2009年5月17日星期日

忙碌的一天!!!


16~May~2009(六)



 



都成個月無時間去做焗油


啲頭髮好似梗咁


由其是剛剛電完髮


今朝一早去焗油


因為今晚要見人呀!


雖然想今日好好咁休息


因為噚日我幾乎企足一日呢!


但攪下攪下又無晒時間


返到屋企又差不多要出門口啦!



今晚會有個

blog聚


今次有成14個單位




出席名單:(1)me,(2)主席,(3) 師奶仔&仔仔,(4)Dada,(5)Darling,(6)琳琳&仔仔囡囡,(7)笨笨,(8)Emily & Chloe,(9)Joe Joe & 欣欣,(10)Fian & 囡囡,(11)Coki一家,(12)豬媽咪,(13)Cala


換言之,我要做12份伴手禮




專登請咗1日假


因為真係無時間預備伴手禮


我好鍾意見到人地收到我嘅伴手禮架


由朝早8點半開工


做到5點呀(除咗中午出去食飯)


今次預備咗兩樣嘢






今晚係流浮山食海鮮


應該會好夜返


所以聽日先再講blog聚啲資料


流浮山


印象中都好似無去過


都唔係幾識路


上網search咗先識得點搭車去


今次啲blog友有好幾位(Coki,豬媽媽, & Cala),都無見過面

!



鳯梨卷已經做咗好多次


都幾有信心


今次用咗唔同味道做!


早前係荃灣橘子買咗包芒果餡


咁就試下呢個


【芒果卷】~(食譜按此)


出品又幾鬆化喎,但比想像中無乜芒果味!





【芝麻如意卷】~(食譜按此)


呢個係孟老師本書度學架


但結果好失望


唔知係自己唔夠功力



定係有乜出錯咗


又或者呢款餅係咁硬?


個成品我好唔滿意~好硬又無乜芝麻味!


各位blog友,難為你地囉


唔該用少少牙力食咗佢啦




【星星曲奇】


呢個係贈品嚟架


點解?


因為唔夠餡整芒果卷


淨番啲粉糰無理由掉咗佢架


咁整咗呢個曲奇


又幾鬆化喎,唔錯!


Sorry呀,唔係個個blog友都有


因為數量有限呢!



希望今晚玩得開心啦!


 



 

22 則留言:

  1. 222222
    [版主回覆05/16/2009 22:59:00]冠軍!

    回覆刪除
  2. 如果阿九約如月blog聚,咁阿九有冇拌手禮㗎...
    [版主回覆05/16/2009 22:59:00]梗係有啦,我想食你地澳門的美食呢!成日想同大老爺過澳門玩,但唔知邊間酒店會實惠又方便搵食呢?

    回覆刪除
  3. 今日冇人第一??? 玩得開心D,期待睇你收到嘅正嘢!!!!!
    [版主回覆05/16/2009 22:58:00]今日啲人仲係元朗呀! 梗係有moonmoon牌實驗品啦,白老鼠!

    回覆刪除
  4. 價錢間間唔同!睇你想住邊區,我有朋友係搞呢啲野嘅,如果你想住邊區,阿九幫你問價啦....
    [版主回覆05/16/2009 23:19:00]講就講咗好耐啦,老公又唔捨得掉低對仔囡,都唔知幾時去架,但真係想去玩兩日,或者暑假看看啦! 咁係咪平啲架? 有需要我會問你,唔該晒!

    回覆刪除
  5. 嘩...好吸引呀, 好想食呢,不過冇我份.
    [版主回覆05/17/2009 00:17:00]有機會你返香港咪有囉!

    回覆刪除
  6. 我未食呀!不過三樣野當中,我反而覺芝麻個個幾吸引,唔知係咪因為未見過呢!
    好開心收到你咁有心思的禮物,不過要你請假整野比我地食真係唔好意思!
    [版主回覆05/17/2009 10:23:00]我就係搵樣未見過去整,不過效果唔係咁好!唔知係咪用咗蛋白係咁呢? 唔請假點整呀?

    回覆刪除
  7. moonmoon handmade今日開張大吉啦喎! 祝你快d用完你第一張sticker啦!
    [版主回覆05/17/2009 10:24:00]咁快用完.............我咪要整好多嘢? 

    回覆刪除
  8. 哈哈 ....我仲以為是鳳梨卷呀 ....
    芝麻卷個樣好靚喎 , 唔好咁話自己啦 , 今晚我的榛子曲奇都是第一次做 , 唔好食唔好怪我呀 !
    [版主回覆05/17/2009 10:25:00]個卷做法係同鳯梨卷一樣,祇係啲餡唔同味啫!但個芒果味都唔出! 芝麻卷得個樣囉! 我都全部未食,你個曲奇一打開已經好香啦!

    回覆刪除
  9. 妳真係有BLOG友心 預備咁多伴手禮
    [版主回覆05/17/2009 10:26:00]做伴手禮我最開心!

    回覆刪除
  10. 哈哈~妳真係打定晒果d人架 仲唔改
    好彩我無帶個仔出去先食得咁多野咋
    多謝晒 不過今日太飽無食要聽日先食
    我仲未知妳話我乜野無答妳呀
    [版主回覆05/17/2009 10:29:00]唔打定邊有blog出啫,噚晚追到架巴士,返到屋企都要10點半呀! 咁你地食到幾多點呀?個個成2點都唔瞓嘅?

    回覆刪除
  11. 好鐘意你張 sticker.......你真係好有心, 專登請假整伴手禮......你又要返工, 唔整都唔緊要啦......大家見下面, 傾下計都好開心家
    [版主回覆05/17/2009 10:31:00]做伴手禮係我最喜歡嘅活動呢! 傾計真係好開心!乜你地個個都咁夜?食到幾多點呀?

    回覆刪除
  12. 一定玩得好開心呀~~ 你地係令我好想番香港o既其中一個原因!! 聽晚見到d海鮮, 要準備定條口水肩先可以黎睇你個blog!
    [版主回覆05/17/2009 10:32:00]係呀,仲食到好飽呢!

    回覆刪除
  13. 早晨早晨! 又有blog聚,真羨慕.
    [版主回覆05/17/2009 10:32:00]今晚有得睇啦!

    回覆刪除
  14. 好羡慕呀......我都好想要呀.
    [版主回覆05/17/2009 10:32:00]有機會你返香港先啦!

    回覆刪除
  15. 聽講有鮑魚收噃.........梗係開心啦!
    [版主回覆05/17/2009 10:33:00]你睇到啦,我今日有鮑魚公仔麵做下午茶呢!

    回覆刪除
  16. 哈....哈...妳地大家為BLOG聚花盡心思哩...
    [版主回覆05/17/2009 10:33:00]我會為咗blog聚花好多心思架!

    回覆刪除
  17. 真係辛苦曬你嗱....又要請假又要整半手禮....不過我就真係無本事整呢d半手禮回返過你地....呢個係我既死穴....哈哈!!
    希望尋晚啱既野食你心水啦....
    [版主回覆05/17/2009 10:49:00]我好鍾意睇到人家收我啲伴手禮開心個樣架! 你嘅好介紹咪得囉!啲嘢好好食,計起想嚟都幾抵架,呢圍菜真係夠12人食呀,好鮑好滿足呢!

    回覆刪除
  18. 本來主席都有叫我去埋架 ~  不過家中老爺唔俾,話太遠,驚我返來太夜唔安全哦 ~~ 
    [版主回覆05/17/2009 14:51:00]我都無同佢地食冰冰! 我返到屋企都係10點半咋!

    回覆刪除
  19. 哈哈~我以為係自己個blog呀,想回應jasmine點知唔得呀
    好彩佢無去咋,我12點幾先返到屋企呀
    [版主回覆05/17/2009 14:55:00]唔緊要啦,你答咗我咪唔使答囉! 我都係覺得太夜,所以都唔跟你地去囉!二來真係太飽! 咁你地食到幾多點呀,你有冇係大欖轉車站轉269C呀?

    回覆刪除
  20. 我就係周圍去睇你哋出blog未,個個都未添!
    想睇吓主席影啲相,希望有咁多大師傅喺度,佢學到點影相啦!
    我都好鍾意如月啲伴手禮,好有心思!
    我好鍾意義你個星星模呀!我都未見過
    [版主回覆05/17/2009 18:40:00]我無主席啲相呀! 今晚咪出blog囉! 你咪食過我啲伴手禮,我次次都咁用心機整,雖然唔係次次都好食!

    回覆刪除
  21. 咁多野食
    [版主回覆05/17/2009 18:41:00]兩樣啫!

    回覆刪除
  22. 我又要!我都要喎!多D多D!!
    [版主回覆05/18/2009 12:18:00]點俾你啫?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^