口話人冇口話自己啫!

    回覆刪除
  25. 母愛的偉大呀...妳真係好早喎...我要630起架...
    著旗袍好鬼蝦人著喎...仲係要白色...
    [版主回覆09/02/2009 11:00:00]無法子啦!係呀,肥啲都C呀!

    回覆刪除
  26. 我細個都好羨慕人家的校服是著旗袍, 好靚~~
    (唉!! 而家諗番, 好彩當時唔係著旗袍咋.....我個肚腩!! )
    [版主回覆09/02/2009 12:10:00]我後生都好瘦架,但當時又無機會!

    回覆刪除
  27. 成日都唔係好夠時間睇曬你地既blog....所以甩blog....嘻嘻....
    你地有咩function攪而我可以出席既我就拎埋出.....
    [版主回覆09/02/2009 12:10:00]原來係咁解! 咁你真係甩咗好多日噃! 好喎,有function你幫我帶出嚟呀,咁麻煩你保存住先

    回覆刪除
  28. 做阿媽連去個厠所都要諗埋D仔女,幾偉大呀!!!!
     
     
    [版主回覆09/02/2009 12:21:00]係呀,無時無刻為咗佢地,所以我地都要孝順父母!

    回覆刪除
  29.  5:45 真係好早喎, 真係好慚愧.....,  我阿大少由中二開始咩鬼都要自己攪掂......你囝囝囡囡有這樣照顧週到的媽媽, 好幸福喔
    [版主回覆09/02/2009 13:58:00]點解中二要自己照顧自己呀? 佢地唔知覺得煩定係幸福呢!

    回覆刪除
  30. 嘩 ! 唔係化 ... 545 ... 果然係一個非常偉大既媽媽 ... 我都唔知幾耐冇起身同d仔返學 ...可能大個左 .. 我話跟, 佢地都唔製啦 ~~
    [版主回覆09/02/2009 13:59:00]唔係化?545又點會偉大呀? 我無跟住佢地,係屋企得一個廁所啫!

    回覆刪除
  31. 我得一粒仔, 唔想佢太依賴, 中二開始要佢自己起身返學(遲到責任自負) & 洗衫摺被(唔洗就要著臭衫), 起碼識自我照顧嘛, 因為驚照顧得佢太好第日咩鬼都唔職做, 有朝一日自己要去天堂0個陣咁就c火囉....
    [版主回覆09/02/2009 16:19:00]咁我就做得唔好啦,太照顧佢地

    回覆刪除
  32. 吓, 545, Moonmoon真係一個偉大的媽媽 。
    [版主回覆09/02/2009 16:17:00]我係無法子咋!

    回覆刪除
  33. 旗袍look好典雅呀!! 545真係諗起都眼訓 你真係廿四孝媽媽!
    [版主回覆09/02/2009 16:17:00]囡囡好關心佢個look好唔好睇,等我今晚話佢知,咁多人讚佢先! 我係無法子咋!

    回覆刪除
  34. 545 真係好早呀 ! 我屋企雖然有兩個洗手間, 但通常都只係用一個, 而且個個都唔同時間起身, 所以都唔駛爭.....
    囡囡件旗袍好靚呀 !
    [版主回覆09/02/2009 16:15:00]囡囡好關心佢個look好唔好睇,等我今晚話佢知,咁多人讚佢先! 無呀,6點要俾個廁所囡囡,6點半要俾仔仔!

    回覆刪除
  35. 你真係好好呀! 為左d仔女5點幾起身。我細個永遠係自己安排時間返學, 媽咪唔會理我架!
    你d仔女好幸福啊!
    [版主回覆09/02/2009 21:32:00]以前幾年我都係550起身架,而家不過係早咗5分鐘啫! 我唔知咁照顧佢地係咪真係對佢地好呢?

    回覆刪除
  36. 我若果有日著依套校服,一定好不玲瓏,但浮突,引來通街惡毒o既目光!
    [版主回覆09/02/2009 21:33:00]你咪講笑啦,你呃唔到我架,有你咁fit我瞓咗都識笑呀

    回覆刪除
  37. 哈哈~你真係一個好媽媽呢~ 提早起身為咗就佢哋
     
    囡囡條裙好靚呀,想當年我都想著呢d咁靚靚嘅校服呢~ 我覺得旗袍款式好靚呢~
    [版主回覆09/02/2009 21:34:00]以前幾年我都係550起身架,而家不過係早咗5分鐘啫! 你以前都係著旗袍架,咁係咪好熱架?

    回覆刪除
  38. 你囡囡同我囡囡一樣,都係高中嘞喎!!
    [版主回覆09/02/2009 21:36:00]真嘅,咁咪三三四白老鼠

    回覆刪除
  39. 做阿媽係咁架.....在他們需要時,要全力支持,我每朝為兒子預備早餐直至他上大學....
    [版主回覆09/02/2009 21:36:00]我唔知咁照顧佢地係咪真係對佢地好呢? 我比較懶,無煮早餐架,整個蛋糕俾佢地食咋!

    回覆刪除
  40. 亞妹著旗袍,好靚呀。
    旗袍,著嗰個靚之餘,燙嗰個又無咁慘;我個女條校裙有褶架,燙嗰陣我就陰公。
    [版主回覆09/04/2009 19:57:00]嘻嘻﹒我無燙架,係咪好懶呢?

    回覆刪除
  41. 545 真係好早呀, 你真係偉大的媽媽呀
    [版主回覆09/04/2009 20:04:00]個個媽咪都係咁架啦

    回覆刪除
  42. sorry i need to type in english your daughter's uniform is quite familiar with me i thnk it's near to our school (Kowloon Tong) ,right? add oil ~
    [版主回覆09/04/2009 22:42:00]NO啦,係九龍仔呀,你係同一間定係好相似咋?

    回覆刪除
  43. 我以為係KowloonTong附近tim
    我讀聖母玫瑰ge
    囡囡果間係咪之前轉左去嘉頓附近果間
    因為套校服好似
    著旗袍真係會令個人beautiful一d(我覺得啦,起嘛我過我地學校果條)
     
    [版主回覆09/04/2009 23:33:00]係呀,佢學校重建嘛! 中國人係著旗袍會靚啲架!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^