2009年5月23日星期六

點算!!!

22~May~2009(五)


天陰


26C~30C



前日消委會公佈


食蛋糕會出事


因為製造蛋糕嘅器皿同加咗泡打粉


都會令到啲蛋糕鋁含量超標


一個星期食一件鬆糕都會超標


咁以後仲有人敢食蛋糕嘅?


仲有人整糕咩?


樣樣食物都有問題


咁仲可以食乜呀?



之前買咗呢隻芝麻糊粉又未飲過



咪諗住試下整芝麻糕試下


好多謝Darling分享佢研制的食譜


令到我成功咁整咗第一次嘅九層糕


所以今次決定做芝麻九層糕



因為個芝麻糊粉開咗水會杰啲


所以個份量要自己靠估


我加咗水嘅份量


但又唔知夠唔夠做呢個模喎


我最細都係呢個正方模咋


好驚做唔到九層


好彩份量都剛剛好,祇係多咗少少


做出嚟嘅口感都好成功


唯一係個芝麻味唔重,攪到個糕唔三唔四


個色又唔夠黑



甜度可以加多點


都係搵日去新順興買咗芝麻粉再試



【芝麻九層糕】~(食譜按此)





足足有九層架!


蒸足45分鐘!



同事們開餐啦!



同事食後感:個口感好煙un,個甜度都OK,係芝麻味唔夠!


~~~~~~~~~~~~~~~~~~~~~~~


分享一下今次呢單新聞


以下資料由網上搜尋的


九成糕餅含鋁超標 損生育能力


九成糕餅含鋁超標 損生育能力

食安中心抽驗市面 256個食物樣本,發現 97%樣本含鋁。馬拉糕及千層糕等蒸糕類的鋁含量最高,每件平均含 37.8毫克。根據食品法典委員會的最新標準,人體對鋁的每周容忍攝入量為每公斤體重 1毫克,以體重 60公斤的成人為例,每周吃 1.6件即超標。體重 30公斤的 7歲童吃一件已超標。


除了蒸糕外,鬆餅、班戟及窩夫的鋁含量位踞糕點類別第二及第三位,成人每周持續食用兩至五件已超標,蒸包、椰撻、蛋糕及海蜇的鋁含量也偏高。
食安中心顧問醫生何玉賢指出,上述食品種類中,並非所有樣本的鋁含量偏高,關鍵在於糕點或包點是否用含鋁泡打粉( baking powder)製造,糖衣甜點、烘焙及油炸食物也可能有含鋁配料粉,若是非預製食品,市民難以識別當中成份。由於個別胃藥也含鋁,可令總攝取量飆升 10至 100倍,他建議長期服此類藥物的病人、孕婦及小孩也應加倍留神。動物實驗顯示,過量鋁可導致懷孕動物早產、幼犬夭折率上升及發育遲緩。
城市大學生物及化學系副教授林漢華說,有研究指攝取過量鋁與柏金遜症及老人癡呆症有關,有鋁廠工人更患上中央神經系統中毒。中文大學醫學院食物及藥品安全研究中心主任陳恩強說,動物實驗顯示鋁可導致睾丸變小及精子數量降低,削弱生殖能力,也會損害腦功能。老鼠懷孕期間攝取過量鋁則導致胎兒體重減輕及阻礙其腦部發展。




一成人攝取量超標
陳恩強又指,人體進食含鋁食品後,大部份鋁經尿液排出,小部份儲存在骨骼及腦部等各器官。因此市民間中攝取過量問題不大,但萬萬不能長年累月超標,「要熟讀含鋁量高嘅食物名單,間中食一、兩件,否則好易超標。含量特別高嘅食品,細路仔就盡量唔好食。」
陳恩強又引述各國研究稱,最少一成人口攝取量超出上述容忍上限。他建議市民尤其孕婦及小孩,盡量選擇天然食物,此類食物平均每公斤僅含 5至 10毫克鋁,遠低於上述加工食品。
現時本港沒有食品含鋁量的法定上限。食安中心成立工作小組,向業界提出減少使用含鋁添加劑的建議。中心昨日向業界發出指引初稿,提醒業界檢查食品配料成份有否含鋁添加劑,並盡量調低用量或使用代替品。現時預製食品包裝標籤標明成份中的添加劑,市民可按國際編碼識別有關添加劑是否含鋁。




食品含鋁量
蒸糕
平均鋁含量/毫克: 37.8(每件) 每周食用上限*: 1.6件
鬆餅
平均鋁含量/毫克: 28.2(每件) 每周食用上限*: 2.1件
班戟/窩夫
平均鋁含量/毫克: 12.6(每件) 每周食用上限*: 4.8件
蒸包(有餡料)
平均鋁含量/毫克: 9(每件) 每周食用上限*: 6.7件
椰撻
平均鋁含量/毫克: 8.4(每件) 每周食用上限*: 7.1件
蛋糕
平均鋁含量/毫克: 5.4(每件) 每周食用上限*: 11.1件
蒸包(沒有餡料)
平均鋁含量/毫克: 5.4(每件) 每周食用上限*: 11.1件
海蜇
平均鋁含量/毫克: 1200(每公斤) 每周食用上限*: 50克
註:*以體重 60公斤的成人計算




常用含鋁食品添加劑
硫酸鋁 食品標籤國際編碼: E520
硫酸鋁鈉 食品標籤國際編碼: E521
硫酸鋁鉀 食品標籤國際編碼: E522
硫酸鋁銨 食品標籤國際編碼: E523
磷酸鋁鈉 食品標籤國際編碼: E541
硅酸鋁鈉 食品標籤國際編碼: E554
硅酸鋁鉀 食品標籤國際編碼: E555
硅酸鋁鈣 食品標籤國際編碼: E556
硅酸鋁 食品標籤國際編碼: E559
資料來源:食物安全中心

沒有留言:

發佈留言

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^