2009年5月26日星期二

笑話一則!!!

25~May~2009(一)



點解啲雨好似唔識停咁架


24C~27C



話說噚晚


係媽咪屋企食完飯搭巴士返屋企


呢條巴士線我地一家都搭咗成廿年啦!


都末改變過路線


當巴士仲有一個站先到我地個落車站時


見仔仔咁快落咗下層


(平時我同囡囡落咗車,先會見仔仔同大老爺落車架,佢地通常架巴士停咗站先落下層)


我心諗仔仔係咪約咗人?


都乜唔話我知呢?


所以先會早一個站落車


(當時我無見到大老爺)



點知當我落到下層嘅時候


聽到大老爺叫"衰仔,做乜叫我落車啫"


我眼見兩個傻佬企係車門前


雖然發覺落錯車


又唔好意思上番車喎!!Wahahaha.....


個樣真係既滑稽又無奈


唯有行番屋企啦!



我同囡囡企係車門前想笑又唔可以笑得


(笑,人地咪知我同兩個傻佬識囉)


跟住落車後我同囡囡笑到碌地咁滯!


事後問仔仔點解會落錯車?


佢話到而家都唔知呢度有個站喎


(平時呢個站係無乜人落車的)


我話有冇攪錯


搭咗呢條線起十五年(唔計佢三歲前)


都唔知邊度落車?




星期一


最勤力煮飯嘅一日


多數都會煲湯


湯我都會


【蒜茸炒翡翠苗】


噚日係PK見有咁靚嘅翡翠苗


買番包嚟試下



~鰻魚汁煎鯖魚~


今日好趕時間,煎得唔係咁好!



【炸菜蒸肉絲】~(食譜按此)


此餸超簡單又送飯



【沙爹雙丸節瓜煮粉絲】~(食譜按此)



【合掌瓜紅蘿蔔無花果南杏北杏螺片豬骨湯】~(食譜按此)



無端端又整咗四餸一湯!

沒有留言:

發佈留言

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^