2009年6月18日星期四

伴手禮!!!

17~June~2009(三)


天晴


30C



伴手禮


真係唔知邊個諗出嚟架


學人寫blog之後


成日見人地blog聚都好高興


有得玩有得食........仲有得拎添


伴手禮呢樣嘢,我就覺得好得意


你整一樣佢整一樣


你試下我整啲佢又試下我嗰啲


所以有blog聚我都會學人整伴手禮


我整得好開心架,亦都好鐘意


 
 


雖然我整嘢唔叻


但想趁呢個機會整下嘢


唔知係咪我太著迷呢,做得太過份


令人地感到有壓力,真係好唔好意思



交朋友


唔會計較有冇收到對方禮物


祇會想令到對方有驚喜


呢個係我自己嘅想法


原來唔係人人接受!



我亦因為呢件事感到好困擾


萬萬想不到我呢種行為


會對別人做成壓力


係我始料不及的



送出禮物又點會計較有幾多收回呢


亦都好明白


人家未必有時間整或者唔識整又或者唔鍾意整


咁又點會怪責佢地呢!


不過若果咁做會令到別人咁唔好意思


我都唔想!


係咪要改一改????????


係咪咁多人唔鍾意呢????????


係咪我做得唔好呢??????俾咗人地咁大壓力!!!!


以後blog聚


都會問清楚人地


會唔會想收到我嘅伴手禮


先會去預備


無謂做成人地嘅不便!


(以上祇係本人嘅想法)



呢啲係我上星期整咗嘅伴手禮



本來今日會送出去的


而家要等佢地嘅新主人啦












好多年前好興水晶珠


我係深水埗買過好多次水晶


後來放低好耐無掂過


存貨都有唔少


見到呢啲一盒一盒嘅水晶珠


就諗起可以用嚟做伴手禮


決定整幾條手練


都係以前做啲靚啲


但而家都唔記得點穿啦


呢幾條都係靠自己諗出嚟咋


我想做到個個都唔同樣


要配會佢地個style


所以有唔同嘅款同顏色!


而家要等下次啦!


 



 


 

39 則留言:

  1. 1
    [版主回覆06/18/2009 00:23:00]今晚你得咗啦,証明yahoo今日運作正常啦!

    回覆刪除
  2. 1
    [版主回覆06/18/2009 00:23:00]無咗主席你都輸咗噃,唔緊要,聽晚我等你!

    回覆刪除
  3. Motonako.A
    [版主回覆06/18/2009 00:23:00](Empty)

    回覆刪除
  4. 連串珠手練都識整...仲幾靚喎...唔該我要做佢地新主人
    [版主回覆06/18/2009 00:25:00]不過老花得緊要,要除咗副隱形眼鏡先穿到呀,穿咗幾個晚上啦,本來想整個花生鎖匙扣,但睇極都睇唔明本書,咪自己diy囉!

    回覆刪除
  5. 嘩..邊個咁笨唔要你D伴手禮呀??我恨咗好耐都恨唔到啦.你D水晶手錬好靚呀.送俾我就一定開心到飛起啦.你唔好咁down啦.我好樂意做晒佢地嘅新主人架.
    [版主回覆06/18/2009 00:26:00]可能我成日都會整嘢,人家唔得閒整又怕唔好意思囉,我都唔知會做成人地嘅不便! 咁你俾個地址過我寄俾你呀?

    回覆刪除
  6. 未揾新主人呀?   如月呀...唔好諗咁多喇!順得哥情失嫂意,又唔係咩傷天害理嘅事,listen to your heart 吧!成年人一定会明白嘅...你覺得開心咪OK囉,好似我有咩節日都会整嘢番学校同全部小朋友分享咁,唔係個個都咁架...有啲成年都未整過添...唔緊要架,人人有自由嘛...我整得都不知幾開心添呀,要計較就变質架喇!我撐你喎!
    [版主回覆06/18/2009 00:29:00]你咁鬼遠! 唔係傷天害理..........但本來係想人家開心嘅事,變咗令到人家有壓力,我真係唔想發生!所以進退兩難! 有啲嘢原來唔係一霜情願就得架! 但我唔想做啲人家唔鍾意嘅事呢!

    回覆刪除
  7. 好靚呀! 你好有愛心,相信收禮物的朋友一定會很珍惜你用愛心好
    親手做的禮物。我間唔中會來偷師學煮餸。
    [版主回覆06/18/2009 00:30:00]多謝你留言呀! 我份人真係幾有愛心架! 但我呢份心意會作成人家嘅壓力,我真係唔想見到呢!

    回覆刪除
  8. 其實我都同你一樣,送禮物俾人都係想人地收到開心......
    冇諗咁多........
    加油~~~~~~~~~~~贊成你咁做的........
     
    [版主回覆06/18/2009 00:31:00]我咪係囉,但原來已經帶來人家嘅壓力,我都唔想咁架!

    回覆刪除
  9. 如月,你整得好靚呀
    [版主回覆06/18/2009 00:31:00]多謝你呀!

    回覆刪除
  10. 你做得好靚呀.... 我都好鍾意穿下珠仔㗎...
    [版主回覆06/18/2009 00:32:00]多謝你呀! 其實我老花架,好難穿架,要夜晚除咗副隱形眼鏡先可以穿架!

    回覆刪除
  11. Moon Moon ah Moon Moon, I like this one ah... see how thick skin I am, I am even ASKING FOR it without you saying want to give me lei.
    [版主回覆06/18/2009 00:33:00]咁你究竟要邊條啫,下次你嚟香港,我穿過十條八條俾過你啦!但存貨有限咋!

    回覆刪除
  12. 靚媽媽, 我feel唔到壓力呀, 你可以送比我架, 我不知恨咗幾耐囉, 我食物有要, 鍊鍊有要.....依...我好似大貪咗啲...你會唔會有壓力呢? 你唔記得自己句標話喇...
    [版主回覆06/18/2009 00:36:00]咪講笑啦! 係咁遠............. 乜你真係咁大貪架! 仔仔送俾我個句嘢,但生活唔係淨係得我一個人嘛!

    回覆刪除
  13. Hey, what happened to my msg earlier on???? YAHOOOOOO
    I was saying I am a greedy person and I like #4,5,7, n 9, actually the black and maroon ones were picked by Babe Dearest, but I still think my #7 n 9 are nicer, but we both agreed #9.
    Anyway, I think you are very sweet and I appreciate your kind thoughts, SOOOO, heee, being thick skinned mommy ME, can I may I yes please... ...
    THANK YOU MOON MOON
    [版主回覆06/18/2009 00:15:00]唔使客氣,你要no.9嘛,咁要乜嘢色呀?可以揀色架!

    回覆刪除
  14. 以前放係上面個句be happy 呀.
    [版主回覆06/18/2009 00:36:00]嗰句係仔仔送俾我架!

    回覆刪除
  15. 嘩!你地個個都咁叻既,我真係自愧不如,請多多指教吓啦。
    [版主回覆06/18/2009 00:37:00]叻乜鬼啫!

    回覆刪除
  16. 我係厚顏既人....雖然你地既伴手禮令我有d汗顏不過我好鍾意亦都好高興嫁....唔好唔要我呀....
    [版主回覆06/18/2009 00:38:00]你唔係厚顏嘅人,係心直口直啫! 你千祈唔好覺得唔好意思呀,我唔想咁架! 我幾時話唔要你啫,祇係做又唔係唔做又唔係咁啫!

    回覆刪除
  17. 嘩...我唔會介意喎...多多益善喎...有冇得簡呀...可唔可以要白水晶...襯番我透明度高啲呀...
    其實係我個女鍾意咋....
    [版主回覆06/18/2009 00:40:00]嘩...............你有幾多對手呀! 有有有,我都打算下星期送俾你架,咁你要乜嘢款啫,但係我存貨有限咋!

    回覆刪除
  18. 呢條好靚呢~~
    [版主回覆06/18/2009 00:40:00]你真有眼光,呢條送咗俾人啦!

    回覆刪除
  19. 嘩)))好厲害啵...唔止煮食叻! 仲會穿依啲手作仔~~ 勁
    [版主回覆06/18/2009 00:46:00]我周身刀無張利架!  不過而有老花  好難穿啦!

    回覆刪除
  20. 妳的伴手禮好靚
    [版主回覆06/18/2009 00:45:00]多謝你呀!

    回覆刪除
  21. 心直口直咁即係好嘛?  唉....我成日都比人話我嫁....
    你自己開心就得嗱...有時d野無可能事事周到萬事齊全....我地都唔係聖人....自己開心咪得囉....
    [版主回覆06/18/2009 06:27:00]心直口直咪同我一樣囉!梗係好事啦! 不過無人敢話我架,因為我夠惡! 我份人唔會咁架,會諗下人地會點諗先做,但呢樣嘢係我諗都諗唔到啫!

    回覆刪除
  22. 哈哈.........你送嘢, 我收嘢, 咁先襯架麻.  開心番喇...yeah!!!
    [版主回覆06/18/2009 06:25:00]襯晒啦!

    回覆刪除
  23. 愛人做咩呀??今晚係想大家輕輕鬆鬆反返晚麻,妳知喇,如果伴手禮一出,個個都專注起D伴手禮度架喇 我地個個都已經係好朋友,志在大家聚下,所以可以見下面傾下計已經好開心架喇,知無 仲有...雖然我鍾意橙色,但係我想要黑色個條呀
    [版主回覆06/18/2009 06:25:00]無乜嘢呀!今晚玩得好開心呀! 呢啲係我星期日已經整好晒啦,我一早知你地唔會整的! 其實我好鍾意整伴手禮你都知架!不過,以後我都未必會整啦!原來會俾到壓力,自己都唔知! 點色嗰條原意都係為你而設架!你想要我留俾你啦!

    回覆刪除
  24. 唔駛寄俾我咁麻煩,唔該用個 大 嘅靚盒装起佢,以後你地blog聚有嘅伴手禮,就記得放一份落個盒度.装满後就通知聲我.我儲够機票錢就會返香港收貨.好唔好??好啦??唔該啦?拜托晒啦?我都知你一定話好架啦.你真係好人吖.我會好俾心機儲錢架啦.你放心啦.

    回覆刪除
  25. 早晨早晨! 如月,你整得好靚呀 只要你開心就得喇!無謂諗咁多啦!記得留番條比我.

    回覆刪除
  26. 水晶珠高手呀!真係大開眼界!我都 feel唔到壓力0架~~~~仲要多 D 多 D~~
    [版主回覆06/18/2009 09:30:00]早晨呀~高手..........唔好咁講,我細妹先係高手呀,佢整過一個和服hello kitty過我架!

    回覆刪除
  27. 早晨.....
    我要右邊數第六條係紫色....
    我要花生 酥...
    [版主回覆06/18/2009 09:30:00]早晨呀~ 好留俾你,不過唔知會唔會太鬆呢!你囡囡鍾意乜嘢色呀,我整條過佢呀! 花生酥無問題!

    回覆刪除
  28. 原來就係呢D水晶手鏈 穿得好靚啊 
    唔理係咩 都係妳嘅一番心意嘛  
    [版主回覆06/18/2009 09:49:00]早晨呀~多謝你讚我呀! 而家蒸緊珍寶巴士過你呀!

    回覆刪除
  29. 我整緊拍黃瓜
    [版主回覆06/18/2009 10:39:00]拍青瓜,食飯啦仲整?

    回覆刪除
  30. 既然未送出,就等我嚟領養啦,依條,依條,好鬼靚!我完全無壓力o架,你可以放心!
    [版主回覆06/18/2009 10:27:00]哈哈.........你遲來一步啦,有人定咗啦!我再整過你呀!

    回覆刪除
  31. "下次你嚟香港,我穿過十條八條俾過你啦!但存貨有限咋!"  Wah, like that I better book my plane tickets..... FAST ah... Then as I said, #4,5,7,9 colours hmmm, purple, black and maroon.  ARDENT supporter ah.  thankeee... heee...
    [版主回覆06/18/2009 10:59:00]得,我會記住!咁.........多謝你噃!

    回覆刪除
  32. 今次既拌手禮唔食得但係可以用嚟留念, 又幾好喎!
    [版主回覆06/18/2009 11:31:00]係咩!

    回覆刪除
  33. 哈哈哈~呀 moon moon 傻瓜,你要明白,其實大家"唔係"唔想收伴手禮,但只係"唔想"整咋~ Wakakakaaaaaa ~
     
    收到你嘅伴手禮當然極之開心,但收完之後,如果冇禮尚往來,又覺得心裡硬係不是味兒咁呢~ 就係因為我哋當你係 friend ,先唔想好似單向要你付出呢~ 當收到你嘅伴手禮,但我哋又兩手 fing fing 咁,真係好鬼唔好意思呢~
     
    其實我都好鍾意玩交換禮物呢個遊戲,但未必每次見面都有足夠時間去預備(伴手禮),不如咁啦,如果每次出嚟都玩伴手禮會有壓力嘅話,我哋耐唔耐玩一次呀,咁就唔會有壓力兼有驚喜呢~
    (呀 moon moon :我好欣賞你嘅無私嘅付出,但我哋真係當你係 friend ,先唔想佔你便宜呢~ 所以今次大家先話停咗伴手禮呢個環節,但咁樣令你有 hard feeling ,我個心都好唔舒呢....)
     
    其實係見到你整咗d咁鬼靚嘅手鍊但又收唔到,個心而家銀鬼住呢~ Wakakakaaaaaa ~
    [版主回覆06/18/2009 21:23:00]我一早已經知你地唔得閒做架啦!但我都無所謂,所以咪穿啲手鍊送俾你地囉! 就係當你地係friend先會送!但若果送咗俾人,人家唔係高興,係難為情咁我就唔想!如果會硬住就唔係我friend啦,呢啲唔係叫單向付出,你地收得高興開心咁咪回報囉!點解一定要有實物啫!friend嘛.............. 我都好enjoy成枱都係伴手禮嘅壯觀場面,個個都好高興!好開心架,無話邊個有做邊個無做,得閒咪做想做咪做囉,無心情無時間做,係friend都會理解,若果介意人家無做就唔係friend啦! 我唔係無私付出架,你地一句多謝就係回報囉,無人可以佔我便宜,我唔願意無人可以勉強我的,熟悉我嘅人都會知道,我係一個我願意就可以赴湯蹈火,不願意一定唔會屈服的人,這個就是我!  今次hard feeling真係有,因為我想都想唔到,我份心意做成人家的包袱,所以先會唔開心! 亦都唔知道我呢種行為,係咪應該繼續,我唔想我嘅原意變咗質! 今次我係按照你地嘅style做咗呢幾條手鍊架,不過見你地咁我都唔敢攞出嚟啦! 多謝你同我講咁多!

    回覆刪除
  34. 我次次見到妳d伴手禮都不之幾鍾意, 幾恨呀! 不過可能其他人真係冇咁多時間, 又未必識得整得好似妳咁"正", 難免會有些少壓力....
    妳唔單止整野食掂呀, 原來串手鍊都咁得好心機....
    [版主回覆06/18/2009 21:11:00]我都明白,但我好enjoy整伴手禮,見到人家好高興個樣子就好滿足,我咁做原來做成人家的壓力,我唔想變成咁! 串手鍊唔叻架............老花嘛!

    回覆刪除
  35. 原來你穿鏈都咁叻!!!!真係幾靚喎!!!
    haha~~~俾着我都想收你既伴手禮!!!不過我自己又唔怕無整回禮喎!!!
    講真,如月你都係想人哋開心先送俾人嘛!!!所以我收得開心咪夠lor!!!hhaha~~~我唔怕羞架!!!
    [版主回覆06/18/2009 21:07:00]多謝! 但有啲好客氣,無回禮會唔安樂,我唔想攪到人地咁樣呀! 你唔怕羞咁你返嚟我送多啲俾你!

    回覆刪除
  36. 請問呢 d 系真水晶定假水晶  如困系真, 系SSP 邊間保號有得買
    [版主回覆06/18/2009 21:04:00]唔知乜嘢係假水晶呢,ssp成街都係!

    回覆刪除
  37. 雖然我整嘢唔叻
    嘩!如月!你咁講,阿九睇怕以後都唔敢黎睇你個blog咯....
    [版主回覆06/18/2009 21:06:00]點解咁講呀,我真係唔係咁叻咋,我都係學緊人地啲嘢咋!

    回覆刪除
  38. 如月手作仔全是你心血,各具特色!
    我都似你,心想禮多人不怪,但也會令人不悅,有時不知如何是好!
    [版主回覆06/22/2009 20:29:00]真係一句"不知如何是呢"

    回覆刪除
  39. 我同你嘅嗜好都好相似
    幾年前,我又係好迷戀 穿水晶
    有陣時我想送野比人
    都驚人會唔鐘意
    [版主回覆06/28/2009 22:31:00]佢地唔係唔鍾意,係唔好意思啫!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^