2009年6月24日星期三

隨心伴手禮

23~June~2009(二)


29C~31C



今日又搵到藉口放假啦


囡囡仲要考埋呢個星期


噚日佢俾咗個好壞嘅消息我


佢話個中史做唔晒


仲係..............有成30分做唔晒


點解會咁架


究竟你有冇睇時間呢


無理咁多做唔晒嘛?


咁咪一定唔合格啦!


我叫佢有心理準備


選科未必可以派到心儀嘅科目啦!



講開伴手禮


好多謝咁多位blog友嘅關心


知道你地好錫我,怕我做得辛苦


我會啦,我會錫住自已的!


亦無唔開心啦


諗通咗,其實大家都好忙


無謂為咗要整嘢而煩惱

咁就無咗伴手禮嘅意義


有時間就整,無時間我就唔會整架啦


(但係我多數都有時間噃...

...哈哈哈)


又唔一定要有伴手禮先可以出嚟聚嘅!


大家傾下講下咁咪開心囉


以後我都唔一定會整嘢架


或者我想你地做白老鼠先整啦..........hahahaha


咁就要睇下邊次你地咁好彩啦!



以後就隨心啦


若果我整咗,你地就唔准唔好意思架


仲有你地呀..............


唔舒服,無時間,唔想整,又或者揍住bb就唔準整呀

,如果再客氣我就嬲架啦!


哈哈哈.......................



今晚約咗的眾人媽打,玻璃人,大家姐,show me,Jo 姐係荃灣blog聚


除咗Jo姐我見過之外


其他的都係第一次見面


事先我已經問清楚佢地想唔想要嘢食


玻璃人話想試我啲花生酥


咁啱今日又放咗假睇囡


朝早又無乜嘢做


咁就開工



見上星期五買咗幾塊班蘭葉


再唔整就變架啦


所以你地有褔啦



【班蘭九層糕】~(食譜按此)


原來用新鮮班蘭葉做出嚟嘅糕


真係清香好多架!


今次好成功



真係剛好九層


剛係二記買咗兩個盆仔


一包粉剛好整晒兩盆


長方形又唔嘥料,正呀!




而家做呢兩樣嘢都好得心應手


好快已經整好晒啦


我都試咗一舊好正!!!



希望你地唔好覺得唔好意思啦


因為今次係第一次見面


下次我唔客氣啦,兩手fing fing見你地啦!



晏晝叫咗pizza返嚟食


因為出邊太熱啦



因為晚上要出街


所以整定幾味,等大老爺放工番熱就有飯食啦!


係咪好老婆呀


哈哈................


其實係我內疚


成日約咗人,要佢地食埋啲快餐!



 


 


 


 


 

53 則留言:

  1. 1
    [版主回覆06/23/2009 23:16:00]我返嚟啦,做乜主席今日又唔得閒呀?

    回覆刪除
  2. 2
    [版主回覆06/23/2009 23:16:00](Empty)

    回覆刪除
  3. (Empty)
    [版主回覆06/23/2009 23:17:00](Empty)

    回覆刪除
  4. 我知無得第一架喇,湊湊熱鬧姐!
    又話有布丁食?!
    [版主回覆06/23/2009 23:16:00]我返嚟啦! 今次到你無聽書啦 ,咪今朝同你講咗晏啲 ,1500出咗啦,仲唔快啲落去睇下令唔令?

    回覆刪除
  5. 又有 blog 聚‧真係開心架唧.... 點解 weekday 嘅?少有噃! 去街街都煮定飯,真係去边度揾呀....點解仲会內疚呢!
    [版主回覆06/23/2009 23:14:00]我返嚟啦,因為呢兩日本來係睇住個女考試架,而家改咗時間表,咁夜晚都得閒嘛! 我覺得我去太多街啦,無謂佢地又要係街食啦!

    回覆刪除
  6. 而家佢地放假我嘅時間真係唔正常啦
    今次.好似.真係明咁喎 咁咪好囉,唔好睇得d野貢緊,有假期就同我地去食野咪仲好啦,貢辛苦做乜...啫
    咁妳呢個花生酥又有無整多咗啫
    [版主回覆06/23/2009 23:13:00]我返嚟啦,仲唔明咩,你咁長氣! 呢篇嘢我今朝已經打咗架啦! 咁你幾時同我食呀,聽日你又話唔得! 跟住我就唔可以放假直至7月中先得! 無喎,我等你張order等到今朝開工都未有,無多呀,一粒都派晒啦!

    回覆刪除
  7. 愛人,妳下次唔可以兩手FING FING呀,妳唔記得左我... 妳開心返甘就好喇 今次呢個糕糕D色好令呀 主席)))))我地要去XXX先呀,快D安排LA
    [版主回覆06/23/2009 23:19:00]我返嚟啦! 咁你想點呀 ,人家諗通咗,你又唔準人家兩手fing fing! 今次啲糕糕係用新鮮班蘭葉,又真係好清香,我仲有三塊,我已經諗到一樣甜品,聽日試驗下得唔得先! 去xxx???做乜呀,我會帶梳蕉去噃!

    回覆刪除
  8. 見你開心番就好啦 !
    個班蘭糕糕好正喎, 我仲未有攪拌器, 所以一定跟唔到你整呢個
    二姐已經知道晒讀乜野科啦, 全部讀到佢簡個 d 科, 二姐話都無睇今次考試成識
    [版主回覆06/23/2009 23:21:00]我返嚟啦! 無事啦,多謝你關心! 係呀,呢個攪拌器都放咗入柜十年八年啦,就係見開心媽咪攪番佢部古董出嚟,我先諗起自己都有部咋! 二姐就好啦,我囡囡呢次衰咗,我都叫佢有心理準備,可能選唔到自己揀嗰科架!

    回覆刪除
  9. 你地真係開心呀,又有blog聚.唔知我幾時先有機會参加呢?
    [版主回覆06/23/2009 23:22:00]咁我等你呀!

    回覆刪除
  10. 硬琳:安排去冰樹呀???三個字嘅..釣墨魚,九龍城,擦番餐....
    [版主回覆06/23/2009 23:23:00]你約你愛人,使唔使係呢度講呀? 九龍城好   近近地帶梳蕉無咁重呀!

    回覆刪除
  11. 主席又有乜野攪呀 ?
    [版主回覆06/23/2009 23:24:00]佢地兩個想約會囉!

    回覆刪除
  12. 你開心番就好喇  今次千層糕個色靚好多呀 !
    [版主回覆06/23/2009 23:24:00]我返嚟啦,我無事啦! 記住我嘅吩咐呀!

    回覆刪除
  13. 哇~又有空見新朋友仔呢~~好羨慕耶~~
    我個女開始放假後,我連去見BLOG友的衝動
    都冇哂,因為亞女實在太煩,太痴身了~
    [版主回覆06/23/2009 23:25:00]我返嚟啦,等卓高返嚟我地出嚟食飯啦,近近地就你啦!

    回覆刪除
  14. 可能主席退位,,,唔玩...
    [版主回覆06/23/2009 23:45:00]咁...........等我問下佢先!

    回覆刪除
  15. 每次收你既伴手禮 笨笨都真係好唔好意思 因為你又要返工 又要照顧屋企咁多人 仲要花時間去整 而笨笨我 一d回禮都冇 真係對不起呀~
    [版主回覆06/23/2009 23:44:00]你又嚟啦,又唔聽話,我嬲架! 我鍾意做,又做得開心,你就咪理我啦,收咗講聲多謝咪得囉,而且我都話唔係次次都有架,睇你個彩數啦!

    回覆刪除
  16. 亞女做乜咁大意失咗手呀?係唔係之前嗰晚唔夠瞓嘅關係?5點起身。
    中史係唔係算閒科?影響咁大架?不過依家D遊戲嘅玩法我真係唔清楚。
    [版主回覆06/23/2009 23:43:00]唉,我最怕佢話做唔晒啦,仲話有成30分添! 唔係呀,佢十幾年得一日係兩點瞓五點起身,就係上星期五呀,今次佢不知幾正常呀,都無乜點溫,幾輕鬆呀! 咁個平均會拉底咗嘛,若果考得好,個總平均分會高一兩分都好呀~!

    回覆刪除
  17. 愛人唔係叫我去約妳咩?????
    派晒 硬琳唔好同佢去啫
    妳仲講,牛皮燈籠幾難先點得著呀 我呢兩日已經打咗兩個月嘅字,又要俾盲毛話有無貢多野打呀 我咪唔彩佢囉,死啦...今彈又關妳事啦
    [版主回覆06/23/2009 23:59:00]係咩,我唔知噃,我聽唔到聽唔到! 都話叫你order囉,你唔落order我唔敢整架!  乜唔係打咗你兩年嘅字咩,咁少咋! 盲毛做乜咁八掛呀? 你最後嗰句講乜呀?

    回覆刪除
  18. 講乜?我為咗妳同盲毛嘈喎..咁.仲.唔關妳事
    [版主回覆06/24/2009 00:33:00]又嘈乜呀?你兩公婆嘅事闗我乜事呀,使唔使我賠番會花生酥過你呀?

    回覆刪除
  19. 咪話我呢兩日一日打字打到黑,咁..都仲唔關妳事 淨係賠花生酥妳就想啦
    [版主回覆06/24/2009 06:21:00]嘩..........你仲想點呀,送埋個人過你啦!

    回覆刪除
  20. 我唔係無聽書,係我無溫習姐!
    [版主回覆06/24/2009 06:21:00]咁都唔係好學生呀!

    回覆刪除
  21. 班蘭九層糕食哂喇 花生酥一放低 細佬就要食喇 喝住先映到相咋
    [版主回覆06/24/2009 06:20:00]花生酥,好味嗎,係咪未俾過你架?

    回覆刪除
  22. 咁我下次要罷頭位 搶呀 >.<

    回覆刪除
  23. 又有blog 聚啦, 真係好開心喎, 識多啲朋友之餘又可以玩下食下.
    [版主回覆06/24/2009 06:16:00]係呀,又識多幾位朋友添!

    回覆刪除
  24. 早晨早晨! 又有blog 聚啦, 真係好開心, 下次我一定要有拌手禮架
    [版主回覆06/24/2009 06:16:00]係呀!唔好啦,你唔舒服做乜鬼啫,都話隨心囉!

    回覆刪除
  25. 快餐都影得咁靚既,好似好好味.........
     
    [版主回覆06/24/2009 08:45:00]早晨呀~你講笑呀!

    回覆刪除
  26. 早晨
    我第二次食妳嘅花生酥啦 昨晚又食咗一半喇
    [版主回覆06/24/2009 10:20:00]早晨呀~你睇我幾無記性!

    回覆刪除
  27. 做唔做伴手禮最緊要隨心,開心做出黎特別靚特別好味
    [版主回覆06/24/2009 11:13:00]午安呀~開心去整嘢真係靚啲架! 因為唔係個個鍾意整,所以最緊要出嚟聚無壓力就好啦,唔好因為要伴手禮而煩惱,咁就無咗個意義啦!

    回覆刪除
  28. 我一定要有拌手禮架 , but can I CHOOSE, plezzzz???
    [版主回覆06/24/2009 11:12:00]午安呀~我今日又整咗樣新嘢啦   當然可以啦,不過,我有時會失手噃! 仲有呀,多謝你嘅鳯梨卷呀,噚晚同佢地分享咗啦!聽日仲可以攞番公司請同事食呢,你啲鳯梨餡自己炒真係正啲架!

    回覆刪除
  29. 班蘭葉卷成一拃, 可防蟑螂嫁, 下次食5哂, 5好掉吖....
    [版主回覆06/24/2009 11:20:00]午安呀~咁放係邊呀?

    回覆刪除
  30. 放在蟑螂出入處, 厘邊的士師機放在車尾, 厨櫃都得, 等到自然乾透, 冇乜香味就掉喇....
    [版主回覆06/24/2009 11:46:00]咁買少少咁放下都好噃,1蚊有3條咁多~!

    回覆刪除
  31. 咁咁咁,嗱,你下次見我就一定要有伴手禮,我中意你整o既所有嘢,你識得整o既我都要,要哂全部,我唔怕醜,要整到你暈為止。
    斑蘭糕,重未開工呢!我都唔敢睇果包葉變成點。
    [版主回覆06/24/2009 11:45:00]嗱嗱嗱.............記得攞個大大大啲嘅袋呀! 你係咪用報紙包好放入雪柜呀? 我今日用埋淨番個四片做咗個自己諗嘅甜品呀,星期五先出!都唔錯噃!

    回覆刪除
  32. 琴晚返去個女已經開黎食...一路食問...點解妳唔學整野食...點解妳唔學插花...點解妳唔學整蛋糕...真係要攞把掃把掃佢瞓先唔再問...
    不過佢瞓咗我都食咗舊九層糕同一粒花生酥...好好味...今朝個女問唔見咗舊...我話個工人食咗...仲有一舊要等埋我今晚一人一半...
    花生酥拎咗幾粒返工...一陣間又食...
    [版主回覆06/24/2009 13:15:00]食晏啦,係咪? 我剛同仔仔食完晏返嚟,你個問題囡囡都講得呀,你學整佢咪有得食囉!

    回覆刪除
  33. 午安呀.....
    你是最好的, 你知道嗎?  哈哈!!!
    [版主回覆06/24/2009 13:29:00]真嘅?

    回覆刪除
  34. 我琴晚返到屋企都忍唔住同家人食哂兩件九層糕.......好有口感同手感(好彈手),非常好味!至於花生酥,今早上班前都忍唔住食咗,原本打算食一件,但實在太好味喇,所以一口氣食咗三粒,如果唔係有番啲良心諗住留俾家人品嚐,我諗我會攬住佢俾自己鯨吞!實在好味過出面返嚟食嘅!多謝哂!
    你跟我地blog聚前都煮定好東西俾家人食,已經證明你係一位好媽媽、好妻子,何需內疚呢!
    [版主回覆06/24/2009 17:06:00]你唔好氹我噃,係咪咁好食架? 不過呢兩樣係我最有信心架!

    回覆刪除
  35. 件榚好吸引呀!!! 我又要!!!!
    我唔怕唔好意思架~~~ MOON MOON HAND MADE, 真係買都買唔到, 點會唔要呀?
    話時話, 如月妳成日都放假, 妳老細有冇意見架???
    [版主回覆06/24/2009 17:06:00]你唔怕羞咪得囉,有機會你會收到MOONMOON HANDMADE嘅! 哈哈.............老細咁遠點管得到呀!

    回覆刪除
  36. 真係好似好好味咁喎...
    下次可否預埋我出嚟呀?????
    [版主回覆06/24/2009 17:03:00]都幾好食架! 咁............你識唔識其他啲BLOGGER架?

    回覆刪除
  37. 囡囡做唔晒嗰三十分題目啫, 唔係代表佢完全冇做過, 咁都未必冇晒三十分呢, 可能佢之前嗰d好掂攞好高分呢, 啖定喎!
    [版主回覆06/24/2009 16:54:00]咁扣埋唔識、答錯啲咪乜都無囉!

    回覆刪除
  38. 乜学校唔系直上,而系要等派位架咩? 少左呢科既分数,可唔可以用其他科既分数搭够架? 
    真开心,又有blog聚了~~~ 
    [版主回覆06/24/2009 16:54:00]唔係,囡囡係新高中學生,上中四要有兩科選修,咁就要靠自己嘅名次,而決定先到先得嘅熱門科目啦! 幾時又同你唱K呀,好想唱多啲新歌!最衰你今日唔得啦,我今日鬼死咁得閒呀!

    回覆刪除
  39. Don't worry, you WONT 失手 at all because I have seen them already, heee... YES, I only want the BRACELETS ah, those I can keep FOREVER and I love them!! Food I can't keep lor !
    The pineapple fillings, I told you before, go to buy from store and add one fresh pineapple, it will be just as good and not so much work.  I dont use ALL homemade, too much hassle ah!
    [版主回覆06/24/2009 16:51:00]無問題呀,我會整定你幾時來香港送俾你呀! 係,你之前講過點整,但我失敗咗,乜可以咁加個新鮮菠蘿都得咩?

    回覆刪除
  40. 你好叻啊! 心地有好,又是烹飪高手,你的家人真幸福啊!!
    [版主回覆06/24/2009 18:37:00]你唔好咁笑我啦!

    回覆刪除
  41. 今日真係唔好意思呀!   我老公休息,本來想出街架,但個天落雨,我都係留係屋企無出街呀! 
    妳下次幾時又休息呀?
    [版主回覆06/24/2009 20:56:00]唔好咁講呀,我都係想join埋你地啫,不過你老公難得放假,我地幾時出嚟都得啦! 唔...............若果放下午假都唔難,30號好唔好?但我去到九龍城都要2點喎! 星期六就個個都得!

    回覆刪除
  42. take it easy be always happy
    [版主回覆06/24/2009 20:59:00]多謝你關心呀,無事啦!

    回覆刪除
  43. 你真係醒目架jet
    好呀, 我最鍾意大家一齊研究, 交流吓好吖
    [版主回覆06/24/2009 21:16:00]乜你而家至知咩? 我都係呀,大家分享下,咁先會有進步架!

    回覆刪除
  44. 如月真係一個好好好嘅blog友.....
    [版主回覆06/24/2009 22:05:00]係咪真架!

    回覆刪除
  45. 係真架, 你真係好有心心心...... 我唔識你你都會offer幫我買嘢, 有個好想幫人嘅心, 好難得的, keep 住喎, 依家呢個世界咁現實, 識到你係我嘅lucky.
    今日口水多多, 打擾晒. 哈哈...
    [版主回覆06/25/2009 06:32:00]早晨呀~幫到人梗係開心啦,唔好講得我咁好,我脾氣壞人又心急又無耐性架!

    回覆刪除
  46. 你開開心心整伴手禮, 我就開開心心唔客氣咁收同食 ...
    [版主回覆06/25/2009 14:07:00]係呀,記住我吩咐呀!

    回覆刪除
  47. 30 號係星期二哦 ~  妳唔使返工咩?  星期六就 27 號 ~
    即係呢個星期六 27 號?  定係下個星期二 30 號?
    我呢兩日都 ok 哦 ~~ 
    [版主回覆06/25/2009 19:10:00]27號唔得呀,仔仔畢業禮,30號都要返工,但可以請下晏去九龍城同你食飯好嗎?不過,你要問下主席先啦! 下次用私人留言呀!唔係個個都知道啦!

    回覆刪除
  48. Sorry 呀!  我以為我按左,但原來係無 ~~  
    [版主回覆06/25/2009 20:46:00](Empty)

    回覆刪除
  49. 你唔好甘擔心個女啦
    你蹀雞翼整得好靚
    你有冇做二記會員
    [版主回覆06/28/2009 16:01:00]我有做二記會員架!

    回覆刪除
  50. 我多數係油麻地二德惠
    [版主回覆06/28/2009 22:50:00]嗰度我多數都係星期三行過好快咁買少少嘢咋!

    回覆刪除
  51. 甘有機會先約過
    [版主回覆06/29/2009 06:11:00]咁你要同佢地熟啲先得啦,佢地唔鍾意同啲唔識嘅人出嚟架,話晒佢地個個都有小朋友!

    回覆刪除
  52. 我多D去佢D blog到拜訪下先
    [版主回覆06/29/2009 09:15:00]早晨呀~係啦,如果買咗有乜唔明你就問我啦!

    回覆刪除
  53. 王雅慧 xyz 韓政惟 xyz資訊工坊 胥育豪 xyz軟體王 朱俊霖 xyz軟體補給站 於宏俊 xyz軟體之家 步建福 xyz軟體 薑吉中 xyz遊戲 貝惠娟 xyz軟體銀行 人 xyz大補帖 滕容淑 大補帖 jhk 軟體急先鋒 , xyz 聞智翔 xyz 宗火俐 xyz 瞿木良 XYZ ,

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^