2009年6月2日星期二

打敗仗!!!

1~June~2009(一)


天晴


25C~28C



~Sick Leave~


終於打敗仗啦


病咗幾日


今日要俾錢睇醫生賺


唔辛苦到頂唔順我都唔會睇醫生架!



星期六情況好似有好轉


點知噚日又差咗


仲開始咳,咳到C下C下


噚日飲完茶,幫媽咪問完冷氣嘅事


就返屋企大昏迷


一直瞓到8點幾先起身食粥(大老爺買番嚟的)


跟住睇完美女廚房又瞓



今朝一早食完早餐


就去咗睇醫生


原來自己發燒都唔知


唔怪得之個人"占寒占凍"咁啦!


醫生開咗6包藥丸


使唔使咁多呀?



食完藥就瞓覺


點知瞓咗兩個鍾都係瞓唔著


又話啲藥會好眼瞓,點解咁精神架?



唔想落街,所以無同仔仔落街食飯


起身煮個麵做午餐



叫咗仔仔幫我買咗幾個檸檬


加幾片薑,加罐可樂




熱辣辣嘅~多薑多檸煲可樂~


感冒飲咗會舒服好多架!




今朝睇完醫生順便係PK買咗少少餸


本來大老爺話唔好煮


我又唔想佢地食咁多街外嘢


求求其其咁煮啲肉煮啲菜咪一餐


~咖喱薯仔炆雞翼~



~罐頭沙甸魚~



~札肉炒菜心~



~粟米湯~



而我


又係食粥啦!


 


 


43 則留言:

  1. 1
    [版主回覆06/01/2009 21:36:00](Empty)

    回覆刪除
  2. 唔舒服就唔好煮啦
    [版主回覆06/01/2009 21:37:00]成日係街食好晒時間架! 呢啲都好易煮咋!

    回覆刪除
  3. 都話叫你休息下..而家好d未呀....我星期日都病病地..係屋企瞓教..瞓左一日精神晒............
    [版主回覆06/01/2009 21:41:00]係咳先C呀,咳到瞓唔到!食咗藥都係差不多!我星期日都瞓咗半日喎!

    回覆刪除
  4. 不如聽日都請假在家休息下啦
    [版主回覆06/01/2009 21:40:00]係啦,我仲以為發燒醫生會俾兩日假我添! 我都係咁諗,請多日假係家休息,無謂傳染人!

    回覆刪除
  5. 早d上床瞓啦!
    [版主回覆06/02/2009 06:17:00]早晨呀~瞓醒啦!

    回覆刪除
  6. 流感要多D休息,飲多D水先會快D好架.最怕就係咳.好辛苦.
    [版主回覆06/02/2009 06:17:00]早晨呀~今日都諗住請多日假休息,我飲咗幾樽水啦!而家最辛苦都係咳!

    回覆刪除
  7. 唔辛苦到頂唔順我都唔會睇醫生架!
    呢句咁似係度寫緊阿九嘅.....
    [版主回覆06/02/2009 06:16:00]早晨呀~無乜事都係食成藥啦,睇醫生咁鬼麻煩!

    回覆刪除
  8. 咁妳食咗藥~早D瞓啦 ~ 真係偉大的媽媽 !
    [版主回覆06/02/2009 06:15:00]早晨呀~瞓醒啦,多謝,個個做亞媽都係咁啦!

    回覆刪除
  9. 保重,快D好番!
    [版主回覆06/02/2009 06:15:00]早晨呀~多謝!

    回覆刪除
  10. 辛苦唔好煮....快點休息!
    早日康復!
    [版主回覆06/02/2009 06:14:00]早晨呀~瞓咗好多啦,多謝!

    回覆刪除
  11.   您放假仲辛苦過開工,有乜辦法唔冧偈呢~~
    記住要多比自己休息,不要太操勞喇~
    [版主回覆06/02/2009 06:14:00]早晨呀~今日都想請多日休息呢!

    回覆刪除
  12. 唔舒服就抖下啦,佢地咁大個,叫佢地自己搞掂就得啦,你平時整咁多好野佢地食,出街食一餐半餐食唔壞佢地。
    [版主回覆06/02/2009 06:13:00]早晨呀~囡囡要返學,唔想晒時間出街食,煮啲簡單啫!呢幾日都係街食呢!

    回覆刪除
  13. 咁辛苦仲煮飯, 抖下丫麻....
    希望妳快D好番啦...
    [版主回覆06/02/2009 06:12:00]早晨呀~好易煮咋,多謝!

    回覆刪除
  14. 你唔舒服就咪攪咁多野嗱....早d食藥上床瞓覺覺豬把啦....食左d藥點解會眼瞓就係因為要我地瞓之嘛....多d休息呀....你個心無放心過係唔會瞓到覺嫁...
    [版主回覆06/02/2009 06:12:00]早晨呀~諗住日抖都瞓夠啦,呢兩味無乜功夫,好易煮啫!

    回覆刪除
  15. 哈哈,病咗都掛住煮飯俾屋企食,天下第一賢妻良母呀!
    [版主回覆06/02/2009 06:11:00]早晨呀~唔好咁講,個個亞媽都係咁架!

    回覆刪除
  16. ∞∞∞∞∞∞∞∞∞ Ðädä ∞∞∞∞∞∞∞∞2009年6月2日 上午7:54

    唔 c 服要食藥同好好休息就真。
    [版主回覆06/02/2009 06:11:00]早晨呀~一攰就瞓,瞓咗好多!

    回覆刪除
  17. ~病了要多休息呀!早日康復啦!
    [版主回覆06/02/2009 06:11:00]早晨呀~多謝!

    回覆刪除
  18. 有咳嗎 ? 唔好飲檸檬呀 , 會好野痰喎 .... 好好休息啦 , 我近排寧願自己病呀 , 因為Katrina 病得好勁 , 照顧她仲慘過自己病 , 聽到她的咳聲 , 我心都寒哂 !
    [版主回覆06/02/2009 06:10:00]早晨呀~係嗎?仔女病做亞媽仲担心,祝katrina早日康復!

    回覆刪除
  19. 唔舒服妳都仲要照顧仔女,妳真係偉大,祝妳早日康復,記得多d休息啊!
    [版主回覆06/02/2009 06:09:00]早晨呀~個個媽媽都係咁架,多謝!

    回覆刪除
  20. 叫你唔好咁操勞囉, 食咗藥就休息吓嘛, 呢個媽媽要打pat pat.
    [版主回覆06/02/2009 06:09:00]早晨呀~休息咗好多啦,一攰就瞓!

    回覆刪除
  21. 如月...你要保重啊!     病都煮飯? 仲咁準時出BLOG添....休息多D嘛!  祝你早日康復啊!
    [版主回覆06/02/2009 06:09:00]早晨呀~啲餸好易煮啫!知啦,多謝!

    回覆刪除
  22. 咁多藥.....睇見都怕怕呀! 保重........快啲好番呀!
    [版主回覆06/02/2009 06:08:00]早晨呀~多謝!

    回覆刪除
  23. 哎呀...你個好媽媽好老婆呀...
    病就唔好煮...抖o下啦嘛.....
    祝你快d好返啦......
    [版主回覆06/02/2009 06:08:00]早晨呀~呢啲餸好易煮啫!

    回覆刪除
  24. 我每次發燒都係典黎典去都訓唔著... 可能個人又凍又熱la! 退左燒就會冇事架la!! 飲多d水, 希望你快d好番!!
    [版主回覆06/02/2009 06:07:00]早晨呀~我都好少發燒,多謝你!

    回覆刪除
  25. 嘩...真係開咗好多藥比你噃...
    [版主回覆06/02/2009 06:06:00]早晨呀~香港啲醫生係咁架!

    回覆刪除
  26. 早晨早晨! 病就唔好煮啦! 抖吓啦!
    祝你早日康復!
     
    [版主回覆06/02/2009 06:05:00]早晨呀~好簡單啫,唔使好多時間!

    回覆刪除
  27. 做咩咁早起身呀, 再訓下休息下啦 ~
    [版主回覆06/02/2009 06:35:00]早晨呀~每朝都係咁架,不論放假定返工,都要咁早起身叫囡囡起身返學囉,今日都想請多日休息!

    回覆刪除
  28. 食藥要飲多D水多D休息呀!
    [版主回覆06/02/2009 12:03:00]今日都請多日休息,剛剛瞓醒!

    回覆刪除
  29. 都係果句啦
    你病就唔好煮啦
    雖然唔係好難
    但係煮完又要洗
    洗一洗又要半個鐘
    今晚唔好煮啦
    好好休息啦
     
    [版主回覆06/02/2009 12:01:00]今日都請多日休息,剛剛瞓醒! 已經揀啲簡單的煮啦,我煮完係唔係洗架,洗呢家嘢係大老爺嘅任務呢! 今晚再睇一次醫生,買少少嘢整湯飯俾自己食呢!

    回覆刪除
  30. 哎...妳病就唔好周圍巡啦...瞓多 d...感冒係要一味瞓嫁... 妳仲咁早探人...
    早已康復....
    [版主回覆06/02/2009 11:59:00]今日都請多日休息,剛剛瞓醒! 瞓醒無嘢做咪巡下囉! 早......係朝朝嘅任務,要叫大少姐起身嘛!

    回覆刪除
  31. 早晨呀!好好保重,多多休息啦!
    [版主回覆06/02/2009 11:58:00]今日都請多日休息,剛剛瞓醒!

    回覆刪除
  32. 你咪剩係顧住人先得o架,有病就休息吓,唔好死頂。
     
    [版主回覆06/02/2009 11:58:00]都無死頂架,煮得好簡單啫! 今日都請多日休息,剛剛瞓醒!

    回覆刪除
  33. 如月, 小心身體呀, 祝你快d好返, 精精神神煮餐靚餸比我"望", kekekeke
    [版主回覆06/02/2009 16:37:00]
    得啦,不過今日滕來滕去都係瞓得嗰兩個鐘! 多謝,不過今晚都有靚餸喎!

    回覆刪除
  34. 多啲休息吧喇!煮左咁多年,認該藉住哩個機會休息下嘆下嘛。個個都大個,佢哋知你辛苦既~
    [版主回覆06/02/2009 16:38:00]
    我都已經好多藉口唔煮飯啦,一個星期都係煮三日啫! 所以得嘅話都會煮,辛苦咪煮啲簡單啲囉!

    回覆刪除
  35. 希望您快些好番喇! 食薑真係幾有用,我試過有少少作感冒,沖勁薑水飲再食埋片薑,飲兩次就好番好多
    [版主回覆06/02/2009 16:41:00]
    嘩.........咁難食,我知好但未必咁食囉!

    回覆刪除
  36. 病左最好就係請假休息,你今晚都唔好煮啦。
    [版主回覆06/02/2009 16:42:00]
    講起就嬲啦,噚日個醫生,發燒都係俾一日SL,今日咪自己請假囉! 唔煮出街食仲唔想啦,我今日精神啲啦,祇係食咗藥好眼瞓咋! 而家煮緊啦!

    回覆刪除
  37. 好d無呀?
    [版主回覆06/02/2009 16:44:00]
    好啲啦,剛剛又去睇多次,因為啲藥今晚會食晒,所以早啲去攞多兩日藥,順便叫醫生再俾埋今日病假我!

    回覆刪除
  38. E家點呀?好D未呀?
    記得要飲多D水水呀,BABY.
    [版主回覆06/02/2009 16:45:00]好啲啦,剛剛又去睇多次醫生,因為啲藥今晚會食晒,所以早啲去攞多兩日藥,順便叫醫生再俾埋今日病假我! 不過,食咗藥好眼瞓囉!但又唔瞓得,煮緊飯!

    回覆刪除
  39. 唔C服今晚就唔好煮飯啦!休息下
    [版主回覆06/02/2009 16:46:00]我想食湯飯,所以煲緊冬瓜粒湯做湯飯!  而家好眼瞓,瞓番一陣先!

    回覆刪除
  40. 煮緊?小心喎!嘩,睇醫生最緊要張醫生紙,得一日實在講唔通啦!
    [版主回覆06/02/2009 17:04:00]我想問口叫佢俾日,又唔好意思,不過剛剛又去覆診攞埋今日病假啦! 我想食湯飯,所以煲緊冬瓜粒湯做湯飯!  而家好眼瞓,瞓番一陣先再煮埋下一part!

    回覆刪除
  41.  你好點吗?
    [版主回覆06/02/2009 21:39:00]今日成日都好眼瞓,可能食咗藥!

    回覆刪除
  42. hi 好多種藥牙,,小心 BODY牙,,你碟CURRY好正牙,,送反一流
    [版主回覆06/03/2009 10:31:00]早晨呀~現在好眼瞓囉! 個咖喱真係幾好味,我食咗幾舊薯仔!

    回覆刪除
  43. 感冒占寒占凍 用紅糖煲薑茶飲都好架
    [版主回覆06/03/2009 11:52:00]今日好少少啦,不過食咗西藥好攰!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^