2009年6月21日星期日

五點???

20~June~2009(六)


天氣好熱!




一個豬流感


攪到全世界都亂晒龍


囡囡今日要返去考兩科


HISTORY


&


SCIENCE


佢讀書十幾年以來


我都未見過佢咁架


噚晚已經讀到2點


今朝我起身梳洗後


諗住叫囡囡起身


一打開房門


囡囡

已經坐係書枱前溫緊書


原來佢5點已經起咗身



我都未見過囡囡咁早起身溫書嘅


今次都係第一次咋


點解唔聽我講早啲溫書呀


臨急抱佛腳都無用


不過,佢都起碼有個心去溫下書


算啦

讀到幾多就幾多啦


我同佢講


下星期雖然淨番幾科中史同電腦


都叫佢盡可能攞多幾分得幾分


希望個總平均可以拉高啲


全級名次先可以推高啲架!


下午考完試,返到屋企成個散晒咁


一瞓就瞓到7點先肯起身食飯咋!



【印尼椰汁馬豆糕】~(食譜按此)


一路都好想搵下有冇第二個馬豆糕嘅譜


之前買咗本甜品書


教咗呢個譜譜,又攞嚟試下


 


大家唔好奇怪


點解係色嘅???


原來我買嘅印尼布甸粉個包裝係有


粉紅、綠、白三個色架




唔同包裝嘅色代表個粉係乜嘢色


上次個印尼姐姐無話過我知


求求其其咁俾咗盒綠色過我


包粉明明係白色架


點知一落水就變晒綠色囉!





下次我會整番個正常白色嘅馬豆糕!

33 則留言:

  1. (Empty)
    [版主回覆06/20/2009 21:32:00]好核突呀你..........

    回覆刪除
  2. 仲唔係我?!哼!字都費是打,政策成功成功!
    [版主回覆06/20/2009 21:37:00]
    你梗係無玩過啦,mama逢星期六日休戰架,佢係度你應該唔得架!

    回覆刪除
  3. 原來無人同我玩!
    無敵是最寂莫,最是痛苦…
    [版主回覆06/20/2009 22:15:00]
    你咁核突..........梗係無人同你玩啦!

    回覆刪除
  4. 我睇完戲返黎啦
    darling做乜貢核突呀
    [版主回覆06/20/2009 22:15:00]
    你都估唔到darling原來係咁嘅人嚟架! 睇乜戲呀,自從佢地大咗我連卡通片都無得睇啦,戲院...........都幾年無入囉!

    回覆刪除
  5. 我都黎幫你囡囡打打氣
    [版主回覆06/20/2009 22:16:00]
    多謝你,但佢剛剛先俾我趕佢入房咋!

    回覆刪除
  6. 囡囡知道考試,晚睡早起都係表示佢緊張啫,如月大可放心喎...
    [版主回覆06/20/2009 22:45:00]
    但佢今日睇咗5個鐘噃!

    回覆刪除
  7. 綠色都唔錯丫, 幾特別.....

    回覆刪除
  8. 252求生~都幾好睇喎,我都係早排買定晒100三張戲飛,不過6月30就到期啦,咪用埋佢囉,又無乜戲啱佢地睇 以為日文唔地唔識睇,不過佢地都話好睇喎(其實都唔知佢地明唔明架 )
    [版主回覆06/20/2009 22:44:00]
    而家仔仔囡囡已經唔會同我去睇戲,大老爺又睇碟,所以無人陪我睇戲囉!

    回覆刪除
  9. 其實我係唔想佢地陪我睇架 搵日俾我對仔囡陪妳去睇好嗎
    [版主回覆06/20/2009 22:54:00]
    哈哈...............你又搵我笨啦,幫你睇仔囡! 

    回覆刪除
  10. 你個女係唔係比個仔勤力
    [版主回覆06/20/2009 23:30:00]
    係架,但比起其他人差好遠!

    回覆刪除
  11. 如月, 我今日好開心呀, 因為知道個女考到唔錯嘅成績
    我都黎同你囡囡打氣, 比心機呀如月囡囡
    [版主回覆06/20/2009 23:30:00]
    恭喜你呀,希望你囡囡好快搵到好嘅小學! 我女女瞓咗成個晏晝,而家又睇緊電視呀!

    回覆刪除
  12. 多謝你 !
    你囡囡尋晚溫得咁夜, 就比佢輕鬆一晚咁多啦 ! 你聽日都會在家陪好溫書 !
     
    [版主回覆06/21/2009 08:38:00]
    希望佢今日會比心機溫書啦!

    回覆刪除
  13. 我同你個女打氣, 加油呀!
    [版主回覆06/21/2009 08:39:00]
    我個女讀咗十幾年書,先得嗰一日殺到埋身先溫,噚日瞓咗成日,希望佢今日比心機溫書啦,仲有三科架!

    回覆刪除
  14. 起碼囡囡都自動自覺倒乜咁早起身溫書丫, 考完兩科瞓返五個鐘差唔多啦! 不過你可以提議佢不如唔好開夜車, 寧願叫佢早少少起身溫, 易入腦d架! 尤其是中史呢d要死背既科目, 朝早起身refresh一吓之前讀過既嘢就會事半功倍
    [版主回覆06/21/2009 08:40:00]我個女讀咗十幾年書,先得嗰一日殺到埋身先溫! 我問佢中史溫咗未,佢話溫咗一半咋!

    回覆刪除
  15. 女女辛苦晒囉...咁考晒未呢?
    [版主回覆06/21/2009 08:41:00]我個女讀咗十幾年書,先得嗰一日殺到埋身先溫! 仲有三科架!

    回覆刪除
  16. 點都好....個女肯讀就ok喇!你應該係讚佢㗎!
    [版主回覆06/21/2009 08:41:00]我個女讀咗十幾年書,先得嗰一日殺到埋身先溫,噚日瞓咗成日,希望佢今日比心機溫書啦,仲有三科架!

    回覆刪除
  17. 香港的考試真令人緊張,全家都緊張啊!
    [版主回覆06/21/2009 08:45:00]香港係咁架啦,唔係全家人噃,係我咋!

    回覆刪除
  18. 早晨早晨! 我同意露比的說法 "起碼囡囡都自動自覺倒乜咁早起身溫書, 考完兩科瞓返五個鐘差唔多啦! 不過你可以提議佢不如唔好開夜車, 寧願叫佢早少少起身溫, 易入腦d架! 尤其是中史呢d要死背既科目, 朝早起身refresh一吓之前讀過既嘢就會事半功倍 "
    讀得幾多得幾多. 唔好比太大壓力自己.
    綠色馬豆糕未試過喎!
    [版主回覆06/21/2009 08:44:00]我個女讀咗十幾年書,先得嗰一日殺到埋身先溫,噚日瞓咗成日,希望佢今日比心機溫書啦,仲有三科架! 呢次係擺烏龍啫!

    回覆刪除
  19. 呢個綠色都幾靚呀........
    但若果係馬豆糕黎又好似怪怪地之嘛...
    味道ok嘛...?!
    [版主回覆06/21/2009 08:37:00]個粉係白色架,所以係落咗水先知出事,個味道都係椰子味咁囉!

    回覆刪除
  20. 父親節快樂~
    _______________
    囡囡肯開夜車,證明佢都係緊張學業既,不過......
    趁未考其它科時,叫佢乖乖地早些溫書,便不用那麼辛苦了~
    [版主回覆06/21/2009 08:41:00]我個女讀咗十幾年書先得嗰一日咋!噚日叫佢溫熟啲其餘嗰啲,佢就掛住睇電視,所謂唔到考之前佢係唔知死架!

    回覆刪除
  21. 早晨~咁你囡囡下次兩科要俾心機,電腦應該好易攞分
    [版主回覆06/21/2009 09:58:00]佢今朝仲係度睇雜誌咋!

    回覆刪除
  22. 人比人冇得比
    起碼你見佢有溫書
    盡左力,你都老懷安慰
    [版主回覆06/21/2009 16:22:00]都係,不過見佢咁樣未盡力就唔放心啦!

    回覆刪除
  23. 臨急抱佛腳 ~ 都好過懶洋洋 ,希望囡囡今次得到一個教訓 .以後會好好準備 .
    [版主回覆06/21/2009 16:22:00]佢今日咪一樣懶洋洋!

    回覆刪除
  24. 我都買咗馬豆呀.不過冇布甸粉.
    [版主回覆06/21/2009 16:21:00]我仲有一個用粟粉做嘅傳統馬豆糕譜譜呀,你跟呢個啦! http://hk.myblog.yahoo.com/MoonCook-MoonLife/article?mid=22048

    回覆刪除
  25. 你好呀!在你的BLOG上學懂了不少的美食製作,十分感謝你,十分厲害哦!我試整了叉燒及馬荳糕,叉燒是空前成功喎...又易整,而馬荳糕今日剛完成,仍未知結果呢!是否成功再告知你哦!
    [版主回覆06/21/2009 16:19:00]好呀,好開心我啲小功夫可以幫到你! blog上好多高手,我都係向佢地學習,一齊研究下,我都未必樣樣成功的! 多啲過嚟探我呀!

    回覆刪除
  26. 我已經買齊料想做斑蘭糕,連斑蘭葉都買埋,點知原來攪拌機一早壞咗,我老公丟咗喇,依家望住果包斑蘭葉同埋啲料,唔知點算好。今日又見你玩第二樣,點跟呀!
    [版主回覆06/21/2009 18:55:00]唔緊要架,一,你可以淨係用班蘭精整,二,你可以煲糖水時加入去煲完焗下等佢出味!應該WORK架,等緊你架巴士呀! 哈哈............今晚又玩咗第二樣啦,你跟唔跟呀????

    回覆刪除
  27. 唔記得講,原來迫到埋身你個女自然會迫出功夫,咁就唔駛咁擔心喇!
    [版主回覆06/21/2009 18:56:00]今日變番懶懶啦,因為佢話中史唔使溫喎!

    回覆刪除
  28. 但係我沉日去石水渠街搵竟然搵唔到斑蘭精,只係買到葉呢!激鬼死人!
    你又玩邊科呀,衰鬼!總之我整唔成呢,就要你整架三層巴士過我,因為係你害我充满希望,要你賠償我精神創傷!
    [版主回覆06/21/2009 21:30:00]咪同你講咗二記有囉,係石水渠街對海皇隔離呀!不如咁啦,我聽日去街巿買支過你啦! 無問題,有人梗要我啲嘢又唔怕羞,我求之不得囉! 三層巴士或珍寶都無問題!賠賠賠..........賠幾多都得!

    回覆刪除
  29. 囡囡肯自重自覺己不錯了
    [版主回覆06/21/2009 22:01:00]佢今日都溫唔到一個鍾呢!

    回覆刪除
  30. Mee ...... MeeMoreMore2009年6月22日 上午6:11

    好得意ar~~~~有隻rabbit仔咖~~~
    [版主回覆06/21/2009 22:21:00]哈哈...........係呀仲有熊仔呀!

    回覆刪除
  31. 貴精不貴多呀, 肯緊張自己已好好架啦
    [版主回覆06/22/2009 06:24:00]十幾年先得嗰一次咋!

    回覆刪除
  32. 綠色都好靚喎 夏天夠FRESH 嘛
    [版主回覆06/22/2009 10:20:00]但係好怪咁噃!

    回覆刪除
  33. xyz , xyz資訊工坊 竹 xyz軟體王 推 xyz軟體補給站 推推 xyz軟體之家 王 xyz軟體 詞 xyz遊戲 昂 xyz軟體銀行 人 xyz大補帖 ghijjk 大補帖 jhk 軟體急先鋒 , xyz , xyz , xyz , XYZ ,

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^