2009年7月3日星期五

厭唔厭???



2~July~2009(四)


29C~32C


天晴



天氣已經進入炎夏


熱到唔想出街


天氣熱加埋啲冷氣嘅熱風


企係街度真係熱到想死呀!


而家開工話知佢


做反自己本份,我乜都睇唔到聽唔到


雖然俾人插到..........



我唔會俾機會佢捉到我嘅


嘿嘿嘿)))))))))))))))))))



咁熱天時


冰凍嘅甜品係最佳消暑美食


呢排好鍾意研究啲糕糕同甜品


因為自己都好想食


成日都整到個雪柜滿晒


而家最靚嘅生果係芒果


咁就梗係又嚟芒果啦


厭唔厭????

梗係唔會啦


呢樣生果係最受歡迎架



見琳琳成日整糕糕


見有一大包大菜糕係度


又有個芒果


唔使諗咁多


開工


之前試過買啲芒果糕


又唔似大菜糕又唔似啫喱


又唔知係邊度聽過話


整大菜糕時加少少魚膠粉


個大菜糕會煙un少少


所以今次都係咁試


個譜譜係我亂咁嚟


仲未係滿意


但個糕糕好香芒果味


又無淨係大菜咁硬




我仲自創咗樣甜品


超正


~芒果糕撈涼粉~



乜都唔使加


就咁切好啲芒果糕加盒涼粉(附有糖水)


咁已經好消暑


 
 


呢款涼粉係吉吉買$12三盒


少少甜又衛生


夏天我成日都買係屋企


一開蓋就有得食



話時話


今晚又要去入貨啦


1 pack有六盒都係$20



囡囡又開始放假


應該唔使返學


佢已經提出要預備中午飯盒過佢啦


呢兩個月又要辛苦啲


買開餸就要買多啲料


整多兩味過佢!!!


 


 



 


 


 



39 則留言:

  1. 1
    [版主回覆07/02/2009 21:41:00] 今日主席唔得閒?

    回覆刪除
  2. HAHA~又係我 我唔鍾意用大菜架,有排先溶
    [版主回覆07/02/2009 21:41:00]大菜有大菜好噃,我仲研究緊個份量! 我比較有耐性!

    回覆刪除
  3. hello
    [版主回覆07/02/2009 21:42:00]你今日好快噃!

    回覆刪除
  4. 你好!!我吾客氣加了你做好友,希望吾好介意!!!
    [版主回覆07/02/2009 21:47:00]多謝你先! 唔使客氣,多啲入嚟坐啦!

    回覆刪除
  5. 如月妳好犀利 ,咁有創意 ,不愧係如月 ~
    我最怕係個女放假 ,晏晝又要煮多餐 ,諗到頭都爆 !
    [版主回覆07/02/2009 21:56:00]呢個實驗品都未成功,成功咗會post個食譜同大家分享!因為以前媽咪整啲大菜糕好難食,所以我想整啲好食啲嘅!

    回覆刪除
  6. 唔快喇~~ 妳知唔知我頭先幾低能呀?! 我當左妳呢個係食譜 post, 仲一路等正post 喎! 點知等左幾分鐘, 見唔多對路, 先發現呢個唔係食譜 post. 唉~~ 夜訓左兩日, 攰到個人都傻傻地. 好在聽日休息. 一於抖返下. 連放 3 日, 爽呀!!
    [版主回覆07/02/2009 22:14:00]哈哈............你笑死我啦! 總之930就係正post啦!記住呀! 做乜咁夜瞓呀?

    回覆刪除
  7. 等我都去吉吉買返D尼整俾我既老公哥食先~
    [版主回覆07/02/2009 22:12:00]我今日又買咗pack啦,佢三盒就$12,如果六盒就$20,一盒一次剛剛好架!

    回覆刪除
  8. 我頭先又去整車呀 知道已經攞唔到第一咪慢慢囉
    又轉咗個字體?係唔係COPY架?
    [版主回覆07/02/2009 22:36:00]係word度copy過嚟架,但係試過copy落呢度就唔得啦! 乜你整車多過揸車架?

    回覆刪除
  9.  
    今天的Yahoo慢到C,我入了成个鈡才入到留言板,本来第一次入祗有三人,點知入唔到,好彩我夠耐性,终于可以報到,到现在我还入不到自己blog回应啊,你話激唔激死 。
    奇怪香港又不会,爱美麗同我一样,所以不是我们的電脑問题囉,要問下電脑通羊妈妈先得
    [版主回覆07/02/2009 22:46:00]乜羊媽媽係電腦通咩,咁多人都叫羊媽嘅? T & P都係話今日入唔到YAHOO呀!

    回覆刪除
  10. 如月, 你研究成功左請我食得唔得呀, 我好鍾意食大菜糕嫁
    [版主回覆07/03/2009 06:28:00]早晨呀~~主席都係好鍾意食噃,但...........點樣帶出去請你食呢?

    回覆刪除
  11. 我同妳啱啱相反, 佢地返學我先要預備飯盒, 放假就唔需要, 我就唔使咁辛苦...
    [版主回覆07/03/2009 06:27:00]早晨呀~~放假我囡囡唔願出街架,最好一日24小時可以留係屋企!

    回覆刪除
  12. 你個涼粉好正喎~!唔該4碗多糖多奶行街~!快馬))))))))))
    [版主回覆07/03/2009 06:26:00]早晨呀~~咁早就玩我,嘩你究竟使唔使瞓架???又整乜鬼嘢整到咁夜呢?

    回覆刪除
  13. 早晨早晨! 你真係好有創意, 你整得好鬼正呀!天氣咁熱真係要食番啲冰涼的食品消暑呀!
    [版主回覆07/03/2009 06:25:00]早晨呀~~噚晚我又整咗碗嘆啦!

    回覆刪除
  14. 嘩...yahoo 超慢呀........等c人啦.
    [版主回覆07/03/2009 06:25:00]早晨呀~~慘啦,我呢班外國fd咪好忟?

    回覆刪除
  15. 有人整埋黎食唔會厭呀, 整多啲啦.
    [版主回覆07/03/2009 06:24:00]早晨呀~~哈哈.........係你咋!

    回覆刪除
  16. 好掛住涼粉呀
    世上只有媽媽好 ^_^
     
    [版主回覆07/03/2009 11:00:00]有冇罐頭涼粉架?

    回覆刪除
  17. 有芒果食又點會厭呀.不過哩度好難買到靚芒果.
    [版主回覆07/03/2009 11:00:00]係呢,芒果真係永不會厭架!

    回覆刪除
  18. 早晨
    咁C熱 整份芒果大菜糕+涼粉過我做早餐得嘛
    [版主回覆07/03/2009 09:42:00]哈哈......咁你要過嚟九龍以南,香港以北,港島正中攞喎! 

    回覆刪除
  19. 睇都已經想試下, 幾時有食譜呀???
    [版主回覆07/03/2009 10:59:00]等我再試一次,成功咗會post出嚟!現在呢個未如理想!

    回覆刪除
  20. 羊媽 is 羊爸羊媽's羊媽 lor; she is very good in computer ga, always help me out , so sweet of her.  
    This morning's Yahoo is still slow, but at least not like yesterday can't go in, now I hope I can send this within half hour, YES, that slow  
    [版主回覆07/03/2009 10:56:00]係咩,咁有問題我都會請教佢啦,我係電腦白痴嚟!  唔知點解淨係海外YAHOO係咁喎!

    回覆刪除
  21. 早晨 !好正呀
    [版主回覆07/03/2009 13:09:00]係咪架,不過真係好好味!

    回覆刪除
  22. 咦,又幾得意呀!你又比咗靈感我喇!
    [版主回覆07/03/2009 13:09:00]今日又有新嘢出呀!我仲會研究其他好味冰凍甜品!

    回覆刪除
  23. (Empty)
    [版主回覆07/03/2009 13:08:00]得咗!

    回覆刪除
  24. 你要等等我先, 因為枝醋原來係老公搭個朋友買既, 我今日叫左佢再去問下, 有消息通知你, 真係唔好意思
    [版主回覆07/03/2009 13:01:00]好呀,唔怕羞等你! 我今日都會落GREAT,睇下有冇先!

    回覆刪除
  25.   我都覺得涼粉加芒果係最好味嘅 .  
    [版主回覆07/03/2009 13:00:00]係我個係芒果糕喎!

    回覆刪除
  26. 你好!可以告訴我你用咩牌子的焗爐呢? 我見你D作品焗出黎D顏色好均勻喎(咁當然係你D技術好先得架啦)
     
    因我要買焗爐呀!唔該
    [版主回覆07/03/2009 12:57:00]我個焗爐係雜牌嚟,我買嘢至緊要平,係實惠都有一隻"L"字頭嘅平平地都幾好! 我都係學緊咋!

    回覆刪除
  27. 咦? 又有新野... ...呢個掂呀, 我鍾意, 等你研究完就跟住做先得..
    [版主回覆07/03/2009 14:41:00]我成日都有新嘢架,為咗你地,我會搵啲新嘢介紹架!

    回覆刪除
  28. 嘩~見到你個甜品即刻透心涼呢~ 呢款吉吉涼粉又真係幾好咁噃~ 至衰我呢頭冇咗間吉吉啦....
     
    你真係廿四孝呀媽,仲要預備埋午餐比囡囡吃,其實佢咁大個,應該都會得你真傳,識煮飯幾味自己歎呢~
    世上只有媽媽好~ 有媽的孩子像個寶......
    [版主回覆07/03/2009 14:44:00]夏天真係好想好想食啲凍嘢,透心涼架! 囡囡.........唉,成日話跟我學,話咗兩年,連煮公仔麵都要問我煲幾多分鐘,幾多水,點先叫做水滾喎! 真係要學你咁出本秘笈過佢至得............   佢連蛋都唔識煎呀,淨係識洗米煮飯!  

    回覆刪除
  29. 哈哈哈~放心,想當年我煎隻蛋都好似打仗咁,而家咪日煮夜煮,到時佢有頭家時,應該會得你真傳呢~
    [版主回覆07/03/2009 15:20:00]其實個個都經過呢個階段,不過自幼家貧,幾歲已經要幫亞媽買嘢同煮少少菜! 到時............我怕我無咁長命喎.. ..係咪要學你咁出本"武林秘笈"過佢呢! 

    回覆刪除
  30. 今朝入黎等咗好耐...依家先得...咁妳整完未呀...有得食未...
    上次妳送的花生酥我食得一粒就冇哂...報警都搵唔到喇...
    [版主回覆07/03/2009 17:24:00]因為啲公仔個網short咗,我delete晒咪睇到囉!  我啱啱先入咗你樹! 哈哈.......花生酥都幾受歡迎,下次6X K聚整過你食!

    回覆刪除
  31. 哎呀 又衰咗
    [版主回覆07/03/2009 22:52:00](Empty)

    回覆刪除
  32. 好好味咁喎 , 會唔會post個食譜出嚟jet 。 
    [版主回覆07/03/2009 22:52:00]會,得我試多幾次,看邊個正譜先POST好嗎?

    回覆刪除
  33. ∞∞∞∞∞∞∞∞∞ Ðädä ∞∞∞∞∞∞∞∞2009年7月4日 上午2:55

    終於有芒果糕啦
    [版主回覆07/03/2009 23:26:00]終於............點解咁講呀???

    回覆刪除
  34. 厭????阿九都冇食過,厭字點寫呀????
    [版主回覆07/03/2009 23:26:00]哈哈.........澳門無芒果買咩,我又諗到一款芒果嘅餸!

    回覆刪除
  35. 所有芒果製品我都鍾意架 無聊人咪為佢而傷神呀!
    [版主回覆07/03/2009 23:46:00]我仲等緊個通告,睇啲無聊人會唔會係我上司!

    回覆刪除
  36. 好似泰式d甜品!
    [版主回覆07/03/2009 23:46:00]是嗎?呢個無譜譜架,我自己諗嘅,仲未成功噃!

    回覆刪除
  37. 芒果糕涼粉?????好豐富呀!!!!!!!
    [版主回覆07/03/2009 23:47:00]係呀,我連續食咗兩日呀!

    回覆刪除
  38. 芒果糕涼粉,夠創意呀
    [版主回覆07/04/2009 23:34:00]嘻嘻...........兩樣我都鍾意食嘛!

    回覆刪除
  39. 有創意, 我鐘意 ....
    [版主回覆07/05/2009 21:36:00](Empty)

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^