2009年3月10日星期二

超迷你!!!

9~March~2009(一)


今日都係得15度


係咪好矛盾呢


一凍又想暖一熱又想涼番


人真係難服待


 
 


超迷你


~蕃茄仔~



我份人無乜嘢鍾意


行街買嘢最開心


時裝店,家品店,超巿,乜鬼都行一餐


就連街巿我都好鍾意行


上星期係灣仔街巿


見到呢隻超迷你嘅蕃茄仔



好細粒,真係好細粒,同個兩毫子咁大



係咪好Q呢


返到屋企囡囡話好得意


試食之後仲話好好味


$6一磅咋


蕃茄係有益嘅蔬果


食多啲無防,不過我一定浸過水先食!


 


  
  


天氣凍咗


本來噚晚想打邊爐


但仔仔去咗打波


佢無得食唔制架


咁就改咗今晚先打邊爐


今日原來大老爺請咗兩日假(次次請假都唔話我知)


我叫大老爺落嚟街巿幫我拎嘢


好彩佢最終都有落嚟!算佢啦!(冧樣)


 
 


噚日大老爺order

要蕃茄湯底


都係第一次整蕃茄湯底咋


先將個湯底滾咗成個鐘


應該都夠味啦!


~蕃茄紅蘿蔔豆腐湯底~



超級牛魔王


四盒肥牛大老爺都話唔夠


仲要買多半磅



其他火鍋材料



.


.


.


 
 
 
 


點解次次你放假,我都係最後知道嗰個啫


莫非,你覺得無必要同我講?


我唔鍾意呀,雖然係小事


但無理由作為你身邊最親嘅人


都唔知你幾時放假架


我唔喜歡呢種感覺


雖然係好小事


但次次都係咁


令我覺得你唔重視我囉!


 



 


 

48 則留言:

  1. 1
    [版主回覆03/09/2009 21:32:00]恭喜恭喜!

    回覆刪除
  2. 1
    [版主回覆03/09/2009 21:32:00]2姐食咗早餐未呀?

    回覆刪除
  3. 3
    [版主回覆03/09/2009 21:33:00]食完晚飯?

    回覆刪除
  4. 如月我今日都係打邊爐...
    [版主回覆03/09/2009 21:39:00]亞你唔鍾意蕃茄湯底呀!

    回覆刪除
  5. 哈哈~呢D野妳同佢講多幾次就得啦,盲毛都係咁架,成日收咗工其實都可以順便湊埋亞妹放學架,但佢就唔出聲返咗屋企,俾我鬧多幾鬧佢而家都會打個電話俾我先啦
    [版主回覆03/09/2009 21:47:00]鬧又鬧咗咁多年,都唔會改架啦,有時會打去寫字樓先知佢放假架,你話羞唔羞家呀!老婆都唔知個老公放假! 佢係覺得無需要講,佢放工幾點返到屋企我都係唔知架! 以前佢要去姑奶度揍仔返嚟,我就日日係窗口望住佢幾時返!

    回覆刪除
  6. 剛飲咗咖啡啦  我家老爺仲叻 以前去親邊度 話之去北冰洋都好 我都係唔知佢搭邊班機 住邊度咩酒店 確實去幾耐 總之掉低一句 "我xx走啦 大概去xx日啦" 係咁咋
    [版主回覆03/09/2009 21:51:00]咪係囉,有乜理個老婆打去寫字樓搵老公,原來個老公放咗假都唔知架?

    回覆刪除
  7. 哈哈...我冇講過話唔鍾意蕃茄湯底..點解會咁回覆我..... 我一星期有5日都用蕃茄滾魚湯...係我至愛........
    [版主回覆03/09/2009 22:03:00]哈哈....又打錯字,我係話亞仔唔鍾意呀!

    回覆刪除
  8. 我要瞓啦 !!!
    [版主回覆03/09/2009 22:12:00]good night

    回覆刪除
  9. 你家老爺又真係幾"自我"嘅!!!!!!
    [版主回覆03/09/2009 22:16:00]咁你係咪覺得自己好幸福呢!

    回覆刪除
  10. 你好似仲病緊架喎
    ......你打邊爐 !!!!
     
    [版主回覆03/09/2009 22:24:00]無事啦!

    回覆刪除
  11. 我都好鍾意打邊爐呀.....唉吔, 我老公都係差唔多架, 佢放假又係好多時都唔出聲, 朝早睡醒仲見佢係隔離, 咪知佢放假囉.....
    [版主回覆03/10/2009 06:22:00]早晨,乜個個都係咁?

    回覆刪除
  12. 佢可能想比驚喜你呢. 又或者佢老人痴呆次次唔記得啫, 佢應該無心的.
    佢哋真係好牛魔皇, 超多牛
    d蕃茄仔好得意呀
    [版主回覆03/10/2009 06:21:00]早晨,佢就無我心,我係佢心目中有幾重咪知囉,都唔知話咗幾多次都係咁!

    回覆刪除
  13. 好多料吖~~~~
    你仔仔好似成日都出去打波甘噶???
    大老爺請假唔話你知???哼 甘你下次blog聚 唔翻去煮飯都唔好話佢知!!!
    [版主回覆03/10/2009 06:20:00]早晨,都唔係,一個星期二三日! 呀,佢又唔介意喎,咁先C!

    回覆刪除
  14. 互相尊重好緊要   SUPPORT妳
    [版主回覆03/10/2009 06:19:00]早晨,佢識得咁就好啦!

    回覆刪除
  15. 仲凍呀!我哋呢边開始暖啦!咁凍打边边就啱晒啦!
    [版主回覆03/10/2009 06:18:00]早晨,遲啲又話暖喎!

    回覆刪除
  16. never mind la, may be he want to give u a surprise le
    [版主回覆03/10/2009 06:17:00]早晨,真係surprise啦,次次都係咁!

    回覆刪除
  17. 如月 妳下次試吓買D大豆芽菜 用塊薑起鑊爆吓 灒D酒 落埋番茄炒一陣再落滾水 用大火滾幾滾先收細D火煲 D湯仲好味架  我以前返工時 想飲番茄煲魚尾豆腐湯 就朝早煎好魚整定哂 滾咗煲十分鐘 熄火返工 叫CY放咗學再繼續煲咋
    [版主回覆03/10/2009 06:15:00]早晨,我而家煲老火湯,都係用真空煲煲咋! 下次我試下!

    回覆刪除
  18. 肥牛基本上係打邊爐既主角, 次次屋企打邊爐四個人都會買兩磅架! 諗起都想去滾吓添!
    星期五又凍過啦! 記得今次要著多件衫呀! 不過你唔駛叫我take care, 因為我foresee得到我星期五之前都會做緊包雲吞高手...
    [版主回覆03/10/2009 06:13:00]早晨,原來有人都係咁,仲以為我家好誇張添! 唔係化,玩咩,星期四回暖,星期五又凍!

    回覆刪除
  19. 早晨呀! 啲蕃茄仔好好甜味架,但現在唔食得呀!
    趁天氣重凍凍地,可以打邊爐,但星期四又回暖.
    [版主回覆03/10/2009 06:11:00]早晨,你咳好啲未,生冷嘢唔好食呀! 今日都暖咗啦!

    回覆刪除
  20. 你又換左個好靚既新blog background,我好鐘意喲!
    [版主回覆03/10/2009 06:11:00]早晨,係呀,你俾個mail我,我send幾個俾你呀!

    回覆刪除
  21. 您家老爺又真係......唉~~~~
    [版主回覆03/10/2009 07:49:00]所以話呢,一家唔知一家事!

    回覆刪除
  22. 緊係未啦!尋晚咳到冇得瞓呀!
    [版主回覆03/10/2009 08:21:00]有冇上網search下有乜良方呀?

    回覆刪除
  23. 如月唔好嬲
    原來咁多人d 老公都係咁
    我老公都一樣
    我打佢去公司
    佢同事問邊位找,
    你話我點答
     
    [版主回覆03/10/2009 10:17:00]我無嬲,係無奈啫! 點解咁小事都唔肯為我而改?

    回覆刪除
  24. 唉, just think of his good side lor.... as you say, he is so used to it!!!
    I love to go supermarket or market shopping too!!!
    [版主回覆03/10/2009 11:41:00]我無嬲佢呀,我仲好鍾意佢架,祇係成日俾佢激我咋! 係呀,佢終於都有搭車去街巿等我呀!

    回覆刪除
  25. 嘩~ 大老爺呢個習慣真係唔要得喎!  連羊爸都話要 '打鑊佢' 喎!
    不過, 我都相信佢呢 d 價值觀/ 習慣真係唔易變. 認真 d 話佢聽妳的感受, 有用嗎?
    打邊爐 ....... 我地好少 lu. 有兩隻羊成日攪攪陣, 顧得佢黎都食唔到啦~ 人多的話, 還可以! 但, 你地真係食到咁多牛肉架? 我地兩公婆, 妳的一盒就夠晒了~  湯底呢~~ 我試過用 '羅未湯', 好正呀!!!
    [版主回覆03/10/2009 11:43:00]無法喎,改佢唔到,仲有啲仲激氣架,無謂講啦! 你講得啱,咁大個男人佢嘅價值觀係唔會咁易改變!有講過架,佢會好一兩次,之後又係咁囉! 等佢地大啲咪可以囉!

    回覆刪除
  26. 你兩個好似夠通唔夠喎!兩公婆都咁耐,仔女都咁大個喇!應該係要互相關心對方㗎!你地又唔係盲婚啞嫁,點解佢放假都唔話你知㗎!雖然係多年夫妻,但都唔係咁囉!
    [版主回覆03/10/2009 11:44:00]唔係溝通唔夠,係無得溝通,因為佢係唔會為我而改嘅,那怕你同佢講一百次都係咁架!

    回覆刪除
  27. 係 '羅宋湯' 至真
    [版主回覆03/10/2009 11:45:00]稀得滯唔似羅宋湯喎!

    回覆刪除
  28. 可能佢係臨時請呢!佢老闆一定係第一個知,咁你就係第二個,佢可能覺得放咪放囉,又無諗住去邊,懶得開口啩!
    咁你有無問佢做乜成日都係咁呀?
    [版主回覆03/10/2009 11:47:00]唔係架,你唔明架啦,佢習慣唔講架!有問佢唔會答我架!

    回覆刪除
  29. hi ! 因為有一個朋友話比我知, 我地個網名一樣, 所以走來睇下, 你個BLOG 好多美食 , 你既廚藝一定好了得.
    [版主回覆03/10/2009 11:50:00]唔係化,咁都有一樣? 我舊年5月開blog時用自己嘅中文名改的! 你又點解用呢個名呢? 我嘅廚藝一般咋!~

    回覆刪除
  30. 成日在主席的 BLOG 見到你拿第一,所以過來看看 ! 先知道主席都係成日在你這裡拿第一
    D 蕃茄仔要浸過先食係唔係怕有農藥
    [版主回覆03/10/2009 11:51:00]主席已經係我朋友啦! 攞第一好開心架! 啲提子呀,蕃茄都會浸水一排先食架!

    回覆刪除
  31. 好多好多...料呀!!  正正正~~ ^^  蕃茄湯係我至愛...咔咔! ^o^ 
    [版主回覆03/10/2009 12:10:00]梗係正正正啦!

    回覆刪除
  32. 咁你會唔會覺得佢好有情趣㗎!你會唔會成日唔開心㗎?
    [版主回覆03/10/2009 12:11:00]佢絕對無情趣,我愛浪漫佢唔識,我要人氹佢又唔會!都唔會唔開心,以前多啲,寫咗blog多咗人關心好啲啦!

    回覆刪除
  33. 真的嗎,我多數都係洗一洗就食,咁我一定食左好多農藥,點算
    [版主回覆03/10/2009 13:32:00]連皮食嘅我一定會浸架!

    回覆刪除
  34. (Empty)
    [版主回覆03/10/2009 14:38:00]食咗啦!蕃茄蛋牛肉豬膶湯飯!

    回覆刪除
  35. 咁多肉..食唔得食0麗??
    咁你咪主動的問佢...幾時放假。
    [版主回覆03/10/2009 14:39:00]食得晒! 點問呀,日日問呀?

    回覆刪除
  36. 聽到流口水 正
    [版主回覆03/10/2009 14:58:00]幾好味架,無帶飯叫外賣的!

    回覆刪除
  37. d 蕃茄仔咁 cute, chloe 見到實要食好多粒 ....
    其實 ..... 你老公會唔會想比驚喜你, 帶你去某個地方呀 ?
    [版主回覆03/10/2009 16:24:00]我囡囡都話好食呀! 無喎,佢唔識咁做,從來都無驚喜架!佢唔識浪漫,佢祇係唔覺得需要啫!

    回覆刪除
  38. 我上星期6都打邊爐呀
    [版主回覆03/10/2009 16:58:00]本來係星期日打架,但仔仔打波咋!

    回覆刪除
  39. 嘩!!!4盒牛肉到唔夠食, 你地真係好鍾意食~好勁
    [版主回覆03/10/2009 16:58:00]我無份架,佢地三個咋!

    回覆刪除
  40. 蕃茄仔我都鍾意食,而且營養價值高好味 ~
    你咁鍾意用牛嚟打邊爐,點解唔買新鮮肥牛,係鮮甜好多 ~
    最後...我諗大老爺係想俾驚喜你...你唔好唔高興啦
    [版主回覆03/10/2009 19:55:00]蕃茄真係好有益架! 有架,我買開都係牛肉檔切嘅新鮮肥牛,大老爺想試下邊隻肥牛好食囉! 佢無驚喜俾我架€!

    回覆刪除
  41. 我係舊年8月先開始寫BLOG, 我將個中文名分為二, 變成如月.
    你好勤力, 差不多每日都寫網誌.
    [版主回覆03/10/2009 19:54:00]我都係將個中文名分開為"如月"架,因為我唔想個BLOG名無意思囉,乜我地個諗法都一樣嘅?

    回覆刪除
  42. 嘩, 你地真係超級牛魔王, 不過 me too
    [版主回覆03/10/2009 21:02:00]唔包括我呀,我一塊都唔食架!

    回覆刪除
  43. 甘多牛牛都唔夠呀
    [版主回覆03/10/2009 21:11:00]我唔制呀,都乜係我煮緊飯時候出BLOG呀,又攞唔到第一啦! 啲牛肉我一塊都無食架!

    回覆刪除
  44. 你屋企真係個個都係牛魔王呀
    [版主回覆03/10/2009 21:11:00]我一塊都無食架!

    回覆刪除
  45. 咁細粒可以當糖咁食都得!
    [版主回覆03/11/2009 14:09:00]都幾甜架!

    回覆刪除
  46. 你咁樣講, 我地應該係中文名相同, 諗法思維都相同.
    寫blog 真係好得意, 我揾到你, 與你同名既, 另外, 我又識得一個網友, 係同月同日生日既.
    [版主回覆03/11/2009 14:43:00]我都相信係相同! 世事好神奇架!

    回覆刪除
  47. 世事好神奇架!
    係好神奇, 你就成為我既網友, & 已訂閣左你.
    [版主回覆03/12/2009 22:37:00]多謝你先,你第一次入嚟我見到都問自己有冇眼花!

    回覆刪除
  48. 我都係好鐘意打邊爐架!  但依家既天氣好似唔多適合囉 ~~
    其實大老爺有無一張更紙?  既係記載返工既日子,例如返幾點、放幾點之類既?  我老公每個月都會有一張呢 d 更紙,所以我會預早知道佢成個月返工、放假既日期啦! 
    [版主回覆04/07/2009 22:13:00]梗係無啦,佢返朝九晚五架,但係放工就無定時幾時返架!放假佢又唔多同我講架!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^