2009年6月19日星期五

人肉紙板!!!

18~June~2009(四)


天晴


29C~30C



做咗幾日人肉紙板


聽日要返工啦


無端端又話中學可能停課


攪到啲中學亂晒手腳


囡囡學校都變陣


因為呢兩個星期考緊試


學校唔想學生差少少考唔完個試


噚日出咗份通告


話要將下星期嘅兩科考試


改早在本星期六考


咁就衰啦


囡囡仲諗住有大把時間溫


而家騰晒雞


都唔知溫邊樣好


佢唔聽我講咪出事囉


一早叫佢早啲溫書又唔聽


而家都唔知溫得邊樣好!



噚日都好彩有我係度


仔仔先會識醒去考試


瞓到唔知醒,死未!!!


呢幾日因為有時間係屋企


都整咗幾樣嘢


都係跟Darling整嘅


先講呢樣先啦


【芒果涼粉豆腐布甸】~(食譜按此)



今次仲搵個攪拌器



又有個大芒果係度


咁就整咗芒果汁伴豆腐布甸食



因為仔仔囡囡唔鍾意食紅豆架




我仲有個食法好好味的


涼粉伴豆腐布甸


呢個食法我勁like



 


個布甸好滑好正


多謝Darling諗個咁好嘅譜譜分享出嚟!


錫晒你!


唔好意思,我按我的口味改咗個譜譜少少!


 

47 則留言:

  1. 1
    [版主回覆06/18/2009 21:52:00](Empty)

    回覆刪除
  2. 2
    [版主回覆06/18/2009 21:52:00]今日我係咪你愛人呀?

    回覆刪除
  3. 如月..硬琳
    [版主回覆06/18/2009 21:53:00]使唔使開心成咁呀!

    回覆刪除
  4. HI MaMa , 如月...今晚主席去左.... 少個人爭
    [版主回覆06/18/2009 21:49:00]乜愛人話咗你知佢去咗............ 係喎佢去咗游XX喎,我差啲都唔記得,老人痴呆又發作,又要食藥啦!

    回覆刪除
  5. 今晚得我硬琳玩..我之前仲忍住唔去廁所住...不過都忍得值得..攞第1..
    比MIKEMIKE見到芒果豆腐布甸一定幫你清晒佢
    [版主回覆06/18/2009 21:51:00]咁你而家去咗未呀,有冇洗手架! 呢個清清地幾正,都係多得DARLING諗個食譜出嚟咋!

    回覆刪除
  6. 好好喎呀,有MANGO
    [版主回覆06/18/2009 21:53:00]係呀,我終於搵番個攪拌出嚟啦!

    回覆刪除
  7. 44444
    [版主回覆06/18/2009 21:54:00]咁夜咁唔瞓!

    回覆刪除
  8. 我個囡都考緊試呀!不過冇下個星期考的科目在呢個星期六考噃!如果係真唔知點算,溫都溫唔切啦!咁多點可以兩日內溫晒呢!
    好心學校方面一係順廷,一係就唔考計平時分好過.
    你個甜品真係好鬼正呀,你整得好靚呀.
    [版主回覆06/18/2009 21:59:00]呢個清清地幾正,都係多得DARLING諗個食譜出嚟咋! 好似話下星期一決定要唔要停課呀! 順延又係慘架,心掛掛到幾時呀? 俾啲小朋友考埋呢兩個星期試先啦!

    回覆刪除
  9. 我鈡意涼粉嗰個....今日整!
    [版主回覆06/18/2009 21:57:00]呢個清清地幾正,都係多得DARLING諗個食譜出嚟咋! 我好鍾意食涼粉架,吉吉有啲一盒盒涼粉買,我覺得衛生啲架!

    回覆刪除
  10. 我今日都玩緊芒果!比個5黎先!
    [版主回覆06/18/2009 21:55:00]555..............  你又玩乜呀? 唔好意思,個食譜我改咗少少!

    回覆刪除
  11. 好 彩我個仔今日考完
    其實之前都好驚停課
    [版主回覆06/18/2009 22:06:00]你就好啦,我日日提心吊胆,唔知佢幾時會停!

    回覆刪除
  12. 早抖,我而家去瞓喇!明早見.
    [版主回覆06/18/2009 22:06:00]GOOD NIGHT!

    回覆刪除
  13. 改啦改啦,改得啱自己口味咪得囉!
    我個個配超甜紅豆所以咪唔加糖整囉,你呢個唔係配紅豆加糖應該會夾d。
    我整流心芒果布丁,唔知聽日起唔起到貨呢?
    [版主回覆06/18/2009 22:18:00]係呀,佢地唔鍾意食紅豆架,若果涼粉加咗紅豆,佢地就唔食架啦! 好呀,得嘅話我又學!

    回覆刪除
  14. 兩個甜品整得好靚呀 !
    我姨甥女仲有一科未考, 學校已宣佈話順延至九月先再考
    [版主回覆06/18/2009 22:20:00]其實咪一個譜譜,剛好我有涼粉,呢隻涼粉有糖水,加咗入去,囡囡都話正喎! 好鬼煩呀,囡囡係三三四,呢次考試好緊要架,選唔到心儀嗰科好慘架!

    回覆刪除
  15. 好得呀~ 正~ 笨笨路過偷食先~
    [版主回覆06/18/2009 22:29:00]哈哈............我都係darling度偷架!

    回覆刪除
  16. 咩係人肉紙板?
    [版主回覆06/18/2009 22:29:00]咪好似啲警察紙板咁,防止罪惡發生! 我就防止有人...............偷懶唔溫書呀! 

    回覆刪除
  17. 豆腐布甸+涼粉+芒果係咪仲正呢
    [版主回覆06/18/2009 22:27:00]呢個清清地幾正!你都試啦,等伯母試下嘛,唔甜架! 喂.....cafe之前有個no.1等人攞噃!

    回覆刪除
  18. 哈哈....你果然試新野之餘仲換埋icon相添呀下....
    [版主回覆06/18/2009 23:08:00]有幾日時間梗係試新嘢啦! 我貪新鮮嘛!影得靚唔靚啫,最衰無靚相機啦!

    回覆刪除
  19. 你個個係咪迷你個 d 攪拌器黎家 ?
    兩樣都配得好靚呀, 我個雪櫃都有三個芒果, 仲唸緊整乜, 太多野想整啦
    [版主回覆06/18/2009 23:13:00]係呀,n年前大老爺買番嚟架,好方便架,今日的起心肝搵番出嚟! 呢兩個配搭先有人食架!
     

    回覆刪除
  20. 我刚回来啊
    [版主回覆06/19/2009 06:16:00]你去咗邊呀?

    回覆刪除
  21. 好彩我個女己考完了, 放心晒.
    [版主回覆06/19/2009 06:16:00]你就好啦!

    回覆刪除
  22. 你個女好似考好多科咁既, 要考成兩個禮拜咁耐? 不過其實停課對佢嚟講冇影響丫, 佢讀中三, 教育處一早講明中三考試一定要考埋先放得暑假. 而學校有變陣方法都唔錯, 起碼其他年級D學生唔駛考考吓就停課淨返幾科唔知幾時考丫嗎~~~ 至於你囡囡嗰方面就讀得幾多得幾多啦! 唔好鵝佢啦!
    [版主回覆06/19/2009 06:15:00]係呀,煩死,無端端星期六要考西史同科學呀! 佢成日用啲方法都唔work架,背書抄noe

    回覆刪除
  23. 嘩!透心涼!
    [版主回覆06/19/2009 06:13:00]係呀,加咗涼粉同芒果好好味!

    回覆刪除
  24. (Empty)
    [版主回覆06/19/2009 06:13:00]好味架,囡囡而家唔使返學,整過佢嘆啦!

    回覆刪除
  25. 天氣熱...食呢個甜品簡直透心涼
    [版主回覆06/19/2009 06:12:00]係呀,佢地唔鍾意食紅豆架,若果涼粉加咗紅豆,佢地就唔食架啦!

    回覆刪除
  26. 返黎無耐咋 日日都好忙咁,過黎簽個簿先
    小學點呀?又話下午會公佈 幼稚園仲洗唔洗交學費呀?今個月都係返得幾日咋
    [版主回覆06/19/2009 06:11:00]我無錯架,blog界大忙人噃! 好似話開始放暑假啦,啲幼稚園梗係想你地交學費啦,政府都監管唔到!

    回覆刪除
  27. 早晨呀....
    其實如果好似你地咁識整咁多野....咁屋企會唔會要買定好多款既架生係樹呢?
    [版主回覆06/19/2009 08:28:00]早晨呀~我啲架生多到大老爺想殺死我呀! 

    回覆刪除
  28. 早晨呀 !
    仲有一篇同你有關家, 快 d 攞埋個 no.1
    [版主回覆06/19/2009 09:18:00]攞到啦!  

    回覆刪除
  29. 我就係怕咁啦....所以我都係唔好做壞人住....哈哈
    [版主回覆06/19/2009 09:19:00]做啦做啦........可以做住半個壞人啫,整啲曲奇俾仔仔食啦!

    回覆刪除
  30.  早晨呀, 如月~
    [版主回覆06/19/2009 09:34:00]早晨呀~我今日有返工呀!

    回覆刪除
  31.  依個買相已經好得...正吖~~
    [版主回覆06/19/2009 09:34:00]我精心整到咁影相架,最衰無單鏡!

    回覆刪除
  32. 唉...果隻豬流感 ,, 攪到d學生哥返學亂晒籠唔止,,,我地做家長又憂心 ...好彩我家r朗昨天考完晒試咋。。
    [版主回覆06/19/2009 09:35:00]你就好啦!我囡囡就慘啦! 唉,聽日嗰兩科佢都唔夠時間溫,叫佢早幾個星期溫佢又唔聽,而家咪幣啦!

    回覆刪除
  33. 唔使驚喎, 大部分學生都一樣, 溫唔切書架...
    我囝囝考埋今日就考完喇, 不過唔知下星期既全港中三評估試仲要唔要考者....
    [版主回覆06/19/2009 10:37:00]但係學校而家聽日要考兩科呀,嗰兩科囡囡都無溫!  好心教育署取消個評估啦!

    回覆刪除
  34. wow,又有好介紹,流哂口水喇!
    啲細路幾時都係好難將阿媽o既說話聽得入耳,等佢哋做人阿媽時可能至會諗返起你 講過乜。其實講真我都係咁,要衰咗至識得諗。
    [版主回覆06/19/2009 10:54:00]
    Darling一早介紹咗啦!你無溫書呀! 而家咪幣啦,兩科都未溫過!

    回覆刪除
  35. 早晨呀...妳換咗畫喎...靚....
    有冇外賣呀...
    中學好似話多數都會...我前晚收到通知可能返去一日考哂五科...
    [版主回覆06/19/2009 12:12:00]見到邊幅靚就換架啦! 一日考晒五科.........想考C人呀!

    回覆刪除
  36. Mee ...... MeeMoreMore2009年6月19日 下午7:43

    好靚好味~~~
    [版主回覆06/19/2009 12:18:00]多謝

    回覆刪除
  37. 我囝囝本來7月頭先考試,現都唔知洗唔洗考??
    [版主回覆06/19/2009 12:19:00]咁你囝囝幾年級呀?

    回覆刪除
  38. F.2咋!!
    [版主回覆06/19/2009 14:23:00]咁即係細我囡囡一年噃!

    回覆刪除
  39. 呵呵呵~你用緊嗰款攪拌器我屋企都有部呢~ 韓國出品,超耐用,用咗都有差不多九年喇~ 到而家都仲用得呢~ 前排佢轉咗色,係藍銀色咁呢~ 佢話有太多大陸冒版貨扮佢哋個 look ,所以佢哋玩變身呢~ 點解我會知? 因為我打電話去問個代理邊樹有得賣時,佢哋話過我知呢~
    [版主回覆06/19/2009 14:15:00]嘩........乜你唔祇煮餸叻,連呢啲產品都咁清楚! 我部機唔係用咗9年,係打入冷宮9年啫!

    回覆刪除
  40. 白滑靚仔
    想問人肉紙板係咩意思呀?
    [版主回覆06/19/2009 14:25:00]人肉(即係我)紙板(即係睇住囡囡溫書)!棟係屋企監督囡囡溫書呀! 

    回覆刪除
  41. 濃情朱古力碰上士多啤梨2009年6月19日 下午10:39

    我又黎開餐呀..好正既甜品..YUMMY
    [版主回覆06/19/2009 16:24:00]隨便啦,唔使客氣呀!

    回覆刪除
  42. 白雪雪+黑蚊蚊...我鍾意食吖...
    [版主回覆06/19/2009 16:24:00]係噃,你提醒我添,黑白配! 

    回覆刪除
  43. 因為囝囝停課.我都煩到嘔.......
    [版主回覆06/19/2009 17:15:00]總之我就好想囡囡考完先停課,但出邊啲議員成日都叫政府停課,好煩呀........

    回覆刪除
  44. 曲奇易handle d嫁? 不過係咪都應該要有個焗爐先呢?
    [版主回覆06/19/2009 19:21:00]焗爐一定要先,二百幾嗰啲都得啦,有時間制有上下火就得啦,我個都係咁咋! muffins最易噃!

    回覆刪除
  45. 我個大仔又係要選科, 所以學校要佢哋考哂全部科目。  星期二已經攪掂哂 。  考埋下星期23日同24日嘅TSA就差唔多放暑假喇 。
    [版主回覆06/19/2009 19:22:00]咁慘呀,我個囡咪以為仲可以下星期先溫,而家咪唔夠時間囉!

    回覆刪除
  46. I have blog friends in town ah, so have to be tour guide so no time to visit you SOOOO often ah。。。
    [版主回覆06/19/2009 19:14:00]你得閒先啦,知你忙啦!

    回覆刪除
  47. 仔女都係咁啦!冇咗阿媽就弊一弊都冇咁弊....
    [版主回覆06/19/2009 21:15:00]乽係我地照顧得佢地太好啫!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^