2009年4月13日星期一

演唱會!!!


12~April~2009(日)


天晴


20C-25C


又話星期一、二天氣會唔好



~演唱會~

呢個名詞對我來說已經好陌生


記得拍拖都聽過幾場演唱會


亦睇過無數電影


 
 


自從有咗小朋友之後


我嘅生活都係圍繞住啲小朋友


電影都係睇佢地鍾意嘅


到現在佢地都會約自己啲fd睇戲


但我依然無戲睇


一來而家啲電影唔係套套都好睇


而且戲票都幾貴



前排有幾套戲我好想睇


向大老爺提出


佢都冇聽入耳,完全無反應


係咪嫁咗佢之後


再無需要理會我嘅要求呢?



佢成日話就我


但有邊樣嘢係以我為中心


有邊樣嘢為我而做呢?


食飯佢會問啲仔女想食啲乜


睇戲佢會揀仔女鍾意睇嘅戲嚟睇


去旅行會遷就仔女鍾意嘅



呢十幾年


佢都無問過我有邊套戲想睇


亦無諗過陪我去睇


佢想睇戲佢會去租碟


有時我會想


我地除咗係大家都鍾意大家之外


好似各自各生活咁?


一同佢講啲正經嘅心事


佢就會借意走咗去


唔會正正經經咁聽我講嘢


  有時我諗


點解我嘅生活祇係買餸煮飯洗衫搵位?


完全無娛樂嘅?



噚晚係細妹叫我陪佢


佢好鍾意聽區瑞強,視佢為偶像


而我都鍾意聽但就無諗過去聽演唱會


因為大老爺都無諗過陪我去


雖然唔係紅館


係文化中心仲方便




區瑞強兩年無開演唱會啦



有恆生咭有九折添



個舞台係四面架,上次細妹坐係後


成晚都係望住人地個背脊



今次我地坐樓上嘅正面


最衰自己無靚相機


祇係影到咁咋






Albert成晚唱咗好多首唱呀


仲有好多隻合成雞尾歌



仲有神秘嘉賓~詹瑞文



Albert Au嘅歌後生仔女一定唔識


但我覺得以前嘅歌真係百聽不厭


而家啲新歌好難上口


又難記又難唱


有樣好奇怪


居然都有好多父母帶埋小朋友嚟聽


啲小朋友居然聽得津津有味


11點就散band囉!


22 則留言:

  1. 1
    [版主回覆04/12/2009 21:36:00](Empty)

    回覆刪除
  2. 2
    [版主回覆04/12/2009 21:36:00](Empty)

    回覆刪除
  3. 佢唔知星期?夜晚係個收音機唱歌架
    [版主回覆04/12/2009 21:39:00]Jo姐話係星期日呀!不過過唔過10點先?

    回覆刪除
  4. 區瑞強D歌我都好鍾意聽呀
    其實妳想人陪妳去睇戲 搵我都得架
    [版主回覆04/12/2009 21:44:00]唔係睇同唔睇嘅問題,係佢心目中有冇我存在啫?

    回覆刪除
  5. 係9:00-12:00呀 而家去聽啦
    http://www.rthk.org.hk/rthk/radio2/reunion/20090412.html
    [版主回覆04/12/2009 21:54:00]即去!

    回覆刪除
  6. 今晚嘉賓係蘇姗呀
    [版主回覆04/12/2009 21:58:00]點解聽唔到嘅?

    回覆刪除
  7. 復活節快樂!
    [版主回覆04/13/2009 08:16:00]復活節快樂!!!

    回覆刪除
  8. 在我記憶當中
    暫時就只記得佢有三份一首既
    [浪淘沙]
    ***
    ......仲有那首
    [綠陰裡, 草坡上....]巳唔記得個名lu~
    [版主回覆04/13/2009 08:17:00]你嘅記憶中,都係呢一兩年嘅新歌,係咪?

    回覆刪除
  9. 我都鐘意AlbertAu 的歌,好舒服的,百聽不厭!老實人性格的老公通常都唔識生活情趣,妳可以主動安排妳的節目,然後叫他參加,溝通很重要。我老公都係唔識生活情趣,要我告訴他的。真係唔浪漫的。
    [版主回覆04/13/2009 08:19:00]區瑞強嘅歌好好聽,佢個樣都係十幾年不變! 我唔知,佢真係一個超級老實人,今朝叫佢陪我食早餐,佢話要拖地喎,我連個地都比不上呢!

    回覆刪除
  10. 我都好中意 聽舊歌嘎 覺得好似有味道D
    區瑞強啊 好似好少聽佢D歌tim 我細細個 嗰陣成日聽 阿sam 聽佢D歌聽大

    回覆刪除
  11. 你好似有好大感觸喎! 區瑞強我都好鐘意聽佢d歌㗎!真係百聽不厭!好舒情!
    [版主回覆04/13/2009 08:26:00]大老爺成日都係咪,佢話行商場,我唔鍾意都諗住同佢行,點知佢同我講,你去做乜呀???????   你話激唔激氣呀   放假連行商場都唔會預我份,都係佢有佢我有我! 今朝叫佢陪我食早餐,佢居然話要拖地喎! 想同佢溝通下,講下我嘅感受,講唔到第二句,佢又走咗去,我可以點做,唔係度呻人都顛呀!

    回覆刪除
  12. 區瑞強歌好正喎...好有 FEEL...
    [版主回覆04/13/2009 08:27:00]以前嘅歌,好似陳百強都係好好聽,好有feel架,好舒情!

    回覆刪除
  13. 我都鐘意區瑞强嘅靚聲呀,聽完個人好平靜舒服!!!!!!!!!!
    [版主回覆04/13/2009 08:27:00]乜你咁後生都鍾意聽咩?

    回覆刪除
  14. AlbertAu 啲歌真係好好聽架!令人好舒服的,真係百聽不厭架!
    我的愛人何嘗唔係吖.真係完完全全冇晒生活情趣.,重覺得自己係工人24小時隨時候命.
    [版主回覆04/13/2009 08:29:00]大老爺成日都係咪,佢話行商場,我唔鍾意都諗住同佢行,點知佢同我講,你去做乜呀???????   你話激唔激氣呀   放假連行商場都唔會預我份,都係佢有佢我有我! 今朝叫佢陪我食早餐,佢居然話要拖地喎! 想同佢溝通下,講下我嘅感受,講唔到第二句,佢又走咗去,我可以點做,唔係度呻人都顛呀!

    回覆刪除
  15. 點解演唱會開始左都仲可以影相既?  我上次去睇王力宏 & Orchestra 團既演唱會時,好多工作人員唔俾我地影相哦 ~  搞到我影張相都好似做賊咁 ~ 
    有好多戲,我老公都唔會同我去睇,類似日劇、韓劇,我唯有自己一個人去睇,又或者姪女叫我陪去睇,我都無問題!  反而我就覺得結婚之後,老公長氣左好多,成日同我講大道理,又鐘意哦我,會覺得少少煩!   ( 好似唔多知足    )
    [版主回覆04/13/2009 12:17:00]演唱會話唔俾人影相,但個個都咁影啦,有啲人攞住大相機影呀!不過係唔俾攝錄啫! 你無仔女,咁老公梗係陪你啦 我呢,佢唔理我咪唔睇囉,咁都好幾年無入戲院啦! 係呀,你係唔知足,佢哦你即係關心你, 有日搭巴士,我落車先,企係大老爺面前,佢居然見到個仔,問個仔亞媽係邊,佢連我都望唔到呀!

    回覆刪除
  16. 我細個都有聽歐瑞強架!仲走去買個結他学人彈添呀! 佢啲歌真係要諗吓先記得呢! 斜陽伴晚煙,我像歸了倦, 看夕陽伴我過稻田......... 從回舊愛戀,愛情路比千默亂..... 前路太多彎轉....
    [版主回覆04/13/2009 17:17:00]你好細個聽...........咁你一定好後生啦! 好嘢,背得出1/3首喎! 

    回覆刪除
  17. 我都有同感,現在的所謂歌真不是歌,唱完都唔明白內容講乜,有好空處的感覺!
    [版主回覆04/13/2009 17:16:00]新歌無幾多首會聽完有深刻印象喎! 以前啲人填詞真係好有意思架!

    回覆刪除
  18. I also think old songs at least have meaning and much nicer than new songs.  Since your hubby doesn't go with you, you go with your friends to see your own favorite movies lor!!!
    [版主回覆04/13/2009 17:14:00]我都覺得舊歌好過新歌! 我又唔係一定要睇戲,我祇係覺得佢無重視我啫!

    回覆刪除
  19. 雖然我年紀唔大 , 但我都覺得D舊歌真係好好聽 , 重有是歌詞寫得好呀 ...... 我有8-9年冇正正式式去聽歌 ,D新歌大部份都是行過 OR 電視播緊咋 ! 
    [版主回覆04/14/2009 06:12:00]你同我一樣,真係好耐無聽過新歌啦,就算有機聽過,都唔記得,因為啲新歌都係咁上下!

    回覆刪除
  20. 佢係我公司代言人嚟,上年我公司食開年飯佢就做家賓,不過我就覺得一般
    [版主回覆04/15/2009 20:58:00]我就覺佢啲幾好聽!

    回覆刪除
  21. 唔好咁啦!我見你老公都有陪你食早餐丫!
    [版主回覆04/21/2009 14:35:00]唔制呀,淨係食早餐我又無wii!

    回覆刪除
  22. 你喺大老爺銀包度攞錢買喇!唔好眼紅啦!好鬼衰架!
    [版主回覆04/21/2009 15:02:00]佢同我一毫子都分得好清楚架!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^