2009年8月4日星期二

我的第一個學生!!!

3~August~2009(一)


中午掛起一號風球


天氣好熱但無星期日咁焗


29C~33C



 個風S形咁行


好難預計個颱風會唔會吹到正


星期三係會考放榜


唔會大風大雨添呀!



今朝十點就陪仔返中學


聽會考講座


會場都派咗好多刋物


有幾本都好有用


呢幾日都同仔仔分析緊佢嘅處境


仔仔好想出年重考,希望可以攞到五科合格


再去進修副學士


佢唔係好想係IVY度浪費三年時間讀基礎文憑


但又無信心科英文會合格


大老爺就想仔仔由中四開始重讀


我又學得太浪費時間


但未嘗唔係一個幾好的方案


仔仔亦都唔抗拒重讀中四


但始終都係傾向重讀中五多啲


返到屋企我都搵咗幾間學校問下


預備好啲到時無咁亂



聽完講座仔仔就約咗人先走


我就約咗細細妹去

泰苑食晏


佢地成日都有睇我個BLOG


所以都好想去呢度試下


不過三個人都唔叫得太多


今次我試咗個蒜茸包


好鬼正,好脆好香


下次我都一定要食


因為無帶相機所以無相睇


我地叫咗


蒜茸包


(好脆好好味)


蛋包海鮮飯


(唔好食,無乜海鮮,都唔知點解叫做海鮮飯)


咸魚炒芥蘭


雙拼湯河


蝦餅


(仲係咁好味,我一個人食咗半碗)


炭燒豬頸肉


(好好味,蘸埋個汁仲正)


鐵板蠔仔


(我就覺得幾好味,但細細妹就唔多欣賞)


三個大人一個小朋友都係食咗$250好抵



四個人食完就返我屋企


返到去


細細妹話要學整糯米糍喎


就係咁佢就成為我第一個學生啦


仲有個小小學生(姨甥女~Christina)


因為臨時要整,無預備到餡料


就咁用花生加糖加椰絲做成餡料



用椰汁做皮


全程由我量材料,蒸好糯米皮


再教佢地點樣包


~所預備嘅材料~



我第一個學生~細細妹



我的小小學生~Christina


哈哈,小妹妹話好熱喎,整咗兩個就走咗啦!



製成品


因為妹夫鍾意食椰絲,而細細妹又唔鍾意食喎


所以做咗兩種口味


左邊的無椰絲版,右邊的椰絲花生糯米糍



【椰香花生糯米糍】



睇下小妹妹食得幾好味!



今次做出嚟個效果唔錯噃


細細妹好喜歡食大澳的糯米糍架


今次佢都覺得好好食


希望呢個學生返到

要記得交功課!


 


係九龍城細細妹夫見到啲花甲好靚


又未食過(美國無得買架)


所以買咗一斤


等我炮製碟蒜茸豆豉炒花甲俾佢嘆下啦



食完飲咗碗湯就要走啦


因為怇囡囡要返去學羽毛球!!!


 

42 則留言:

  1. 1
    [版主回覆08/03/2009 21:39:00]哈哈。。。我仲以為今日你又輸添!

    回覆刪除
  2. 1
    [版主回覆08/03/2009 21:39:00](Empty)

    回覆刪除
  3. 3
    [版主回覆08/03/2009 21:40:00]哈哈。。。幾時出第二版啫!

    回覆刪除
  4. moon..moon..主席
    [版主回覆08/03/2009 21:40:00](Empty)

    回覆刪除
  5. 硬琳.. moonmoon..今日我又手震呀...
    [版主回覆08/03/2009 21:40:00]哈哈。。。原來真係手震架!

    回覆刪除
  6. 我又要做愛人既好學生呀
    [版主回覆08/03/2009 21:41:00]哈哈。。。你玩我咩,我仲係你度學緊嘢呀!個白板都未整!

    回覆刪除
  7. 愛人,真情對話 妳都好快手LA
    [版主回覆08/03/2009 21:41:00](Empty)

    回覆刪除
  8. 佢地個蒜溶包唔係成日都得架,要睇佢地心情架 仲有妳講個蝦餅一個人食咗半碗?佢今次用個碗裝咩?
    [版主回覆08/03/2009 21:42:00]哈哈。。。又俾你捉到錯字,係呀,半碟我放咗係我個碗度呀

    回覆刪除
  9. 各位blog友妳地好呀
    [版主回覆08/03/2009 21:45:00]哈哈。。。咁我呢?

    回覆刪除
  10. 專重返小朋友既意見呢~ 支持你~
    [版主回覆08/03/2009 22:06:00]哈哈。。。 而家做人父母好難做架!

    回覆刪除
  11. 唔制呀!我都要跟你學呀....
    年青人,惗清楚自己將來條路點行都係好嘅....
    [版主回覆08/04/2009 06:40:00]早晨呀。。。好呀,跟上邊條LINK入去學啦!

    回覆刪除
  12. 睇到又想食糯米糍啦..揾日整下先.
    [版主回覆08/04/2009 06:39:00]早晨呀。。。整呀,好易架!

    回覆刪除
  13. 有你地幫佢諗好晒條路會易行啲, 嗰時我乜都係自己諗...媽咪淨係驚我考得唔好會做傻事咋
    無椰絲版上面嗰啲係咩粉嚟架?  可唔可以教我整個皮呀?
    [版主回覆08/04/2009 06:39:00]早晨呀。。。我都無得驚,因為仔仔嘅成績都心中有數! 係熟綠豆粉或熟糯米粉! 你係我甜品篇搵番芒果糯米糍個譜譜啦,上邊都有條LINK

    回覆刪除
  14. 你地嘅姊妹情真係好喇....
    [版主回覆08/04/2009 06:36:00]早晨呀。。。咁一年見一次都無理唔好架!

    回覆刪除
  15. 个花甲好正啊!
    [版主回覆08/04/2009 06:36:00]早晨呀。。。真係炒得唔錯!

    回覆刪除
  16. 其實你囝囝都好難決擇喎, 如果重讀中五可以考埋個末代會考, 但係如果重讀中四的話就要由頭讀多三年高中...
    [版主回覆08/04/2009 06:36:00]早晨呀。。。所以佢都係想重讀中五多啲!

    回覆刪除
  17. 祝仔仔好運呀!! 宜家有定不同應變方案, 到時就唔會咁無助了!! 花甲好耐冇食過喇, 留意下先!
    [版主回覆08/04/2009 06:35:00]早晨呀。。。所以呢幾日都係度搵緊有邊幾間收重讀,好多都收得好高分

    回覆刪除
  18. 如月 我都唔識整糯米糍喎 幾時收埋我做學生呀
    [版主回覆08/04/2009 06:35:00]早晨呀。。。你幾時嚟學都咁歡迎,祇怕你無時間啫!不如係祈福教你啦!

    回覆刪除
  19. hi, 依幾日, 天氣真係好c焗熱吖................. 希望妳囝囝係會考攞到好成績啦...
    [版主回覆08/04/2009 06:34:00]早晨呀。。。仔仔嘅成績都心中有數,而家搵緊邊間重讀好啲啫!

    回覆刪除
  20. 碟蒜蓉豆豉炒花甲, 一定好好味頂喇~~~~~ hehe.....今晚食食完飯, 企係廚房身水身汗貢, 我都係整燸米磁吖~!
    [版主回覆08/04/2009 06:33:00]早晨呀。。。個花甲真係炒得好正! 糯米糍你可以跟我個芒果糯米糍做呀!

    回覆刪除
  21. 咁熱我冇晒mood整野食呀~! 點算呀~!
    [版主回覆08/04/2009 06:32:00]早晨呀。。。我都係呀,不過細細妹話要學,咁一定要開工啦!

    回覆刪除
  22. 早晨早晨! 真係要睇你囝囝的意思.
    你學生都幾聰明喎,包得唔錯噃
    [版主回覆08/04/2009 06:28:00]早晨呀。。。乜唔係我呢個老師教得好咩!

    回覆刪除
  23. 會考放榜先唻打風, 真係難為了家長同考生...無論重讀中四或中五都好, 希望囝囝比心機讀, 一定有前途的...
    我都想做妳學生喎, 仲收唔收生呢?
     
    [版主回覆08/04/2009 16:52:00]係呀,不過我呢啲家長都無嘢急,又唔使搵中六! 我都無資格做人老師!

    回覆刪除
  24. 做家長又辛苦,做小孩更辛苦.......
    不過,後生仔有的是青春及時間,重讀未嚐唔係一件好事~
      哇~如月開班呢~~收生滿了嗎??多加一位,唔該
    [版主回覆08/04/2009 16:53:00]係呀,噚日同仔仔傾都係咁講呀,話以前我地都唔使父母粗心! 佢要重讀都要還佢心願架! 咪玩我啦,我邊有資格開班呀!

    回覆刪除
  25. 你唔記得我都係你學生呀?
    我咁諗,如果佢唔係咁適合讀文法中學,考專業資格又未嘗唔係另一條出路,及早搵自己興趣進修。
    [版主回覆08/04/2009 10:37:00]佢都好知自己嘅方向,好想試埋最後一次會考,所以我都唔反對佢用呢一年時間去証明自己!佢話要挑戰喎,由得佢啦,最怕搵唔到學校重讀啫! 我嘅學生好多(自己講咋),但現場親身教授佢係第一個嘛!

    回覆刪除
  26. 囝囝到左呢一刻, 我覺得做父母的只好提供意見, 但由佢做決定. 否則, 如果帶住 '都唔係我想0既' 的心態去跟從, 就未必會全心全意去讀. 希望妳囝囝聽日一切順利吧~~
    [版主回覆08/04/2009 16:54:00]係呀,仲要同佢分析一下佢嘅局面! 決定最終係佢自己決定! 無錯,唔想佢話我地害咗佢,佢自己決定自己前途最好!

    回覆刪除
  27. 如果仔仔能夠堅持的話, 重讀中五是不錯的選擇
    其實選讀副學士先修班, 是無須要五科合格, 有些學院只要求額外take一個英文course就可以
    IVE嘅course其實唔差, 入學要求好多係高過大專院校, 兩者分別係完成IVE就可以就業, 而副學士就可以銜接入大學( 當然係看成績 )
    [版主回覆08/04/2009 16:56:00]係呀,若果佢堅持我會尊重佢! 副學士先修唔係要3科合格咩? IVE佢唔知聽邊個講,話無用喎,我就覺得不失為一個好好嘅學習機會!不過佢唔鍾意咪由得佢啦!

    回覆刪除
  28. 我諗如果妳可以開班...大把學生呀...幾時開呀...
    [版主回覆08/04/2009 16:56:00]咪玩我啦!

    回覆刪除
  29. 如月,我覺得你個仔重讀中五好啲。 唔好讀副學士啦!又貴又無前途。 我讀咩架?Education架!我上個月上堂,啲教授都好抗拒讀副學士啲學生…覺得政府好無謂,無拉拉搞個副學士出黎…
    [版主回覆08/04/2009 16:58:00]佢堅持我都覺得無問題嘅! 副學士....前途未知....但點都好過佢咁早出嚟做嘢呀! 揸住副學士張CERT.點都好過揸住SCHOOL CERT.嘛!

    回覆刪除
  30. 早晨呀...如月, 囝囝考成點已經成事實, 最緊要佢自己知道個路向係點, 而家佢識諗都好好吖, 希望佢如願以償呀!
    你又整d咁好味嘅野食引人啦...
    [版主回覆08/04/2009 16:58:00]係呀,無諗過仔仔需要搵中六,係怕佢搵唔到中五重讀啫!

    回覆刪除
  31. 嘩........... 我都好想食 tim........
    [版主回覆08/04/2009 16:59:00]咁....跟我整啦!

    回覆刪除
  32. 同囝囝講聲加油呀!繼續努力!
    可唔可以收埋我做學生呀
    [版主回覆08/04/2009 16:59:00]仔仔肯加油就唔會有今日啦! 咪玩我啦!

    回覆刪除
  33. 你囝囝都叫識諗啦!!睇嚟都有為自己打算呀!!
    希望放榜後一切順順利利!!
    [版主回覆08/04/2009 17:00:00]仔仔都幾識諗架,佢好有主見,佢知道自已嘅方向架! 希望搵到重讀學位啦!

    回覆刪除
  34. 我都好鍾意食花生糯米糍走椰絲.
    我細佬前兩年會考,之後讀咗2年IVE的high diploma(要讀4年,每年學費約HK$70,000), 4年之後先可以再上副學士....再學士...真係漫漫長路..所以佢讀咗2年IVE之後我就下定決心,唔比佢再浪費時間,今年送咗佢去澳洲讀書嘞.
    [版主回覆08/04/2009 22:10:00]咁跟個食譜整下啦! 出國讀書?我邊有咁多錢送佢出外國呀!

    回覆刪除
  35. 好呀.
    咁幾時呀.. 等找同時又可以學其他食物的
    [版主回覆08/04/2009 22:09:00]我係話跟我食譜整呀,我邊有資格教人呀!

    回覆刪除
  36. 最緊要都係妳既仔仔既傾向,如果佢無興趣既話,就好難會集中精神去讀 ~
    [版主回覆08/04/2009 22:08:00]所以都係俾次機會佢重讀,雖然係機會渺茫!

    回覆刪除
  37. ∞∞∞∞∞∞∞∞∞ Ðädä ∞∞∞∞∞∞∞∞2009年8月5日 上午2:58

    嘩...我都想學。
    [版主回覆08/04/2009 22:07:00]咪玩我啦

    回覆刪除
  38. 如果副學士同 IVE 揀, 我會揀 IVE. 但當然要睇佢讀咩啦~
    有分 CERT/ HIGH CERT/ DIP/ HIGH DIP ..... 如果讀到 HIGH DIP 的話, 畢業後有機會可以直升大學YEAR 2. 或者出黎做野的話, 資格專業 D. (E.G. 旅遊/ 電腦, 資訊科技 .....) 但副學士太多人了~ 同埋好似冇乜專科專長咁. 如有錯漏, 請見諒.
    [版主回覆08/04/2009 22:07:00]要讀到HIGH DIP要幾多年呀? 副學士都係一個俾佢地繼續學習嘅地方啫,無太大寄望!

    回覆刪除
  39. 呢排你真係好忙碌咁整呢樣整嗰樣, 不過整比家人食係一件開心事, 忙都忙得開心嘅.
    幾時可以食你整嘅嘢呢?
    [版主回覆08/05/2009 06:16:00]早晨呀。。。忙都忙得開心嘛! 你幾時返嚟呀?一定整俾你食!

    回覆刪除
  40. 師傅,我唔算係你學生咩,點解唔點我名?

    回覆刪除
  41. 整得好靚 wor, 我鐘意食有椰絲 ....
    我係唔係都可以報名做你學生呀 ?

    回覆刪除
  42. 我都好鍾意炒花甲, 糯米糍都唔鍾意食椰絲, 怕攝牙縫.
    [版主回覆08/05/2009 20:54:00]哈哈。椰絲又點攝牙縫呢

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^