2009年5月14日星期四

好嘢嚟架!!!

13~May~2009(三)


天晴


24C~32C



奶奶隨時可以出院


但係叔仔驚佢無人照顧唔肯接佢出院


同姑娘講要送佢去療養院


佢地想佢隻手好番晒先返屋企!


噚晚我一見奶奶


佢就同我講好悶


住咗半個多月醫院好鬼悶喎


奶奶梗係想即刻出院啦!



無做咗兩個星期瑜伽


今日都應該要返下啦


唔係啲骨頭會硬晒


咁即表示又做無飯煮婦啦


做完瑜伽返嚟先同仔仔囡囡食飯!



之前係開心快活人個blog


佢介紹呢樣嘢


話係花園街買


前日落灣仔,見到即刻買番個


仲有好多種顏色擇


我就揀咗個粉紅色,好靚呀!



大家知唔知係乜嘢?


唔係一個普通嘅密實盒呀


睇真啲


?


?


?


?


?


?


?


係迷你食物處理器


好細個配件好簡單


開咗個蓋


祇有一個隻刀片嘅配件


仲有一個放係頂部的


用嚟攪拌勻啲食材嘅



往往買咗推廣啲產品返屋都唔會用


但呢個我試過


好方便


超易清理


祇要掩開蓋



放入蒜茸(二三粒都唔成問題)



冚實個蓋



雙手反方面咁扭動


祇消十數下



啲蒜頭已經碎晒


(如果想再細一點,就要放多少少蒜頭)



加多$10就有多兩個刀片



呢套都係$40超抵!


以後對手唔使一陣味啦!好方便!


50 則留言:

  1. 1
    [版主回覆05/13/2009 21:45:00]主席失咗踪呀! 

    回覆刪除
  2. (Empty)
    [版主回覆05/13/2009 21:46:00]今日好快喎!

    回覆刪除
  3. 3
    [版主回覆05/13/2009 21:46:00]今日唔夠mama快啦!

    回覆刪除
  4. 今日又有H1N1啦
    [版主回覆05/13/2009 21:46:00]我剛剛睇到呀,都未睇清楚添!

    回覆刪除
  5. 哈哈....等咁耐到值得..... ...我平時都係用肉碎機攪蒜頭....
    [版主回覆05/13/2009 21:47:00]我都有碎肉機,但好麻煩,又要插制又要洗好多嘢,又大件!呢個超細!

    回覆刪除
  6. 等到遊完 blog 再加講完 3 次故事妳先出 post, 遲好多下喎!
    點計先?!
    我好日唔得閒, 今日得閒妳又唔準時.
    我唔理, 我當我自己第 1.  (妳睇返上一個 post 最後的留言計) 哈哈~~~
    [版主回覆05/13/2009 22:00:00]sorry  較錯時間呀! 返到入咗個blog先知咋! 咁都得! 

    回覆刪除
  7. 個盒又幾得意wor.
    [版主回覆05/13/2009 21:59:00]仲好多顏色喎!

    回覆刪除
  8. 今日又有H1N1啦 <-- 係呀!! 但, 都唔驚得咁多. 我覺得 ....... 其實可能好多人都有, 但已經好返都唔定 (因為病徵似流感, 有人可以自行痊癒). 所以, 擴散緊都冇人知. 但當然, 大家都要小心啦~~
    [版主回覆05/13/2009 21:59:00]係呀,我剛剛知咋,成機人走晒出街喎!  可能係,抵抗力好咪自己好番囉!

    回覆刪除
  9. 等我買番個先......
    [版主回覆05/13/2009 21:58:00]好似花園街有得買喎!

    回覆刪除
  10. 嘩...妳 D粉絲真係等住妳喎...剛剛行過妳已經咁快咁多人舉手...唔見咗主席...
    係灣仔邊道呀...春園街有冇...我家的係又大又長舊款果隻...好痳煩...
    [版主回覆05/13/2009 21:57:00]哈哈哈............唔好咁講! 主席可能同仔仔沖涼呀! 你方便咩,不如我幫你買啦,聽講花園街都有得買喎! 我係石水渠街買架!

    回覆刪除
  11. MAMA真係勁啦
    [版主回覆05/13/2009 22:01:00]沖完涼啦!

    回覆刪除
  12. 可能主席已經唔再等, 走左 lu.
    我頭先都係呀!
    不過我唔甘心, 又心思思開返, 再 login 過咋~~
    [版主回覆05/13/2009 22:02:00]主席係下邊呀! 你知我唔會無端端咁架!除咗壞電腦嗰次無出blog咋!

    回覆刪除
  13. 做咩主席今日咁遲呀?
    [版主回覆05/13/2009 22:03:00]sorry  較錯時間呀!  唔關主席事架! 我返到開電腦先知錯咋!

    回覆刪除
  14. 但係.....
    咁咪又要搵地方放呢件野law ??
    [版主回覆05/13/2009 22:04:00]但係一個碗咁大咋!

    回覆刪除
  15. 好喎...不過如果太痳煩就唔好...要妳方便就腳先好喎...石水渠街係灣仔架...我只係識春園街...因我媽住附近...
    [版主回覆05/13/2009 22:14:00]石水渠街隔兩條街咪春園街囉! 我晏晝我成日都去灣仔食晏架,唔急都好方便!你要乜嘢色呀?

    回覆刪除
  16. 6X...緊係一樣色喇...
    可能我行咗都唔知...我隔兩星期行一次...不過次次都係同個女買貼紙...
    [版主回覆05/13/2009 22:40:00]隔離條街好似街巿咁架,好多嘢買,等我下次經過幫你買一個啦!粉紅色嘛! (佢有燈色,紫色,藍色,綠色)

    回覆刪除
  17. 您奶奶真係慘~有家歸不得~如果我將來老了,
    自己的兒女這樣對我,真的一殼眼淚~
    您叔仔話擔心她出院沒人照顧,可以請個鐘點睇住她的嘛~
    反正又唔係長期病,最多咪請一頭半個月~唉~~
     
    [版主回覆05/13/2009 22:42:00]佢老人家好想返屋企,但啲仔女驚佢唔掂,其實我都贊成佢返屋企架,但我無出聲! 佢有個印印啦!佢地諗住佢隻郁得先出院喎,都傻嘅,要奶奶隻手可以好番起碼都要幾個月啦,唔通要佢住多一頭半個月醫咩,住多一個星期又點呀,隻手又咪咁上下!

    回覆刪除
  18. 我都喺春園街見過呢個食物處理器呀, 都有幾多人買架 .....
    [版主回覆05/14/2009 06:21:00]係BLOG友介紹過我先敢買咋!再返屋企試驗過先敢介紹架!

    回覆刪除
  19. ∞∞∞∞∞∞∞∞∞ Ðädä ∞∞∞∞∞∞∞∞2009年5月14日 上午7:19

    都唔錯噃!
    [版主回覆05/14/2009 06:20:00]好方便!

    回覆刪除
  20. 以前買左個 chop chop 的切碎機,大約 $89蚊,諗起洗都煩,雙手咪一樣有味,要洗多個野啊!
    [版主回覆05/14/2009 06:20:00]我都買過呀,打咗入冷宮啦! 呢個成個盒咁,好易處理!

    回覆刪除
  21. 我之前住一個禮拜醫院都悶到想死, 出咗院就即刻捉住屋企人陪我打麻雀, 你奶奶家吓住咗兩個禮拜, 梗係仲悶啦!
    你呢舊嘢我屋企用咗十幾年啦喎! 不過係大SIZE版, 我見老豆同媽咪煮大豆芽菜少肉鬆就會用嚟搞爛D大豆芽, 兩三吓手勢就碎晒, 就係好方便咁架!
    [版主回覆05/14/2009 06:19:00]乜有大嘅咩?咁係咪好貴架,我呢個好細,整幾粒蒜頭好快!

    回覆刪除
  22. 果然係野黎
    [版主回覆05/14/2009 06:18:00]梗係好嘢啦!

    回覆刪除
  23. 我来報到。。。有工人都不可回家,咁咁咁咁咁
    [版主回覆05/14/2009 06:17:00]同GIGI去食飯呀? 咪係囉,所以咪話佢地太緊張囉!

    回覆刪除
  24. 去療養院環境好D,做吓物理治療都好,呢D環境你唔方便講ga........... 個"架生"幾盞鬼喎!!!!!!!!!!
    [版主回覆05/14/2009 06:16:00]由上星期一開始話去九龍醫院講到今時今日都無得去! 奶奶又精神係醫院又無人幫佢做物理治療,成日瞓係張床度,梗係悶C佢啦! 唔祇盞鬼仲幾好用添!

    回覆刪除
  25. 我都見過呀,原來甘正架?
    [版主回覆05/14/2009 06:15:00]如果我唔係係人地個blog見介紹過用過話好! 我都未必會買架!

    回覆刪除
  26. 呢嗰發明真係好好喎!我試過在市集買過另一款的,唔好用,打左入冷宮 lu!
    [版主回覆05/14/2009 06:12:00]我都試過買咗個好貴架,都唔得嘅!

    回覆刪除
  27. 嘩, 我好怕切蒜蓉架~~ 呢個正呀!! 宜家切蒜蓉唔會落手去掂啦, 通常用隻叉黎代替手, 咁都可以唔駛成陣味!!
    [版主回覆05/14/2009 06:11:00]有樣叫做除味器,係一隻不锈鋼嘅蛋形物體! 我試過都得架!十蚊有交易!

    回覆刪除
  28. 早晨早晨! 老人家緊係返屋企會好啲,如果你哋送佢去療養院佢好唔開心架,以為仔女遺棄佢.覺得佢冇用,阻頭阻勢.
    你個小玩兒我都想買呀!可惜唔知我呢頭有冇呢?
    [版主回覆05/14/2009 06:09:00]老人家無乜嘢都應該俾佢返屋企啦! 咁你係邊頭啫?

    回覆刪除
  29. Seems pretty cool...
    [版主回覆05/14/2009 08:27:00]咁你要唔要呀?  一陣同亞媽去買傢俬呀!

    回覆刪除
  30. Sure, if you walk by the store, pls buy me one.  Thanks!   So, has Mom made up her mind yet on what furniture to buy?
    [版主回覆05/14/2009 10:05:00]經過幫你買一個啦!你要乜嘢顏色? 佢有粉紅,燈色,紫色,藍色,綠色

    回覆刪除
  31. 但係又要洗多樣嘢喎!
    [版主回覆05/14/2009 11:15:00]我就係覺得佢易清潔!

    回覆刪除
  32. Yeah go out with Gigi everyday, she will be leaving this afternoon and all my posts will take at least 2 weeks to clear .  We had so much fun and so much FOOD!
    [版主回覆05/14/2009 11:15:00]哈哈.........咁咪影咗好多?我都鍾意食多士架!

    回覆刪除
  33. 早晨!
    好介紹,夠輕考!有得冧!
    [版主回覆05/14/2009 11:15:00]係呀,好輕巧!

    回覆刪除
  34. 早晨! 又買倒好野喎!好似真係幾好用!夠細,唔左地方!
    [版主回覆05/14/2009 11:28:00]係呀,好輕巧!

    回覆刪除
  35. 呢個我係二姐家都見過
    [版主回覆05/14/2009 11:28:00]咁佢話好唔好用呢?

    回覆刪除
  36. 佢話好好用架
    [版主回覆05/14/2009 12:06:00]我都覺得好好用噃!

    回覆刪除
  37. 將軍澳嘛!
    [版主回覆05/14/2009 12:06:00]咁去花園街睇下啦!

    回覆刪除
  38. Pink for me pls.
    [版主回覆05/14/2009 12:25:00]OK,無就幫你買紫色啦! 一陣約咗媽子同老豆飲茶,初步我睇中一張48"嘅梳化,咁媽子應該無問題的!今日要訂埋啦,因為送貨都要2星期,根本無可能過節入伙呢!

    回覆刪除
  39. 我而家睇返,原來妳呢邊d人唔見到我都會搵我架 好似妳係我果邊咁,一早唔見妳就個個都會問妳咁
    妳今日唔洗返工咩?
    佢地想佢隻x好番晒先返屋企!
    睇吓打貢多字做乜?得我有睇妳咋
    [版主回覆05/14/2009 18:38:00]你咁得人鍾意,人地梗係掛住你啦! 話我打漏字呀!

    回覆刪除
  40. 又幾盞鬼噃~咁"的式"ge~
    [版主回覆05/14/2009 18:39:00]細細件唔阻地方嘛!

    回覆刪除
  41. 幾好噃.....我都有個類似的,不過係用电嘅!
    [版主回覆05/14/2009 18:40:00]要插電好麻煩! 我今晚又炒粗炒呀!

    回覆刪除
  42. 這個食物處理器我未見過呀 , 不過會好快見到 , 通常跟住週街都有得賣 .
    你奶奶點呀 , 好番都再休養多一陣囉 ....
    主席 : 我睇到呀 "  佢地想佢隻好番晒先返屋企 " 呀
    [版主回覆05/14/2009 18:42:00]好似已經周街有得買囉 醫生要奶奶出院,佢拆咗線可以出院,跟住做物理治療囉!但啲仔話要佢住多一個半個星期先出院喎,想佢隻手好番先出院!

    回覆刪除
  43. 呢隻野出左好來,上星期我抵唔住買左一個來玩。真係好用喎!我整再棵蒜頭搞到好幼細架!剛剛一個李錦記樽夠裝囉!慳力慳時間嘛!
    [版主回覆05/14/2009 18:42:00]係好好用,我係用過得先介紹架!又唔阻地方!

    回覆刪除
  44. 呢個野真係好好用, 整磨菇忌掂湯一流呀, 妳講得岩丫, 以後對手唔使一陣味...
    [版主回覆05/14/2009 18:43:00]係喎,整磨菇湯都得喎,不過我唔識煮磨菇湯喎!

    回覆刪除
  45. 細細個好方便又實用,花園街都有??等我去睇睇先
    [版主回覆05/14/2009 18:44:00]開心快活人話係,但係我今日經過花園就唔多覺喎?

    回覆刪除
  46. p.s. 我冇介紹錯呢!
    [版主回覆05/14/2009 18:44:00]多謝你介紹啦!

    回覆刪除
  47. 沙田都有得買, 重有好多顏色架, 個sale樹重用薑蔥嚟試, 成條蔥放落去都得喎, 幾攪野...
    [版主回覆05/14/2009 18:45:00]係呀,好鬼多color架!

    回覆刪除
  48. 好介紹,只可惜係澳門仲未見到有得賣...
    [版主回覆05/14/2009 21:33:00]好快會有得買啦!

    回覆刪除
  49. 哇…呢個我啱用呀!
    我最近去過兩次花園街,都唔見嘅?
    [版主回覆05/15/2009 12:26:00]係呀,我噚日行過花園街都唔見喎!

    回覆刪除
  50. 果然係好介紹
    [版主回覆05/15/2009 12:26:00]有好嘢梗係益下大家啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^