2009年6月27日星期六

【班蘭蕃薯糯米糍】~附食譜







【班蘭蕃薯糯米糍】



[材料]

李祥和糯米粉110g,粘米粉10g,木薯粉(泰國生粉)30g,糖55g,椰汁200g,班蘭水80g,日本蕃薯3個,冰糖適量

(如用其他牌子糯米粉,水份或椰汁多加60g)



~10-12粒~ 

參考食譜~琦橋媽媽

~~~~~~~~~~~~~~~~~~~~~~~~~~

今次諗咗好耐個餡用乜嘢材料

最終用咗日本蕃薯,貪佢甜甜地

但做出嚟個效果差少少

個餡實咗少少

下次會試下用橙色蕃薯或者香芋

~~~~~~~~~~~~~~~~~~~~~~~~~~

[做法]

(1) 蕃薯加入兩粒冰糖(怕甜可以唔加糖),刨皮煮至熟,壓成茸,搓成小丸狀備用。










(2) 糯米粉、粘米粉、木薯粉倒入大碗中拌勻。

(3) 班蘭葉剪細加半碗水,用攪拌器打碎,用湯袋榨汁過篩備用。

(4) 用小煲倒入椰汁,班蘭汁及糖煮至滾起後熄火。

(5) 隨即撞入混合粉內快速拌勻。


(6) 將碟噴上菜油,倒入粉糰用中火蒸20分鐘,取出稍為放涼。

(7) 戴上膠手套,用匙幫助取出糯米糰,放在不黏紙上,再蓋上另一張不黏紙。

(8) 用手心略為壓平,放上蕃薯肉,將邊位之糯米糰包至另一面,然後搓圓, 黏上椰絲或糕粉即成。










注意

~班蘭汁可能未夠80g,可加大椰汁份量至兩樣加埋係280g

~蕃薯同班蘭個味都幾夾,日本蕃薯本身比較甜,所以怕甜可以不加冰糖

~用呢個方法包糯米糍幾方便噃










21 則留言:

  1. (Empty)
    [版主回覆06/26/2009 21:31:00](Empty)

    回覆刪除
  2. 1
    [版主回覆06/26/2009 21:32:00](Empty)

    回覆刪除
  3. 頭先部腦死死下,否則一定可以贏埋mama,激死!
    [版主回覆06/26/2009 21:41:00]係咪呀,唔係好信啫!

    回覆刪除
  4. syc204 ~ Darling 贏都我都未必 贏都主席 ....
    [版主回覆06/26/2009 21:48:00]但係今日主席唔知忙乜喎!

    回覆刪除
  5. 44444
    [版主回覆06/26/2009 21:53:00](Empty)

    回覆刪除
  6. 好叻呀你.
    [版主回覆06/26/2009 21:53:00](Empty)

    回覆刪除
  7. 請問李祥和糯米粉係邊到買?
    [版主回覆06/27/2009 08:26:00]好多地方都有得買,旺角新順興!我係隆亨街巿買架!

    回覆刪除
  8. 係澳門買 班蘭葉好難,一定要係專門賣泰國食物嘅地方先有...
    [版主回覆06/27/2009 08:27:00]係架,香港都係要搵呢啲鋪頭,不過香港都好多呢啲鋪頭!

    回覆刪除
  9. 哇~!班蘭~!!! 請粒黎食下好喎~!老友~^^
    [版主回覆06/27/2009 08:29:00]早晨呀~老友,咁係咪要約你去南澳以南,北澳以北,經緯............. 你試過用班蘭做糯米糍未呀?

    回覆刪除
  10. 黏上椰絲或 糕粉 即成
    即係咩嘢粉呀?
    [版主回覆06/27/2009 08:30:00]早晨呀~糕粉即係熟糯米粉,可以用白鑊炒熟糯米粉(微黃色)

    回覆刪除
  11. 恨死我囉!
    [版主回覆06/27/2009 14:35:00]咁你個班蘭葉整咗未啫?

    回覆刪除
  12. 妳真係好叻呀 ~ 樣樣都有創意 !
    [版主回覆06/27/2009 14:35:00]我心多囉!

    回覆刪除
  13. 好正呀 ING
    [版主回覆06/27/2009 15:47:00]呢個我都覺得幾正!

    回覆刪除
  14. very special and new kind of 糯米糍
    [版主回覆06/28/2009 09:33:00]都幾特別架!

    回覆刪除
  15. 等我又試下先.
    [版主回覆06/28/2009 10:41:00]可以用呢個方法做任何口味架!

    回覆刪除
  16. hi 你包得好鬼靚,,又有新攪作
    [版主回覆06/28/2009 21:55:00]嘻嘻......多謝,都係多得高人指點啫!

    回覆刪除
  17. 係呀~!係呀~!
    南澳以南~!北澳以北~!經緯360度~!大魷魚石柱林中間第5級石級,我會每隔3秒亮著黑金鋼電筒閃5下以別識認。
    交收時間----> 半夜4點鐘~!
    講起黎我好似冇整過班蘭糯米 糍喎~!!!!! 搵日整下先~!!
     
    [版主回覆06/29/2009 06:19:00]好...........咁我買番個指南針先! 之前聽朋友講過,我呢隻唔係正宗班蘭葉喎! 噚日,係九龍城我終於買到另一種班蘭葉啦,係成棵咁有根部架!唔知你用開嘅係邊種呢?

    回覆刪除
  18. 請問你用張紙嚟壓扁個粉團, 個張紙係咩紙嚟架? 我上次包唔係用你這個方法, 攪到成手都係粉團....
    我見你咁樣包都幾好喎, 唔駛整到成手都係粉團..
    [版主回覆06/29/2009 11:52:00]早晨呀~無理由架,用透明手套都無問題噃!不過呢個方法會易啲但都要戴手奪架! 呢啲係不黏紙嚟,洗番可以再用,係烘焙店一定有得買,細嘅$18一張,大嘅$35(可以分成兩份細架!

    回覆刪除
  19. 唔係正宗班蘭葉?!?!? 咁即係咩黎呀? 個樣睇落又冇乜分別喎~! 咁有冇班蘭香味咖??????
    我一直o係青山道買咖~!店主話班蘭葉o係馬來西亞運來~! 所以都唔知原來有唔正宗~!
    應該拎上手已經有好香好香班蘭味~!尤其一大束~!超濃班蘭清香~!
     
    [版主回覆06/29/2009 17:09:00]因為有人話我知,一般買長長的一條的,祇係蘭花嘅葉,唔係正宗嘅班蘭葉! 唔同架,我之前係灣仔買啲就係上面嗰種! 但噚日我係九龍城街巿買嗰種係有棵棵的,有根,好似大棵嘅唐蒿咁架!我今晚影咗俾你睇呀! 我未試,唔知係咪香啲!試咗話你知!

    回覆刪除
  20. 好味, 好味 , 如果唔洗做有得食重好啊 !  搭嘴, 有根嗰啲係唔係幼幼地同幾硬身吓咁架?  係唔係叫春蘭葉呢 ?  好似攞嚟插花架喎, 乜食得架 ???    
    [版主回覆06/29/2009 22:10:00]係幼幼地不過唔硬噃!好軟身架!

    回覆刪除
  21. yummy yummy
    [版主回覆03/11/2012 09:35:47]我鍾意班蘭味

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^