2009年4月16日星期四

新玩具!!!

15~April~2009(三)


天陰有微


22C~26C



上星期趁放假


無無聊聊

咁出咗油麻地


見間萬記話會開一間分店買烘焙材料


咪去八下有乜好嘢買囉


點知事頭婆話因為佢去咗旅行嘅關係


遲咗開張,要到15/4(今日)先開張喎


好失望之餘


求求其其咁左睇右睇


睇下有乜新嘢又抵嘅先


 
 


居然俾我搵到心頭好呀


就係呢個


~迷你車輪模~



之前係二記見過,又大又貴


成百幾蚊一個,唔捨得買!!!


今次呢個祇係$35

係最細一個


仲有唔同size架,有中有大添!


我買呢個係最細,一來唔阻地方


二來可以整個細啲嘅包


一次可以食晒!


 
 


【迷你車輪包】~(食譜按此)


今次係估下估下咁落份量


用咗書嘅三分一份量做



點知多咗啲


所以食譜個份量更改咗


會係1/2嘅份量



整咗出嚟好開心呀


因為細個好鍾意食車輪包


今次可以自己整


呢次用咗直接法


下次試下用中種法整


看看係咪會軟熟啲!!!


 


 


45 則留言:

  1. 1
    [版主回覆04/15/2009 21:33:00](Empty)

    回覆刪除
  2. OMG!
    [版主回覆04/15/2009 21:34:00]你識得玩啦!

    回覆刪除
  3. 2
    [版主回覆04/15/2009 21:33:00]2都要呀?

    回覆刪除
  4. 今日早咗喎 係咪用手搓呀
    [版主回覆04/15/2009 21:36:00]唔係呀,都係三十分,我check咗好多次啦! 係用手搓架,我整包就係鍾意玩搓包!

    回覆刪除
  5. 睇落好鬆軟咁噃!
    [版主回覆04/15/2009 21:37:00]即食都ok,不過無機會等第二日試,因為好細個,大老爺食晒!

    回覆刪除
  6. 好靚, 你真係叻
    [版主回覆04/15/2009 21:42:00]今次唔夠軟熟,再研究下先!

    回覆刪除
  7. 做阿四都好
    [版主回覆04/15/2009 21:43:00]唔緊要啦!

    回覆刪除
  8. 整出尼後
    好可愛呀~!!
    [版主回覆04/15/2009 21:44:00]係呀,好細個好得意!

    回覆刪除
  9. ok啊 都唔會好迷你啊
    咁最大size裹個有幾大呢~
    車輪包.呃 未食過呢 呢邊好似無~~
    [版主回覆04/15/2009 21:45:00]手掌大少少咋,仲唔迷你呀? 最大會俾平時見啲再大啲! 呢啲係香港包!

    回覆刪除
  10. 我4月頭去的時候 , 老闆娘話裝修慢咗要遲D 4月中先開喎 !
    車輪模我曾經想在 "心甜"買 , 但因為太貴唔捨得所以冇買囉 ! 
    [版主回覆04/16/2009 06:47:00]開咗啦,噚晚去做瑜伽之前去逛逛,好失望,無乜嘢買,啲貨又同隔離有好多相似,我想買嘅金桶都無得買!

    回覆刪除
  11. 如果唔用呢個模得唔的呢? 不過我都傻傻地唔用又點係車輛包
    [版主回覆04/16/2009 08:08:00]早晨呀,無車輪模.........搵繩紮住佢得唔得呢? 

    回覆刪除
  12. 呢間店鋪係油麻地邊度 ?
    [版主回覆04/16/2009 08:07:00]陳枝記(向旺角方向)行前一個街口! 佢啲嘢有時平過陳枝記架!

    回覆刪除
  13. 嘩!車輪包你都識整,真係佩服佩服呀....
    女人真係咁,行行下就會買到心頭好㗎嘞...
    [版主回覆04/16/2009 08:06:00]早晨呀,有車輪模就得啦! 行街買嘢係我最大嗜好! 

    回覆刪除
  14. 勁呀, 如月連車輪包都識整........
    [版主回覆04/16/2009 08:06:00]早晨呀,有車輪模就得啦!

    回覆刪除
  15. 所以話女人得閒行下街就有平野...都唔知幾慳家..
    [版主回覆04/16/2009 08:09:00]早晨呀,但係唔行街仲慳得多喎! 

    回覆刪除
  16. 整得好靚 bor, 細個時, 媽咪都會買車輪包比我地食架, 我鐘意搽牛油食
    [版主回覆04/16/2009 08:09:00]早晨呀,細個好窮,無牛油搽架!

    回覆刪除
  17. 我細個都好鍾意食車輪包啊,你整得好靓!
    [版主回覆04/16/2009 06:35:00]你唔好氹我啦!

    回覆刪除
  18. 見到你個車輪包,我諗起我媽咪同老公有個笑話。
    話說有日,我媽咪無情情發牙痕係度講…
    媽咪:好想食車輪 鮑 ,細個時伯伯識人買所以平好多,成日都有得食。
    老公個樣好豪:車輪 包 咋,你想食我請你食囉。
    媽咪好唔客氣加好為食咁:好呀好呀,好似呀邊個話識人攞平d架!
    老公仍然好型仔咁講:車!值幾錢呀,唔駛麻煩人啦,你想食幾多去買,入我數!
    哈,大家都係度睇緊好戲在後頭,得我一個知我老公唔知我媽咪講緊係 鮑 ,唔係 包 呀,老公,你唔好口輕輕呀,好大鑊架!
    [版主回覆04/16/2009 06:34:00]哈哈哈.......... 我呢世人都係食過一次車輪鮑咋! 好記得嗰次架,因為要開OT,所以生日都要開到十點先返屋企,無得慶祝! 點知我返到屋企,大老爺唔聲唔聲,買咗罐車輪鮑煮俾我食,我食咗成半罐呀! 

    回覆刪除
  19. 提子麵包?????驚驚!!!!!
    [版主回覆04/16/2009 06:30:00]乜你都有嘢驚架!    細路先唔鍾意食提子喎!

    回覆刪除
  20. 車輪包我細時好鍾意食架
    [版主回覆04/16/2009 06:30:00]我又係鍾意食車輪包,其實我係鍾意食無餡嘅包架!

    回覆刪除
  21. ∞∞∞∞∞∞∞∞∞ Ðädä ∞∞∞∞∞∞∞∞2009年4月16日 上午8:38

    迷你即係短左咋
    [版主回覆04/16/2009 06:29:00]唔係,係全個都縮細咗!圓周都細好多,呢個似一個水杯咁瘦!

    回覆刪除
  22. 比足十個叻你! 你真係好有心機整野食呀!
    [版主回覆04/16/2009 08:05:00]收晒! 因為大老爺一句話囉!

    回覆刪除
  23. 個模好抵呀,妳個包包好似買甘呀
    [版主回覆04/16/2009 06:10:00]係呀,貢細個先貢平咋! 個包未夠軟熟!但真係似買嗰啲架!

    回覆刪除
  24. 早晨早晨! 好叻呀你,車輪包你都識整,重整得好似出面買咁靚.
    我細個至現在好鍾意食車輪包架,你又搞到我心思思想去買番個模整車輪包添.
     
    [版主回覆04/16/2009 06:28:00]其實學識整包,就好多都識,但我仲要學習架! 車輪包唔難,就係要個模咋,俾我搵到個細模...哈....

    回覆刪除
  25. 早晨!喂你又咁早呀,今朝yahoo又儍儍地,我用咗半點鐘才回復正常操作!
    [版主回覆04/16/2009 08:05:00]日日都係咁早架!  我今朝用又無乜嘢喎!

    回覆刪除
  26. 整得咁辛苦,得果幾片,我真係佩服您這份熱誠~
    [版主回覆04/16/2009 08:04:00]早晨呀,囡囡唔使返學都咁早? 可能仲有好多嘢你要佩服我架! 

    回覆刪除
  27. 車輪包好靚呀!
    [版主回覆04/16/2009 08:51:00]早晨呀,唔好咁讚我啦! 

    回覆刪除
  28. 焗麵包.......心心都未試過,  搵日去睇o下o的材料先.........
    [版主回覆04/16/2009 10:50:00]焗麵包好好玩架,包你一玩上癮!

    回覆刪除
  29. 我細細個時就好鍾意食車輪包 因為可以切開一塊塊同細佬妹一齊分嚟食
    但我記得以前嘅車輪包 係有d甜嘅好似柑桔皮係包入面喎
    [版主回覆04/16/2009 10:50:00]原來咁多人鍾意食車輪包架,不過而家好少有得買! 唔係間間做車輪包都會用果皮架,有果皮啲包我怕怕...

    回覆刪除
  30. 早晨...唔行街收埋自己...唔好...有靚野出街曬下...又唔係一定買貴野...
    [版主回覆04/16/2009 10:48:00]我同你可能唔同,一出街我一定會買嘢洗錢架! 

    回覆刪除
  31. 我都係因為模貴,所以無買到。依家你有好介紹,其實响邊間買呢?
    [版主回覆04/16/2009 10:48:00]你同我一樣,太貴無係二記買,我係萬記買架,即係陳枝記前一個街口!

    回覆刪除
  32. 我細時都好鐘意食車輪飽, 重要係無提子乾的, 但家陣都找不到無提子乾的車輪飽, 學下妳自己整先.
    [版主回覆04/16/2009 10:47:00]你又係咁呀?咁就自己整番個無提子啦!

    回覆刪除
  33. 喂, 包包好靚啊! 再深些少色會吾會靚D呢????個模的統好出. 我那個紋太淺, 所以吾多覺輪圈的紋
    [版主回覆04/16/2009 10:46:00]係呀,我都咁覺得,應該焗多5分鐘,因為係第一次整,未知點控制個時間,下次應該會好啲! 係喎,呢個模又幾得喎,size啱啱一個人份量!

    回覆刪除
  34. 因為大老爺一句話囉!  ------
    [版主回覆04/16/2009 11:05:00]未開blog之前,我成日話減肥,晚晚煮咗飯都無食架(食米粉)! 佢曾經話過我:乜你減肥唔食晚餐之後,煮啲嘢咁難食架????? 所以"的"起心肝上網search食譜,想煮啲好嘢俾佢食囉,咁就開始咗我寫blog呢個新里程啦! 

    回覆刪除
  35. 睇幅圖唔似咁迷你 原來只係手掌咁大 你有冇買多幾個呀 大老爺都要食架   話時話 妳而家煮食咁叻 大老爺有冇讚妳呀?
    [版主回覆04/16/2009 11:54:00]哈哈........唔記擺啲嘢做比例添! 我買咗一個玩下咋! 大老爺好同壞嘅都擺係心度架,佢唔會讚我架,窒我就會!

    回覆刪除
  36. GOOD MORNING
    [版主回覆04/16/2009 11:52:00]早晨呀,小丸子! 

    回覆刪除
  37. 食飯未呀!我先比你食個甜品!等你甜一甜,笑多幾笑!
    [版主回覆04/16/2009 12:47:00]你整咗啦!係咪好易整呀,但你好似係用糕包住喎,唔係椰絲嘅?

    回覆刪除
  38. 你真係叻啦,返工都有時間整咁多o野食﹗
    [版主回覆04/16/2009 15:43:00]呢啲係假期整架,不過分開出咋!夜晚邊有時間呀!

    回覆刪除
  39. 犀利,佩服 !!
    [版主回覆04/16/2009 15:43:00]好易整架,唔難!

    回覆刪除
  40. 犀利!!犀利!!又有新出品! 車輪飽~~~我自細鐘意食!
    [版主回覆04/16/2009 16:29:00]為咗你地,我好俾心機搵新嘢架!   原來車輪包係咁多人嘅回憶!

    回覆刪除
  41. 如月:想問下萬記係邊蔗我SAT會去油麻地??THANK YOU
    車輪包好正,仲以為出面買
    [版主回覆04/16/2009 16:29:00]萬記係陳枝記(向旺角方向)前一個街口!

    回覆刪除
  42. 濃情朱古力碰上士多啤梨2009年4月17日 上午12:32

    WOW..你整d包包真係好吸引呢..岩岩出爐更好味呀
    [版主回覆04/16/2009 16:39:00]係架,不過呢個仲唔夠軟熟!

    回覆刪除
  43. 準備收工啦!!!!!!!!!!!!!!!!
    明天friday咁又一個week啦!!!!!!!!!!!
    [版主回覆04/16/2009 17:03:00]係呀,但係仲有25分鐘! Sat入元朗呀! 

    回覆刪除
  44. 哇…如月,你真係好叻呀!
    我仲未敢學整飽呀!唔敢自己一個人整…驚失敗…
    間嘢個地址係邊?
    [版主回覆04/16/2009 17:24:00]我都係學緊咋,但做咗成年都係學緊! 正確地址唔知,係油麻地文明里出口,行番落上海街右轉就見啦,叫做萬記!
     

    回覆刪除
  45. 個模好抵喎......整得好正呀 !
    有日哥哥話要食車輪飽, 我同二姐都話個間飽飽唔好食, 但哥哥一定要食, 最後都買左, 但我同二姐都話聞到都唔想食......我都搵日去買個先 !
     
    [版主回覆04/17/2009 06:14:00]咁仲唔快啲去買番一個中size,早知嗰日幫你買,聽日俾你啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^